|
البلدية والكمرى الخفية الكاميرا الخفية لا زلت اتابع التلفاز ظن مني أن احدا عمل معي كمرة خفية وخاصة من قطاع البلدية او وزارة المواصلات تبي تعرف الحكاية اسمع ياسيدي وأحكم دائم امشي في طريق محدد حتى استطيع أن امشي به طبعا بالسيارة وانا مغمض من كثر ما مشيته وسيارتي صح انها من الجيل القديم بس وفية معي المهم ماشي فجأة اذا الطريق فيه حفرية طولية بعمق تقريبا شبر فسمعت صوت السقطة في الحفرة حسيت ان السيارة انتهت نزلت اتفقد يمكن وقعت المكينة او طاح القير او تففكت الكفرات على العموم ايش اسوي مشيت وأخذتها بظهري لكن خذ هذا الموقف الاصعب أخوي طلع كابرس 2006وكالة بالتقسيط ركبت معه ومشينا في نفس المكان انا نسيت انبهه من الحفرة طبعا طب في الحفرة بغى يبكي من القهر من يعوضه لو صار شي لسيارته وان اصبره واعطيه منديل يمسح دموعه واقول له تعيش وبتلقى حفر كثيرة غيرها وهذا صاحبي يحدثني عن مطبين كبيرين امام احد المراكز اسميها انا مطب اجا ومطب سلمى على العموم سيارته فلوكس واجن تخيلوا حكت ببطنها لما وصل عند الشرطي قال الشرطي رخصة وأستمارة وصاحبي زعلان وقال للشرطي اولا من اللي سوى المطبات العسكري ما لنا دخل البلدية هي المسؤلة والموقف الاخير فيه طريق عام رايح جاي لكن الغريب ان الرايح يلف على الجاي تعرف ليش فيه حفرة في طريق الرايح لو يطب فيها انقلب ولا زالت البلدية تنتظر حتى يحدث حادث ثم تصلحه ولكن لو قدر الله وصدمت شجرة غرستها البلدية او عمود كهربة من يفكك من البلدية بل يدفعونك ضعف المبلغ فسؤالي لو تحملت البلدية الاضرار التي تقع للمواطنين بسببها لما رأينا هذا الأهمال فأجبني لو قدر الله وطبيت بحفرة بسبب اهمال البلدية وسببت اضرار بالسيارة فسؤالي ايش اسوي ايش اسوي ايش اسوي |
المشكله بالشركات الي تتعاقد معها البلديه ,, والمشرفين على ذالك بلا ذمه ولا ضمير فتكون مثلا الصفقه بـ مليون ريال .. يأخذ رأيس البلديه نسبه والباقي للشركه .. كلها سرقه من اموال الدوله حسبي الله عليهم روحو ماليزيا شوفو كيف الشوارع وهي دوله فغيره الواحد فينا يشتريله سياره على قده احسن له من سياره ماهي في مقام هالشوارع اذا كان في مشرفين على الشوارع .. وفي ذمه للرئساء راح تزول هذه الضاهره من مملكتنا الحبيبه |
إقتباس:
انتم جالسين ببيوتكم وتبون كل شيء يزين لكم وليته بعد يعجبكم لا وتتذمرون منه ياليت يااخ تمسك رئاسة البلديه يوم واحد بس عشان تقدر التعب والمجهود المبذول منهم وقبل لاندخل الذمم والضمائر بكل مشكله حاصله ياليت نحكم عقولنا شوي ومانتسرع بالقذف سمعة ناس بين يديكم وبتسألون يوم القيامه عنها اعتقد انك ماكنت موجود وقت مالرئيس يختلس اموال من الدوله ولاشفته يسوي شيء بعيونك فلا تتكلم عن شيء الا وانت شايفه وارحمووووونا من هالكلام اللي لايودي ولايجيب |
اعصااابك وجدااان ... اتفق مع الاخ دايم هلالي حول الراقبه اعتقد هذا اللى كان بيوصله اتفق معه حول سوء الرقابه وسوء التخطيط واختلف معه بالدخول في الذمم والنيات. اترككم مع هذا المقال البسيط الذى اضحكني كثير لكاتبى المفضل طوال سنوات التنمية لم نستطع التعامل لإدارة شؤون الحفريات… مع أنها قاسمتنا حياتنا، لذلك تجد أن الشركات تتعاقب على الشارع نفسه، ربما أضاعت شيئاً وتبحث عنه، كأنهم ينقبون عن معادن كريمة أو مدينة أثرية مطمورة، ربما هناك رهان على شيء ثمين يقع أمام منزلك أو هي مسابقة لأسرع حفريات! وكل شركة تقوم بسفلتة الشارع لتأتي جديدة تشق بطنه قبل جفاف الزفت، والمشكلة في التنسيق، وهو شأن كبير وفن وإدارة لم نستطع إجادته مع كل تلك الخبرات الزمنية والأجهزة المعنية، فهي خبرات «طيارة» تأتي مع شركة وتذهب مع أخرى. يتساءل بعض سكان أحياء العاصمة… الرياض، ما هي فائدة مشاريع شبكة المجاري التي نفذت وهي لا تستخدم؟ تمر أعوام وأعوام والشبكة مطمورة تحت الأرض ومتوقفة على شبكيات المنازل، ولا يشبك أحد! أليس لها عمر افتراضي محدد. يتناقص كل يوم. بل إن لا جهة معنية تهتم بشرح المعوقات للسكان ولماذا هذا التأخير… كأن لا علاقة للسكان بالأمر… الحديث الغالب عن مشاريع جديدة؟ والنتيجة طفح في طفح… يحيط بالأحياء وتنهمر في شوارعها مياه آسنة، وأثار طفح مياه المجاري على الإنسان أكثر من أن تحصى، إضافة الى كونه مظهراً غير حضاري… الناس يتساءلون، والكاتب معهم، هل مشاريع شبكات المجاري التي نُفّذت ورُدمت وتحمّل السكان «نأسف لإزعاجكم… عمال يشتغلون»، ولم تدخل إلى العمل، هل أنشئت وصممت للاستخدام؟ |
اشكر لكم تواجدكم الذي شرفتوني باطروحاتكم |
لا تعليق ويعطيك الف عافيه على الموضوع |
شوف يخوويا انا راح اخلط الحابل بالنابل :d يعني انت شايف التلوث الحاصل في البيئة وكيف البلدية بتبذل كل جهووودها عشين تنضف الشوارع وتحد من التلوث الي حاصل وهدا طبعا بيكلفها فلووس مررة كتير سواء حق عمال و سيارات و ادوات ووو .. << كمل انت :to: وطبعا اغلب فلوسها رايحة على دا الشي .. مما أدى الى التقصير في الاشياء التانية عشين كدا لو اننا نضاف نخلي مدينتنا نضيفة عشين نستفيد من الفلوس دي في اشياء تانية مهمة برضوو صح ؟؟ :yes: وارجع اقول سوري دخلت دا في دا :o بس انا قاعدة ازاكر مادة بيئة وجات في بالي دي الفكرة :naughty: |
روحو ماليزيا شوفو كيف الشوارع وهي دوله فغيره ايه بس ماليزيا شعبهم يدفعون فلوس يعني كل يوم وهم رايحين الشغل يدفعون فلوس |
يعطيك العافيه على تواجدكم |
| الوقت المعتمد في المنتدى بتوقيت جرينتش +3.
الوقت الان » 03:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd