08/06/2002, 09:01 PM
|
| زعيــم فعــال | | تاريخ التسجيل: 27/05/2002
مشاركات: 391
| |
|
بطولات الزعيم مزيفة وهذه الادلة ؟؟؟؟؟؟
السلام عليكم احبتي زوار منتدى الزعيم :
اولا اهنئكم ببطولة من مجموع البطولات المزيفة للزعيم الا وهي بطولة الدوري ؟؟
ثانيا : لو استعرضنا مشوار الزعيم منذ معرفتي به عام 1400 هـ لوجدت ان جميع بطولاته التي حصل عليها مزيفة وبمعاونة من التحكيم او دعم من ؟؟؟؟؟؟؟؟؟؟؟
المهم نبداااااااااا
:rolleyes
:اولا منذ ذلك العام وانا الاحظ ان اللاعب العالمي ريفلينوا يستاهل الشطب حتى من منتخب البرازيل اجل يروح يخطي على لاعب النصر بن دحم تدرون ليش هذا اللاعب الي هو ريفووو قام يرد على حركة قام بها اللاعب عدة مرات ولم يحرك الحكم ساكنا فراى من باب رد الاعتبار ان يقوم هو بالانتقام ههههههههههههه ثم قام الحكم بطرده بعد بعد يا ريفو ما بقى الا هي هذي وحده .......
اتذكر مباراة الهلال والاتحاد في جدة وقام بعض لاعبي الاتحاد بحركات سخيفة مع ريفلينوا ومن بعدها اوقف ريفلينوا ثلاثة اشهر وراح اروع لاعب مر على تاريخ الكرة السعودية ايه يا ريفوا لو توطوا ببطنك وش تبي اسكت ولا تحرك ساكن.............
واتذكر عندما قام الحكم عبدالله الناصر باحتساب ضربة جزاء للاتفاق لان الدايل رفع رجله ليه يالدايل اذا بغيت تمسك كورة ثبت رجليك على الارض لو تصبخ على وجهك بس لا ترفع رجلك مثل كل الحراس .....
اتذكر اللا عب ماجد كان يقفز من بعد مترين الى منطقة الجزاء الهلالية وبلنتي من حقه ليش تزعلون تدرون ان نص اهذافه في الهلال بلنتيات ...
اتذكر مواقف الاتحاد السعودي مع الزعيم ايام رئاسة الرجل الفذ عبدالله بن سعد عليه رحمة الله ..... طيب وش تبون هذي الرئاسة وهي حرة بعد ,,,,,
اتذكر ان الدوري الممتاز غير الى مربع ذهبي وتاكدوا مليون في المائة ان التغيير ضد الزعيم لانه هو الاول وعشان فرق لم تربح تستلم ولو بطولة انا ما ادري وش يبي الزعيم ؟؟؟؟؟؟؟؟؟
اتذكر ان الزعيم لم يلعب مباراة نهائية على ارضه من اكثر من عشر سنوات عدى كاس المؤسس مع ان النظام يقول ان الاول له الاحقية في اللعب على ارضه ومع ذلك اقول يا زعيم وش دخلك العب في اي مكان حتى لو طريف لو قالوا لك ؟؟؟؟؟
اتذكر ايقاف سامي والثنيان مباراتين عشان حضرة فريق النصر يبي يلعب مبارتين معك وسامي كان اخذ احمر ويوقف مباراة قالوا لا لازم مباراتين ههههههههههههههههههههههههه والثنيان ضرب كوع للاعب وما شافه الحكم وشافوه هم حلووو العين تفتح على الرغبة المهم حضروا الثنيان وسمسم وحقق معهم وبعدين يا زعيم غصب تبيهم يلعبون لا خل النصر ياخذ راحته ؟؟؟؟؟
اتذكر ان هناك كانت مباراتين للمربع الذهبي وكان الزعيم يقابل النصر قالوا مباراة بس طيب واقول وش حضرتك يا زعيم مباراة وخلك ساااااااكت ؟؟؟؟؟
اتذكر ايقافات بالجمله للاعبين هلالين بدون ذكر اسماء من باب عدم الاحراج وقام لاعبون من اندية اخرى بنفس ما فعل لاعبوا الزعيم وما اوقفوا طيب وش تبون يا لاعبي الزعيم غصب تلعبون معصي ؟؟؟؟
اتذكر وشلون الهلال كان يبي ينظم نهائيات اسيا لانا تقام في غرب اسيا دوريا ومع ذلك ما سلم الزعيم حتى من المندسين في الاتحاد الاسيووي واقيمت هناك والله خوووش يالزعيم حتى الاتحاد الاسيوي ما سلم منك ؟؟؟؟
اتذكر وسامحوني على الاطالة وترى هذي امثلة ولا الخافي اكثر ... ان اللاعب النصراوي شق راس شريدة ومع ذلك ولا تقرير من حكم المباراة والثنيان لمس لاعب الشباب ومباراتين والله حاله لازم نوقف كنيدي لا هو اهم من شريدة وش تبون حنا حرين الرئاسة ورئاستنا ...........
انا اتحدى يطلع علينا مسؤول ويبرر فرق التعامل بين الحادثتين ؟؟
اتذكر وهذا قريب موقف الرئاسة من لاعبي المنتخب والنسبة المضحكة 30 % ولا عمرها حصلت في العالم وخسر على اثرها الزعيم بطولة عربية ...
المهم ما قلته يمثل نقطة في بحر الظلم الذي تعرض له الزعيم ومع ذلك اقول ان بطولاتك يا زعيم مزيفة وش تبي بعد تكوش على كلش لا لازم العدل بين الفرق اركد وخلنا نوزع البطولات براحتنا يكفي سوينا المربع الذهبي عشان تفارقنا ولا تشغلنا ببطولاتك ؟؟؟
اقول يا جماهير الزعيم افرحوا وافتخروا ترى ما فيه بطولة وتاخذونها الا من عنق الزجاجة يعني بقوتكم تاخذونها لان التيار كله ضدكم ؟؟؟؟
وما بغيت اتعرض لمهازل التحكيم ووقوفه ضد الهلال ( عفوا مع الهلال ) ليش لاني ابي منتدى كامل لعرض المهازل التحكيمية ؟؟؟؟؟
شكرا لكم والله يحفظكم ويرعاكم .............. |
الوضع العادي
