السلام عليكم....

والله كلنا تأثرنا من الهزيمة القوية اللي أكلناها من ألمانيا

بس الواحد يحمد ربه انه مهو بره السعودية زي حالاتي ......

طبعا من اسمي المستعار ، اي واحد يعرف اني في مدينة نيويورك

وطبعا ان اهل امريكا معروفين لعدم حبهم لكرة القدم كثيرا ولكني لم اكن محظوظ .....

قبل المبارة ماتشوفوا أخوكم الا يسوي دعاية للمنتخب اننا ابطال اسيا وافضل لعيبة واننا حنهزء المانيا وحنبهرم بالمستوى ... حتى اني خليتهم كلهم يتابعونها

وشوفلك بعد المبارة الاتصالات من كل واحد .... وخذلك سلك حش على المنتخب من كل من هب ودب .....

بس طبعا أخوكم فاهملها ، رحت قفلت الجوال ....
والحمد الله افتكيت منهم الا واحد مصري سابلي مسج فب الجوال قعد يتريق ويضحك في المنتخب وقالي : (بالمصري)

ايه ده ياراجل !!!! ده فريق يلعب كورة !!!!
دهوا ايه ..الالمان لعبوا وحدهم ... وانتوا بتقولوا برازيل العرب ... ده برازيل ... ده طحين
امشي ياراجل انتى وفريق الغلابة .....
عاوزك تتصل بي عشان اتشمت عليك الساعة ثمانية والدقيقة بالظبط صفر ..... هاهاهاهاهاها سلام


قلنا يلا مافي مشكلة مصري واعرف ارد عليه

المهم اروح الكلية ... وانا في الباص احصلك واحد اسباني .. تكلمنا انا وياه عن كاس العالم . وهو كان ناسي اني من السعودية . وشوفلك الاسباني مافي الا حش في السعودية . وعشان مايشك فيني ، برضه حشيت معاه على المنتخب

و في الاخير جاءت وحدة ارجنتينية وضحكت في وجهي وقالت اشفيهم منتخبك !!!!
الا والاسباني دري اني من السعودية واديله ضحك على منتخبنا

قلنا مافي مشكلة اتحمل حتى اني اوصل الكلية

كان عندنا اختبار نهاءي لمادة المحاسبة
طبعا حضرنا قبل الاختبار بنص ساعة ... الا احصلك المصري يضحك في وجهي .. وراح يقول للبقية اننا انهزمنا من المانيا 8 ومن الكاميرون 1

وبعدين الفصل كله تشمت في شماتة .... ذكروني لما ينهزم الهلال ويجوك النصراوية شماتة

واحد يقول هذا فريق زبالة ... والثاني يسأل: ليه هم ماخذوا شنطهم وروحوا بعد ألمانيا :sad: :sad: :sad:

الين في الاخير جاء البرفسور وفكني منهم

الشي اللي انبسطت منهم انهم كلهم شهدوا لنواف التمياط انه لاعب كبير وكان اغلبهم حافظين اسمه حتى بعضهم قال حرام انه يلعب مع فريقكم !!!!

المهم احب اقلكم الواحد يحمد ربه انه في بلده