وش يبي معلق ART الزعيم ؟؟؟
 

السلام عليكم

جالس اطالع قناة ART الزعيم وفيها مباراة بين شباب الهلال وشباب النصر

بالطبع ما أعرف من شباب الهلال ولا واحد إلا الصويلح والهويمل والعابد

وبصراحه ما عطيت المباراة بالي لأني اتصفح الشبكة

المهم مالكم بالطويلة ... إلا والمعلق يمدح في لاعب اسمه الجيزاني

ولاعب هداف وممتاز نتمنى ظهور لعيبة على مثل هذه الشاكلة الكروية في نادي النصر :bigeek:

قلت بس هذا مهاجم الهلال ألحين إلا والمعلق أشفق على النصر ويبي يصير لهم مهاجم زيه

إلا والمعلق يكمل كلامه حيث أن اللاعب يظهر في كل مباراة يلعبها النصر

يعني بالله على قناة الزعيم وتمدح لعيبة النصر وتتمنى لهم لاعبين كويسين

والمشكلة اللي يطالع المباراة يحس إنها حرب ماهي مباراة أخلاق اللعيبة بالناقص :no:

وش يبي هذا المعلق ؟؟؟

يارجال مش حالك

اصلا المعلق هذا ما قيد شفت مبارة للهلال وهو اللي يعلق عليها

محمد غازي صدقه

بنشوفه إذا سجل النصر لا قدر الله كيف بيقول

يا أخي القناة وضعت لتكون للهلاليين


لكن لا تعليق

الحمد لله على نعمت العقل هههههههههههههههه

اذا على كلامك هذا معناه انك متعصب
والامير عبد الرحمن يسعى جاهداا
لازالت التعصب الهلالي
المهم في الاول والاخير كلنا للمنتخب السعودي
اخوي انصحك ان تبتعد عن التعصب

اسمع له

بدا يتغزل في لاعب نصراوي ثاني ؟؟؟؟

هل يصبح يوسف خميس آخر :@

الفريق النصراوي بحاجة لصناعة اللعب باعتباره متأخرا؛ً بهدف

والله مدري وش يبغى باللضبط

الارتي عطونا معلقين خياس ..

اصلا .. حنا غلطانين نفتح معهم قناة

يستغرب وجود أحد اللاعبين النصراويين على دكة البدلاء

قسما بالله انه غريب

كأنه قاعد يعلق على قناة نادي النصر :@

المبارة منقوله على سبورت 1 والمعلق نفس عشان كذا يبي يكون محاد لاكن هذا ليس مبرر لفشل القناة

هد اعصابك يابن الحلال مافيه ولا معلق زي الناس بـART

تعجز قنوات art من اشتراكاتنا تدفع 3000 ريال لمعلق خاص لقناة الزعيم

ما نبيه زي الناس

بس اشرحو له ترا الناس دافعين فلوس عشان يسمعون تعليق هلالي

والله لو المعلق على قناة النصر كان ما علق بهالشكل

طييب ياخي اعجب بلعبه عااادي اا شخصين معجب بلعبه

وهو وابراهيم الكويران

مافيها شي

متعصب انت بس لالتعصب كلنا اخوان

وقسم بالله انه معلق فاااااااشل بغض النظر عن هذي السالفه ..

واللي شاف مباراة الهلال وابها الاخيره اللي انتهت 1-4 بيقول مثلي

يرجال ازين ما في الارتي المعلقين وجايبين معلق مروح

هلا اخوي بس بغيت اقول شي المباراة مو منقولة على ارتي الزعيم بس

منقولة على ارتي1 يعني المعلق لازم يكون محايد مافيه الا هو يعلق يحطون صوته على الزعيم وارتي 1




اففففف بس متى نفتك من العارتي وتسير القناة على الجزيرة

اخوي مافيه شي القناه هلاليه او اتحاديه او نصراويه المعلق يبقى بعيد عن التعصب وهذا المطلوب لازم ما ينحاز لاي فريق من كلا الفريقين وبالعكس خله يمدح بلاعبين النصر والاهلي والاتحاد والشباب وشعلينا منهم حنا عندنا ثقه بلاعبينا من غير محد يمدحهم يكفي البطولات هي اللي تشهد مو كلام معلق او ناقد صحفي او حتى مدير نادي اخر ( لانها انتشر في الآونه الاخير تصريحات لرئساء الانديه الاخرى ضد لاعبين هلاليين واكبر مثال اللي صار مع ياسر ) بس نقول ما علينا يا هلالي ما علينا من كلام الناس ما كنا درينا

وثاني شي اذا كل اللاعبين الزينين بالهلال ومافي احسن منهم اجل الدوري السعودي راح يصير دوري ممل اذا كان اللي يلعب فيه فريق واحد بالعكس انا ودي النصر يردون مستواه اللي نعرفه عشان تصير المنافسه حلوه عشان لي فزنا على النصر نقول اي والله هزنا على فريق النصر ما نقول فزنا على اشباح النصر وهذا رايي انا لان حلاوه الدوري بالمنافسه بين الفرق عليه وكل ما كثر الفرق الي تنافس على الدوري صار الدوري احلى وامتع وحتى معنويات اللاعبين يدخلون كل مباراه بكل ما عندهم


وهذا رايي مع احترامي لراي الاخوان والاخوات وكلهم على راسي

وشاكرلك على الموضوع وهذا من حبك للهلال انا ادري بس خلنا نهدا شوي ونشوف فريقنا والاداره لانه ما ينخاف عليهم هالموسم باذن الله

مع تحياتي

طلول المطيري

ياخوي من جد مالومك
نتابع قناة art الزعيم ولا الرياضيه السعوديه ؟؟؟؟

في مباريات الحزم والرائد ووووو برضو تتكر من المعلق
اكرشوه وفكونا منه ونبي نشوف لنا معلق على مستوى عالي