ابي حل وش سويت عشان يصيرلي كذا
 

مدخل : انا ادور حل ابي امخمخ نووم >>>> بدووون تدقيق امخمخ يعني اشبع



كيفكم شباب وبنات؟


انا ابي القى حل انا اليوم طلعت من المدرسه الثانويهـ الساعهـ 12,30ظهراً

ورجعت البيت وتغديت ورحت غرفتي فوق انام ولاخذيت 10دقايق الا المضله الي جنب دريشة او شباكـ او نافذة غرفتي تطقطق طقطقه ميهب صاحيهـ


وافتح الدريشه او الشباكـ او النافذه والا عيال جيرانا الخمسه بوجه الدريشهـ
واقول لهم خير

ابناء جيراننا: وش تبي

انا :وش مسوين ازعاج عند غرفتي

ابناء جيراننا: ندور كورتنا

انا :مالقيتو الى هنا يالله الخلاء >>>>تعني اذهبوا وراكم وبعيدا

ابناء جيراننا: انت وش دخلكـ

انا : اقول كل تبن انا اوريكـ بعد صلاة العصر

ومن عقب هذيكـ الساعهـ ماسمعت صوتهم سكتم بكتم


المشكله ايام العطل خميس وجمعهـ الصبح يقومون الساعهـ 7 او8


وانا كل ماقلت لابوهم يقول بزران لاتحط راسكـ براسهم :bigeek: ترى مايشره عليهم


يالله اول شئ الحلووول


ثاني شئ وش اسوي بهم



ثالث شئ باااااااااااااااااي:alzaeem:






بقلــــــــــيـــــــــمـــــي المحترم

هههههههههههههههههههههههههههه ..
اجل اذهبوا وراكم :d ..
/،
والله شف يالحبــيب ، الحل انك ترضخ للامر الواقع وتنوم بكّـــير وتصحى بكّــير وتجاريهم والله المستعان :d ..

مااقول غير الله يعينك الحمد شباك غرفتي بعيد عن حوش الجيران وعن بزارينهم والنومه ماتزين

الا في الظهريه .

بعد اذن صاحب الموضوع اخ مواصل من 1413 وش سر الاسم هذا ؟

مشكووووووريـــن على المرووووووووور


اخ مواصل من عام 1413 والله انا اتوقع اني بخلي عيال عمي الصغار يفقعوون وجيههم ولا



اسير المحبه الموضووووووووع موضوووووووعكـ خذ راحتكـ

:smilie47:
كان هنا مانقدر ننام بدري ونقوم بدري ولا كان ماحطو اجازهــ ؟ خخخخخخ:smilie47::naughty:
:smilie47:

عندي لك حل أكيد ..!


علق على دريشتك صورة تي باغ ..

http://img204.imageshack.us/img204/2...nepperlmr4.png

وحط تحته كم قلب .. ( والحب عذااااااااااب ) :cool:

وأضمن لك ينحاشون منك ولا حتى يردون عليك السلام :D

التجربهـ خير برهان راح اجرب بس اتوقع من يوم يشوفونها يقطعوونها


او يكملوون الرسم قلوب ويكتبون ذكريات
راح اجرب ولا يهمكـ

كأنك تجسد معاناتي :cry:

بيتنا الجدار بالجدار بالمدرسة وغرفتي على المدرسة :bu:

أسمعهم من الإذاعة على مدرس القرآن على مدرس القراءة:bu:

على قليل الأدب مدرس الرياضة نفسي أسجلة ما ينادي الطلاب الا بجميع أسماء الحيوانات:bigeek:

المصيبة أنهم يطلعون فوق الجدار على المظلة اللي على غرفتي وإذا كنت ناسية الشباك مفتوح يقزقزون:bigeek:

فصرت ما أفتح الشباك الا بعد ما تخلص المدرسة:bu::bb:

ثم لين طارت كورتهم على بيتنا أنواع الأجراس :bu:



بس كل هالأزعاج يهون

هاليومين الحفريات ما تخليني أنوم من بعد صلاة الفجر الى صلاة المغربs115s

ومن بعد صلاة المغرب الى آخر الليل تفحيط وأغاني :to: ما يراعون شعوري :lt::lt::lt:

يعني النوم صار حلم من الأحلام :sleep:


وأنا إذا ما نمت كفايتي مزاجي يتعكر طول اليوم:naughty:

بس ما يهممني أحاول أنوم والتعايش مع هالإزعاج:lt::lt::lt::lt::lt::lt::lt:

إذا لقيت حل غير أننا نهاجر للمريخ لاتبخل علينا :lt::lt::lt:


:to::to::to::to::to::to::to::to::to::to:






من جد أنا مكتئبة :no: شكلي بأهاجر:boat: الرياض ما تنبغى:to:


بالحب والإشراق

هههههههههههه يمدحوووووووووون البر الصمان او الرمله او رماح






تسلمين والله رد مليئ بالاشراق والمحبه


مشكووووره سي يو

على آلآقـل آنت الي يزعجونك ورآعيـن :d
آبــد آدبغ الوآحد فيهـم لمآ يقول آمين :to:

آلي يقولك جنبهم ارض تبنـى ورابع عشرين تحفير وتكسير
وطقطقه , عجزت انآم يبدون من طلوع الشمس الى غروب الشمس :no:

آلله يعينـي :cry:

هههههههههههههههههههه


الله المستعان انت بعد شهر او شهرين معد تسمع شئ انا يوميا واذا كبروو اخوانهم الي اصغر منهم هذولا ماينقطع نسلهم

إقتباس:

بعض الأيام أطلع من الدوام ، تلفاان أبي أغط لي غطه بس لو ساعه أبي أريح.

ترى ما فهمت الكلمة .

إقتباس:

ما غفيتي لي ولا عشر دقايق إلا وهالمبزره ( نازلين الميدان )

غفيتي و لا غفيت :bx:

إقتباس:

لعنبوكم ما تحسون إن حولكم جيران ، يمكن أحد مريض - تعبان - واحد توه طالع من الدوام يبي يرتاح

بالله يوم حنا صغار كنا نفكر ان فيه احد تعبان

مواصل احس انك مجهز القصة و تنتظر أحد ينزل

موضوع و تجي تنثرها هنا

مواصل << روق الأطفال براءة :smilie47:

رائدة الزعيم

إقتباس:

المصيبة أنهم يطلعون فوق الجدار على المظلة اللي على غرفتي وإذا كنت ناسية الشباك مفتوح يقزقزون

المدرسة ابتدائي و لا متوسط و لا ثانوي :d

إقتباس:

من جد أنا مكتئبة :no: شكلي بأهاجر:boat: الرياض ما تنبغى:to:

طيب وش اللي حادك ليش ماتغيرين الغرفة :ap:

اما اللي يطلع من الرياض ماعندهـ سالفه :smilie47:

يازين الرياض بإ زعاجها و بحوستها :rose:


أما أنا الحمدلله ماعندي احد يزعجني الا عيال اخوي :smilie47:
وتقعيدهم حلو كل واحد جايب معاه ماء << مويه >>
ويكبونه على راسي حسب توصيات الوالدة :smilie47: :rose:
قم عمي نبي نروح للتخبيصة << اتحداكم تعرفون معناها :bx:

تعريف التصبيخة:

إقتباس:

التخبيصة تعني هي حفرةٌ بالشارعِ مليئةٌ بالماءِ :d