|
كوزمين وسيناريو الاقالة .. وهل سنغير هذه الثقاقة السلام عليكم ورحمة الله وبركاته كيفكم زعماء الاحظ ان اسهم مدربنا كوزمين مرتفعة عند الجمهور والاعلام الهلالي وان منهم وحتى عند الادارة واعضاء الشرف وعشان ماابالغ خلينا نقول الغالبية راضين عن كوزمين وهذا الشيء اعتقد انه ماجاء من نتائج فقط ولكن لاحظنا فيه حماس في المباريات وبصمة في اداء الفريق وابراز وجوه شابه في الفريق وحتى في التدريبات الرجل قاعد يعمل بكل إخلاص المهم في موضوعي هو.. انا من المطالبين بتجديد العقد مع كوزمين لسنتين قادمة او حتى اكثر وغيري الكثير من الجماهير ومن اعضاء المنتدى ولكن عندي سيناريو معين (وبالتأكيد اتمنى انه مايحصل) وهو ماذا لو اخفقنا في بطولة اسيا القادمة بالاضافة الى احد البطولات المحلية هل ستبقى اراءنا في كوزمين كما هي وسنطالب ببقاءه أو كما هي عادتنا كعرب نحطها في راس المدرب ونمشيه.. في النهاية هل سنكون محترفين في تعاملنا مع الازمات ان حدثت ... اما ستبقى ردود افعالنا هي من يتحكم في اراءنا .. :smilie47:وتقبلوا تحياتي:smilie47: |
بالفعل .. كوزمين قدم صورة رائعة للفريق وهذا مايجب فعله الادارة وهو تجديد عقده لأكثر من سنة .. |
مشكلتنا بالخليج وبالسعوديه على وجه الخصوص ... أننا لما نخفق ببطوله او مباره نقيل المدرب ... وصارالمدرب يتمنى يدرب بالخليج لأنها بيأخذ عقد خيالي وكم مباره يمسك الباب ... ويروح لمنتخب او نادي خليجي اخر... وذي الحاله لن تتغير وكوزمين مدرب يحب عمله ومن اسباب النجاح حبك لعملك وبالنسبه لاقدر الله خسرناً اسيا اتوقع الرئيس بكبره بيقدم استقالته ... الله يوفق الهلال ويفقناجميعاً... تقبل مروووري.. |
ما اتوقع لو يخفق الهلال - لا قدر الله - أنه تكون الشماعه على كوزمين والدليل : عندما تهور كوزمين في مباراة الاتحاد عندما فاز بالأربعة .. الكل يقول كوزمين أخطاء مع ذلك تم التجديد معه .. المدرب واضح من تعامله مع الفريق فكرة الرفيع ولأن أدارتنا عقلانية ومفكرة بقى كوزمين .. فاللي اتوقعه أن ما دام عبدالرحمن بن مساعد موجود مع الهلال كوزمين موجود .. إلا إذا كان لسطان بن فهد رأي آخر .. اللي اقصده خطفه لتدريب المنتخب .. تحياتي .. :) |
عمل كوزمين خلال عامين واضح وملموس ولا اتوقع ان يصدر اي قرار ارتجالي او عاطفي غير مدروس في نادي الهلال ليمتص غضب الجماهير بعد خسارة اي بطوله |
من جهتي كوزمين .. ساعدته الضروف فقط .. لاعبي الهلال كلهم نجوم ولو ان مدربهم لاحقق كل بطولات الموسم ما هو بس بطولتين مثل العام واختمها بخراب برباعية من تشاد ..؟؟ مدرب صراخه يسمعه اهل الشفاء اذا جت مباراة في الملز .. بتذكرون كلامي ان المدرب فاشل .. واكبر انجاز حققه كلاعب هو احتراف في الدوري الكوري !!! بالله تسمونه مدرب كبير !! |
إقتباس:
مورينهو كان من افشل اللاعبين مع ذلك مدرب لا يعلى عليه:naughty: |
إقتباس:
من جد هذي مشكلة لأنه يصارخ واحترف في كوريا صار مدرب فاشل:to::to::to: أقول كيف الحال؟ |
كوزمين الواجب أن يوقع معه عقد كاثوليكي لا ينفسخ الا بالموت هذا العبقري اذا أعطي الدعم اللازم والأمان الوظيفي سترون العجب والنقلة الجذرية على مستوى الكرة السعودية والشواهد كثيرة.. من رأيي أن الشيخ كوزمين عضو الشرف المؤثر يجب أن يستمر مثل المدربين الكبار مع فرقهم كالسير فيرجسون وفينيقر مدرب الأرسنال.. ولا حظوا أن من أبرز أسباب رقي الكرة الانجليزية الثبات على مدربينهم, ولاتؤثر خسارة بطولة على استمراريتهم... |
