|
يا القناة الرياضية السعودية متى تتطورن ( بالله قولولي ) بسم الله الرحمن الرحيم الحمد لله رب العالمين والصلاة والسلام على نبينا محمد ،،، وبعد : أولا : اللهم لك الحمد حتى ترضى ولك الحمد إذا رضيت ولك الحمد بعد الرضا ،، نحمد الله على أن وفقنا لتخطي المنتخب الكويتي وتأهلنا للنهائي ،، ثانيا : أحب أوجه قليل من الكلمات للقناة الرياضية السعودي أو ما يسمونها بالـ ( الخشبية ) لكن والله أستحي أقول الخشبية ،، - من أكثر القنوات مدحا للذات ( يعني أكثر ناس يمدحون شغلهم وأنفسهم ) - من أقل القنوات تفاعلا مع الأحداث المهمة ( كأس العالم ، أمم أوروبا ... إلخ ) فأحب أوجه لهم كلمة بسيطة : فزنا على الكويت وتأهلنا لنهائي خليجي 19 إنقلبت القناة الرياضية إلى مسرح أغاني ،، يعني القنوات الثانية مثل الجزيرة شغالين يسوون لقاءات مع اللاعبين ومع الإداريين في المنتخبات بعد المبارايات ،، بينما القناة الرياضية شغالين يدورون أغاني للمنتخب ،، يعني ربي أنعم عليهم ووفقهم للتأهل للنهائي ،، يقومون بعدها يعصونه ،، والله عجب ،، يعني يجبروننا إننا نسمع الأغاني حتى مع التحليل في الإستديو ،، مانبغى أغاني ولا غيرها ،، نبغى لقاءات دعوات للمنتخب ،، يعني لا تغصبوننا نعصي الله سبحانه وتعالى ،، وإذا تتذكرون نهائي كأس آسيا 2007 الرياضية بعد ما أنتهت مباراة اليابان صارت كلها أغاني ،، من يوم تشرق إلى أن تغرب وإحنا في أغاني ،، ( يا سلامي عليكم يالسعودية ، أووه يا سعودي هووووووو هووووووو .... إلخ ) المهم بعد المباراة وبعد الهزيمة من العراق أنقلبت القناة ولا كأنه صار شئ ورجعوا لنا البرامج إلي كانت قبل بداية البطولة مثل ( صفحة رياضية ،، برنامج ما أدري وش اسمه لكن يعرض مباريات بطولة كأس اللبتادورس ... إلخ ) النقطة الثالثة : المعلقين ،، والله مباراة الكويت ما كنت متحمس ولاني فرحان كثير بسبب المعلقين ،، يعني المعلقين إلى فيها كلهم يعلقون كأنهم يقرون جرايد قدامك ،، أو يروح كل الشوط وهو يمدح اللاعب الفلاني كل ما أتت الكاميرا على لاعب قام يتكلم 10 دقايق عنه ويمدح فيه وما بقى إلا يعلمنا وش اسم جدته عمة أبوه ،، يعني مثلا مباراة السعودية والكويت الآخيرة ،، المعلقين على المباراة ( علي ربيع - عادل عصام الدين ) يعني أنا أبغا أعرف عادل عصام الدين هو أستقال من وظيفة المشرف العام على القناة الرياضية وأشتغل معلق ولا أيش ،، يعني أكثر من هجمة خطيرة حصلت وهو يعلق والله لا تفاعل مع الهجمة ولا غيرها ،، مجرد سوالف تقول واحد قاعد يسولف لك ،، يعني الرياضية أقدر أسميها معهد إعداد المعلقين ،، يعني يتدرب المعلق فيها بعدين يروح مثلا : فهد العتيبي ،، ناصر الأحمد ،، عيسى الحربين على ما أظن إذا ما خانتني الذاكرة ،، وغيرهم كثير ،، والخلاصة : متى تتطورون يالقناة الرياضية ؟ بالله قولولي متى أشوف الرياضية هي القناة الوحيدة إلي تنقل أمم أوروبا ؟؟ متى أشوف الرياضية هي القناة الوحيدة التي تملك أحقة نقل كأس العالم ؟؟ حلم أتمنى أشوفه حقيقة ،، دمتم بود ،، |
والله يا اخي الفاضل ...... اولاً اشكرك على موضوعك اللذي في محله . ثانياً انا والله اايدك بقوووووووة على ماتقوله لأنه فعلاً لا تفاااااعل حتى مع الدوري السعوووووودي معلــق (((( نـــايـــــم )))) وقنااااااااة نايمه ــــــــــــــــــــــــــــــ اتمنـى ان تتطــور |
وينكم يا جماعة ؟؟ 0000000000000000000 |
لا ابشرك غيروا (ياسلامي عليكم يالسعوديه ) صجونا (بحيو السعودي) تابع صدى الملاعب يكفيك عن الجزيره و الكاس والخشبيه وغيرها |
القناة ما في لها دعم وعلى قدها والاستديو التحليلي مليان مهرجيين ولا اعتقد ان احد يشوفها اشبهها بالاندية الصغيرة عندنا نجران الحزم الرائد في احد يتابعهم .. |
وأصلا ما فيها إلا برنامج 99 ذاك صراحة أرفع منها ،، ومن مستواها ،، |
والله يا اخوي هالقناة الخشبيــــــة مافي امل تتطور تدروووو ن ليه !! لانها قناة خشبيـــة بكل ما تعنيه الكلمة من معنى..!! |
يارجال والله ماعندهم ماعند جدتي |
مافي امل في التطور في هذه القناة الفاشلة |
ما فيه امل تتطور عوافي |
إقتباس:
جاك العون والله هذي القناه مهي فالحه الا با الاغاني استغفرو ربكم واحمدوه لانكم فزتو وماخسرتو نهائي اااااااسيا الا با الاغاني الله يصلحكم وامس هدف يوم سجل الفريدي الهدف ما شفنا تفاعل مع الهدف ليش؟؟؟ ولا لانه كان يتكلم كامل صلاح الدين والله مدري وش اسمه يعني محرم تقاطعه ياخي جيبو الجابر ولا ايواد غير الاثنين الي يعلقون والله اني اخفض الصوت منهم صوت اللهم لاشماته يله يا شباب حمله ضد الخشبيه على الاغاني |
أما متى تشوف السعوديه تنقل كأس امم اوروبا وكأس العالم لا وحصريا بعد تعوذ من ابليس بس اذا الدوري السعودي ما تقنله كامل عز الله انها خشبيه من جد |
يا كثر المواضيع عن الرياضية الله يعين بس |
1 عن المبارات يا اخي%99من الشعب السعودي يشوفون مباريات المنتخب على قنوات ثانيه ليش تشوفها على قنات الفقر 2 الاغاني مشغلينها 24 ساعه وذاجاحفل افتتاح بطوله وجت حرمه ترقص ولا تمشي قطعو البث 5دقايق ويروح نص الحفل على تقطيع |
حلوه تنقل امم أوروبا وكأس العالم حصريا.. قووية وصعبة قناة حكومية .. من وين بتغطي تكاليفها .. |
| الوقت المعتمد في المنتدى بتوقيت جرينتش +3.
الوقت الان » 02:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd