|
فضحتك الجزيره ياوليد الفراج ..... وياناصر الجوهر ترى تيسير يلعب محور جنب عزيز!! السلام عليكم ورحمة الله وبركاته في البدايه لا أعلم هل أهنئكم أم أواسيكم على التعادل الذي في نظري حسب ماحدث في المباراه بالعادل:no: أود أن أتكلم على نقطتين بسيطتين أولا: في تصريح سابق لوليد الفراج عندما طالب الجمهور السعودي بوضع كاميرات تصوير معلقه برر الفراج بعدم وجود ملاعب مغطاه وأنه لو تم وضع الكاميرا في ملاعبنا سيتلاعب بها الهواء فبحكم اننا شعب (طيّب) صدقناه:yes: لكن مارأيته اليوم عجيب بكل ماتعنيه الكلمه هي إحدى حالتين إما أن ملاعبهم مغطاه بشياء شفافه او أن عمان ليس فيها هواء وهو مايستحال في جميع الحالتين ويبين لنا الكذب الحاصل على المشاهد السعودي الـ(طيّب):bigeek: ثانياً: بنظره بسيطه مني كمشاهد لمباراة المنتخب السعودي أعتقد أن المدرب ناصر الجوهر نجح في الإنضباط التكتيكي من الناحيه الدفاعيه وساعده في ذلك إبداع اللاعبين ماشاءالله لكن في الناحيه الهجوميه صفر بالمئه وأعتقد أن الكابتن ناصر الجوهر بالغ في إبقاء كريري الذي لم يلعب لم يستعد كامل عافيته بعد عودته للمشاركه مع ناديه فكان بإمكانه تغيير تيسير الجاسم بدلاً عن كريري وأيضاً هل عبده عطيف كان في تحركاته أفضل من الفريدي الذي أعتقد لو تم إبقائه لكان أفضل من عطيف الذي بدى عليه الارتباك والاحتفاظ بالكره الغير اللازم مما سبب الضغط على لاعبين المحور وأرهاقهم إلا في حالة خوف ناصر من الفريدي بسبب حصوله على بطاقه في الأخير أتمنى التوفيق للمنتخب السعودي ويالجزيره فضحتي ربعنا بشويش عليهم أعذروني على ركاكة أسلوبي فإن أصبت فمن الله وإن أخطأت فمن نفسي والشيطان تقبلوا تحياتي أخوكم: جلال العتيبي |
اخوي ميتسو قرا طريقة الجوهر العقيمه في المباريات التجريبيه وخرج بنقطه من امام نجوم المنتخب السعودي الي لعبوا بدون خطه ولا تكتيك كور قصيره مقطوعه والسبب ان الجوهر لم يغير طريقة اللعب خذ مثال كوره اللغت اماميه طويله للناصر اشمراني شكلت خطوره وانقذها المدافع القطري بالصدفه كانت الكاميرا تتجه على الجوهر وهو يتناقش مع مساعده من اشارات يده وكلامه يتضح انه يلعب بطريقة ارجاع الكور وتمويت اللعب على امل سحب المنتخب القطري دون فائده |
الجوهر يلعب مع مدرب عارف المستوى السعودي بتدريبه الاتحاد واخينا في الله يلعب بطريقه خليجي ٠ يخوي طور من تكتيكك :( |
والله من يوم قال هواء يتلاعب بها وانا ادري انه يتلاعب بالجماهير الاي ار تي ما فيها ابداع ولا بحث عن حلول , كل اللي تعرفه اشتري واحتكر حتى ان صالح كامل مرة سالوه عن احتكاره للدوري السوداني (قبل عدة سنوات) فقال انا لو بيدي احتكر كل الدوريات (وسط ضحكات من الصحفيين ) هو تاجر ناجح وانا احترمه كشخص هو وابنه محيي الدين كامل ولكني اراهم فاشلين اعلاميا ولا يختلفون عن الخشبية نفس المستوى الا ان الاي ار تي ب 1200 ريال والخشبية مجانا |
بالضبط لا فض فووووك اخوي فعلاً كان الأولى ان يلعب تيسير محور لأنه يجيد اللعب في هالخانه اضافة الى هبوط مستوى كريري بشكل واااضح واما الهجوووم فكان بمعزل تااام عن المباراة ياسر تساقط كثيراً ومالك تزلج أكثر ،،،،،،،،،، ما دري وش السبب تقبل مروري |
والله الجوهر مدرب يلعب بخطه واحده مايغيرها |
اسمـح لي أذا عاجبك تصوير الجـزيرهـ بصـرآآحـه تصويرهـم فـاشل اللعب مـاشي وهو حاط لنا الكاميرا من فووق بالنسبه للمبـاراهـ من وجهـة نظـري ماابدع الا وليد عبدالله والمرشـدي وشهيـل ومالك تحس أنهـم تحـركواا سووا شيء لكـن البقيه مع احـتـرآآآآمي فنـايـل ...... وتبقـى وجهـة نظـر ،، |
اخواني اشكركم جميعاً ع المرور ولاهنتوا ع المشاركه بالنسبه لك اخوي هيرون فبيئة الشعب السعودي خصبه للإستغلال لأننا طيبين ونسكت فالشكوى لله من ناحية كلامك برنسيسة الهلال هناك فرق بين اخراج وتصوير الاخراج مافيه مخرجين زي العالم والناس الا من رحم ربي لكن كتصوير سلمي لي ع كاميرات الجزيره واتمنى تلاحظين هالشي وشكراً |
اول شي يالغالي دورة الخليج فرصة لاستعادة التجانس بين اللاعبين ولاحظ غالبيتهم كانو في امم اسيا 2007 وهذا شي مفرح الحقيقة حيث ان بطولة الخليج بمثابة معسكر اعدادي لباقي التصفيات ثانيا تيسير الجاسم موقعه اللي لعب فيه هو الاساسي وهو يبدع في هذا الموقع لكن وش تسوي لما قطر يلعبون ب9 مدافعين؟ وثالثا ترى حنا اكبر من بطولة الخليج وخلها لغيرنا يفرح فيها بحمد الله انجازات الاخضر هي الاول اسيويا من حيث الانجازات المعتمدة من قبل الفيفا |
إقتباس:
وكانت لهم الخطورة في تهديد مرمى السعودية 3 مرات بعكس لاعبينكم الـ 11 مدافع . انتوا مشكلتكم تطيرون لاعبينكم فوق العلالي ياسر القحطاني وياسر القحطاني ومالك معاذ ومالك معاذ !!! على فكرة بسألك !! ياسر القحطاني لعب ضد قطر في هالمباراة أم لا ؟؟ هههههههههه |
^^^^ للأسف كل المنتخبين لم يقدموا مايشفع لهم للفوز لكن بمكانة وسمعة المنتخب السعودي فيعتبر نحن الخاسرون لأننا نتفوق بالانجازات القاريه وليست فقط الخليجيه وبالنسبه لياسر ومالك لاتنسى ان كل لاعب معاه اثنين :) وهم من عيال البلد ع فكره ماجنسناهم < مايدق بالتوفيق للأخضر |
سبحان الله يوم شفت صوره xavi اللي في توفيعك ... تذكرت كريري ماتفرق الا الفانيله |
^^ ^^^ الأسهم للي فوق فوقي :d على الأقل ياسر أصله سعودي ماجنس :ap: إقتباس:
بالتوفيق للمنتخب :smilie47: :rose: |
إقتباس:
واخوي مروان شكراً لك ع الاطراء |
إقتباس:
تخيل مع كل هذي العيوب اخذنا كأس اسيا 3 مرات و 3 مرات الوصيف من خلال 7 مشاراكات :d طيب اخوي تتوقع لو كنا مجنسين ووصلنا الفكر الاحترافي فيه احد غيرنا بياخذ البطوله :d مجرد رد بسيط ع قد عقليتك بعدين اذا رفعتوا كأس اسيا تعال تكلم والله حاله 24 سنه مافازوا علينا دايم نلزخهم يجي الحين يتكلم:d |
إقتباس:
