|
مكتب اشتراكات ال art يطلب ألأمن وصحفيي بالجزيره يصور ماحدث .... بالفعل ماقامت به ال art بقطع الأشتراكات على سكان الرياض ((( فقط )) في قناتي الأوائل 1 والأوائل 2 ولم يتمكنوا من مشاهده كأس العالم لا أمس ولا اليوم ... قد سبب غضبا كبيرا لدى المشتركين والتي حظرت بأعداد هائله الى مبنى دله في العليا ((( مقر أشتراكات ال art الرئيسي ))) ........ فقط طلب المدير الشرطه وأن تقوم بالحمايه وتحقق له مايريد وقد حظرت الشرطه وقامت بفصل المشتركين عن الموظفين ... والذي زاد من غضب المشتركين وكأن أصوات المشتركين تقول (( جيتك ياعبد المعين تعين لقيتك تنعان )) . ومع حظور ضابط من الشرطه الا أن الحال بقي على ماعليه لأن المشتركين كانوا بأعداد هائله ..... ولقد طالب المشتركين من الأمن بأن يكونوا عونا لهم لكي يستردوا حقهم من هذه الشركه التي تحاول اللعب على المواطن بشتى الطرق ...... لقد حدثت أحداث بالمبنى لا أود التطرق لها ...... ولقد حظر صحفي من الجزيره ووعدني بأن يكتب كل ماحدث ولقد صور الحدث فهل سيسمح له بنشر المقال الذي كتبه !!!!! ؟؟؟؟ أخشى أن تكون مثل ال ...... عموما الموظفين لادخل لهم ولاكن من المسؤل في هذا التلاعب والذي طال فقط مدينه الرياض ؟؟؟؟ وهل ستمر مرور الكرام أو أنه يكفي أعتذار علي داوود لنا ........!!!!!! يحقلك ياصالح كامل أشتركنا والأن تمن علينا بفلوسنا !!!!! لا تــــــــعليـــــــــــق |
احسن ليته يقطع كاس العالم كله عن اهل السعوديه ليه يشتركون وهم يقولون مقاطعه كامل وخسارته واخر شي راحو يشتركون باعداد هائله احسن وتستاهلون اللي بيصير لكم وكل كاس عالم يجيكم الباكستاني يشفره عنكم وانتم اشتركو الله لايهينكم |
حسبي الله عليهم ... :(:(:( وأشهــد أنهم حراميــة ..:( ومو بس اللي في الرياض انقطعت اشتراكاتهم .. !! ألا والله ناس واجد أعرفهم هنا بحــائل .. أنقطع الاشتراك عليهم وحاولوا يتصلون عليهم .. بس الخط مشغول ولـ24 ساعة :(:( ..!! وأنا يا محاكيك .. مشترك بقنوات ART مع قنوات كـأس العالم AWA1 و AWA2 مع القنوات الـست الأخرى .. ألا أن القنوات اللي دافع فيهن 200 ريال زيادة ... الخاصة بالاحتياط ومتابعة اللاعبين ماتشتغل عندي أبد :( ..!! أشتغلت أو يوم بس ... وأنقطعت بعد كذا :(:( وخايف اكلمهم ... ويقطعون كل القنوات عني :( .. من عاد .. وش نسوي :(:( ومانقول غير الله حسيبكم ..:(:( |
الحمد لله اني مشترك مع قنوات اوروبيه واشوف كأس العالم كله . صحيح اني ما أفهم شيء من التعليق لكن والله ان تعليقهم حماسي وافضل من التعليق اللي عندنا بمليون مره. |
والله وصاروا الباكاستاني ضفدع كامل يتلاعب في المواطنين السعودين ... لكن حسبي الله عليك يالاتحاد السعودي !!! |
غريبة انا من يوم اشتركت ما انقطعت بالعكس اشتركت بالرياضيات بس وحطوا لي النيل والقنوات المشفرة الاخرى |
الحمد لله ان ابن الك....ززز ظهر على حقيقته و ليت باقي المناطق يحدث نفس الشيء ليش تشتركون و تساعدون الجريمة |
