قوية يالكويت وما ينخاف الا من الساكت - نادي الهلال السعودي - شبكة الزعيم

Y-G-Y · #1 08/01/2009, 02:56 AM

ماشاء الله على منتخب الكويت استطاعوا ان يطوعوا المنتخب العماني صاحب الارض والجمهور وهزمو المنتخب البحريني ومن كان يتوقع ذلك حتى في مبارياتهم تشوف في شيء متكتك تمريرات والله يعيب عليهم تضييع الفرص والا عمان كانت بتروح باي باي وصراحة من مباراة عمان وانا اقول ان الكويت ماراح توصل للحد هذا اكيد راح تسوي شيء وفعلا هزمت البحرين بهدف وبمستوى ممتاز .

يعني تخيل كانوا موقوفين ومافي معسكرات ولا تشجيع وخشوا البطولة على طول وهذا مستواهم والله شيء يشرف .

المشكلة اللي يبط السبد ان المنتخب السعودي برغم المعسكرات والمباريات والهالة الاعلامية اللي خلته مثل البرازيل يجي قدام قطر اللي تعتبر امام المنتخب السعودي منتخب عادي ويسوي المستوى هذا ولولا الله ثم تضييع الفرص من لاعبي المنتخب القطري كان اصبحنا اضحوكة البطولة .

والله اصفق لك يالكويت تمشون بهدوء ولا هياط ولا هم يحزنون في الملعب كل شيء واضح واللي اتضح لنا ان الاخضر يخوف ياجماعة ياليته ياخذ درس من الكويت ويتركون الدلع في الملعب الكورة تخدم اللي يخدمها واذا خدمت الكورة ماراح تخدمك واجد لازم انت تتعب وتفكر والا ماراح توصل لنتيجة حتى لو فزنا على اليمن هذا شيء طبيعي ولكن اللي نبغاه اننا نتأهل وتكون مباراة الامارات مباراة الحسم يانكون او لانكون .

ناصر الجوهر انت مدرب المنتخب السعودي ومالها داعي تقعد تصرح بكلام وكأنك بتسكت الشعب السعودي ترى ماينلامون ماهي كل مرة نشوف منتخبنا يدحدر نبغى نشوف انتصار ونبي نشوف مستوى .

AG03 · #2 08/01/2009, 02:58 AM

انا مرشحها للقب قبل البطوله

F.C.H · #3 08/01/2009, 03:00 AM

اولا مبروك لـلكويتيين ويستاهلون

لكن لو نتكلم بالمنطق الكويت استغل فـاول وجاب هـدف

وطول المباراة ضغط بحريني ,, يعني لنفرض أن الكويت ما سجل من الفاول ,, مستحيل انه راح يسجل.

لان افضل ما قاموا به التكتل الدفاعي وقفل جميع المناطق على البحرين .

من رأيئ لو الكويت ما سجلت قول ماراح تدافع بجميع لاعبيها وبـكذا ااكيد البحرين بتفوز.

لكن بالنهاية النتيجة أهم من المستوى ومبروكين للكويتيين.

فديت السعوديه · #4 08/01/2009, 03:00 AM

والله الكـــــــــــــــويت مشاء الله عليــــــــــــــهم عندهم روح

ياليتهم يعطـــــــــــــون منتخبنا من هالروح والحمــــــــــــاس والله ان يتغــــــــير

ويصير منتخــــــــب ثـــــــــــــــــــــاني

شكرا ودمت كمـــــــــــــــــــــــا تحـــــــــــــــــب

احساس مجنون · #5 08/01/2009, 03:05 AM

للامآنه استغلوا فآول بس

هالشي مو تقليل بالكويت

وبعدين البحرين ضيعوا فرص بالهبل ..

كآنهم كآنو مستعجلين على الهدف

the boss CR7 · #6 08/01/2009, 04:03 AM

الكويت ماشيه صح.........................................

