المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > أرشيف مواضيع منتدى الجمهور الهلالي
   

أرشيف مواضيع منتدى الجمهور الهلالي ارشيف بمواضيع منتدى الهلال السابقة

 
   
 
LinkBack أدوات الموضوع طريقة عرض الموضوع
  #1  
قديم 08/12/2000, 02:19 AM
زعيــم فعــال
تاريخ التسجيل: 04/11/2000
المكان: الرياض
مشاركات: 407
Angry

السلام عليكم.......
كما كنت متوقع أقرئوا هذا الخبر من جريدة الرياض
{ من جهة اخرى تصل في الثامنة والنصف من مساء اليوم بعثة فريق شميزو الياباني للرياض, لخوض المباراة النهائىة لكأس السوبر الآسيوي يوم الاثنين المقبل, حيث ستقيم البعثة اليابانية بفندق حياة ريجنسي على ان تبدأ اولى التدريبات في التاسعة من صباح غدا السبت بملعب الامير فيصل بن فهد وكذلك مساء, على ان يؤدي الفريق تدريبا مسائيا في استاد الملك فهد يوم الاحد, حسبما هو مقرر فيما ستحضر البعثة اليابانية حفل السفارة اليابانية مساء يوم الثلاثاء تكريما لهم, فيما تغادر الرياض الى طوكيو مساء يوم الاربعاء المقبل. }

آآسف ولكن قبل أسبوع كان الهلال هناك
سوء معاملة
عدم السماح بالتدريب في الملعب الذي يقام فيه المباراة
ضغط نفسي
وبالأخير الحمدلله كسرنا اللي باقي من خشومهم.....

وحنا هنا
يجون بدري علشان يتأقلمون
نسكنهم في الحياة ريجنسي .
ويتمرنون في أستاد الأمير فيصل .
ويعودون على أرضية أستاد الملك فهد
حفل تكريم وهدايا
ما بقى إلا نعطيهم النتيجة {وهذا قمة الكرم }

معليش هذا مهو كرم هذه ذروة السذاجة ...
لو أنا مسؤل {ولو تفتح عمل الشيطان}في أي نادي يلعب مبارتي ذهاب وإياب مع فريق من شرق آسيا و, وش كان أسوي:-

هها {هذي ضحكة بخبث}
1) أسكنهم في فندق التاج أو فندق البطحاء .
2) أخليهم يتمرنون في نادي الشعلة وأركبهم باصات خط بلده .
3)الأكل{مهم صايمين} أكرمهم الفطور كبدة حاشي وحنيني وعصيده والغداء مضغوط ومندي والعشى مفاطيح وبعد كل وجبة حليب خلفات خل مصارينهم تفرقع .
4) والمباراة تكون بحدى أستراحات المزاحمية علشان أدحدر الباص مع طلعة الجدية وأخليهم يرتاعون.
5) بعد البطولة أبغى أعزمهم بالثمامة عادي .

كل هذا مهو علشان نفوز لأنه ولله الحمد فزنا هناك ولكن علشان يعرفون أنهم مايقدرون {يستعبطوناش} بالمصري

وسلامتكم

------------------
سبحان الله وبحمده, سبحان الله العظيم
  #2  
قديم 08/12/2000, 02:46 AM
زعيــم متواصــل
تاريخ التسجيل: 12/12/2000
مشاركات: 131
Post

ابو زهى


يازين ردك والله مت من الضحك

بس ترى ذا الهلال لو يخلونهم ينامون بالشارع باليابان عادي حنا بنكرمهم
حنا اهل الكرم والجود
والا نسيت؟؟

حتى الطبخات اليابانيه مجهزينه لهم ااااااااااااااه يالهلال

وش كثر حبي لك
وفي النهايه

شكرااا
  #3  
قديم 08/12/2000, 09:59 AM
زعيــم نشيــط
تاريخ التسجيل: 11/09/2000
مشاركات: 680
Talking

ياليتك مسؤل يبو زهى

اكتشفنا فيك موهبة جديدة وهي ( الكتابة الساخرة ) والحقيقه انا ضحكت كثير ومع اني مستعجل ابطلع خارج المنزل لكنك اجبرتني اكتب الرد ...

التحية لك وللجميع وانشاء الله نهنىء بعضنا بالسوبر الآسيوي وبعودة سامي الله يرد غربته .

------------------
ياليت سامي يمررلسامي !
  #4  
قديم 09/12/2000, 01:47 AM
زعيــم جديــد
تاريخ التسجيل: 07/10/2000
مشاركات: 14
Lightbulb

الحبيب أبو زهى ترا فواز المسعد صرح في بيان رسمي
إن كل ما أشيع عن سوء ضيافة الفريق الياباني ليست سوى كلام جرايد وإنهم لقوا كل ترحيب .
يا جماعة بالله عليكم انتم توقعون إن فريق ياباني كبير
حقق بطولة كبيرة بيسوي في الهلال امور مثل ما كتبت
الجرايد !!!!!!!!!! .
أنا بصراحة أجزم إنه كلام فاضي .

------------------
ان تقدم سامي ولا تأخر سامي يبقى هو أغلى الأسامي
  #5  
قديم 09/12/2000, 01:58 AM
زعيــم مميــز
تاريخ التسجيل: 22/09/2000
المكان: الرياض
مشاركات: 2,084
Post

يا هلال يا هلال
حبيبي ابو زهى
الهلال كبير في كل شي والمبير يضل طول عمره كبير
والكبادئ لا تتجزئ الهلال كبير بفنه وأخلاقه وجماهيره
وبعدين وشتقول عن نادي النجمة اللي يطلبه الهلال مليون وتنازل عنها تقدير لهم ولمعاناتهم
وش تقول بالنصر إلي يطلبه الهلال مليون زوزد ولاعبنا يطامر معهم وهم يقولون ما معنا فلوس نسدد
وبعدين يجونك ويقولون نبي العصير والمويه حقتنا

هذا الزعيم ولا زم الكبير يكون كذا

------------------
ومسائكم ورد
  #6  
قديم 09/12/2000, 02:23 AM
زعيــم فعــال
تاريخ التسجيل: 04/11/2000
المكان: الرياض
مشاركات: 407
Post

السلام عليكم
أخوي عاشق نواف تسلم لي وعسى ها الضحكة دايمة إنشاء الله .
عزيزي السيف الأزرق هذي مسئولية صعبة
وعسى ما عطلتك......
وياأستاذي المارد الأزرق هذا حنا إذا فزنا ننسى المواقف السيئة ولو خسرنا {لا قدر الله } طلع الصدق..

ويا أخوي الأولاني هذولا أخوان وعادي سمننا في دقيقنا ....
بس الأجناب هم البلاء.........

------------------
سبحان الله وبحمده, سبحان الله العظيم
  #7  
قديم 09/12/2000, 03:21 AM
مشرف سابق في شبكة الزعيم
تاريخ التسجيل: 18/08/2000
مشاركات: 2,235
Smile

أخوي الغالي (ابوزهى) ,,,

الله يسلمك حبيبي ,,,

والله انك ضحكتني على اللي بتسويه فيهم والله ان تحلل اللي سوه في الهلال في اليابان ,,,

ولكني اظن ان هذا كلام جرايد , وحتى لو كان صحيح فنحن اهل الكرم والشهامه ,,

وصدقني يا(ابوزهى) حنا بمثل هذا الكرم اللي نقدمه للفرق اللي نلعب معها , نخليهم يخجلون من فعلهم , ولكن لنا نظره ابعد من تصرفهم فنحن بكرمنا لهم وللفرق التي نستضيفها نعزز من اسهمنا في استضافات البطولات لاننا لانترك لهم مجالا ينتقدون فيه استضافتنا وبالتالي لايكون هناك اى عذر لمنع (الهلال) من استضافه اى بطوله اسيويه , بحجه سوء الاستضافه ,,,

يعطيك الف عافيه على هذا الموضوع والذى اضحكني , والله يوسع صدرك بالعافيه ,,,

وتقبل خالص تحياتي لك ,,,

------------------
هلال التحدى شب ضوه وجاب الكأس ... على صك خمسين السنه ولعت ناره
وبشب ضوي بالثمامه على الأطعاس ... جماهير الأزرق من على النار سماره
  #8  
قديم 09/12/2000, 04:35 AM
زعيــم متواصــل
تاريخ التسجيل: 05/12/2000
المكان: الرياض
مشاركات: 89
Thumbs up

صح لسانك بكل كلمة قلتها يابو زكي وياليت هاليبانين يقدرون على الأقل وش حنا سويناعشان راحتهم؟؟!
  #9  
قديم 09/12/2000, 07:10 AM
زعيــم فعــال
تاريخ التسجيل: 04/11/2000
المكان: الرياض
مشاركات: 407
Post


هلا بالأسطورة الله يضحك مبسمك كمان وكمان.........

ويا النسر الأزرق أقول .........كيف الحال ......

شايفني راعي كباب وإلا مقاول......... أبو زكي

أسمي أبو زهى .......و زهى أسم مؤنث يقصد به الزهو
{أمزح معك........... ولي }



------------------
سبحان الله وبحمده, سبحان الله العظيم
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube