اليوم العصر رحت للنادي.. شوووفوا من قابلت.. وشوووفوا رسالته لكم
حيـــــــــــــاكم
يا الله انك تحييهم كلّن باسمه 
البارح ياجماعة الربع
رجعت من الملعب وانا متنرفز 
خشمي ( مطنقر ) وطاقتني ام العبيد 
وفتحت المنتدى وتنرفزت اكثر
واكثر شي جاب لي فورة الدم..
لقيت عضو مسجل من 2004 وماله الا موضوع واحد يحش فيه بإدارة عبدالله بن مساعد ذاك الوقت..
وامس هالحبيب بعد خمس سنين نزل موضوعه الثاني يحش فيه ادارة عبدالرحمن بن مساعد
يعني حاط دوبه ودوب عيال مساعد فقط لاغير.. ويتصيّد عليهم الزلات
ونفس الكلام في الموضوعين تقريبا.. حتى نفس العنوان 
الموهيم.. مالكم بالطويلة 
اليوم من صباح الله وانا كل ما فيني يتأبّط شرّا
واحتري الدوام يخلص علشان اروح اشوف لي حل مع هاللي فشّلونا البارح في الملعب
وبعد صلاة العصر ركبت الموتر وعلى بلد العريجا ودّيني 
وانا في نفسي متحلّف باللي راح اشوفه من اللاعبين او الجهاز الفني 
ناوي أزبد لهم واصكّهم بوحدة انتم (لاتفقهون .. لذلـــك.. عليكم بالصمت) ومو بعيدة بعد اني اربّي اللي ماتربّى فيهم 
الموهيم.. وصلت النادي ودخلت
توقعوا من اللي طحت فيه ؟؟
هالحبيب 
7
7
والله العظيم اني رحمته.. دخلت عليه وهو يحبرش في سيارته قلت :
عطوووووني الحسيني انفجع المسكين وبدون وعي رد :
سسسسسم طال عمرررررك ضحكنا شوي... ثم عرّفته بنفسي وسألته :
وش عند اللاعبين يوم الجمعة يابومحمد ؟؟
قال :
كل خير بإذن الله.. تفاءلوا بالخير
قلت له :
وين نتفاءل معه عقب اللي شفناه البارح ؟؟
قال :
يابن الحلال هذا شي مكتوب.. كلنا ماتوقعنا هالمستوى ولا النتيجة
قلت :
ليش مالعبوا الدوليين ؟؟ المدرب أخطأ في تقديري
قال :
وافرض انهم لعبوا وما فزنا.. بتقول وش هالمدرب الغبي اللي يلعّب ناس مرهقين وتوّهم واصلين من المطار امس.. صح ولا لأ ؟؟
قلت له :
ممكن.. لكن ضاعت النتيجة وفرطنا بالنقاط امام فريق مهدد بالهبوط !!!
قال :
صدقني اللعيبة متضايقين اكثر من أي شخص آخر.. لكن الايام جاية والعوض من الله
قلت :
بكل امانه وش رايك بالاجانب ؟؟
قال :
لو باحكم على سول من مباراة وحده.. اقول لك اسوأ لاعب.. لكن هل فيه عقل ومنطق يقبل بهالحكم الجائر ؟؟ هو حظّه انه بدأ امس مع فريق يعتبر الرديف وكل اللاعبين ماكانوا في افضل حالاتهم.. شي طبيعي اذا ما قدّم المستوى المأمول منه.. لازم نصبر ونحكم عليه بعد عدّة مباريات
قلت :
ابومحمد انت دخلت المنتدى البارح وشفت الحوسه اللي فيه ؟؟
قال :
لا والله وماني حريص على المنتدى ولا على الصحافة.. من بعد اللي صار لمنصور الاحمد وانا متروع وامشي جنب الحيط
قلت له :
طيب يابومحمد عطني رسالة لاخوانك اعضاء المنتدى وانا بدوري راح اوصلها لهم
قال :
اقول لهم.. خوذوا راحتكم وانتقدوا بكل حرية.. لكن خافوا الله باللي تكتبونه.. نقحوا الفاظكم.. وكونوا عقلانيين اكثر من عاطفيين.. اذكر قبل فترة المدرب طلب مني افادة عن مدى جاهزية احمد الفريدي.. وقتها كان راجع من اصابة.. قلت للمدرب انه لسّه مو جاهز ويحتاج وقت علشان يستعيد لياقته.. ورفضت بشدّة مشاركته حفاظا على سلامته..
وكانت المفاجأة من باكر لقيت بالمنتدى ( الحسيني يحارب الفريدي !! ).. ياجماعة خافوا ربكم.. مو كل شي يصير يتم تفسيره بالشكل السلبي.. الامور ما تؤخذ بهالشكل !!!
وفجأة
وفي عز الحوار والسواليف مع ابومحمد
مادريت الا وذاك الرنج الابيض يوقف جنبنا ومثل مايقولون .. ( الذيب عند طاريه )
7
7
نزل من السيارة واحتضن الكابتن عبداللطيف بحرارة.. ثم سلمت عليه
وماعطاني فرصة اسولف معه.. جاي متحمس ويقول للحسيني يالله انا انتظرك في مكان التدريب
واستاذن مني ابومحمد وراح يشوف شغله مع الفيلسوف الصغير
وانا رحت لسيارتي وبداخلي اقول :
الله يوفقكم يوم الجمعة مايستفاد
- اوسع صدوركم شوي بعد ضيقة الصدر اللي امس
- روقوا وخففوا حدة الانتقاد
- ورانا مباراة ديربي يوم الجمعة.. انسوا اللي فات
- ادعوا للزعماء بالتوفيق
.jpg)
الوضع العادي