انت قلتها 3 مرات في 90 دقيقة يعني وشلون اشرحها لو تكرمت باقي المباراة وين راحت؟ 9 مدافعين والشيخ سبستيان قدام ويتقدمون لنص الملعب وبعدين منتخبنا انا قلت يلعبون ضد 9 مدافعين ومالك الي مو عاجبك تذكر بهجمة وحدة حاس فريقكم كله اما دفاع منتخبنا شي طبيعي الدفاع مافيه الا 2 جالسين والباقين متقدمين طبيعي تجي 3 تسديدات حنا عدد تسديداتنا على المرمى 6 مرات لكن دفاعكم 9 لاعبين لاتنكر كل المنتخب يدافع وفسر لي ليه ولا مرة تجاوزتو مرحلة المجموعات في كاس اسيا؟ بس تسمعون بالانجازات قايلين في موقع الاتحاد الاسيوي من انجازات منتخب قطر التأهل لكاس اسيا الحمدلله والشكر هذا طموح؟ اما ياسر ومالك انت ادرى ليه توهم جايين من اصابات بس العبرة مو في كاس الخليج والوديات العبرة في المباريات الاسيوية سواء كاس اسيا والا التصفيات اما الخليجية ما عمرنا فكرنا فيها وحتى يوم فزنا فيها عام 2003 كان منتخب داااج للنعلة قال وشو منتخب أمم المتحدة بعدين مو انتم تقولون ان بطولة الخليج لجمع الاشقاء ؟ طبق الكلام على روحك الحمدلله على اني سعودي 6 مرات كنا طرف ثابت من 7 مشاركات في كاس امم اسيا والتصفيات كلها المركز الاول والحمد لله وحدة |
ياناس التجنيس ماهو بعيب العيب والله هالمستووى الي يفشل |
هذا الكلام للي فوق فوق فوق فوق فوقي اللي مايطول العنب حامض عنه يقول |
وقولوا لأبو خلفان المنتخب السعودي يمرض ولا يموت اكتفي بالجمله هذي للقطري ولد الجار |
إقتباس:
الحمدلله على نعمة العقل شكلك ما تعرفين قصة التجنيس الناس يجنسون لاعب او اثنين او 3 مو مشكلة لكن مو منتخب كامل من كل اقطار العالم طلع فرع للأمم المتحدة |
اقول يالأخ الفاضل [ خلفان ياقاهرهم ] اولاً انت مسجل بس عشان تعلمنا في امور كورة القدم ..؟ او مسجل عشان بس تعلمنا انك قطري ومسجل في موقع سعودي ويعني شوفوني انا قطري وترا خلفان لاعبنا ونحبه .,؟ .. كله نصـب في نصـب . وعلى رأسهم النصاب الكبيـر ابن همام الي حاطلي خلفان افضل لاعب اسيوي ومخلي الشلهوب وبدر المطوع الثاني والثالث .,.؟ ثانياً يا اخي العزيز .. لاتغلـط على أي لاعب سعودي وتقول ياسر وماياسر .. طيب حلوه لو اقولك لكم تقريباً 10 سنوات مافزتوا على المنتخب السعودي .؟ وش انجازاتكم يالقطري ؟؟ اعلمك وش انجازاتكم . الأنجاز الاول : تجنيس لاعب فلان الفلاني الأنجاز الثاني : تجنيس الاعب فلان الفلاني الأنجاز الثالث : تجنيس خمس لاعبين سوياً . الأنجاز الرابع : التعادل مع المنتخب السعودي ., .. فعلاً شعـب .. يطمح بالتعادل مع المنتخب السعودي |
اقول يا(خلفان ياقاهرهم)اغديك متوكل على الله لوانك تستحي ماجيت تهرج- بالنشيد الوطني حقكم قبل المباراة اللاعبين كلهم يدربون روسهم مايدرون وش السالفه والمشكله ان منتخبكم فاشل رغم كل الجهود واغديكم مجنسين تفاريس لانه مدافع ممتاز |
المنتخب يحتاج لصانع لعب بمواصفات الشلهوب .. :) |
إقتباس:
حتى قمت تشبه فرنسا بفريقك المجنّس من كل قارة !! هههههههههههههه ياحبيبي اللاعبين الفرنسيين اللي تتكلم عنهم على الأقل مولود في فرنسا !! ويتكلم لغة فرنسية !! مو مثلكم يجي الواحد على فيزة سواق ولا خادم ويطقها بالدوري القطري ثم يبدع عندكم وتعطونه جنسية !! حتى بالنشيد الوطني اللهم لك الحمد والشكر مايدرون وش يقولون بس يحركون شفايفهم اللي قطعها الدخان !! حتى أنواع التوليف بالأسماء من الحارس للهجوم محمد صقر وعبدالله كوني ههههههههههههههاااي بالله أسألك هالأشكال هذي تتكلم عربي !! تقرأ عربي !! تعرف عربي !! اذا تبي