|
يا مدير مرور وسكان الررياض (حل بسيط لمشكلة زحمة الرياض) صورة نصية للحل السلام عليكم في بداية الموضوع أقول (الله يعيننا على زحمة الرياض) http://www.grenc.com/media/237238418Elan.jpg أمسك الخط يبي ساعة لين أوصل دوامي لا ولا جيت راجع نفس المشكلة بس تخف الزحمة قليلاً --- لو رأينا لسبب زحمة الرياض لاتضح فيما أرى --- على فكرة (ترى فكرة الموضوع جاءت لي وأنا ماسك الدايري راجع وفجأة يتوقف السير) --- لو رأينا لسبب زحمة الرياض لاتضح فيما أرى --- 1- بنسبة كبيرة (حادث يقع في المسار الأيمن يعطل الثلاث مسارات كله) (والمشكلة حتى الطريق المقابل يتعطل بسبب حب الاستطلاع) 2- وجود الشاحنات 3- وجود بعض السائقين (يمسك المسار الأيسر ويمشي سبعين) فرأيت أن هناك حل قد يخفف من الزحمة وهو أن يكون عند كل مخرج دورية مرور (محلها ثابت عند المخرج، أو فوق أي كوبري) ( وخاصة في أوقات الذهاب للدوام والروجع منه ) بحيث إذا حصل حادث لا سمح الله تأتي الدورية وتحل المشكلة في خلال خمس دقايق وش رأيكم؟! أخوكم مقدام النت |
يا زين الرياض بزحمتها وقلة حياها :D ما أدري عن الحل إذا كان مجدي أو لا لكن اللي اعرفه إنه مستحيل يتطبق حلكـ :D شكرا لكـ |
زحمات الرياض مالها حل.........!! |
حلوه الفكره بس ما اتوقع بتنفع ... .. .. ومشكور.. .. |
زحمتنا ما لها حل لأن المخطط غبي اللي خطط شوارع الرياض أصلا وزارة التخطيط عندنا بشكل عام مثلها مثل حماية التجار سوري المستهلك ومثل الوزارات الأخرى اللي نسمع عنها ولا شفنا عملها والأعمال المنسوبة لها يبي لها تعديل عموما حل جميل قد يقلل أو يحد ولكن لاينهي الزحمة بالحب والإشراق |
عندي حل .. بس لا أحد منكم يفهم غلط:d 1- يسمح للنساء بالقيادهـ ..<< مافيه امل:d بس بشرط .: اي وحدهـ من النساء الاتي يقدن السيارهـ .. يجب ان تكون سرعتها فوق 120 .. وبالتالي .. سوف يكون الطريق سريعاً :naughty: <<مشكلة اللي يسوون نفسهم فااهمين:to: ترا الزحمه مالها حل .. لو تصارخ .. بأعلى صوت عندك.. ويسمعونك اللي بالمريخ .. حكومتنا ماتسمعك .. عاد شلون لو كان في منتدى << تحب تحطم:d شكراً مقدام ..:yes:} |
وعليكم السلآم ورحمة الله وبركاته الاسباب اللي ذكرتها أنا أشوف ان هذا هو السبب الأقوى (حادث يقع في المسار الأيمن يعطل الثلاث مسارات كله) (والمشكلة حتى الطريق المقابل يتعطل بسبب حب الاستطلاع) شي يرفع الضغط صرآحه ..! وبالنسبه للفكره رآح تخفف من الزحمه .. بس ما أتوقعه انها رآح تقضي عليها تحيآتي لك أبو داحم |
لاه ويبون الحريم يسوقون !! :d عوآفي .. :rose: |
وشوله ما يقسمون الموظفين نصين , نص يداوم اليوم ونص باتسر ؟! < - - يسمع بالحلول الجيدة !! |
انا ما يرفع ضغطي ويبط تسبدي ويحوس ام مريرتي الا لا جاك دلخ ماسك له مسار ويتمشى وتلقاه يرضع ولا يده في خشمه ولا طاقها سوالف مع خويّه وكأن الشارع لنسيب ولد خالته !! يا منحط يا سافل راع الناس اللي تمشي واذا بتهدي امسك المسار الايمن لأن المشكلة تكمن في وجود هالعينة على كافة المسارات وياللي مستعجل انطق انتظر وتمطمط ورى هالمنحط لين ينفتح لك الطريق يجب تطبيق عقوبة على من يمشي بسرعه منخفضه اكثر من الحد الأدنى زحمة الصباح مصيبتها مصيبه المخارج اللي على طريق الملك فهد لابد تدرس خصوصاً مخرج الوشم والله يعين وبالتوفيق للمنتخب وعذراً على هالرد اللي جاي على طريقة سلق البيض لا قليه !!! وفيه شي يجيب لي الهم ويخليني افكر اهاجر لموزمبيق لا صار فيه حادث وماسك له مسار تلقى كل من يمر بجوار يوقف يتأمل وينظار بكل برود ودلاخه وحقاره وانحطاط ياخي ادع للمصاب ان كان ادمي ولا سياره وضف وجهك ومش الطريق خص على الدايري عقب الفجر <<<<<<< مسكين كان يطلع من الفجر عشان الزحمه ثم يصادفني مثل هالموقف ويعطلني ! |
هـــلا مقـــدام..,, وأنــا اخوك قبل فتره حلمت بحلم ويمكن يتحول حقيقه..:d الحلم كان فيه قطار من عند مسجد الراجحي الى جامعه الملك سعود وفيه مواقف عند المسجد توقف وتركب بالقطار وهو يوصلك الى حد الجامعه ومن عند الجامعه فيه باصات توصلك الى حد الكليه :d:d مدري هو مخي بدا يتعطل بسبب الزحمه والطريق اللي ياخذ ساعه بعض الاحيان :cry: ولا هــذي رؤيــه :d الله يعين.. مافيه من الحلول الا: - تركيب دور ثاني من الدائري :naughty: -وضــع قطارات :laugh::laugh: -يكون المساريين جميعها متجه من الشرق الى الشمال بفتره الصبح والظهر العكس لان الضغط عليه ويوضع شارع بديل للمتجه من الشمال الى الشرق s13s .... انتم انتظروا نتخرج من الهندسه ثم نتوظف في اداره المرور :to: ثم اضبط لكم الشوارع :d:d ..... سواليف واحد دايخ وساحب على خويه بالمسن له ساعه يشرح :d:d وفي النهايه احب ان اهني جميع الاسره المالكه والشعب السعودي وولد عمي وولد خالتي وجميع الاعضاء والمقيمين والمسافرين واحب ان اهني نفسي بفوز منتخبكم الداج :d:smilie47: الى اللقاء :razz: ...... |
ما اقول الا يا زين الرياض ويا زين زحمتها بتعرفون ذا الكلام اذا تغربتوا عنها تصير مدمن زحمة ... تدور وين الزحمة فيه اذا جيت للرياض تطفش اذا ما فيه زحمة ترا كلامي ذا من مجرب على العموم .... اللي اعرفه ان الدوريات في كل محل خصوصا في اوقات الدوام ... وما اعتقد ان وجودهم راح ياثر طيب زحمة وش تبيه يسوي ... اللي واقف يصقعه قسيمة يعني ام اذا كان قصدك لتواجدهم اذا صار حادث .. . هذا عاد شي ثاني ونفس الشي راح يصير ...راح يجي ويضيق علينا بس ليه حنا ما ننظم انفسنا ... لازم حقين المرور يجون هم اللي يسوون تراهم بشر مثلنا ... ما فيه فرق ... بس عندنا كل واحد يقول الطريق طريق ابوي ادري اني جالس اشطح في الكلام ... بس ما عليه اعذرنا وتقبل مروري |
إقتباس:
ألا لهــا حل,,, لــيــه الدول الثانــيه والمتــقدمـــة ماعنـــدهم أبد من هالمشــــاكــل,,, |
مااقول الا الله يعينكم بس مااتوقع انه حل يحل ازمة الزحمه |
والله الحلول واجدة لكن ماعندك احد قبل فترة اقترح واحد في المرور توقف سيارات التاكسي عن الدوران خلال ساعات الصباح الاولى ويصير النظام زي برا تدق على الشركة وتطلب منهم سيارة اجرة ويجيك يعني التاكسي اللي يمشي الصبح ومامعه احد يغرم علما بأن عدد سيارات الاجرة اللي تشتغل الصبح عددها حول 40 الف سيارة !! :rose: |
| الوقت المعتمد في المنتدى بتوقيت جرينتش +3.
الوقت الان » 11:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd