بدايه العام هذا ويش تفسيره
..........................................مصايبه تدلج هاذي ورا ذيّه
الحزن بالمملكه دقت مزاميره
.....................................واكبر مصيبه وفاة الشاعر العيّه
مالوم عين(ن) بكت في طيب السيره
.....................................راعي الفعول الحميده والمثاليه
اخر قصايده جات بدافع الغيره
......................................عن وضع غزه كتبها صادقه النيه
هيهات هيهات يالله يالله الخيره
......................................يبطنه البيض ما جاب(ن) بعد زيّه
يالله ياللي بيدك كل تقريره
...................................روحه برحمتك راضية(ن) ومرضيّه
تسكنه في الخلد يا رحمن وتجيره
...........................................بك الرجا لا تخيب لي رجاويّه
بقلوبنا ابو بدر حبه وتقديره
........................................بقلوبنا عايش(ن) يا فيصل العيّه