|
رثاء والدي لفيصل الرياحي الله يرحمه بدايه العام هذا ويش تفسيره ..........................................مصايبه تدلج هاذي ورا ذيّه الحزن بالمملكه دقت مزاميره .....................................واكبر مصيبه وفاة الشاعر العيّه مالوم عين(ن) بكت في طيب السيره .....................................راعي الفعول الحميده والمثاليه اخر قصايده جات بدافع الغيره ......................................عن وضع غزه كتبها صادقه النيه هيهات هيهات يالله يالله الخيره ......................................يبطنه البيض ما جاب(ن) بعد زيّه يالله ياللي بيدك كل تقريره ...................................روحه برحمتك راضية(ن) ومرضيّه تسكنه في الخلد يا رحمن وتجيره ...........................................بك الرجا لا تخيب لي رجاويّه بقلوبنا ابو بدر حبه وتقديره ........................................بقلوبنا عايش(ن) يا فيصل العيّه |
صح لسانك والدك والله يرحم من مات :smilie47: |
الله يرحم ابو بندر وصح لسان الشايب |
الله يرحم الشاعر فيصل رحمة واسعة |
آه يـادرع جنبـي فـي المواقيـف آه ,, مهما قلنا من مرثيات في المغفور له باذن الله فيصل الرياحي فلن نعبر عن مشاعرنا بشيء اليكم : قال من دمع عينه فـوق خـده يسيـل بالقدر مؤمن وراضـي بحكـم الإلاه اسألك يارفيع الشـان صبـراً جميـل واجبر الكسر في رجل زمانه خـذاه مات فيصل ولايفيـد البكـا والعويـل لو يـرده بكينـا يومنـا مـع مسـاه يابن عمي بعد فرقاك جسمـي نحيـل والمدامع كما مزن سقـا القـاع مـاه كل من في الخليج بيفقـدك يالاصيـل وكل منهم على فقدك جـداً لـه بكـاه يامـذل القـوي ويامقـوي الذلـيـل يارحيم سجدنـا لـه نـدور رضـاه يالغفور الرحيـم ويالعظيـم الجليـل ادخله جنة الفـردوس واكـرم ثـراه اعذروني ليا مـن قلـت مالـه بديـل لافي شعره ولاطبعه ولا فـي حـلاه حسبي الله على الدنيا ونعـم الوكيـل آه يـادرع جنبـي فـي المواقيـف آه ليت الاقدار مـدة فـي حياتـه قليـل ليـن احقـق مايبغـي منـي ومايبـاه بس ياليـت ماتنفـع وانـا مستحيـل اتناسـى كـلامٍ لـيّ مثـل الوصـاه كان ربي عطاني عمر .وعضمي يشيل جسمي اللي من فراقه فراقـه بـراه باذن ربي لا احقق رغبتـه لـو ليـل بعدها مالي حسوفه على باقي الحيـاه ناصر الرياحي |
رحمة الله على الفقيد الشاعر فيصل الرياحي وعظم الله اجرنا واجرك يأخ ناصر وكافه قبائل البقوم ومحبين وجمهور شاعرنا الكبير فيصل والله اسأل ان يرحم امواتنا واموات المسلمين اجمعين .. |
إقتباس:
جزاك الله خير وشكري الجزيل لمرورك وحضورك تحيتي |
قصيدة جميلة ماشاء الله الله يغفر للشاعر ويرحمه ووالدينا والديكم وجميع المسلمين :rose: |
والله انه فقيده :cry::cry::cry: الله يغفرله ويرحمه ويسكنه الفردوس الاعلى من الحنان احسن الله عزاكم يا قبائل البقوم وخاصه اخوي ناصر الرياحي وعسى الله يغفرله ويرحمه وكلنا سايرين عالطريق .. الله يحسن خاتمتما وبس ( الشاعر فيصل ماهو محتاج الااان الا الدعاء فقط ) لاتبخلون بالدعاء له ولجميع المسلمين |
|
الله يرحم الشاعر فيصل رحمة واسعة ..........(( قصيدة رائعة ..) |
| الوقت المعتمد في المنتدى بتوقيت جرينتش +3.
الوقت الان » 04:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd