.السلام عليكم .......

تواصل عمليات النوم الهلالية لليوم العاشر "طعش" على التوالي

ورئيس النصر يرفض الكلام لأول مرة

توتر متزايد على الحدود الهلالية الاتحادية

والمزيد من الأخبار المتفرقة تطالعونها في هذه النشرة.......




كان هذا هو الموجز وإليكم التفاصيل .........


@@ تواصلت عمليات النوم الهلالية لليوم العاشر " طعش " على التوالي مهددة أمن واستقرار الهلال في السوبر القادم !!!

وأكد مصدر مسؤول هلالي في وقت سابق من " قايلة " هذا اليوم بأن الفريق سيدخل السوبر بأجنبي واحد فقط هو " الكاتو " مما أثار انتقادات واسعة في الشارع الهلالي حيث صرح أحد المواطنين ردا على تصريح المسؤول بقوله : (( بشر أهلك ))

وترجع الحكومة الهلالية هذا السبات العميق لمشاركة المنتخب في كأس العالم و لوجود النجوم العالميين مع منتخباتهم مما جعل من التعاقد معهم صعبا حيث أن الحكومة الهلالية ((حالفة)) إنها ياتجيب رونالدو وإلا ماتجيب أحد إلا أن مشجعا هلاليا علق قائلا : (( جعلكم ماناب قايل للعمى ليتكم مخلينا على أدميلسون )):sad:

وأكدت تقارير بثتها وكالة ((يقولون )) أن الهلاليون " ماجابوا " خبر كأس العالم وأن أعينهم منصبة على مراقبة يسري الباشا لاعب العدالة الذي رفض الانضمام للتدريبات الهلالية مالم تنفذ الإدارة الهلالية وعدها بدفع تذكرة القطار الذي سيأتي به للرياض وقيمتها سبعون ريالا إلا أن الإدارة الهلالية تحاول تخفيض المبلغ إلى خمسين ريالا ولكن يسري الباشا رد قائلا " وش حقه يبه ؟!! قالولكم أبيع طماط ؟!!!

من جهة أخرى استمرت عمليات النوم الهلالية حتى على نطاق تجديد العقود مع من انتهت عقودهم ويستحقون التجديد ومن انتهت وهم لايستحقون حيث أكدت مصادر مطلعة أن صناع القرار في البيت الهلالي محتارون " يرضون مين ؟!! " فهذا لايريده المدرب يريده عضو الشرف وهذا يريده المدرب بس ماعنده واسطة !!!!

مراسلنا من هناك وجه سؤالا لحسين المسعري عن رأيه بقضية المنسقين فرد قائلا :

حقيقة لاأرى أي مشكلة !! يعني حنا جايين قبل هالشباب للنادي والمثل يقول ((من سبق لبق)) ياأخي ينسقون هالشباب ويخلوني أنا وشلتي لأننا بصراحة تعودنا على النادي وبعدين لاتنسون إني لاعب تكتيكي

من جهة أخرى وفي نفس الصدد اشتكى لاعبو الهلال من عدم تسلمهم لما وعدوا به قبل نهائي كأس الدوري إلا أن فواز المسعد نفى ذلك وعندما سأله مراسلنا عن ماهية الموضوع الذي ينفيه ؟!! أجاب قائلا :

لاتدقق ياخوي نفي وبس

الجديد في الموضوع أن أخبارا ترددت تفيد بأن المسعد نفى أنه نفى



@@ في خبر غريب أكدت مصادر قريبة من أحد القنوات الفضائية أن هذه القناة حاولت إجراء لقاء مباشر مع رئيس النصر إلا أنه اعتذر على غير العادة !!

مراسلنا بدوره اتصل على معد البرنامج الذي رفض رئيس النصر الالتقاء به وسأله عن الأسباب التي ذكرها رئيس النصر ضمن الاعتذار فقال ك

