|
هـــذا مـــا شــاهــدتـــه وانـــــا في الملـــعــــب اليـــوم السلام عليكم ورحمة الله وبركاته في البدايه هاردلك على النتيجه وانشاء الله نقدم افضل في المباريات القادمه ثانيا : شباب انا كنت حاضر اليوم مبارة الهلال والوطني ووالله احزنني الوضع اللي صاير في المدرج تدرون من اول خمس دقايق والجماهير باديه تسب في العنبر واللي يشتمه اذا قرب من خط التماس ويبدون يقولون له عبارة والله الواحد يستحي يقولها ولو سمعها اي واحد تحطم يا اخوان اليوم العنبر والله ماقصر كان يحاول لكن مافيه كور وصلت صح غير الكور اللي تجي عرضيات وتكون فيها مضايقات من دفاع الوطني ومع ذالك يظربها براسة لكن مايتوفق وتكون بالمرمى والتسديده اللي سددها وجت بجانب العارضه اخواني يوم المنتخب وعمان ياسر ماسوى حاجه في هذيك المبارة ومع ذلك محد منكم جلس يتكلم في ياسر واليوم العنبر حاول لكن ما توفق وايضا الالفاض وصلت الى حسن العتيبي اللي ما قصر اليوم واناس تسب فيه وتشتم مع اني مدري ليش او وش السبب والله اني ماعرف لا العنبر ولا حسن ولا ابيني وياهم اي قرابه شباب حنى مو نشجع علشان هذا وسيم يعني هو افضل لاعب وهذا مو ذاك الزود يطلع اسوء لاعب فواصل: * كنت بجانب احد المشجعين اللي ما خل شيء في العنبر ما قاله فسالته قلت يخوي من قبل ماتبدى المبارة وانت تسب في العنبر هو مسويلك شيء ولا غلطان عليك ولا وش السالفه قال لا بس ما هظمته (بالله هذا سبب ) *الجمهور مع الاسف كان قليل و دائماجمهور الرياض يتخلف عن المباريات مع ان كل المباريات مهم (والله اني حاضر من خارج الرياض علشان المبارة ) اخوكم زاجالوا 55 |
العنبر فاشل وماعندة مهارات ومايبي يطور نفسه الجمهور يبي متعة مهارات مايبي راس عشوائي |
عزيزي .. سوف اسهب بالكلام عن العنبر .. و لست من أولئك العاطفيين الذين اذا حقق الفريق فوزا مهما بدأ يصفق و يطبل و اذا خسر بدأ يشتم .. العنبر ,, لاعب عااالة على الفريق لييس في هذه المباراة و انما من بعد اسبعادة من كأس العالم بسبب الإصابة لا ادري ماذا يقدم العنبر حتى نرى من يدافع عنه .. أخي و عزيزي نحن نريد لاعبين يستحقون ارتداء شعار الهلال و ليس اربااع لاعبين مثل العنبر و سرور و غيره الذين أكل عليهم الدهر و شررب ...! متى يأتي اليوم الذي أرى فيه المحياني في هجوم الزعيم |
والله العنبر لاعب مزاجي |
زاجالو 55 شف يابعدي . العنبر لو يصير هداف الدوري مستحيل يخش مزاجي (( لعبـه )) مو شكله وبنسبه لـ حسن العتيبي ماقصر الله يعطيه العافيه قام بالواجب وزود .. وبخصوص ياسر قدام عمان الظاهر انك شفت الرقابه عليه ..!! وبرضوه هذا ياسر مهما كان .. ومسألت انك تقول الشكل وما الشكل . طيب طالع إيتو ولا رونالدينهو . اشكال تحوم التسبد . بس لعب يرّد التسبد .. |
(( شباب حنى مو نشجع علشان هذا وسيم يعني هو افضل لاعب وهذا مو ذاك الزود يطلع اسوء لاعب)) انا ارى انك تسحب هالكلمة احسن ؟؟ والجمهوور والله ما يرضيه شي ؟؟ يوم كان يسجل كلهم مدحوة والحين قلبواعليه ؟؟ جمهور عاطفي لا اقل ولا اكثر .. |
شباااااااب فيه احد يحكم على لاعب من اول خمس دقايق وثانيا اليوم منو اللي جالس يصنع هجمات مافيه احد |
العنبر اليوم ماسوى شي كل كراته بالراس كانت عشوائيه نرجو منه التركيز بلعب الكرة بالراس |
يعطيك العافيه اخوي والله ان كلامك عين العقل ليش لازم يكون اللاعب حلو او وسيم عشان نهتف له اجل لو ان العنبر حلو ومسوي فرقه وش كان بيسوون كان خلوه افضل لاعب بعدين العنبر هو الي فادنا يوم غاب ياسر اول عجيب امركم يا جمهور الهلال وفي الأخير يقولون ما هضمنا اللاعب اتمنى انا نوقف مع العنبر ونشجعه ونهتفله صدقوني محمد العنبر هداف كبير العنبر ما يتفلسف وهذا احسن ما فيه يعطيك العافيه اخوي على طرحك المتميز |
عطنى العنبر وش آللي وليه يسبونك ! وهآلخرآبيط..! حنآ نشتغل ليل ونهآر وآنت تجي تبطح عندنا هنآ عليكـ آلآلتزآم بآلآخلآق آلسعوديه وآللآلتزآم بآلنقد آلفني آلوآسطهـ موب عندنآ يآمسلم :) طوووط طووط |
الفريق اليوم كل كان سيء بسبب عدم التجانس وفترة التوقف التي إمتدت لإكثر من شهر ...... |
إقتباس:
والله الظاهر محد مدحه الا انت واللي كاتب الموضوع وانا مالوم احد فيه لاعب لا يفقه ابجديات الكره لا تسليم ولا استلام وفوق كذا كانوا مزعجينا اللاعب يلعب بالراس واي كوره عرضيه هدف وماشفنا الا نطح حتى راس زي الناس مافي ياشيخ قووووووم طير عني والله يجيب المحياني عشان معد نشوفه خير شر ياخي قسم بالله اخذ اجرنا من كثر ما نتكلم فيه اكسبوا اجر فينا حنا الجمهور ولعد يلعب ياخي مانبي مهاجمين خير شر محسوب مهاجم علينا وحتى الاعلام الاصفر مزعجنا بسبته يقولون تكديس وعادين هذا من مهاجمينا العنبر مكانه الفتح هجر حتى ابها فوق مستواه |
إقتباس:
هههههههههههههههههه هههههههههههه ههههههه :bx::bx: وربي حلووووووه اهم شي عطني اموت واعرف محد قاله انه برنامج مباشر يحسبه جوال طوووووط طوووووط |
ياسر لا يقارن بالعنبر << مع احترامي للاعب .... بس فرق بين السماء و الارض في كل شئ في الامكانيات في التحركات حتى من غير كورهـ معليش العنبر من غير كوره يالله يتحرك ... ولاتنسى ياسر رجع من اصابه وسجل سوبر هاتريك فيه فرق والا مافي :confusedw::smilie47: ان شاء الله عيسى قادم ونفتك :d |
العنبر يمكن كان مجتهد اليوم لكن اما ان كوزمين مايدربه ع الكورات العرضيه او انه ماحولك احد بصراحه ..! .. حسن العتيبي اقول لك السبب الي قهر المدرجات ياخي فريقك متعادل وانت طموح الصداره كوره بتطلع ضربه مرمى للهلال يجلس ساعه ع بال ماياخذ الكوره ويثبتها وبالاخير يعطيها خيرات او الغنام تبني هجمه من الدفاع كانك تقابل البرازيل .. ياليت بينت لك الي ابيه |
| الوقت المعتمد في المنتدى بتوقيت جرينتش +3.
الوقت الان » 01:18 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd