|
سيوفنا وإلا خنجرهم ؟ المنتخب العماني قوي ... عنيد .. صعب .. وبالنسبة لنا كمنتخب سعودي يكفي وصولنا للمباراة النهائية >>> يسمع بالتخدير هع هع هع :razz: البطولة والكاس سعودي بإذن الواحد الاحد ... الكاس راجع للرياض >> امنية أتمنى تحقيقها أمام عمان ( المنتخب العصري ) والمتطور .. الإستحقاقات راح تكون كالتالي حسب توقعاتي المتواضعه : بطولة الخليج : السعوديه أفضل حارس : علي الحبسي الهداف : ربيع العماني اللعب النظيف : السعودية أو عمان أفضل جمهور : الكويتي أفضل عضو بشكة الزعيم : أبو طلال :d >> جائزه خارج البطولة ======== الفريان منتهي ...... صدق الرجال مدمن فلاشات وكاميرات !! يقولون قاعد جنب حليمة يدري ان الكاميرات عليها وإلا هو مادرى عنها .. حتى هي ثاقلة عليه تحسبها يبيها .. وهو يبي هالكاميرا اللى تبي تصورها .. حتى بقناة دبي إستضافوه ... وذكر انه سجل بعضوية نادي ظفار العماني ليكون عضو في 56 نادي رياضي :laugh: ======== الجمهور السعودي قليل قدام الكويت !! يقولون ناس ان الجمهور السعودي اكثر بس اكثرهم قاعد في مدرجات الكويت بعد ماعرفوا إن حليمة بولند حاضرة :naughty: ======== المجلس اليوم ومثل ماتوقعت قبل إنه بيولع .. خصوصا مع صالح الحمادي .. كانت الحلقة عنيفة !! وتكرر موضوع إتهام صالح من قبل الصحفي القطري واللى يقول مثل البقية بأنه كتب عن تلوث دم ماجد عبد الله ... وكرر الحمادي وبثقة تحدية كما تحدى قبلة الخسيس ( جستنيه ) عندما إتهمة نفس التهمه .. وكان التحدي على الهواء مباشرة بأنه إذا ثبت ذلك الكلام وأنه فعلا قد كتب هذا عن ماجد او قولة بأنه كتب كما يدعي جستنيه بأن ماجد مريض بالإيدز .. أن يعتزل الصحافة وأن لايظهر في أي قناة .. وطلب من المري ذلك في حالة إثبات العكس ..وأنسحب المري كما أنسحب جستنيه قبلة .. وطالب بعدم أطلاق الشائعات الغير مثبته .. بصراحة أدّبهم ابو عبد الله .. الشرهة على المصتصحف السعودي ( محمد الشيخ ) اللى وقف ضد صالح الحمادي بشكل مخجل !! ======== المفروض مااطلع عن جو بطولة الخليج .. بس فخور بما سمعته عن إستخارة ( عيسى المحياني ) ورغبته بالإنظام لنادي الهلال بغض النظر عن الأمور المادية !! ياسر سبقة في هلكلام .. حتى انه تنازل عن مليونين بس يروح للهلال في إتصال هاتفي ..... والغنام يقول بوقع في الهلال على بياض وطول عمري .. والشلهوب يقول ماراح انقل عن الهلال إلا في حالة إحتراف أوروبي .. والهوساوي يصرح بالراحة النفسية اللى يجدها بين زملائة اللاعبين !! الدعيع قبلهم ... وغيره و غيره ... طارق التايب في تصريح .. بعد ماارجع راح أكل العشب اكل علشان جمهور الهلال !! بالله مو شي نفخر فيه كجماهير هلاليه .. كل من يدخل هالنادي يحبة .. كل لاعب يتعامل مع إدارته يرتاح منها .. إدارة تحترم إنسانية اللاعب وتتعامل بشكل إحترافي عالي ومحترم ... سر هالحب وراه نية طيبة وإحترام متبادل .. s13s ========= نرجع لبطولة الخليج ... الإماراتيين أحرجوا يعقوب السعدي مذيع قناة دبي !! كل المتصلين والمشتكين له من جمهور عمان والشعب العماني مايدرون ان السعدي عماني !! والمسكين مايدري وش يقول ... بين نارين وعلى قولة الشاعر : ياشينها لاصرت بين إختيارين .. مستقبلك وإلا حبيب تودة :naughty: ========= الأخوة الإماراتيين في كل مكان .. نحن معكم .. نباكم .. نشجعكم .. ومن هالكلام !! وماشفنا ولا إماراتي يشجع المنتخب في الملعب .. بس بالعكس .. :laugh: بس مو مشكلة .. جماهير الخليج كلها مع عمان ... جمهورنا يسدنا ويكفي وبيض الله وجيههم .. وعقبال البطولة .. ========== الأمطار حطمت إستديوات بعض القنوات منها دبي .. وأبو ظبي .. واحد ذكر إن الشغب والحقد العماني يصل للقناتين ويحطم أدواتها وكاميراتها !!! :razz: حتى قناة الجزيرة والكاس تضررت من الأمطار وكادت المباراة تتاجل امس ... ترى العجلة شينه يالربع :naughty:>> أقصد اللى منزل موضوع ع لشان هالسالفة ويتبلى العمانيين بشي ماسووه :no: ========= شخصين من قطر كنت اكرههم بسبب الإعلام ....... وللأسف الإعلام السعودي خدعني في الكذب عليهم وعلى شخصهم ... لكن بعد ماش فت كلامهم وتابعتهم لقيتهم جديرين بمناصبهم .. وأصحاب أخلاق وذوق عالي وهم فخر للعرب والإسلام قبل ان يكونوا فخر لقطر .. والثاني : الأمين العام لمجلس التعاون الخليجي .. العطية http://www.moheet.com/image/53/225-300/536725.jpg شفت لهم مقابلات وحوارات .. وإنقبلت الصورة 180 درجة عنهم ... والسبب إعلامنا ( الصادق ) وياشين إعلامنا إذا إختلف او كرة أحد :to: ======= وفي الختام .. تتوقعون سيوفنا ..وخنجرهم ؟ === أدعوا لأخواننا في غزة اللهم إنصرهم وأرحم شهدائهم اخوكم الصغير ابو طلال |
ابو طلال ما ادري وش اقول لك صراحه ,, بـس استمتعت بما كتبت . تقبل مروري |
شكرا ابووو طلال و بالتوفيق للمنتخب السعودي |
يسلمووووووو ابو طلال على الموووضوع الاكثر من رائع وهذي اول مررره اقرا مووضوع كااااااااااامل لانه بصراحه كلمة رووووعه قليله بحقه مشكوووووووووووووووووووور وننتظر ابداعكـ |
تبيني احلف لك يا ابو طلا ل انك صحفي او كاتب لان اسلوب قوي بصراحه يشدك ويخليك تستمتع بالقراءه وهذي لايجيدها الى الصحفي او المتمرس هذا اولا ثانيا \ لوني من جمهور السعوديه كان رحت مع جمهور الكويت لان معهم :naughty: ام بولند ثالثا \انا استغربت من الحمادي ماذكر اسم المريض النفسي جستنيه رابعا\لوني لاعب وجاني عرض من النصر ب 20 مليون وعرض من الهلال ب6 مليون رحت للهلال لان النصر :to: خامسا\ افضل حارس اكيد الحبسي حتى لو دخل عليه اهداف لانه مستواه قوي قوي ووليد عبدالله الدفاع الي مساعده سادسا \ تستاهل تاخذ جائزه افضل عضو سابعا \يشرفي اضيفك ضمن قائمه الاصدقاء اذا ممكن ثامنا \ارجو من الاداره تثبيت الموضوع وبأذن الله سيوفنا وعلى فكره جمهور السعوديه طلعو اهزوجه جديده العمانيين يقولون(شعاره سيفين والخنجر عمانيه) والسعوديين يقولون(شعاره سيفين النخله سعوديه ) << وش دخلها بالسالفه |
[ الجمهور السعودي قليل قدام الكويت !! يقولون ناس ان الجمهور السعودي اكثر بس اكثرهم قاعد في مدرجات الكويت بعد ماعرفوا إن حليمة بولند حاضرة :naughty: ههههههههههههههه الله يقطع ابليسك هههههههههه حلوووه منك :bx::bx::bx::bx::bx::bx::bx::bx::bx::bx::bx::bx::bx::ap::ap::ap::ap::ap::ap: |
إقتباس:
ابن همام شفت له كم مقابله احسه فاهم بس لايمكن انسى لقب نادي القرن , حق الهلال المسلوب (فيس معصب) اما الثاني الله يستر عليه وبخصوص السيوف والخناجر سمعت العمانيين يقولون : http://tbn0.google.com/images?q=tbn:...Logos/Oman.jpg (وشعارنا سيفين والخنجر عمانيه) http://tbn1.google.com/images?q=tbn:...Arabia.svg.png لكن احنا راح نغني ان شاء الله (وشعارنا سيفين والنخله سعوديه):ap: ويارب يفوز الأخضر يعطيك العافيه يابو طلال :rose:</B> |
