منتخبنا يتأخر بالعالمية لأسباب وطنية!!!!!!!!!!
 

خسر منتخبنا فرصتة الاخيرة في تحقيق أنجاز سعودي جديد وكذلك في رد اعتبارة بعد الخسارة القاسية أمام المانيا.
لقد قدم منتخبنا مستوي جيد في هذة المباراة مغاير عما قدمة امام المانيا ولكن بعد فوات الاوان :no: :no:
لابد من قول كلمة الحق ولو علي حساب بلدنا الحبيب تعودنا علي هذا المنتخب ان يدخل اول مباراة في كل بطولة بمستوي هزيل وعدم تقديم اي شئ يذكر ومن ثم يتم تغير المدرب الذي لم يستطيع فهم الاعبين ومعرفة امكانيتهم وهذا ليس بسبب جهلة او قلة خبرتة ولكن لقصر المدة التي يستعان فيها لتدريب المنتخب بحيث يتم جلب مدرب قبل البطولة بشهر ويقال لة(شوف هذولا أحسن لاعبين عندنا يعني مالك اي حق انك تختار اي لاعب انت بس حط الخطة ويمكن متعجبنا نحطها حنا ok) وتأتي البطولة وأما يخسر المنتخب اول مباراة او يتعادل بالموت يقومون بطرد المدرب ويستعينون بمدرب وطني!!!!!!ويلعب معاة الحظ ويصير أسطورة علي مدري وشو؟ أنا لا أقلل من المدربين الوطنين ولكنهم لم يصلو لمستوي الاجنبي.فلنشاهد مثلا اليابان مدربهم من متي هو معهم من قبل كاس اسيا ورفع مستواهم بدرجة عالية جدا والصين شوفو مدربهم من متي معهم وشوفو كوريا منه مدربهم صراحة اداراة تبي تقدم منتخبها باحسن مايكون مهو أداراة اذا خسر مدرب مباراة قامو بطردة وحالتهم حالة وجابو مدربين معندهم اي خبرة عالمية مدري متي يصيرون عالميين !!!!!!!!!!!! :sigh: انا صراحة أشك ان جميع المدربين الي انطردو كان من أتفاق الاعبين فيما بعضهم (واللة مانبي هذا المدرب ذبحنا تدريب ميخلينا نجلس نسولف والا نلعب بلاي ستيشن شوفو شباب اول مباراة تكاسلو ولا تلعبون لانة أكيد ان الادراة بتطردة ويحطون لنا مدرب وطني يخلينا نلعب يلاي ستيشن ونروح السوق ولا فية تدريب صباحي ولا مسأي نص ساعة تدريب والحمد اللة ) :smilewink مأقول الا اللة يخلف علينا بمنتخب عالمي وهذا بالمشمش يتحقق :( لا وأزيدكم من الشعر بيت هذا وجهي أن شوفت والا رفعتو كاس أسيا مرة ثانية مدام انكم وطنيين وتبون مدرب وطني خلكم علي كاس الخليج يمكن تجبونها :mad:

مع احترامي لك فانت وامثالك من المشجعين هم سبب تخلف الكرة في المملكة فانت لا تقدر مجهود الوطني وانه يغار على بلده....... فالفشل مع المنتخب السعودي منذ زمن بسبب اللاعبين وليس المدربين فقد درب المنتخب افضل المدربين على مستوى العالم وخسرنا بالستتات والسبعات ........ولكن للاسف انو في ناس زيك تكتب وتجرح في المنتخب حتى وهو يقدم اداء جميل...... على العموم اتمنى انك تغير فكرتك عن الوطني وانه احق من غيره في تدريب الاخضر....... ولاتزعل لانو كلامك ينرفز......واتمنالك التوفيق

صح لسانك يالبركان هذا حال منتخبنا وهذا الدليل ماذا حقق غير الفضائح والسبب كثر المجاملات وهذا ماحصل للمنتخب المصري اين المنتخب المصري من نهائيات كاس العالم اختفى بسبب المجاملات

ياخي والله ما عندكم سالفه

يعني وش سوى المدرب العالمي
جبنا المدرب اللي جاب كاس العالم واخرتها ( اربعات وهزائم وفشيله ))

وبعدها جبنا مدرب على قولتهم يفهم الكره الخليجيه واخرتها (( ثمانيات وخمسات ))

وجبنا واحد (( مضيع الطاسه من زماااااااان ))

يعني ليش ما يعتمدون على المدرب الوطني
رحم الله من قال هذا المثل (( طيب الحي لا يداوي ))

والله انتو ما تبون الا مدربين عالميين واخرتها (( عشرات وتسعات ))


الجوهر هو الافضل وانا مستعد احلف انكم قلتوا في كاس اسيا خلينا على الجوهر وفي التصفيات مدحتوه وفي كاس الخليج قلتو (( الجوهر وبس ))
والحين تقولون انه ما يعرف اساسيات كرة القدم

وياخي المنتخب المصري لم يكن المدرب المصري هو اسباب خسارته
والله ما حد قال لحازم امام يضيع الفرص قدام الجزائر ويخلي السنيغال تتاهل
والا تبون المدرب بعد يخش ويسجل الاهداف

الرجاء مراجعه كامكم زيييييييييين وتغيير وجه النظر

أية المدرب الوطني ماعندة اي سالفة والي مهو عاجبة ينتف حواجبة
وانت يالي جالسين تدافعون عن المدرب الوطني وش سوا هاة لا تقولون كاس اسيا اشوفكم أخذتوها ولا التصفيات مافي اي مستوي للولا الحظ ومساعدة البحرين كان كنا باي باي
وكاس الخليج مافي اي مستوي يذكر ماعدا اللهم الربع الساعة الاخيرة من مباراة قطر الظاهر ان الارسال كان عندهم متاخر وعرفو انهم يشاركون في النهائي
أما عن المدرب العالمي الي تقولون عنة ماسبب الي الخساير للمنتخب هم خلوهم يعطونة فرصة مهو من أول مباراة خسر فيها قالو لة ياللة مع السلامة انت مو فاهم لاعبين شلون تبون يفهمهم اذا هم جايبينة قبل البطولة بشهر والشرهة مهو علي المدرب والاعلي الاعبين واللة علي الرئاسة الي المفروض تدق علي خشم اي واحد يتهاون عن اللعب بحجة واللة ان المدرب واللة مهو فاهم لعبنا والا أنة جالس يحط لنا طريقة لعب محنا متعودين عليها وماهي من أمكانيتنا نبي الخطة تكون الي نعرفها من قبل 20 سنة .او بحجة اني مأحب الاعب الغلاني لانة يلعب بالنادي الافلاني أو لانة ماخذ مجاملات أكثر مني
راح اقول شئ واحد انة الكورة السعودية لن تتطور الاعندما ينسا الاعب انة يلعب من نفسة وليس من أجل بلدة

اوكي راح اقول ان كلامك ميه ميه بس بعد ان تجاوب على لاسئله

1) ماذا فعل المدرب (( فيناجادا )) في كاس اسيا 96
راح تقول لي كاس اسيا (( الله يخلي الثنيان والدعيع اللي ما خلا بلانتي ما صده والا هو ما سوى الا انه خسر بثلاثه تاريخيه من ايران ))

2) اوتوبفستر .... مدرب لا يعرف ما هي كره القدم والله لولا الحماس الزايد اللي عند الاعبين والله احنا في خبر كان يعني فوزه على ايران في اخر دقيقه والله حظ والكل يعرف هذا الكلام
والا المباراه اللي وراها مباراه الصين (( كارثه كانت ستحدث لولا لطف الله )) يعني 70 الف واخرتها 1:1

3) وجانا المدرب اللي استطاع ان يجيب كاس العالم جانا المارد اللي بمصباح علاء الدين جانا وجاب معاه لفشايل ....
المبارات الاولى هدف مقابل لا شي (( روح لاقرب محل فيديو قوله عطني هذه المباره وعد عدد الهجمات السعوديه اذا لقيت غير الفاول لك حق )) والمباراه الثانيه اربعه ولكن عدد الهجمات صارت 2 والمباره الثالثه (( كان في بيت اهله ))

4) وبعدها جاء اوتوبفستر وضيع معاه كاس الخليج الي كان بحوزتنا ولكن ......... (( حسبي الله ونعم الوكيل ))

5) طلع لنا بعض (( اللي ما عندهم سالفه )) وقالوا لازم نجيب لنا مدرب بسيط يفهمنا ويفهم لعب الخليجيين وقلنا صح كلامكم صحيح وجبنا (( ماتشالا )) ويا ليته ما جاء ويا لتني لم اكن ولدت بعد
اول شي ضاعت بطوله (( الافرواسياويه )) وبعدها خمسه المكسيك وبعدها كارثه البرازيل وقالنا ـــ((( على قولتك : اصبروا عليه عطوه فرصه )))ــ وعطيناه فرصه ولكن طله ما يستحى عل وجهه وفضحنا قدم الله وخلقه وباربعه قدام اليابان