بصراحة كاس العالم خربه صويلح خان الباكستاني وياليت تمسكه الجوزات وتسفره وعلى فكرة القنوات التفاعلية صاكة على المملكة من ثلاث أيام والسبب عطل فني ومدري مين راح يرجع لنا فرق 200 ريال |
ههههههههههههههههههههه وين المقاطعه الي تقولون ؟؟؟؟ خلوه ينفعكم الضفدع .......... انا والله مااشتركت لكن اشوف كأس العالم على الاوربي |
والله انا اتابع كاس العالم . وبدون هالشركه ومبسوط للاخر ولله الحمد . صح اللغه ماافهمها لكن وش عند صالح كامل غير الصراخ اللي ماله سنع . عموما اخوكم مستمتع بكاس العالم وكنت مشترك في قنوات الART قبل كاس العالم وخلصت قبل بداية الكاس وماقصر صالح كامل خلا وحده سودانيه تكلمني على جوالي وتقول اشترك يازول وادفع 700 وعليها زياده مير نسيتها وطنشت . وعقبها باسبوع وتكلمني لبنانية ونفس الطلب واول ماكلمت بصوت يخليك تشترك لو ماتحب الكوره وعقب ماشافت اني مصمم على عدم الاشتراك هددتني بان الاسعار راح تغلى وماراح القى فرصه لمشاهدة الكاس وقالت لي وانت بكيفك (طبعا باللبناني )قلت لها انا بكيفي لو مااشوف كاس العالم ماراح اشترك معكم المهم قبل بداية كاس العالم يايام راجعتهم وقلت ابغى اجدد قالوا ادفع 475 ريال بس قلت احتروني ابروح اصرف من الصراف قالو عندنا المكينه قلت لا انا ابروح ابي لي كاش وشفتكم ولاشفتهم لكن الحمد لله مافاتتني ولامباراة. ولانيب بحاجة صالح خان وشلته . تحياتي لكم |
اصلا الوسخ طول عمرة وسخ هذا فــــاســــد نـــــاقــــــص حسبي الله عليك يا فاسد ناقص اشوف فيك يوم |
انا صراحة دوامي من 8 - 4 يعني ماتفرق معي اشتركت ولا مااشتركت وبما اني عزوبي يعني ماحد يسجلي مباريات يعني من يوم دريت ان كاس العالم في اليابان وانا غاسل يدي من 6 سنوات مو من يوم شفرها صالح كامل |
ياشباب انا اعرف نظام art من زمان وهو: بعد ماتدفع فلوس الاشتراك وتاخذ البطاقه البطاقه بتشتغل لمدة ثلاثة ايام مجانًا وبعدها بتوقف لان فلوس البطاقه بتروح للبنك وتتحول على حساب خاص ومعها رقم البطاقه الي عندك وبالايام هاذي بيستمر الانقطاع مدة اسبوع الى اسبوعين او خلال48هذا اذا الرسيفر حق الاوائل واذا وصلهم التسديد مع رقم البطاقه في دبي يقومون بتشغيلها وسلامتكم وياشباب وش القناه الاوربيه الي تنقل المباريات تكفون الحقوني به وبكل مايخصها من تردد وما الى ذلك بسرعه الله يرحم واللدينكم |
أنا اشتركت في(art) من أجل مشاهدة كأس العالم مرغم أخاك لا بطل وشغلوا جميع قنوات الفساد والمجون ولكن مباريات كأس العالم ماشغلوها ليش يقولون أنتم ياحقين الرياض تأخرتوا في الاشتراك لذلك لان تشاهدوها الا بعد أسبوع !!!!!!!!!!!!!! المشكله إلى من نشتكي ، وماحدث في دله البركة الليلة الماضيةخير شاهد على المهازلة ،وبصراحة أن النقل والبث أكبر بكثير من ( art) والعاملين فيها ، لكن مانقول الا حسبنا الله ونعم الوكيل الله لا يوفقه ياشباب الحقونا بالحل بسرعه0 |
الله ياخذه لعاب |
| الوقت المعتمد في المنتدى بتوقيت جرينتش +3.
الوقت الان » 10:23 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd