في البدايه السلام عليكم ورحمة الله وبركاته

صبحكم / مسّاكم .. الله بالخير

إن شاءالله كلكم بخير ونعمه

بصراحه وبدون أي مقدمات ولعدم إجادتي للمقدمات وتنسيقها أستغرب من البعض وبكل أمانه قاعدين يقولون المحياني والمحياني

حتى إني حسيت إن آسيا مابتجي إلا بالمحياني لهذي الدرجه هاللاعب مؤثر شدعوه ياشباب والله لو إنه يوسف هاللحين ولا سامي

والله من كلامكم حسيت إن يوسف وسامي ولا شي عند المحياني انا ما استنقص المحياني نجم ع العين والراس وله وزنه في فريقه

بس تعتقدون إنه بيحدث الفارق الفني أو الهجومي في الهلال والله ثم والله أعتقد ان قدومه سيكون كقدوم حسين العلي في وقته

شباب هدوا اللعب شوي قسم بالله إني كنت من أكثر الزوّار لمنتدى الجمهور الهلالي وتركته صرته ما اتابع إلا المواضيع المثبته

لكثرة المواضيع المكرره اللي فيها نفس الكلام وبدون فائده بس شوفوني انا اكتب في منتدى الزعيم والناس ترد علي وعندي مشاهدين كُثر

وبعدين ياشباب ياللي تنقدون المثاليه أول ما أعلن الرئيس المثاليه سويتوا تصاميم حتى إن المنتدى ضاق من كثرها نحن المثاليون واللحين ؟؟!! لاتعليق

بصراحه شكيت إن هالعدوى جتنا من منتدى الجار فقلت خلاص أي موضوع عن لاعب ينزل هنا خلوني اشوفه في منتدى الجار وفعلا ورب الكعبه

ألقاهم يطالبون فيه ؟؟!! شباب ترى الدعوه مو تحدي السالفه فائدة فريق انا ما أنكر ان الفريق يحتاج في الهجوم لاعب متحرك لكن

توقعت طموحكم أكبر من المحياني بكل أمانه ما توقعت إن طموح الهلاليين يوقف عن المحياني وأكرر وأعيد أنا ما أستنقص من المحياني لكن

الهلال أكبر من المحياني

بعدين شباب المنتدى طايح في موضه وصدقوني أتكلم من جد بعد ماتقروا موضوعي هذا أكاد أجزم تطلعون تلقون نفس الصيغه ونفس

المغزى بموضوع ثاني ليش طيب لهذي الدرجه صار التكرار عندنا اللهم بتغيير اسلوب الطرح غايه او السالفه صارت كثرت مشاركات

ياشباب بالله هدوا شوي قسم بالله منتدى الزعيم قبل ثلاث سنين فرق عن اللحين مثل السما والارض من جد شي يقهر بصراحه

والدليل زيادة عدد المشرفين مساكين ماعاد يقدرون يغطون يقفلون مواضيع ويحذفون ويوقفون من كثرة التكرار والأخطاء والتعصب والإنحياز

شباب والله أنا ما أعصم نفسي ولا أقول إني ما أخطي الكل يخطي لكن للأسف اللي يخطي تلقى وراه عشره يكررون الخطأ ليييه ؟؟!!

بعدين موضة نقد اللاعبين والله ياشباب إني مرات أضحك من القهر بعد المباراه تلقى الجمهور لاعن شكله وفي المباراه

الجايه يجيب هدف الكل يشيد به واللي يردون الله يصلحهم كلهم وانت صادق وانت صادق او مشكووور مافيه تفاعل مافيه رأي !!

الله يرضى عليكم مانبي الجماهير الثانيه تضحك علينا نبي منتدانا يبقى كما هو وكما كان وسيضل بإذن الله شامخ بطرحه وآرآئه وفكره

الرجاء الإبتعاد عن مواضيع الشحن ومواضيع الضغط ع الجمهور والإداره وإبداء الآراء بطريقه حضاريه صدقوني بتشوفون منتدى غييير بإذن الله

في النهايه كما أنني لا أجيد المقدمات فأنا لا أجيد الختام ولكن...

تقبلوا تحياتي فإن أصبت فمن الله وإن أخطأت فمن نفسي والشيطان

جلال العتيبي

من جد والله ذا المحياني
حسيت إنه أسطورة زمانة

بيض الله وجيهكم على مروركم اللي اثلج صدري

وأتمنى أن الله ينفع بكم وبي وبكل جماهير الهلال والإرتقاء بطريقة طرحنا

فعلا منهو المحياني
اقول العقلانيه مطلوبه في بعض الاحيان

مشكووووووووووووووووووور

وتعليقي على موضوعك

يوسف الثنيان ÷ سامي الجابر و ياسر القحطاني = المحياني

إقتباس الرسالة الأصلية كتبت بواسطة عاشق ســـــــــــام6 يوسف وسامي لا يقارنون بأي احد كان

اهنيك علئ الرد القوي صارح

إقتباس الرسالة الأصلية كتبت بواسطة عاشق ســـــــــــام6 يوسف وسامي لا يقارنون بأي احد كان

ياحبيبي ياقلبي ياعيوني انت انا ماقارنته لأنه لا هو ولا لاعبين السعوديه كلهم يجون زي رجل يوسف

لكن ياحبيبي اللي اقصده من موضوعي اني اشوف انه اخذ من الكلام حتى اني حسيت انه صار اكبر منهم

اتمنى تفهم واتوقع انك ماقريت الموضوع جيت مدرعم ورديت

بالفعل اليوم معاناه كبيره في المنتدى من اجل المحيااني
والله شي يحزن مواضيع تشكك في الرئيس لأجل المحياني

احنا مراح نخلص من موضوع المحياني الي مدري وش يشفونه هل هو شفشينكو ولا تفيز ولا روني ولا ايش غثونا بلمواضيع الي مالها فايده غير نادي الجار يروح يكتب في منتداهم ان الهلال يبي المحياني ويسون له من الحبه قبه وكانه يستاهل الحين هل يروح مانبي المحياني

إقتباس شباب ترى الدعوه مو تحدي السالفه فائدة فريق انا ما أنكر ان الفريق يحتاج في الهجوم لاعب متحرك لكن توقعت طموحكم أكبر من المحياني بكل أمانه ما توقعت إن طموح الهلاليين يوقف عن المحياني وأكرر وأعيد أنا ما أستنقص من المحياني لكن الهلال أكبر من المحياني

أحسنت ونفس الشعور ومستغرب من شدة المطالبة
يعني طموحنا لاعب عالمي هداف يستطيع قلب المباراة في لحظة مع تقديرنا لنجومية المحياني