السلام عليكم

أعتقد موضوعي واضح من عنوانه


الجزيرة الرياضية!! وطريقتها في احتكار كأس الخليج وضحت لنا مدى الأنانية اللي هم عايشين فيها وهذا كله نتج بعد ما تعبوا في محاولاتهم لأخذ الدوري السعودي وغيره

مو مهم...

الإخراج يعتبر مقبول مقارنة بالقنوات الأخرى مثل art المبدعة في الإخراج

واكثر شي يقهر يا ناس التعليق يااااااااااااااااااااااااااااااه يرفع الضغط

والله العظيم لو مافي حماس بين الشباب اللي يتابعون المباريات والصراخ والتعليقات كان ماتت المباراة بوجود الكعبي ويوسف سيف والبقية


تعليق سيئ سيء سيء جدا >>>أحيان احس انهم يتكلمون عن مباراة ثانية

ولا الحركة الجديدة اللي طالعين فيها حركة التعليق والمعقب اللي جالس جنبه>>يحتكون بالويننج اليفين winning eleven

كأنهم جالسين في ديوانية ما تحسهم مع المباراة اصلا >>أمس من كثر ما طفشت من المعلق حق مباراتنا مع الكويت غيرت على ابو مصير المعلق المصري والله طلع اصرف على الاقل يعطيك حماس>> (هوووبااا -- يرقص --يا لعيييب يا كبيير) وانت ماشي


بس امس ما قلت الا وييييييييييييينك يا عيسى الحربين وعبدالله الحربي ولا الشوالي

اااااااه هذولي معلقين الكفو اللي يخلو للمباراة طعم ثاني

عيسى الحربين تذكرونه في مباراة كوريا الجنوبية مع منتخبنا؟ والله القهوة كلهم يضحكون على تعليقاته وحماسه الزايد

وشكرا