18/12/2008, 02:41 AM
|
| زعيــم متألــق | | تاريخ التسجيل: 07/09/2007 المكان: الرياض
مشاركات: 1,004
| |
|
][... بردانـــيــــــن ! ...][ :s
السلام عليكم  +ورده ///
{..~ أشوف لك من وين ماّرحت ذكرى
ولاّ شفتها.. صديت عنها ودنقت..
ماّكل جرح ٍ لاّخذاّ أيآأإم [ يبرىآ ]
بعض اّلجروح ,,
يزيد شرهه مع اّلوقتّ!..
: ( ,‘,‘,‘,‘,‘,‘,‘,‘,‘,‘,‘,‘ ياهلا فيكم ورده+ بما إني من زمان ماضغطت على أيقونة   فقررت أضغطها وأخربط عليكم شوي أشوف نصكم أو ثلاثة ارباعكم انفلونزا من هالفايروس اللي منتشر بالجو  تعبانين ومنهد حيلكم  سلامتكم +ورده مالكم بالطويل موضوعي عبارة عن كشكوليات  // 1 مرتن من المرارير المملة وياكثرها اجتمعنا وقلنا نلعب اللعبة السعودية الرائجة  أنسان , نبات , جماد ... الـخ <<--أحسكم حسيتوني بالإبتدائي هاللعبه أكرهها  مضارب مب لعبه يخرب بيتها !
اتذكر نلعبها انا وبنات خالي والله ياملاقط واللي ياملاسن ومضااارب 
سبحان الله مايمدينا نقول الحرف الا كلن مزاعق من جهه ستووووب ستووووب واللي تطب علينا واللي تسحب الاقلام مننا واللي واللي واللي شي مزري هاللعبه  ماعلينا ,, المهم طبعًا تعرفون الواحد بعز الحماس وعلشان يقول ستوب أول واحد يطلع مصطلحات مدري من وين ولمن يقول وش اكتب نمشيها لأننا بعز اللعب وبعدها لما نقرا الأوراق نشوف بلاوي متلتلة  كنا نلعب هذي اللعبة ووصلنا حرف الـ ( ل ) واختي كاتبة عن الحيوان لبلب احنا مع الهبال الزايد مشيناها بعدين لما استوعبنا الوضع صححنا لها المعلومة يافلانة ترى اسمة ( بلبل ) مب (لبلب ) مدري هي كتبتها عبط ولا بتستدلخنا ولا من جدها وناسية الوضع هذي مشيناها قلنا يمكن عجلة زايدة وش نسوي وصلنا حرف الـ ( ك ) وعند النبات كاتبة شكشوكة يعني احنا ممكن نمشيها لك انك حاطتها من ضمن النباتيات مع انها مو نبات زيادة على تسذا كاتبتها غلط زلات الكتابة واللسان تحصل دوما ً على الطاري يقولون أن في روضة اطفال وفي ولد يصيح ميت يافلان وش فيك تبي شي تبي امك تبي تبي ؟ ! الا الولد يأشر على واحد اسمر مره  ويقول ابي اصير شوكلاتة مثلة طبعا ً الأطفال وكلامهم الواحد مدري وش يسوي بس غصب الواحد يضحك ,صح إني أكره الأطفال لأني ما اشوف فيهم خفة دم الا نادراً ولد اختي الجميل يحب السجع جا مره لأمه وقال ماما ايش تسوين : قالت أسوي كبدة راح قال ماما عبدة ورجع مره ثانية ماما ايش تسوين : اسوي كبدة ماما عبدة مدري وهي تقولنا السالفة أضحك ولا أقولها ترى ولدك سامج بس على قلبها زي العسل كله كوووم واذا جاني بزر يتميلح  مثل واحد يقرب لي بزر قبله يجي يتميلح علينا يااااا كنبه يااااا طاوله يااااااا سرير يااااا تلفزيون والمشكله يكركروون يخرب بيت التفاااااااهه اطلع من مخي ياشيخ ناقصه سماجه أنا !وهو بعد نفسه هذا الولد يجينا ويقول قولوا اربعه نقول اربعه يقولنا طبوا عليك الحرميه لااااااااااااء وقسم بالله ما أتحمل أطلع من حياتي ! بنت خالتي اعطوهم تعبير عن الجمل المهم البنت تجتهد وتعبر من قلبها وطبعا ً كانو يطالبونا بدليل من أول دورت يمين يسار مالقت راحت كتبت قال الله تعاللى ( انظر كيف خلق الجمل )  طبعًا كانت صغننة مرفوع عنها القلم يعني وأنا جتني فتره قديم من زمان كثير اغلط بالكلام واكل الحروف تقولي اختي تكفين لاجلسنا مع الخلق سولفي بالاشاره فشلتينا جايتك مجاعه ع الحروف تبلعينها تحطمني بصراحة : ( بس اذكر لكم موقف من أول ايام905 مستلمينهم حتى رقم البقاله اللي ورا بيتنا نطلبه عاد احنا ماتعلمنا ندق ع الاستعلامات لين بطلنا نكتب الارقام ورا البيبان تطورنا وصرنا نطلب من الدليل دقيت ابي رقم المهم يوم رفع الموظف الخط عاد لازم يعرف باسمه فلان الفلاني عاد هو يوم قال اسمه من غير شعوري قلت مالت عليك وعلى اسمك مع اني ناويه اقولها في عقلي الباطني مع بنات افكاري بس مدري وش طلعها بلساني وقلتها وليتني ماقلتها استلمني تهزيئ وشرشحني ولا من ذرابتي مستسلمه له وساكته ومن وقاحتي يوم قضى ماعتذرت ابد وجهي مغسول بمرقه قلت طيب بالله بسرعه ابي رقم بيت فلان ولاردني غير السماعه بوجهي وعادي قلبي ميت اضحك ومبسوطه على بطولتي // 2 مرتن من المراير كنت جالسة احكي مع وحده عن صلاة الأستخارة وقلت لها يارزان صلي واستخيري واتركي الباقي على ربك الا في لبنانية بمكان عام قاطة معنا قال انا بدي دعاء الأستخارة راحت رزان سألتها طيب انتي مسلمة قالت شو هالحكي اجل ليه بطلبو منك يعني قلت لها ابي انهي الحوار خلاص صلي صلاة استخارة والدعاء بعطيك اياه قالت لي بس أنا مابصلي جتني الضحكة الله لايعاقبنا الحين مسوية زحمة ولو تشوفون نظراتها لما سألتها البنت انتي مسلمة ماتقولون غير وحده بدار التحفيظ ماتفارقه عاد قلت لها وش مذهبك قالت لي درزيـة قلت لو انك قايلة من أول وموفرة علينا التعب للي مايعرف المذهب الدرزي ( تراه مذهب موجود اكثر شي بلبنان وسوريا والشام بشكل عام وهو مذهب اهل الجبل اللي سكانين بالجبال وهم مايصلون ولا يصومون ولا يسوون اي شي اللهم يشهدون ان لا اله الا الله ولا يشهدون أن محمد رسول الله ) وعلى الطاري مستوعبين أن في ناس مايعرفون الإسلام  عرب ومايدرون بهذا الدين وحده تدرس بهجرة بعيدة عن الرياض ووحده من طالباتها تقول لها يا استاذة ترى في ناس عندنا ساكنين بالبر ومايعرفون ايش الأسلام وأني كم مره ابي اكلمهم واعلمهم يصدون عني //3 هنا عاد بيحلو الموضوع لكل شخص وشخصة مننا عاده سيئة يعني ناس تنتف شعرها وناس تاكل اظافيرها وناس مدري وش تسوي بيتنا يجمع جميع العاهات المختلفة بالنسبة العاده اللي تتعب نفسيتي في وحده من صديقاتيأسولف معها بضمير وحماس وأسولف وفجأه تشوفونها بنص السالفه تسفهك و تحاكي اللي جنبك والا تناظر بعيد والا مسرحه بشي ثاني.. وحالتها ذي مهيب معي بس مع الكل تقولي ادعي لي بالشفاء العاجل عجزت اترك هالسباهه  قلت مير تبن انا اني اعتبرتك حرمه صاحيه ينقعد معها وتنعطي سالفه وليومكم ذا لاجتمعنا اقولها بكتب لك السوالف بدفتر ولارحتي البيت اقريها ماعندي استعداد اضحي بصحتي على حساب سباهتك واعصب وفيه شيء وعادة كنت طايحه فيها والحين زعلنا شوي على بعض هي لفلة الشعر باصابعي احس مافيه بنت ماتسويها بس حاليًا لا والله تركتها أيضا , عندي عاده الـ قبيحه  تعرفون لما تلعبون كيرم ؟؟ شلون تشوتون بيدينكم ؟ انا هالحركه اسويها لاي احد اذا مسّكت معي حرش على جبهته على خده على يده على كتفه ..الخ خلاصة الحكي والموضوع اللي مامنه فائدة الغلط بالكلام والفعل وارد قولو طرائفكم انتم وكتاكيتكم  عندكم عادة شينة وغبية ودكم تتخلصون منها ومو قاردين اتحفونا فيها الموضوع مخربط أدري أدري وأدري إن عنوان الموضوع بجهه واللي جواته بجهه بس تضامنا مع البرد حطيت العنوان عن البرد بس اعذروني كل ماجاء شيء ببالي كتبته هايطوا تكلموا احكوا سولفوا فضفضوا بس بدون ماتبعدون عن صلب الموضوع آخر شيء خذوا كودكم تدفون شوي  المايك لكم ورده مزمزه أخيرة :
{..~ اِشْتَقَّت
للِصّوت و للحَبّ
بـ غِيَآبَك
ويِنّك!
تُنّادٍيك رَوحٍَ
مَنّك مَلَّتاعه!
: ( |
![][... بردانـــيــــــن ! ...][ :s](iconimages/t682549_rtl.gif)
الوضع الشجري