بس مباراتها الجايه قدام العراق..................

بتصير مباراة قوية,,,,,,,,,,,,,,,,,,,,,

الا اذا كانت العراق سوتها وانسحبت

شوق الكويت · #7 08/01/2009, 05:11 AM

اعتقد ان بكره القدم محد بيتذكر ان الهدق كان فاول ولا ركنيه ولا بلنتي ولا اي شي بس بيتذكرون منو فاز والنتيجه, والحمدلله الكويت فازت سواء بفاول ولا غير الفاول وبعدين الكويت لو مو الفاول ماللعبوا دفاع لانهم اضمنوا الفوز وقاموا سكروا المنطقه عن البحرينيين.....
بس محد ينكر ان الكويت العبوا لعب كبير مع عمان والبحرين والتوفيق من الله ... ولاعبين الكويت كانوا محتاجين دعم من الحكومه والشيوخ وهذا اللي لقوه بهالبطوله لان صار عندهم روح معنويه لان الامير والشيوخ والصحف كلها تشجعهم ياليت يتوفقون واقول حق لاعبين الازرق منها للاعلى وعقبال مانفوز على اسود الرافدين يارب ونتأهل للنهائي مع الاخضر السعودي ونشوف ديربي الخليج اللي فقدناه من زمان

زهرة البساتين · #8 08/01/2009, 05:24 AM

مبروك للكويت والكاس ياكويتي ياعماني اذا استمروا لعيبتنا بهذا المستوى..

Lover Sami · #9 08/01/2009, 06:22 AM

شُكراً لك ،
الكويت يستحقون هـ الفوز و طبعاً الدعوى كلها إمكانيات و مهارات لاعبين
يعني هي اللي تغلبت على المشاكل المسبقة ، بالإضافة إلى انهم يبغون يسون شي ،
لكن المنتخب البحريني ماقصر و ضيع فرص ،

إقتباس


	المشكلة اللي يبط السبد ان المنتخب السعودي برغم المعسكرات والمباريات والهالة الاعلامية اللي خلته مثل البرازيل يجي قدام قطر اللي تعتبر امام المنتخب السعودي منتخب عادي ويسوي المستوى هذا ولولا الله ثم تضييع الفرص من لاعبي المنتخب القطري كان اصبحنا اضحوكة البطولة .

آسف

لاعبي المنتخب القطري افضل و بمراحل كبيرة و من جميع النواحي من لاعبي المنتخب البحريني
فـ أعتقد لو أن الكويت واجهة قطر أكيد بيكون الكلام ثااااني و متغير ،

و المنتخب السعودي مشكلته بدون مدرب للإسف فــ طبيعي ان المستوى بيكون اقل و إلا وش نفسر مستويات
الاندية افضل من مستوى المنتخب

كويتي الهلال بقلبه · #10 08/01/2009, 06:26 AM

الله يبارك فيكم وعقبالكم انشاءالله وانشاءالله الأزرق والأخضر جنب الى جنب بنص النهائي ..

انا حضرت المبارات بالملعب وتونا واصلين الكويت الساعة 2 الفجر والحمدالله ما تحسفت على التعب اللي تعبناه ..

صج انه المستوى بالشوط الثاني مش ولا بد لكن يا اخوان تخيلو معسكرنا مباراتين مع أندية مصرية تعتبر من أندية الوسط ونادي ايراني أول مرة أسمع فيه ! الودية القوية الوحيدة كانت مع الامارات يعني منتخبنا لا استعداد ولا هم يحزنون الله يكثر خيرهم الصراحة .. لكن الله يهديه محمد ابراهيم بغى يضيعنا طلع المهاجمين وخلى بدر المطوع بروحه بالهجوم طبيعي البحرين بتسيطر .. بعدين اللي شايلهم أكثر شي لاعبهم المجنس جسي جون ما ينصاااااااد ماشاءالله عليه ..

ألف الحمدالله والشكر على الفوز أحمدك يارب وانشاءالله هذي بداية انطلاقة الأزرق من جديد .. والله يوفق الازرق والأخضر قولو آمين .. مرة ثانية مشكوورين على مشاعركم الطيبة يا أهل الأصالة الله يعزكم

المونستر · #11 08/01/2009, 06:58 AM

المنتخب الكويتي يستاهل
والي كان يقول كانوا دفاع
اقوله روح شوف مباراتهم مع عمان
الضغط كله حق الكويت
مو المنتخب السعودي الفريدي ميت في الملعب عطيف
يبحث عن اللقطات البلوتيثيه وسط ميت المنتخب كان مشلول
وين هداف الدوري ناصر الشمراني
وين ياسر
من بعد الزواج ياسر ومالك خلاص قول عليهم السلام
والله احسن لاعبين كانوا الزوري وشهيل وعزيز

علاء30 · #12 08/01/2009, 11:31 AM

إقتباس

الرسالة الأصلية كتبت بواسطة كويتي الهلال بقلبه


	الله يبارك فيكم وعقبالكم انشاءالله وانشاءالله الأزرق والأخضر جنب الى جنب بنص النهائي .. انا حضرت المبارات بالملعب وتونا واصلين الكويت الساعة 2 الفجر والحمدالله ما تحسفت على التعب اللي تعبناه .. صج انه المستوى بالشوط الثاني مش ولا بد لكن يا اخوان تخيلو معسكرنا مباراتين مع أندية مصرية تعتبر من أندية الوسط ونادي ايراني أول مرة أسمع فيه ! الودية القوية الوحيدة كانت مع الامارات يعني منتخبنا لا استعداد ولا هم يحزنون الله يكثر خيرهم الصراحة .. لكن الله يهديه محمد ابراهيم بغى يضيعنا طلع المهاجمين وخلى بدر المطوع بروحه بالهجوم طبيعي البحرين بتسيطر .. بعدين اللي شايلهم أكثر شي لاعبهم المجنس جسي جون ما ينصاااااااد ماشاءالله عليه .. ألف الحمدالله والشكر على الفوز أحمدك يارب وانشاءالله هذي بداية انطلاقة الأزرق من جديد .. والله يوفق الازرق والأخضر قولو آمين .. مرة ثانية مشكوورين على مشاعركم الطيبة يا أهل الأصالة الله يعزكم

انت متاكد انك شفت المباراة
ومبروووك للكويتين وهارد لنا ونعوض في الياية ولو انها صعبة

كويتي الهلال بقلبه · #13 08/01/2009, 07:29 PM

إقتباس

الرسالة الأصلية كتبت بواسطة علاء30


	انت متاكد انك شفت المباراة ومبروووك للكويتين وهارد لنا ونعوض في الياية ولو انها صعبة

يا اخوي انا كنت بالملعب مو تقولي شفتها بالتلفزيون الدفاع البحريني يستلم كرة ويعطيها لسالمين وسالمين يدور جسي جون وينه ويباصي له الكرة كل هجماتهم تبدي من جسي جون شايلهم شيل

علاء30 · #14 09/01/2009, 12:52 PM

إقتباس

الرسالة الأصلية كتبت بواسطة كويتي الهلال بقلبه


	يا اخوي انا كنت بالملعب مو تقولي شفتها بالتلفزيون الدفاع البحريني يستلم كرة ويعطيها لسالمين وسالمين يدور جسي جون وينه ويباصي له الكرة كل هجماتهم تبدي من جسي جون شايلهم شيل

اي جسي يا حبيبي الموضوع كان بس يبيله رينغو والا كان الموضوع محسوم مع ان سلمان سوى المستحيل بس...
وتراني يا خوك والله فرحتلكم من قلبي وتستاهلون واللي مزعلنا في الخسارة ان لاعبين وااايد تعبوا ونعوض انشالله في الياية