والله أنك صادق .. بأذن الله عيسى ينجح معنا

من اللي يقدر يقور بالمحياني شي

يستاهل كل خير وان شا الله نشوفه بالفانيله الزرقاء

يارب ياكريم ان تجعل النجم عيسى من نصيب نادي الزعامه

هلالي طايرر مو كل الناس زي عقليتك ، ليتهم كلهم زيك وزي الاخ في اي بي الهلال

فيه ناس همها وشغلها الشاغل كيف تنتقد وشلون تدور العيوب

وموجودين بكثره مع الاسف

عشان كذا حبيت اذكر

لا ياخوي ما نتفلسف !!

إذا جاء عيسى للهلال الله يحييه و بإذن الله يفجر الإبداعات مع الهلال ..

لكن بصراحة كمتابع عندي بعض الملاحظات ..

أولا سالفة الــ 28 مليون ريال هذي قوية جدا ..

حتى لو كان أعضاء الشرف متكفلين في الصفقة !!

لأن المبالغ اللي راح يدفعونها تعتبر مجازا داخل خزينة نادي الهلال !!

عموما دام السالفة بــ 18 مليون ريال يعتبر مبلغ مقبول - نوعا ما -

و لا ننسى أن الشباب جاب ناصر الشمراني بــ 13 مليون ريال فقط !!

كذلك نقطة أخرى ..

أنا عن نفسي كنت أفضل السهلاوي ..

لاعب صغير .. و مستقبله كبير جدا جدا جدا ..

لكن التعاقد مع المحياني يعني إستحالة قدوم السهلاوي للهلال و يبقى هذا رأيي ولكل منا رأيه ..

النقطة الأخيرة ..

الحين عندنا ياسر و بنجيب أجنبي مهاجم !!

لو فرضنا مجازا أن المحياني بيصير مهاجم شبه اساسي بعد ياسر و الأجنبي ..

و ين بيروح العنبر اللي ما صدقنا أنه رجع لمستواه ..

و وين بيروح الصويلح ..

عموما أنا بالتأكيد سعيد بالتعاقد مع المحياني لإنه لاعب جيد ..

لكن المسألة مسألة المميز و الأميز ..


تحياتي لك ..

الله يكتب اللي فيه الخير

.................

الملك راؤول


رايك على عيني وراسي

لكن فيه ( مدرب + اعضاء شرف + جهاز فني ) كلهم مايفهمون وحنا الي نفهم ؟

فيه اشياء تخفى علينا

نحن كجمهور لازم ندعم الاداره بكل ماتقول وابن مساعد طلب منا مساندة المحترفين

والصفقه سعرها ماتأكد الى الان

ولاتحكم على عيسى يستاهل ولامايستاهل الا بعد ماتشوفه بالملعب مع الهلال ونشوف يستاهل المبلغ ولا لا

كلامك وربي في محله

لا هنت يالغالي

والله انك كفوووو والله ان كلامك بالقلب يالذيب والزعماء مايحتاجون وصااه لانهم هم اصل اللعب والفن جمهور واعلام ولاعبين يارجال والله والله اني من تبوك وابي اساند الزعيم لاتخلون مكان فاضي بالملعب اذا جانا يسى نبي زي اول مباراة للتايب اللي بالرياض لايقول ابي اعادة بالتلفزيون رح ساند وش الاعادة اخر اللليل

ومشكورين ايها الشعب العظيــــــــــــــــــــــــــــــــــــــــــــــــــــــــــــــــــــــــم وانت الاعبي رقم 12 بالمبارياات

شوف يا اخوي الانتقاد راح يفيد اللاعب لكن التجريح لا بإذن الله ماراح نجرح لكن الانتقاد لبد منه

ان شاء الله لا مكان لـ الانتقاد الغير هادف

و اي لعب يستفيد من النقد البناء ..

مع العلم أن من زمان أتمنى أن المحياني يجي للهلال ..

وأن شاء الله يكون توقيعه صحيح وما تروح فرحتنا على الفاضي ..

: )

معك حق أخوي وأنت صادق
والدليل شف الفريدي كيف شبو عليه الموسم إلي راح وذلحين أساسي بالمنتخب