اي ي ي نعم حقيقة لقد حاولنا الاتصال برئيس النصر لإجراء لقاء مطول معه رغم أن البرنامج ليس له اهتمامات رياضية بل هو متخصص بالفن المسرحي ورواد هذا الفن ;) إلا أن شهرة رئيس النصر في قدرته على إضحاك الناس ( على نفسه ) جعلتنا نفكر في إجراء هذا الحوار إلا أنه رفض رغم تاريخه الرياضي الذي لم يرفض فيه طلبا للظهور الإعلامي سواء رياضيا أو فنيا أو طبيا حيث يبدي اهتماما بطب الأعشاب وخصوصا العسل والفاصولياء وأكد لنا رئيس النصر أن سبب رفضه هو رغبته في منح ( لسانه ) بعض الراحة بعد المجهود الخرافي الذي بذله ( لسانه ) هذا الموسم ورغم معاناة ( لسانه ) من عدد من الإصابات وكان آخرها تعرضه لشد عضلي وقطع في الرباط الصليبي " للسان " بعد أن قام بعضه إلا أنه واصل إلى مابعد نهاية الموسم بكل حماس وعطاء ولياقة وأكد رئيس النصر أن هذه الراحة مهمة جدا لمواصلة العطاء وأكد أنه سيظهر عبر البرنامج عندما يكون مستعدا حيث سيكشف فضيحة تحكيمية جديدة للهلال حيث سيكشف عبر لقطة الفيديو ومن ثلاث زوايا كيف أن حكم مباراتهم أمام الطائي احتسب آوت للهلال رغم أن لاعب الطائي لم يقصد أن يخرجها خارج أرض الملعب



@@ تزايد التوتر في منطقة الحدود الهلالية الاتحادية إثر اقتراب انتهاء عقود بعض لاعبي الفريقين !!

وتشير آخر الإحصائيات أن حرب انتقالات اللاعبين إذا اندلعت فسيكون الخاسر الأكبر هو الهلال لسببين :
1- أن أغلب لاعبي الهلال مكسب لكل من يشتريهم في حين أن لاعبي الاتحاد من فئة " مابالثوب أحد " وسيتوهق من يشتريهم ولو بقيمة كنادر نواف التمياط !!

2- أن في الاتحاد من هو مستعد ليدفع الكثير خصوصا إن كان ماسيدفعه سيضر بالهلاليين بينما في الهلال يصرح عضو الشرف و " يهج " وهو مادفع ولا ريال !!!:sad:

وتشير مصادر مقربة من إدارة الاتحاد أن انتقال بعض لاعبي الهلال أصبح أمرا سهلا في ظل وجود الدعم الشرفي الاتحادي مقابل عدم إعطاء لاعبي الهلال حقوقهم ومكافآتهم من قبل الإدارة الهلالية !!!

من جهة أخرى أعلن عدد من لاعبي الهلال تمسكهم بناديهم وعدم تركه مما أفرح الجمهور الهلالي قبل أن يعرفوا من هم هؤلاء اللاعبين حيث تبين أن المسعري وتركي القحطاني ومنصور الشهراني أعلنوا مواصلتهم إبداعاتهم عبر الهلال حتى آخر يوم في حياتهم الرياضية !!!

هذا الخبر أحزن جماهير انتر ميلان حيث كانوا يأملون بأن يكمل المسعري فرحتهم بعودة رونالدو وفييري لمستوياتهم


فاصل إعلاني ونعود إليكم .....

هل تشعر بالعطش ؟!!!

هل تضايقك حرارة الصيف ؟!!!

الآن انتعش مع ( جح ) الخرج

لامثيل ل ( جح ) الخرج

@@ الآن موعدكم مع تقرير سريع لبعض الأخبار المتفرقة ........

** مسؤولو الاتفاق يبحثون عن رئيس وسعدون حمود يرفض لانشغاله بسوق السمك

** الشباب يوافق على انتقال بواب النادي للنصر بحجة اتاحة الفرصة لبواب آخر أصغر بالسن !!!

** إدارة الطائي تقيم معسكر تدريبيا للاعبي الفريق على أن يكون التدريب مسائيا وفي " بر " الله الواسع

** لاعبو الرائد يقاطعون الهمبرجر ويعلنون دعمهم للكليجا في خطوة أثارت إعجاب القصمان ورفعت آمالهم في البقاء ضمن الأضواء

** لاعبو التعاون يقاطعون الكليجا ويدعمون الهمبرجر في خطوة إدارية بحتة

** ياقاهرهم ياسامي يرجع أسباب تأخره إلى أنه قد بنشر عليه الكفر ويعلن أنه بالطريق ولاهوب متأخر على عشاق حرفه (( الأفيح )) <==== مسروقة من فاهم جدا

** أبو ذكرى يفكر حاليا في التخلي عن " الفوتوشوب " والعودة إلى عشقه القديم " الاقتباس " من باب (( قديمك نديمك )) بينما أكد فاهم جدا أن السبب في ذلك يعود إلى فشل المذكور ((ماوده يقول أبو ذكرى )) في تنفيذ أي عمل بالفوتوشوب