اتمنى من الاداره التجديد مع الهلال 5 سنوات قادمه لانه مدرب كبير |
إقتباس:
|
إقتباس:
الهلال لم يدخل مرماه سوا من 6 اهداف ولعبنا ضد فرق قويه عشان ما تقول ان الفرق إلي لعب ضدها الهلال كلها ضعيفه وتسميه فاشل ؟؟ وبعدين التدريب ماله علاقه بالكوره.يوسف الثنيان عبقري في داخل الملعب وانا متأكد ان الثنيان احترم تاريخه وابتعد عن المجال الكروي كامل لأننا نعرف يوسف الثنيان لاعب تعطيه الكوره يسوي العجب بس اذا جى يتكلم ما يعرف يقول كلام مدربين واضح و قس على كلامي لاعبين كبار في كرة القدم وعالميين ولم يكونوا مدربين ناجحين عزيزي انت تقول ان الفريق كلهم نجوم الهلال جت له ايام في الهجوم المدرب يحتار مين يلعب الحين الهلال مافي إلا مهاجم واحد الكل يثق فيه بالنسبه لخط الدفاع إلى فترة قريبه جمهور الهلال كان يختلف على المرشدي واعتقد لازال فيه ناس يعتبر ان المرشدي لا يستحق الهلال بس مين إلي اعطاه الفرصه كامله على حساب كابتن منتخب بوليفيا بالنسبه للزوري إلى فتره قريبه وتحديدا الموسم الماضي بعد مباراة الوحده الإماراتي الكل كان يقول الزوري فاشل ولكن المدرب ولقوة شخصيته وثقته في نفسه جعل من الزوري في نهاية الموسم نجم من نجوم الهلال وعلامة فارقه في خط الدفاع وجعل منه دولي ايضا احمد الفريدي يملك الموهبه صحيح ولكن موهبه بدون اعطاء ثقتك للاعب لن تفيد وهذا إلي عمله كوزمين والحين الفريدي من المؤثرين في الهلال و قس على ذلك ايضا كذا لاعب في الهلال الشيء المهم في هذا المدرب وإلي اكثر شي يعجبني بكوزمين إنه مدرب يعطي كل لاعب حقه اللاعب المبدع وإلي يأدي عمله في الملعب بيكون اساسي عشان كذا نلقى الشلهوب في الاحتياط لأن للأسف الشلهوب انخفض مستواه بالنسبه للموضوع انا أأيدك بموضوع تجديد عقد المدرب لأن استقرار الجهاز التدريبي جدا مهم في تطوير اداء اللاعبين وايضا اعطاء المدرب فرصه للتخطيط للمستقبل من ناحية اللاعبين الشباب وتطويرهم او اللاعبين الكبار من ناحية الاستغناء عنهم او اعطائهم فرصه اما في حالة الاخفاق في البطولة الأسيويه لا سمح الله فلا أعتقد إن إدارة الأمير عبدالرحمن بن مساعد ستفكر في إقالة مدرب في نص الموسم ولكن فيه نقطه مهمه يجب على الإدارة الانتباه لها اذا كانت تنوي تحقيق البطولة في حالة تأهلنا لدور الثمانيه بإذن الله سيقام دور الثمانية مع بداية الموسم القادم وكلنا نعرف إن كوزمين عقده راح ينتهي في نهاية الموسم فيجب على الإداره على الأقل الاتفاق مع المدرب(اذا كانت هناك نية بعدم التجديد معه لأسباب لا نعلم بها ) في حالة التأهل لدور الثمانيه سيتم تمديد العقد ستة شهور عشان ما نقع بالخطأ إلي صار يوم تأهلنا لدور الثمانيه الموسم الماضي وكان كوزمين جديد على الفريق وكانت النتيجه خروج من البطوله أتمنى الانتباه لهذه النقطه وتقبلوا مروري |
اشكركم زعماء على المرور والمشاركة.. واحترم وجهة نظر الجميع وتقــــــــــــــــبلوا تحيـــــــــــــــــاتي |
شكررررررا اخوي اللة يعطيك العافية وبيض اللة وجهك |
الله يعطيك العافيه اخوي على هالموضوع وهذا فعلاً اللي خايف أنه يصير :( وأتمنى من كل قلبي أنه يبقى كوزمين أطول فتره ممكنه بتدريب الزعيم ياخي ليش مانسوي مثل مانشستر وأرسنال المدربين يقعدون على عشرين سنه وأكثر |
| الوقت المعتمد في المنتدى بتوقيت جرينتش +3.
الوقت الان » 08:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd