الحَـآآجةُ اُم الإخترآآع ... طبخه سريعه للمغتربين :>
بسم الله الررحمن الرحيم ..
اخواني واحبائي المبتعثين :
شخباركم , ان شاء الله مرتآحين :..
وش أخبآآر الدراسه معكم , ان شاء الله كل شي تمآم .:..
الزبدهـ : هذي طبخه من الزهق اللى فيني ومن الملل اللى جاني من أكل العوائل ..
والصووص الاسود اللى ذبحونا فيه ( يشتهرون فيه اهل بريطانيا )
فـ مع الخربطه في المطبخ قلت خلني اسوي هـ الاكله السريعه والخفيفه اللى وهي ..
(
البيض بالدجاج ) ..
اول شي :
نقطع دجاج قطع صغار جدا , او شرايح و نقطع بصل قطع صغار .. !!
ثاني شي :
نآخذ بيض " على حسب الرغبه " .. ونكسرها ونحطها في صحن ونحركها اللين تزين ك العآدهـ
ثالثاً :
نحضر مقلاة ..
بعدين
نحط فيها زيت أو زبدهـ .. على حسب الرغبه نحط البصل و الدجاج على المقلاة وونقلقله اللى تحس انه بيستوي بدون ما يحترق
بعدها نحط :
دقوووس " اذا موجود طبعاً " .. هو اللى يحليها ..
بعدين
نسكب البيض على الدجاج , وتحرك وحط ملح " اساسي ", وبهارات اذا تبي ..
واذا تبيها في الدمااغ على طول ,
خل البيض نص استواء ..
**
وفي الاخير ,
حطها في صحن ..
وبالهنا والعافيه
.. على قلوبكم حبايبي
..
ولا تنسووون
كوب شاهي بالنعناع .. !!
**
وللأسف الشديد , اني تسيت اصور
لكن الطبخه الجايه , بصورها ان شاء الله
حُبي وتقديري لكم أحبتي :
عبدالمحسن ..