|
هذي هي الحقيقه إن شربكت ولا دربكت بسم الله الرحمن الرحيم السلام عليكم ورحمة الله وبركاته اسعد الله صباحكم او مسائكم ليلة البارحه ليله حزين جدا بالنسبه لي بصراحه التعادل كان بطعم الخساره لكن اقولها وبقلب مطمئن بأذن الله الحمدلله على كل حال اصبح الفارق الآن الى 3 نقاط وياخوفي يزيد المشكله في الوسط غير المرتب الشلهوب لاعب وسط يسار كل الشوط الاول يا في العمق او في الجهه اليمنى اللاعب الكوري واضح انه لاعب على الاطراف ولاعب بارد واي احتكاك يطيح لكن عندما يلعب على الطرف يجي منه ويمكن توه ما تعود على الفريق ويمكن من نوعية اللاعب اللي يشيله الفريق عشان يبدع لكن على الطرف صراحه عجبني بكذا لعبه وهو نفس وفلهامسون يحب اللعب على الطرف كلهم ولي وسيول يحتاجون لطارق التايب والله وسط الهلال يحتاج للتايب مهما تجيبون من محترفين كلهم يحتاجون طارق لان طارق هو موزع المهام في الوسط طارق هو اللي يضبط الوسط يعني يوزع كوره باليمين ومره باليسار ومره تمريره قاتله بالعمق وسيول ولي يستغلون سرعتهم على الاطراف وطارق بالعمق يصبح الهلال ناري وقوي واكبر دليل على كلامي انهم جابوا اللاعب الروماني يلعب خلف التايب عشان يغطي التايب واي كره تقطع من طارق يستردها وايضا يدعم طارق بالهجمه في لقاء الوطني فلهامسون احتاج الى محمد نامي لانه متفاهم معاه واللي تابع مبارايات الهلال في كأس الامير فيصل والمبارايات الاخيره بالدوري سوف يتأكد من ذلك سلمان الفرج محور متى صارت هذي جديده علي والله محمد القرني احسن من صالح الدوسري ليش ما لعب صالح من البدايه محمد العنبر وما ادراك ما محمد العنبر بصراحه اكثر لاعب بحياتي كلها اشوفه يضيع فرص يمكن الفرص اللي ضيعها لو مهاجم غيره كان اصبح هداف الدوري من زماااااااااااااااااااااان وبرقم صعب يتكرر ويمكن حطم رقم حمز إدريس اتوقع اي عضو شرف هلالي امس شاهد المباراه ايقن وتأكد ان احضار المحياني امر لابد منه فالعنبر هو احتياطي لياسر وغياب ياسر لأي سبب سوف يضع الفريق في حرج كبير بصراحه انا لم اتحدث عن مشاركة الدوليين لسبب لاني متأكد من أن الهلال بتشيكلته امس لو اجرى بعض التغيرات فيها قبل الزج بها لفاز على الوطني وحقق النقاط الثلاث ولم انسى طيب الذكر حكم المباراه منصور الشمري حكم يستقصد ما يفعله ضرب العنبر في الشوط الاولى داخل منطقة الجزاء وكرة ولي في الشوط الثاني اللي كانت على الطرف اليمين امر غريب جدا جدا من الرايه والحكم ويمكن الرايتين كانوا اقرب من الحكم لكن الخوف من الاعلام ولعلمهم ان إدارة الهلال سوف تسكت ولن تتكلم قالوا نتفنن في التفلسف واهم شي نرضي الانديه الاخرى لا تاكلنا الجرايد بكره اسأل الله العلي العظيم التوفيق للزعيم في المبارايات القادمه ودمتم سالمين الزعيم_هلالي |
| الوقت المعتمد في المنتدى بتوقيت جرينتش +3.
الوقت الان » 11:00 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd