والله عيب...وش الحل؟؟؟ - نادي الهلال السعودي - شبكة الزعيم

المحايد والواقعي · #1 20/01/2009, 11:44 PM

نعم عيب والله عيب

ياخي إلى متى وهم يتكلمون

مشكلة جمهور الهلال قاعد بالبيت وخذ إنتقادات

أنا أقول لاتتكلم ولاتنتقد وإنت ما تساعد فريقك

إذا كان الأمير عبدالرحمن بن مساعد

يدفع مبالغ طائلة وشغله الشاغل خدمة الفريق

ويقول تكفون هي ثلاث مباريات إحضروا هي أهم ثلاث مباريات بالدوري

ولايجي إلا 500 واحد والله عيب

هذا والفريق بالوصافة وشلون لو الفريق ترتيبه سيئ

الله يرحم والديكم سامي يقول جمهور الهلال حبيبي

ولانستغني عنهم ويعتذر للجمهور عن التعادل

ناس تدفع ملايين الملايين وحنا للأسف نبخل على الفريق بــ20 ريال

والله حرام حرام حرام

الفريق برى الرياض حضور غير طبيعي وتكون مشاكل من كثرة الجمهور

والاعبين يتحمسون ويلعبون برى الرياض بحماس أكثر

أتمنى من جمهور الهلال في الرياض وأنا أولهم نراجع حساباتنا

ونبدأ صفحة جديدة من مباراة النصر

هذا الكلام والله من قلبي ولازم نلقى حل للحضور في الرياض فقط

أتمناها صفحة جديدة.

تحياتي

المحايد والواقعي

أزرق آسيا · #2 20/01/2009, 11:49 PM

كلام سليم
لكن بإذن الله الرد يوم الجمعة
يوم الهلال

sweet tone · #3 20/01/2009, 11:52 PM

طبيعي يكون يوم الجمعه الحضور كثير ديربي وخصوصاً فيه مشادات بين الفريقين فأتوقع المبارة بتكون نار بنار والملعب مليااان

بس نبي الحضور في كل مباراة و ابو فيصل ما قصر

9.1.15 قلبي كلهم · #4 20/01/2009, 11:58 PM

الله يوفق الزعيم

الجمعه الوعد

هلالي مووت حتى الموت · #5 21/01/2009, 12:05 AM

والـله جـمهـور الريـآض بعـض الأحـيـآن يفشـل وبعـض الأحـيـآن >>نفـتخر فيـه << وأتــمنى دآيم نفــخر فيـه ..!

شكـراَ أخووي

الأعور · #6 21/01/2009, 12:12 AM

المحب يدعم , ومن أبواب الدعم :
1- الدعم المادي
2- الحضور للمباريات
3- الكلمة الطيبة

فإذا لم يتحقق أيا منها فأنت مشجع ...............

المحايد والواقعي · #7 21/01/2009, 03:06 PM

بإذن الله جمهور الرياض وأنا أولهم نبي نبيض الوجه

والبداية من يوم الجمعه

شكراً للجميع