ياأحمد ترى والله تعبنا معاك - نادي الهلال السعودي - شبكة الزعيم

ميلانو الهلال · #1 05/01/2009, 10:53 PM

السلام عليكم ورحمة الله وبركاته
بدون مقدمات ودي أدخل في الموضوع على طول ( الجميع شاهد اليوم مباراة المنتخب مع قطر بس اللي لفت نظري أحمد الفريدي في النرفزة الزائدة اللي مالها داعي فالحكم احتسب عليه فاول في الشوط الاول ولم يعطيه كرت رغم عدم صحة الفاول لكن احمد الله يهديه دخل مع الحكم في كلام الى ماتحصل على الكرت وفي الشوط الثاني دخل برجله على راس اللاعب القطري وكأنه يريد الكرت الثاني والطرد ولكن لطف الله وماعطاه الحكم اي شيء.
السؤال اللي يطرح نفسه الى متى يأحمد هالعصبية واللامبالاة والى متى تتلاعب باعصاب الجماهير.
خاتمة : يعلم الله يأحمد أني ماكتبت هالموضوع الا حب فيك وخوفي عليك وعلى الزعيم والمنتخب واتمنى انك تتقبل هالملاحظة بصدر رحب .

Abo 3yham · #2 05/01/2009, 10:57 PM

أحمد مازال صغير وقليل خبرة بأن يلعب اساسي في مباريات قوية مثل هذة

واتمنــى بأن يراجــع نفسة ويترك عنة التعصب الزائد

zaben20 · #3 05/01/2009, 11:36 PM

إقتباس

الرسالة الأصلية كتبت بواسطة يامن99


	أحمد مازال صغير وقليل خبرة بأن يلعب اساسي في مباريات قوية مثل هذة واتمنــى بأن يراجــع نفسة ويترك عنة التعصب الزائد

ماقلنا شي صغير والصغير له اخلاق واتمنى يترك التعصب وتكون اخلاقه اخلاق رياضيه

تحياتي لكم جميعاً

سبحان الله وبجمده وسبجان الله العظيم

أحبك مووووت يا هلال · #4 05/01/2009, 11:11 PM

ياخي الفريدي نوبات اقول وش زينه

ونوبات اقول يا شينه

زي اليوم بصراحه رفع ضغطي

الكل دايم يعلمه انه عصبي ولازم يمسك اعصابه

واكيد المسؤولين في النادي ما قصروا وقالوله يهدي اعصابه

بس الولد مقزز

والله بغا يرتكب جريمه اليوم مع لاعب قطر

الفتى الأنيق · #5 05/01/2009, 11:26 PM

إقتباس

الرسالة الأصلية كتبت بواسطة أحبك مووووت يا هلال


	ياخي الفريدي نوبات اقول وش زينه ونوبات اقول يا شينه زي اليوم بصراحه رفع ضغطي الكل دايم يعلمه انه عصبي ولازم يمسك اعصابه واكيد المسؤولين في النادي ما قصروا وقالوله يهدي اعصابه بس الولد مقزز والله بغا يرتكب جريمه اليوم مع لاعب قطر

ههههههههههههههههههههههه
حلوووووووووووه بس لاتكبرون الموضوع تراه حماس زايد فقط

زيزو الثنيان · #6 05/01/2009, 11:15 PM

بالتوفيق للهلال
ولازم يتوقف عند حده

ذايب بفنك · #7 05/01/2009, 11:15 PM

ياحبيبي احمد لاعب كبير
لكن هذا حماس يعني
مالها داعي ندقق ونقول
الكلام هذا .

ziad-20-m · #8 05/01/2009, 11:25 PM

إقتباس

الرسالة الأصلية كتبت بواسطة ذايب بفنك


	ياحبيبي احمد لاعب كبير لكن هذا حماس يعني مالها داعي ندقق ونقول الكلام هذا .

كيف الحال اليوم احمد بغى ينطرد بسبب العصبيه

بدر الهلال 20 · #9 05/01/2009, 11:16 PM

لاعب امامه مستقبل كبير ,,

طلال أخو طارق14 · #10 05/01/2009, 11:18 PM

والله يستاهل لاعب قطر
ودي رجل احمد دخلت بعينه
يستاهل والمنتخب فاشل كله
بمعنى الكلمه ويقلون بناخذ البطوله
ايه هين اذا كان علي هالمستوى
الله يوفقهم

a-7mad511 · #11 05/01/2009, 11:21 PM

الشغله حماس زايد ونرفزه من اللاعب

هلالي الرياض2009 · #12 05/01/2009, 11:22 PM

أحمد الفلسفه الزايده ..

كرات قريبه من تسجيل الهدف بنسبه 90 % ظاااعت ...

أحمد الفريدي تكلمنا لكن هل من مجيب ..

الازوري الهلالي · #13 06/01/2009, 02:49 AM

إقتباس

الرسالة الأصلية كتبت بواسطة هلالي الرياض2009


	أحمد الفلسفه الزايده .. كرات قريبه من تسجيل الهدف بنسبه 90 % ظاااعت ... أحمد الفريدي تكلمنا لكن هل من مجيب ..

تبي الصراحة هو لاعب فنان بس الغرور ذابحة
هذا اولها والله يعينا من تاليها

Nilmar · #14 06/01/2009, 03:02 AM

طبيعي انه الفريدي بيدخل على هالموضوع

ولو شاف كلامي اقوله (( احذر من الغرور والتعالي على الكوره يا احمد انت في بداية مشوارك وتمريراتك اليوم تدل على تعالي على الكوره وغرور لو لعبت بحماس زي ما تلعب الفتره الاخيره مع الزعيم بتكون نجم المنتخب الاول ))

الفتره الاخيره مع الزعيم كان نجم بس مدري وش سالفته امس رجع لعادته القديمه اتمنى نشوفه في المباراة القادمه زي ما عهدناه..

عموماً ما ألومه منتخب مدربه (( الجوهر )) طقها والحقها ما اظن لو انا مكان اللاعبين بيصير لي نفس حتى للعب

.

هلاليه & قحطــــانيه · #15 05/01/2009, 11:23 PM

احمد قدامه المستقبل
بس كان من المفترض ان المدرب ينزله الشوط الثاني افضل
بحكم قلت الخبره