** أعلن أبو لما غضبه الشديد على مايقوم به بعض أعضاء المنتدى من سطو واضح على " سطول " البوية وحذر كل من يأخذ سطل بوية وشدد على أن من يأخذ سطلا يجب عليه أن يعيده لمكانه حيث وجد البارحة السطل الأزرق مكان الأخضر مما أربكه عند كتابة الموضوع

** يواصل أبو بدر تمارينه الصباحية والمسائية بغية تخفيف " كرشته " والعودة للملاعب إلا أنه اشترط ألا يلعب في الهلال مع وجود المصيبيح لأنه لايحب شرب الحليب

** تأثر سور الصين كثيرا بالخسارة الصينية بالأربعة أمام البرازيل إلا أنه صرح قائلا : أحسن منكم ياربع الثمانية <==== اخس ياالصيني

** يواصل العوام العلاج عند أحد المقرئين وذلك إثر إصابته بعين عدد من الأعضاء الذين تحدثوا عن لياقته الكتابية نشاطه حتى تعرض مؤخرا لقطع في الرباط الصليبي بالكيبورد مما أدى غلى تكرر غيابه !! عسى المانع خير

** تعرض " الغريب " إلى ضربة شمس لاسعة !! هذا وقد أوصاه الأطباء بالراحة إلا أنه اتجه إلى جهاز الكمبيوتر وراح يكتب موضوعا بعنوان " نشرة الأخبار الصيفية الأولى " وقد اتضح أثر ضربة الشمس على ذلك الموضوع

اقوووووول والله من تأثير الحر عليك ...

بس والله اللى قهرنى الاجانب ...

شكل القاتو سوى عملته الله يحرق شعره ...

اخوي الغريب ...

ممكن تكلم نادي الاتفاق وتقول لهم ما انفع لهم رئيس اللى هو( انا ) ...

والف سلامات لاعضاء المنتدى ...

وترى اخبر لهم مستشفى مضبوط ومضغوط في النفس الوقت ...

تحياتى لك ...

هلا والله بالغريب

الله يونسك بالعافيه ....

أما جح الخرج......حللللللللللللوه


تسلم والله على هالموضوع اللي يوسع الصدر...


تحياتي

الغالي الغريب،،،

موضوع ساخر جاء في الوقت المناسب ;)

إقتباس الجديد في الموضوع أن أخبارا ترددت تفيد بأن المسعد نفى أنه نفى

مع إحترامي لمصادرك أخي الغريب..فقد أكدت آخر الأخبار الوارده من فواز المسعد

أنه.. نفى نفيه للنفي

إقتباس وأكد لنا رئيس النصر أن سبب رفضه هو رغبته في منح ( لسانه ) بعض الراحة

الجميل في هذا الخبر أنه حمل معه معلومه هامه وهي أن لسان هذا الجاهل يحتاج إلى الراحه..!!

ماأعرفه عن ذلك اللسان أنه لم يأخذ راحه طوال أربعين سنه إلا مره واحده وكانت راحه إجباريه في عام 1413هـ !!

وأخيرا.. الله يعطيك العافيه على هذه النشره..ولكن هناك سؤال يحيرني..؟!!

أنت وصفت هذه النشره الصيفيه بأنها النشره الأولى..!!

هذا معناه أن هناك نشرات أخرى.. أليس كذلك ؟!!

السؤال هنا..هل النشره يوميه أو أسبوعيه أم إنها ستكون شهريه؟!!

بالنسبة لي..أنمنى أن تكون نشره يوميه



تحياتي ياغالي ،،،

[c][/c]

ياهلا ويامرحبا بالغريب الاديب الحبيب ,,,,

اخبار صيفيه رااائعه جدا , تتكلم عن الاجواء الملبده بالسموم ومشتقاته من رطوبه وطل

إقتباس @@ تواصلت عمليات النوم الهلالية لليوم العاشر " طعش " على التوالي مهددة أمن واستقرار الهلال في السوبر القادم !!!

هذي عوايدنا , وبعدين لا يهمك ترى رجال الهلال بيقومون في اخر لحظه وراح يشوفون لهم حل ( اي حل ) المهم انهم يسوون شيء والعذر موجود , ما امدانا

إقتباس من جهة أخرى استمرت عمليات النوم الهلالية حتى على نطاق تجديد العقود مع من انتهت عقودهم ويستحقون التجديد ومن انتهت وهم لايستحقون حيث أكدت مصادر مطلعة أن صناع القرار في البيت الهلالي محتارون " يرضون مين ؟!! " فهذا لايريده المدرب يريده عضو الشرف وهذا يريده المدرب بس ماعنده واسطة !!!!

