شف كاس العالم مجاناً بس سوي هالطريقه البسيطه
 

طريقه ناجحه ميه بالميه ...

بس المطلوب ..
رسيفر عادي (غير رقمي) صحن متر ونصف ... راس كيو

وسوي بحث عن القناة الايرانيه الفضائيه وتمتع بمشاهد كاس العالم بدون قذارة صالح كامل ;)
( على فكره خل اتجاه الصحن على الشرق )
حتى لوكنت بالمريخ راح تشوفها

ياخوي انت تقول بسيطة
وانا ثلاث ساعات من العصر للعشاء ماقدرت اجيبها


وآخرتها قناتين اسرائيلية !!!!

طلعت معي من قرادة الحظ !!

اشرحنا شوي كيف نوجه الصحن والتردد لو سمحت

خذ التردد 11099و11001و11172
وموقع القمربين الشرق والغرب بالنص بالظبط

اخوي بين الشرق والغرب في جهة يسمونها شمال
وجهة يسمونها جنوب اي وحده منهن

اسف ياجماعه تراني بالجهات لك عليه يعني دماااااااار

ومشكور اخوي ازرق وعليكم بالعافيه ..

و انا اشوفها على الأنتل العادي بدون احتقار ابن الك.............

انا مجرب القناه الايرانيه وتراه تنقل الدوري الايطالي

جوني أربع هنود يبيشوفون مباراة انجلترا والأرجنتين
وسويت لهم غدا على مود ان عندي اشتراك مع الك............

لكن والله تفشلت كل ماجت هجمة خطرة انقطعت الصورة ,,,,
الله يسامحك ياشيخ

شباب اعذروني بس القناة صافيه عند ناس واجد وبنفس الطريقه ... والعود ولا القعود ولا وش رايكم

اخوي المتسرب 15 هل القنوات الايرانية اللي ذكرت هي الموجودة على الهوت بيرد ... فية مجموعة من القنوات الايرانية عددها تقريبا 5 قنوات .. لكن انا شلتها من زمان .. اذا هي نرجع لها..

لازم تقهرون هالي ما يتسمىىىىىىىىىىى ؟؟؟؟؟؟؟؟؟

شكرا

يا شباب هذا قمر ايراني انالوج و ديجيتل والانالوج اللي أنا مركبه فيه أربع قنوات ايرانية من ضمنها القناة الايرانية الثالثة اللي هي الرياضية وهي تنقل الدوري الايطالي والألماني والبطولات القارية الاوروبية بدون تشفير ولا يحزنون وهذه الأيام تنقل كأس العالم كاملا حيث تنقل المبارتان الأولى والثانية على هذه القناة الرياضية (( الثالثة )) والمباراة الثالثة على القناة الايرانية الثانية .... أما طريقة تركيب هذا القمر فسوف أشرح شرح بسيط لهذا القمر الذي أتعبني تعب رهيب حتى حصلت عليه وبالصدفة بعد ....
أولا ركبت الرأس كيو باند على مسطرة تكون على اليسار في الصحن وأنا مقابل للصحن وبعدين وجهت الصحن جهة الجنوب مع الميلان قليييييييييييييييييييييييلا للشرق ((يعني حول الاسرائيليات اللي تقولها يا الكنز نواف )) وقعدت ألف يمين يسار فوق تحت ما طلع شي وبعد مضي قرابة الساعتين ونصف أو الثلاث ساعات من الطفش فكيت الصحن وخليته يطيح على الأرض وكان خلفه تماما الجدار فسقط الصحن على الأرض مع ملامسة بسيطة لأعلى الصحن للجدار يعني كأنك مسدح الصحن على الأرض ومرتفع شووووووووووي من فوق يعني صار الصحن متجه تقريبا للسماء ... وفيما هو كذا الا وأسمع صوت من التلفزيون أناظر الا هذه الايرانيات وصافية تماما ..... يعني باختصار يا شباب :
الصحن للجنوب مع الميلان للشرق قلييييييييييييلا
المسطرة على اليسار وأنت مقابل للصحن
الصحن كأنه موجه للسماء
الترددات : حسب أنواع الرسيفر
الأولى : 11172 أو 1422
الثانية : 10998 أو 1248
الثالثة : 11096 أو 1346
الرابعة 10964 أو 1214
أتمنى أن أكون كفيت ووفيت ... ومن لديه أي استفسار أنا في الخدمة
طلب بسيط يا شباب : اللي يسوي الطريقة هذي يبلغنا بالنتايج ايجابا أو سلبا

أوصلت الطريقه لواحد خبير

وراح يعملها ويارب تظبط

يا شباب انا قرأت نفس الموضوع في منتدى آخر وجربتها وشغاله 100%, لكن انا جبت "واحد نفر هندي" ضبطه لي ولا حاولت اتفلسف.

تكفون حاولوا وصدقوني بتدعون للمتسرب وأقهروا الضفدع خااان وأهجروا القهاوي.