أول شي أبي أقول وين رجال الأمن النشامى..؟؟!! للأسف رحنا قبل كم يوم على أبحر(قال لك ايش نبي نتمشى) على العموم واحنا جالسين كان الوقت الساعة 9 بالليل عموما شوي شفنا سيارة (ماني قايلة موديلها) وقفت ونزل منها خمسة شباب الصراحة كان المكان كله عوايل والمفروض محد يوقف بينهم بهالشكل عموما شوي شفنا واحد شيبه الله يحفظه لأهله راح كلمهم وماادري ايش قال لهم المهم بعد ما راح من عندهم قاموا ركبوا سيارتهم وراحوا.. وجلسنا احنا بعد ما راحوا حوالي ساعتين وبعدها مشينا واحنا في الطريق شفنازحمة وسرا سيارات وشفنا اللي ما توقعناه.. شفنا اخواننا في الله اللي طردهم الشيبة قبل ساعتين مشغلين المسجل على آخر صوت في السيارة (عرضة جنوبية) وهم على الرصيف قاعدين يعرضون وما شاالله انضم لهم شباب كثير ومسووين صفوف العرضة الجنوبية وبعد شفنا سيارة مرور (قلنا جا الفرج) وللأسف لقينا العسكري نازل من السيارة يضحك وشوي دخل معاهم في العرضة وكأن الأمر عادي وطبيعي .. ورحنا وهم باقي على شغلتهم هذي والعسكري معاهم!!!!!!!

أموت وأعرف ليش ينقال لهالأشكال (رجال أمن)؟؟؟؟؟؟!!!!!!!!!!

اول شى السلام عليكم وهدئ اعصابك شوى علشان نتفاهم

ثانى شى اصابعك ماهى سوى وهذا العسكرى ماهو مقياس لرجال الامن فلدينا ولله

الحمد كفائات عاليه من التعليم والاخلاق ولكن كما يقال....

[c]لكل قاعده شــــواذ [/c]

ولك تحياتى ...

كفيت ووفيت اخي المغرم.

الشيبة هو السبب!

اقول ليه مارحتوا مكان ثاني مو احسن

تحياتي ..

السلام عليكم

اولا اختي تقولين لما كلمهم الشايب انقلعوا
طيب مو هذا المطلوب

ثانيا قلتي واقفين على الرصيف
يعني مو على الشارع ولا عطلوا أحد
و لا اقتحما بيت أحد

ثالثا قلتي عرضة جنوبية
و مع أصرارك على ترديد (جنوبية) اللي ما ادري وش سببه
لا انها تظل عرضة
لاهي أغاني محرمة ولا غيره


ابي اعرف الان
انتي وش حارق رزك

معليش أختي بالله لا تزعلين ولا تاخذينها بحساسية
انا امزح معاك
يعني بصراحة العوايل هذولي ما يعجبهم العجب ولا الصيام في رجب
طيب ضايقوكم في البداية وذلفوا
خلاص يعني لا تكبرين المسألة
بالله وين تبينهم يروحون

يغازلون بسوق و الا يفحطون
و الا يسمعون أغاني

بالله العرضة ما هيب اشرف من هذا كله



مرة ثانية اسف اذا كنتي بتزعلين مني

مرحبا بالجميع ..

معليش ودي أعلق على كلام البعض..

أولا قالت الأخت إنهم في الأول (( حاولوا )) يجلسون في مكان كله عوائل.. ومجرد المحاولة يعني عدم حياء منهم أيا كانوا..!!!!

والشيء الثاني أنهم جلسوا على الرصيف وشغلوا العرضة.. أيا كانت جنوبية أم نجدية فكلها محرمة وليس كما قال الأخ عبود.. لأنه لا يحل للرجال الطبول ولا الدفوف مهما كانت مسمياتها..!!!

والشيء الثالث..أنه يوجد شيء اسمه (( ذوق عام )) وأناس قد خرجت للنزهة أو لأعمال خاصة .. فليس من حق أيا كان أن يفعل ما يفعل علانية بين الناس..

فهناك الكثير يربي أولاده على أن هذه الأشياء محرمة وأنها لا تجوز فيأتي هؤلاء الشباب ليفسدوا ما صنعه خلال سنوات..

طبعا أنا لا أبرئ ساحة البلدية وغيرها من المسؤلية لأنه لا يوجد أماكن خاصة بالشباب وإن وجدت فتجدها رثة لا يطيق أن يجلس غير الإنسان..!!!
ولكن مع ذلك يجب إحترام الذوق العام.. وكذلك إحترام الدين الإسلامي الذي ينهانا عن ذلك..

أرجو أن لا أكون أثقلت على أحد .. فأنا أتكلم بوجه عام وليس عن هؤلاء بالذات فمثل هذا المنظر شاهدناه كثيرا وفي أماكن متفرقة من مملكتنا الحبيبة..مع الأسف..


وتحياتي للجميع ،،،

أخوكم / البـــــــارق;)

اخواني مشكورين وترى سبب كتابتي لهالموضوع هو العسكري مو الشباب لأن الشباب شفنا زيهم كثير يسوون كذا ( والله المستعان)

شكرا لك المغرم و DAREDEVIL ..وانشاالله يكون هالعسكري من الشواذ يعني ما يكونوا كلهم كذا...

ولعزيز.. مشكور والشيبة سبب في ايش؟؟!! يعني قال لهم روحوا اعرضوا !!!!!! مااعتقد‍‍‍‍

ولـ SAZ...BAT مشكور أخوي بس ترانا في الصيف والدنيا مليانه يعني وين نروح (نقط أنفسنا بالبحر)‍‍‍

عبود مشكور وانا والله ما زعلت بالعكس ضحكت.. وانا ما قلت انهم عرضوا بالشارع بس عطلوا المرور والسبب جمهرة الناس عشان يتفرجون عليهم وهذا سبب التعطيل انهم وقفوا سياراتهم (اقصد الشباب الآخرين) وراحوا يعرضون معهم وانا ما قلت انهم اقتحموا بيت أحد‍‍‍.. واما بالنسبة لعرضة الجنوب والله والنعم بها انا ما كنت اقصد شي ولا كررت ولا يحزنون..و الشباب اذا ما لقوا لهم مكان يجلسون فيه المفروض انهم يروحون اماكن مخصصة لهم ولا يقعدون يآذون في خلق الله بهالشكل..والا انت مو معاي في هذي بعد..

أخوي البارق لك ألف ألف ألف شكر وما قصرت كلامك يدل على انك انسان واعي وعاقل وعسى الله يكثر من امثالك ( اللهم آمين)..

وللأسف لقينا العسكري نازل من السيارة يضحك وشوي دخل معاهم في العرضة وكأن الأمر عادي وطبيعي

والله هذى هى المصيبه

وش السالفة