الله يعطيك العافيه يا أبوطلال * اليوم الحمادي :smilie47: جبل مايهزك ريح :yes: * وبالنسبه لأبن همام أحترم رايك فيه لأن رأيي أنا العكس :naughty: << لأسباب كثيره منها على السريع نادي القرن :yes: * الفريان تمادى كثيراً إلى أن وصل الإساءة لنفسه << مثال : المقابله مع حليمه وجاي يترزز وراها :laugh: والله العظيم إني أنا فشلت :ap: شكراً لك يا أبوطلال على الوقفات السريعه الجميله :rose: اللهم إنصر أخواننا في غزه |
هلا ابو طلال :rose: ان شاءالله السيف السيف:smilie47: والحمادي :smilie47: لنهاية البرنامج وهو محترم ومسكتهم :naughty: وماسك وردة بعد:clapping::smilie47:واثق الخطوة يمشي ملكا:naughty: عوافي :rose: |
ابو طلال موضوع جدا رائع يشد الانتباه وعجبني كل ما كتبت |
ابو طلال قريت المووضووع وعاجبني أنت وموضووعك أتفق معك بالنسبه لسعادة محمد ابن همام العبدالله بصراحه فكره مميز وأسلوبه ممتاز واحنا نا س للاسف يسيرها الاعلام وعلى فكره مو عندنا ووبس يعني لا تثريب علينا كل شعووب العالم تقع تحت التأثير المحلي للاعلام أسلوبك شيق وتستحق جائزة أكوس عضو في خليجي 19 كن كما أنت ياصديقي |
إقتباس:
الله يمتعنا وإياك بالصحة وبالعافيه شكرا لك s13s |
صباح الخير ابو طلال مبروك التأهل و الوصول للنهائي و بإذن الله سيوفنا :smilie47: .. و يخلون خناجرهم ببيوتهم :confusedw: الفريان صحيح إنه ماعندك أحد من زمان .. بس وقفته مع حليمة و يناظرها كأنه بياكلها هي اللي تقهر .. ماعنده مروءة ؟؟ :confusedw: صالح الحمادي عيني عليه باردة .. من عرفت نفسي و هو يعجبني .. ماشاء الله يملك حجة قوية .. و واثق من نفسه .. وله هيبة ! الهلال نادي عز و معزة .. كل شي متوفر و تعامل ذوق .. و نادي بطولات .. و كل ادارة أحسن من الثانية .. الحمد لله رب العالمين :smilie47: الله يجيب المحياني اذا فيه خير لنا .. إلا سمعت كوزمين وش رد على الرومانيين ؟؟ ياسلام عليه بس :d :smilie47: الاماراتيين .. مشكلتهم انهم خسروا كل شي بهالبطولة .. لانقل و لاتأهل !! لذلك موب عارفين وش يسوون ..! و صدقت الشعب أخواننا و ونبي لهم كل خير .. لكن البعض يسيء لدولة كاملة ! الله يهديهم ! محمد بن همام يطابق عليه المثل ( أسمع كلامك بيعجبني و أشوف فعايلك أتعجب !! ) << أكيد المثل صح :d ؟؟ يعجبك أسلوبه .. و ثقته .. لكن عليه حركات مدري وش تبي .. و أنا ما أحب أحد يكسر خاطرالشلهوب :no: :smilie47: الله ينصر أهل غزة .. و يرفع عنهم و يرحمهم برحمته .. ألف شكر أخوي أبوطلال .. أفضل عضو بشبكة الزعيم :d << حسب توقعاتك :bx: |
الجمهور السعودي قليل قدام الكويت !! يقولون ناس ان الجمهور السعودي اكثر بس اكثرهم قاعد في مدرجات الكويت بعد ماعرفوا إن حليمة بولند حاضرة ههههههههههههههههههههههههههههههههههههههههههههههههههههههههه الله يلوم من يلومهم اما عن الفريان فحدث فلا حرج |
مبدع مبدع بو طلال ... تصدق لما اشوف اي موضوع بإسمك على طول ادخل وانا مبسوط لاني عارف ان المحتوى ممتع كالعاده وانا من اكثر الاعضاء اللي يقرون مواضيعك بالعام ..بس ما اذكر رديت عليك :naughty: ان شاء الله البطولة سعوديه :clapping: |
| الوقت المعتمد في المنتدى بتوقيت جرينتش +3.
الوقت الان » 12:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd