|
أي سؤال يخطر في بالك للعضو ((عــــ الهلالي ــارف)) إخواني الكرام ... أعضاء منتديات الزعيم السلام عليكم ورحمة الله وبركاته .. وبعد كما عودناكم في السابق في إختيار واحد من الأعضاء ليكون ضيف المنتدى بحيث تقدم له جميع الأسئلة من قبلكم .. ويقوم هو بالإجابة عليها .. ويكون الإختيار حسب تميز العضو .. أو حسب مشاركاته في شبكة الزعيم..أو حسب الأقدمية وضيفنا في هذا اليوم هو عضو قديم جدا ومعروف في أوساط المنتدى العام وهو العضو (( عــــ الهلالي ــارف )) ............................................... سؤالي للغالي عــــ الهلالي ــارف .............. بالتوفبق ملاحظة / للضيف الحق في عدم الأجابة عن اي سؤال يراه غير مناسب له |
آلف شكر لكم ... :) سؤالي للغالي والعزيز " عــ الهلالي ــارف " 1- بطاقتك الشخصية :) ... بس بدون صورة :D 2- بداياتك في عالم النت ... وين ؟؟.. وكيف كانت ؟؟ هذولي سؤالين ... ولا تذكرت شي جيت وسألتك :D:D |
هلا عارف خويي<===يتلزق هههههههه اسمع هاك هالسؤال: متزوج ولا عزابي اذا كانت الاجابه بنعم علل اجابتك<===وش رايك في هذا السؤال في الصميم هههههه الثاني ماهو الشي السلبي في شبكة الزعيم او اعضائها؟؟ الثالث: المنتخب خرج من كاس العالم لو انت مكان الجوهر وش بتسوي في مباراة ايرلندا... الله يعينك خويي :) |
هلا وسهلا اخوي ((عــــ الهلالي ــارف)) حبينا نسلم عليك ,, وبالتوفيق انشالله والله يعينك على الاسئله :) شباب الله الله بعارف لا تخلونه :D وتقبل خالص تحياتي / اخوك abu3ziz |
السؤال التقليدي: *احسن لحظة بحياتك؟؟ *اسؤ لحظة بحياتك؟؟ ولك خالص التحيات.. |
اولا احب ان اشكر اداره إشراف المجلس العام ... وثانيا اقدم شكري لجميع الاعضاء والمشرفين ... واتمنى ان اكون عند حسن ظن اختيارهم ... والله يوفقنا جميع ... |
وبسم الله نبداء معكم اول سؤال من الاخ الغالى زعيم القرن .. 1- بطاقتك الشخصية ...؟؟ الاسم / عارف بن مليح بن سعود ... العمر / 29 سنه >>> العمر كله .. ;) الوظيفه / شاب طموح في التجاره والمقاولات ... الحاله الاجتماعيه / حاليا عازب وبعد كم اسبوع متزوج ... 2- بداياتك في عالم النت ... وين ؟؟.. وكيف كانت ؟؟ البدايه كانت عن طريق الجامعه ايام الاتصال يالله يمشى ... وكانت في احد المقاهي قرب الجامعه ... والله البدايه كانت غير مشجعه ابد ماكنا نعرف ذيك الايام إلا الشات ... مشكور اخوي والله يخليك لنا ... |
الحين دور الاخ الغالى / الحكم ... متزوج ولا عزابي اذا كانت الاجابه بنعم علل اجابتك ؟؟؟؟ سؤال ثانويه عامه ...:eek: :eek: حاليا عزابي ولكن بعد ثلاثه اسابيع اكون متزوج بأذن الله ... وبالنسبه للتعليل راح اعلل لك بعد الزواج ... ماهو الشي السلبي في شبكة الزعيم او اعضائها؟؟ الحقيقه ليس هناك شي سلبي في شبكه الزعيم ونحن نراها كل يوم تتقدم خطوه ... وبالتوفيق للشبكه ان شاء الله ... وبالنسبه للاعضاء والله اخوان واخوات والله يجعلنا دوم كذا ... المنتخب خرج من كاس العالم لو انت مكان الجوهر وش بتسوي في مباراة ايرلندا... ألعب هجوم عشان مايصير نلعب في المونديال ونطلع بدون اهداف ... وترى الجوهر ابخص منى ... مشكور حبيبي الحكم والله يخليك ... |
الغالى والحبيب / abu3ziz ... واذا طلبت ان تسئل سؤال ... مشكور حبيبي وعساك على القوه ... والله يعين الجميع ... تحياتى وحبي لك ... |
الاخ الغالي / الهلاليAMJ ... حياك الله اول شى ... *احسن لحظة بحياتك؟؟ هي ان من حولي واللى احبهم ويحبونى يكونون راضين علي ولا في خاطرهم اي شى ... *اسؤ لحظة بحياتك؟؟ هي لحظه واحده ماراح انساها ابد هي لحظه وفاة اغلى الناس الوالده ( الله يرحمها ويسكنها جناته )... مشكور حبيبي والله يخليك لنا ... |
هلا بك ياعارف وتستاهل ... سؤالي كبير وصعب ......... بس مهوب عليك ... وش اللي ما يعجبك فيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ " سؤال غريب " ... |
هلا والله بخوي عارف ، والله عرفتوا تختارون :- عندي سؤالين :- 1- وش رايك في صالح كامل؟ 2- هل لك ان تخبرنا عن أسباب انسحابك من فريق السي؟؟ والله من زين الاسئله0 اخوك/ حبي سامي0 |
الغالي عارف سعداء بستضافتك يالغالي وهذا تستحقه من زمان لمجهوداتك وأخلاقك الرائعة حبيبي لدي سؤال واحد فقط لماذا لم تقم انت وحبي تيماوي بزيارتي رقم اني طلبت منكم تشرفي ولم تلبيان الدعوه او تحاولان الأتصال بي من جد شي يحز بخاطري وفضفضة شي بسيط لحيدر بس برضه لعب معي لعبته الدبولوماسية ارجو ان اعرف السبب;) |
الاخت الغاليه / المملكه ... الصراحه سؤال غريب لكن الجواب راح يكون صريح معك ... وش اللي ما يعجبك فيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ " اللى ما يعجبني فيك هو انقطاعك من المنتدى ، وعدم رؤيه اسمك في مواضيعي ... لان الصراحه انتى من الذين اعتز بتواجدهم وحضورهم في مشاركتى ... تحياتى لك وسلامي ... |
الاخ الغالى / حبي سامي ... مشكور على الاطراء وكلنا نستحق الاختيار ... 1- وش رايك في صالح كامل؟ صالح كامل من التجار ويعرف مصلحته ولكن ارتكب اكبر غلطه في تشفير المونديال ... لكن التجاره شطاره ... 2- هل لك ان تخبرنا عن أسباب انسحابك من فريق السي؟؟ انا فعلا انسحبت من الفريق لكن ذهبت الى فريق اعضاءه هم من اعمده الفريق الاول ... ولا فرق بين الفريقين كلنا اخوان واحباب ... وابشرك ترى رجعت لفريق السي ... مشكور واسعدتني مشاركتك ... |
| الوقت المعتمد في المنتدى بتوقيت جرينتش +3.
الوقت الان » 01:39 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd