21/01/2009, 05:26 PM
|
| كاتب مثقف بالمجلس العام | | تاريخ التسجيل: 18/04/2007 المكان: مازلت على ذلك الجرف.
مشاركات: 7,822
| |
تسنك تدري عني وعن معاناتي. بعض الأيام أطلع من الدوام ، تلفاان أبي أغط لي غطه بس لو ساعه أبي أريح. وهالمبزره عيال الجيران 24 ساعه تمارين بحوشهم !!. قلت ياإبن الحلال في حوشهم ووقت عصريه ، لا تدخل وتقول شئ!!. لأن الحق معهم ، بيتهم وبيلعون فيه والوقت يسمح!!. تمر الأيام وهالمبزره تسنهم على راسي من ( تمزيع الكورة بالحوش ). المهم أخذت لي كم يوم وأنا أعصابي تلفانه من قِل النوم ، وجت الساعه 11:30 ( وهدوء من اللي يحبه قلبك ). قلت اليوم النومه بدري ولا أحلى منها !!. ما غفيتي لي ولا عشر دقايق إلا وهالمبزره ( نازلين الميدان ) فتحت دريشتي ووالله يا أنا ( توثمت فيهم - سبيتهم وسبيت اللي خلفهم ) وأشوى دخلوا - بس بعد إيش بعد ما صحوني من النوم. اليوم اللي بعده طلعت من الدوام متأخر ، قلت بحط راسي شوي ، إلا والشباب نازلين ( فت كورة بالحوش ) ، قلت وش أسوي أمس مهاوشهم والحين وقت عصريه. أنا ما ألومهم - ألوم أهاليهم!!. لعنبوكم ما تحسون إن حولكم جيران ، يمكن أحد مريض - تعبان - واحد توه طالع من الدوام يبي يرتاح إذا بيتنا ما أرتاح فيه ، وين أرتاح ( أستاجر ) !!!..؟ بعض الأهل يجيبون بزارين وينثرونهم بالشوارع ، اللي يتأذى بسلامته أهم شئ عيالي مبسوطين !!!. |