تصدق في بعض الاحايين , اقول ان ربعنا ( داجين ) لأنهم يماطلون مع اللاعب اللي يطالب بــ 500 الف او 600 الف , واذا شافوه بيروح لنادي ثاني ( زخوه ) بملوين او مليونين !! والله من قل الدبره !!!

إقتباس حقيقة لاأرى أي مشكلة !! يعني حنا جايين قبل هالشباب للنادي والمثل يقول ((من سبق لبق)) ياأخي ينسقون هالشباب ويخلوني أنا وشلتي لأننا بصراحة تعودنا على النادي وبعدين لاتنسون إني لاعب تكتيكي

ياخي هذي خطه , صحيح انها قديمه واكل وشرب وانسدح عليها الدهر , لكنها موجوده عندنا هنا ودارجه في كل الاماكين <== جمع ,,

إقتباس من جهة أخرى وفي نفس الصدد اشتكى لاعبو الهلال من عدم تسلمهم لما وعدوا به قبل نهائي كأس الدوري إلا أن فواز المسعد نفى ذلك

هو صحيح ان المسعد نفى ذلك , لكن مراسلكم الله يصلحه ماخلاه يكمل , وإلا كان بيقول حنا ننتظر ( مصب ) عين عذاري , يعني اذا جاء دورنا وصبت عين عذاري علينا اروينا اللاعبين ,,

إقتباس @@ في خبر غريب أكدت مصادر قريبة من أحد القنوات الفضائية أن هذه القناة حاولت إجراء لقاء مباشر مع رئيس النصر إلا أنه اعتذر على غير العادة !!

إلا ابوخالد , ترى ماعاد ( نتقبل عليه شيء ) مسيكييييييين ما يدري من وين يلاقيها , من فريقه , او من حظه العاثر , اللي كل ما انتقد الهلال عودت الامور على راسه وانقلبو الناس عليه , هو يبي يسب ويطلع كلامه مدح وتبرئه <== كيف جت ذي والله مايدري لكن الاكيد انها حصلت , علشان كذا لا تدققون عليه ياجماعة الربع

إقتباس ** يواصل العوام العلاج عند أحد المقرئين وذلك إثر إصابته بعين عدد من الأعضاء الذين تحدثوا عن لياقته الكتابية نشاطه حتى تعرض مؤخرا لقطع في الرباط الصليبي بالكيبورد مما أدى غلى تكرر غيابه !! عسى المانع خير

العين لقينا مصدرها ( واحد ماغيره ) وان شاء الله مردوده له , هذا انا ادوره وبوجه لها المضاد اللي عطانيه واحد من الشباب ولا يفل الحديد إلا الحديد , وبالنسبه للقرايه ابشرك جابت مفعول وهذاني شوفة عينك , وازيدك من الشعر بيت تراني ارد عليك وانا ( متكي ) خخخخخخ

تحياتي ,,,

هلاااااا غريب

أخبارك فيها اللي يضيق الصدر وفيها اللي يبكي وفيها اللي يدل انك رايح وطي


بس وين النشرة الجويه؟؟؟؟؟؟؟

الأخباركالعادة لايوجد بها الا السيء

أخوي عارف الهلالي :

صادق والله الحر لاعب فيني لعب

بالنسبة للاتفاقيين كلمتهم عنك وهم موافقين بس .....

عندهم شرط !!!

يبون منك سلف خمسين مليون يضبطون أوضاعهم ويقسطونها لك كل شهر ألف ريال وش رايك؟

تحياتي ,,,,,

ـــــــــــــــــــــــــــــــــــــــــــــ

أخوي أزرقاني :

الجح هذا إذا قطعته وغلفته وحطيته بالثلاجة يوم كامل وجيت الظهر تبي تاكله وناااااااااااااااااااااااااسة والله ولا عسكريم

تحياتي ,,,,

ـــــــــــــــــــــــــــــــــــــــــــ

أخوي الحاسم :

إقتباس مع إحترامي لمصادرك أخي الغريب..فقد أكدت آخر الأخبار الوارده من فواز المسعد أنه.. نفى نفيه للنفي

ياقدمك هذاك أمس !!!

الحين نفى إنه نفى نفيه للنفي

والله ياهو يكرف المسعد مسكين !!!

باذل مجهود يشكر عليه بالنفي

إقتباس ماأعرفه عن ذلك اللسان أنه لم يأخذ راحه طوال أربعين سنه إلا مره واحده وكانت راحه إجباريه في عام 1413هـ !!

هذاك يوم فيه رجال

إقتباس هل النشره يوميه أو أسبوعيه أم إنها ستكون شهريه؟!!

والله تقدر تقول مزاجية يعني حسب الوقت والحاجة لمثل هالمواضيع

تحياتي ,,,,,

ــــــــــــــــــــــــــــــــــــــــــــــــــــ

أخوي الفيصل الهلالي :



شكرا على مشاركتك ,,,

ــــــــــــــــــــــــــــــــــــــــــــــــــــــــ

أخوي العوام وما أدراك ماالعوام !!!

ماشاء الله وش هالرد الطويل ؟!!!!

هذا وأنت صايبتك عين ؟!!

ماشاء الله لاإله إلا الله

ممكن أخوي العوام تعطيني رقم الشيخ اللي يقرا عليك ؟!!

شكلك ضابط شغله

إقتباس المهم انهم يسوون شيء والعذر موجود , ما امدانا

عذر منطقي

إقتباس يماطلون مع اللاعب اللي يطالب بــ 500 الف او 600 الف , واذا شافوه بيروح لنادي ثاني ( زخوه ) بملوين او مليونين !! والله من قل الدبره !!!

والأدهى والأمر إنهم بالأسلوب هذا شجعوا لاعبينا على استقبال العروض الأخرى والبحث عنها

إقتباس لكنها موجوده عندنا هنا ودارجه في كل الاماكين <== جمع ,,

أخوي العوام .... من اللي درسك قواعد وخصوصا درس الجمع ؟!!

إقتباس يعني اذا جاء دورنا وصبت عين عذاري علينا اروينا اللاعبين ,,

مرتوين ذولا والله مرتوين :sad:

إقتباس هو يبي يسب ويطلع كلامه مدح وتبرئه <== كيف جت ذي والله مايدري لكن الاكيد انها حصلت , علشان كذا لا تدققون عليه ياجماعة الربع

ماهيب منك ( تبرئة ) !!

شكلها عقب القراية

إقتباس العين لقينا مصدرها ( واحد ماغيره ) وان شاء الله مردوده له

لاحرام عليك ياأخي الإعصار ترى حبيب وماكان يقصد <==== فضيحة

إقتباس وازيدك من الشعر بيت تراني ارد عليك وانا ( متكي ) خخخخخخ

قل آمين ......

جعلك ماترد علي وأنت جالس من غير شر

ــــــــــــــــــــــــــــــــــــــ

أخوي الهاوي 11 :

عمرك شفت أخبار توسع الصدر ؟!!!

وبعدين وشلون ماأروح وطي ودرجة الحرارة ستين

بالنسبة للنشرة الجوية تستمعون إليها بعد قليل مع الأستاذ أبو ذكرى كانه جاء

تحياتي ,,,,,

ـــــــــــــــــــــــــــــــــــــــــ

أخوي الزعيم الابن :

إقتباس عمرك شفت أخبار توسع الصدر ؟!!!

تحياتي للجميع ,,,,

الله يرجك يالغريب والله روعة


اجل رئيس النثر جاه شد عضلي


خخخخخخخخخخخخخخخخخخخ


مو مكفينا الثاء

الله يعين اللي جاي منه


تسلم والله وسعت صدري الله يوسعه لك

يعطيك العافية وننتظر الاخبار القادمة وان كان كلامك عن عضو الشرف الهلالي قوي شوي

ههههههههههههههههه


الله يوسع صدرك بالعافية أخوي الغريب

والله رايقة من جد

يا ليت كل الاخبار زي أخبارك

بس صراحةكلها كوم وخبر

بواب نادي الشباب كوم ههههههههههههه

والله مب بقى الا هو يروحونه للنصر

تحياتي أخوي

ونحتري نشرة الساعة 9

يالغريب قل آآآآمين ‍‍‍


جعل كل ( كنديشناتك ) تخرب إلى نهاية الصيف علشان ماننحرم من شوفة نشرتك الصيفيه يابو( كرّاني )


وعلى طاري ( المذكور اللي ضرب الحديده ) يقولون انه من عقب توقيع الفلاش ماينام إلا بالبشت


لكن أصبر علي إذا ما( خلصت عليه ) بتوقيع ( كوفي شوب ) ماأصير ( مديرك )

حلوه منك يالغريب الغالي ويعطيك الف عافيه على الاخبار الحلوه. والله يستر من السوبر

هههههههههههههههههههه


اقول نبي الاخبار الجويه بصراحه هي احلى شي نتابعه

في نشرات الاخبار كلها .. خاصه اذا جت على الفضائيه ..

;)

:D:



الله يعطيك العافيه والله ..



في الرياض الحر اشتد