6) وقلنا لا يا شباب احنا لازم نجيب مدرب عالمي وعارف هو وش قاعد يسوي لان اللي قبله ما عندهم سالفه وجبنا (( زعيم الصرب )) طلع مدرب ما يدري بكم لاعب لازم يلعب في المباره وخسر من لبحرين بتعادل وخسر امام ايران (( لا تقولي غش ..... اوكي غش بس المنتخب ما قدم شي يشفع له بان يفوز ))

يعني بالله وش رايك بهؤلاء العالميين اللي فوق يعني وش فيه خليل الزياني جابلك كاس اسيا بعد ان عجز مدرب البرازيل ان يجيبنا (( محلاظه خليل تول مهام التدريب بعد اقاله زقالو في كاس الخليج التي اقيمه بعمان )) والخراشي جاب كاس الخليج بعد ان عجز عنه الكبار والجوهر استطاع في البدايه ان ينتشل السعوديه من كارثه كاس اسيا وجاب كاس الخليج واما عن التاهل والله العتب مو على الجوهر روح عاتب (( ابو نور )) ليش اعطى الكوره للاعب ايران ...... والا الجوهر بعد هو اللي اعطى الكوره لايران


محبكم
فيصل

وطنية

ما اقول الا الله يصلحكم فقط

faisal982saشكرا علي ردك ومعاك حق في الي قلتة بس انتم منتم فاهمين الي أقصدة من هالكلام كلة لية ميجيبون مدرب (عالمي) قبل البطولات بفترة طويلة ويخلونة يتابع الدوري من اولة لاخرة ويطلع الاعبين الي هو يشوفهم لهم امكانيات عالية مهو الاعب اختير اول مرة للمنتخب بعدين وثق انة راح يختار ثاني مرة قدم مستوي معفن بالدوري ويجيبونة بعد . وحتي اذا خسرنا هالبطولة يعطونة الثقة ويبتل معهم شوف مثلا اليابان وش سوي المدرب معهم بالبداية بكاس اسيا وبعدين اخذهم مبارايات مع فرق اوربا وخسرو م فرنسا 5-0 ولا طردوة خلوة والحين هم علي الدور الثاني متاهلين .
والشئ الثاني الي ابية يطبق انهم مايتسهلون مع الاعبين ويورونهم العين الحمرة مهو لخسرو قالو ياللة كبوة حصان ومادري وشو وراح نعطيكم مكافاة اذا فزتو في المباراة الجاية يعني ميلعبون الي بفلوس
واللة وطنية

والله كلامك ميه ميه
ولازم الحين نجيب مدرب عالمي ونعطيه فرصه لا تقل عن الثلاثه سنوات وبعدها نشوف وس سوى المدرب خلال االثلاث سنوات
والله راح يتطور المنتخب وتشوفه من المنتخبات اللي يعمل لها الف حساب وتشوف لاعبين الواسطات يكدون عل الخطوط

بس

مين اللي يسمعنا

اخوكم ومحبكم
فيصل

بصراحة انا مع كل الكلام اللي قالوه الاخوان (( البركان / فيصل )) واضم صوتي لصوتهم بعد ....

بس انا عندي شي بقولة : المنتخب من غير المدرب الوطني >>> مو شي <<< ....



والسلام ختام ،،،

والله أنا ياشباب من رأيي نجيب مدرب عالمي ويتابع الدوري من أوله إذا كان في الاساس له حرية اختيار اللاعبين .
وبشرط ان الواسطات ماتدخل في الموضوع .

تحياتي للجميع .

الحل هو عدم الإعتماد على المدرسة البرازيلية و كذلك اليوغوسلافية و التشيكية ، لاحظ المنتخب ما يجيب مدربين إلا من هذي الدول بحجة أنها أقرب إلى اللاعب السعودي .

يا جماعة الخير إذا تبون تنافسون ألمانيا و أيرلندا و الدنمارك لازم مدرب فرنسي أو ألماني لأن كرتهم تعتمد على اللياقة البدنية و اللعب الجماعي .

أما نحن فمهارات فردية تعجب الجمهور مثل "القهوجي - الشلهوب - مناف بوشقير" لكن جسم صغير و في الأخير يسقطون تحت أقدام العملاق "يانكر" و أمثاله .