تفهم معنى التجنيس صحيح مع ان هذا في اوربا والدول المتقدمة مو عندكم أسأل عن منشأ اللاعب وأين ولد مثل فييرا ومكاليلي وسيدروف ودافيدز وكوليفرت على الأقل هالأسماء نشأت بتلك البلاد مثل فرنسا وهولندا وتعرف تتكلم لغتهم مو مثلكم مهزلة بين يوم وليلة يكون قطري !! هذه إهانة للشعب والجنسية القطرية قبل المنتخب !! حتى سؤال أخير : بالله على كثر تجنيسكم حتى لدرجة من الدول العربية مثل سوريا ومصر ماذا قدم لكم التجنيس !! لا مستوى مشرّف ولا تأهل ولا كأس آسيا وكأس العالم وهذي عقوبة من الله تستاهلون .. |
انا معك يالقطري ان المباراه هذي افضل منا بس لا تلومني لان مدربنا كمخه حتى تدريب حواري ما ينفع معه اما عن التجنيس بقطر المواطن القطري صار ما يتحمس لمنتخب لان اغلب لاعبينيه من الجمعيه الخيريه قص ولصق من هب ودب جنستوه بكره نشوف كاكا قطري |
إقتباس:
اما باونتي مو كت كات بارتيز الحارس وشو ديشانب الكابتن وشو رقم 5 اللي يحب صلعه بارتيز وشو اما موضوع الجوهر وربي ما يدري عن التدريب يحط الاعبين ويقولهم (هاه ياشباب كل واحد عارف مكانه شدوا حيلكم الله الله بيضوا الوجه يلا ياسر لا وصيك تكفى قول اي شي بس قول فكني منهم يحسبه سامي ) نبي مدرب زي الناس ملينا مدرب وطني وحرام عليكم وربي محد تكلم عليه ولا ع اختراعاته الا عشانه تعبان بس صدق زودها لمتى منتخب ع البركه هاه يجي واحد كل منتخبهم اذا جوا يسوون معهم لقاءات جابوا مترجم والمذيع بجيح هاه وش رايك بفوز منتخبا ويحط المكرفون عند المترجم والثانين مفرقين واحد مصري ايه ده وفلسطيني ويجون يزعجونا ياشيخ استريح (وين الكراسي)<<<معليش موظف خدمات عملاء متعود ع استريح عموما الله يستر ع منتخبا عسى هيدينك يجيبونه وتقبل مروري والدفاع المدني وكل الدوائر الحكوميه |
أولاً الله لا يعيد التصوير من فوق وعزالله أن التصوير فاشل بإمتياز وقتل متعة المباراة (هذى إذا كان فيه متعة أصلاً) ثانياً بالنسبة لكريري فنعم تيسير أفضل بمراحل , لكن اللي أبي أفهمه الفريدي مدرك وفاهم أنه رايح يمثل المنتخب بروووووووووووووود , إرتكاب أخطاء بدائية جامله الحكم كثيراً بعدم الطرد خاصة مع حركة الكونغفو اللي هشم فيها وجه لاعب قطر اليمني الأصل , الفريدي ثبت أنه لا يستفيد من أخطائه ويكررها دائماً وبنفس البلادة والله يا رفع ضغط دمي ببروده ولا مبالاته , أما المرشدي فسلمولي عليه كتم سوريا مع هوساوي والزوري أما بقية لاعبي الهلال فكانوا مثل الفريدي لا مستوى ولا حتى إحساس بالمسئولية , باقي لاعبي المنتخب ما يهموني أما ناصر الجوهر فالله يهدي سلطان وولد أخوه اللي أحرجوه , رجل محدود الامكانات وبصراحه كبيرة عليه تدريب منتخب يعج بالمواهب اللي يتمناهم أي مدرب يكفي أن احتياط المنتخب نجوم بس للأسف اتحاد سعودي فاشل تدار فيه أمور المنتخب والكرة السعودية بارتجالية. |
هلا أخوي جلال :) مشكور على الموضوع .. إلا وينك ما سيرت علينا :) والجزيرة ما يحتاج .. كاميرات ديجتال وحركات .. شغل عدل :d صحيح .. ناصر الجوهر اخطأ .. كريري خارج التغطية :( المفروض عزيز .. وتيسير والقحطاني هم اليوم مب في الفورمه المباراة كانت للحارس والدفاع .. والبقية ؟؟؟؟؟؟!!!!!!!!!! لكن .. هي البداية للصقور |
إقتباس:
الا على فكرة بغيت أسألك .... عبدالله كوني لعب في المباراة أو ما كان موجود؟؟؟ ههههه أكيد لا كان الحارس الشخصي للكاسر ياسر ... <!-- / message --> |
كلامك سليم وعين العقل كثير من الملاعب غير مغطاة وفيها كاميرات معلقة ؟؟؟ |
الجوهر يلعب مع مدرب عارف المستوى السعودي بتدريبه الاتحاد واخينا في الله يلعب بطريقه خليجي ٠ يخوي طور من تكتيكك |
سؤال يعني أنت فرحان بالكاميرا اللي يجيب الصوره من فوق ؟ الحمد الله أنها مو موجوده عند أي أر تي على الأقل يرتفع ضغطي في 4 أو 5 مباريات ولا على طول لف راسنا لف وأحس كأني أطالع المباره والتلفزيون مقلوب |
اقول الجزيرة فاشلة والله يوفق الاخضر |
إقتباس:
ومن ناحية التكتيك والتشكيله ماودي احلف لو يمسكوني المنتخب أقل شي اسويه اتأهل للمباراه النهائيه بعد فضل الله بس وش تسوي الشكوى لله :confusedw: وبالنسبه للكاميرات لايعلى عليها بكل أمانه لكن المخرجين فاشلين:yes: ----- بالنسبه للي شاطحين يسبون الكاميرات ويقولون دوختنا واللي يقول عاجبك التصوير يابشر افهموا انا اتكلم عن الكاميرات ماتكلمت عن الإخراج فيه فرق بين الاخراج والتصوير تذكرون كيف كان اخراج اليورو ابداااااع تراهم نفس الكاميرات بس الاختلاف بالمخرجين أتمنى تفهمون علي وش اقصد :( |
إقتباس:
أنت وش تحس فية أول شي الله يحييك بين أهلك وثاني شي كلامك مايدل عندك روح رياضية ولكن مادري كيف تتحمس مع منتخب بلادك وكلهم مجنسين ولا واحد يتكلم عربي وقالي فرنسا وش جاب فرنسا بالخليج وياسر ومالك مو أنت الي تجي تتكلم عليهم ياعمي روح نام أعطيك 100 سنة قدام لو جبتلي واحد ربع من ياسر القحطاني لك الي تبي روووووح نام يوم تقول مطيرين لاعبين فوق ياخي يحقلنا نفتخر فيهم لأنهم أصل الفن والأبداع تعرف وشلون سعوديين الأصل دمهم سعودي مدري هالعالم وش تحس فية داخل عرض ومنبرش بدون بوت وجالس يتفلسف قال نسمع بياسر وماشفناه ياسر مستواه فوق |
يالييت يتطور الجوهر ويغير طرقة اللعب وبصرااحه الدفاع ماقصر بس الوسط والهجوم سيئين جداً .... وبعدين لاتردون على متخلف زي ((خلفان قاهرهم)) ومكشور |
مشكووووور اخوي منتخبنا لعب ماقصر بس قطر تلعب 7دفاع لاعبيتن ماقصرو |
[السلام عليكم اخوي المنتخب ناقصة التركيز فقط في تمرير الكوره انا لاحظة ان العيبة امس ماهم مركزين مفهين مادري وش السالفه بس ان شاءالله انهم يتوفقون تقبل مروري,,,,,,,,,,,,,,, |
إقتباس:
اقسم بالله ماقهرني الا الفريدي بالمباراه امس !! ياخي اخلاقه مره مع اللاعبين ، اقسم بالله يدي على قلبي بعد ماخذا الكرت الاصفر الاول، وقت ماضرب اللاعب على وجهه بـ ( قدمه ) قلت خلااص الرجال بينطرد ونروح فيها ! بس الحمدلله ان الجوهر طلعه مكاان الموسى، الله ستر بس |
تعادل منتخبنا الســــعودي مع منتخب التجميـــع لاتنسون ان منتخب قطر فيه لاعبين من كل الارض ،،، يعني منتخب تجميع وخطأ اطلاق مسمى قطري !! تحياتي |
الصراحة كان ينقص المنتخب الروح والله الروح لأننا لو لاحضنا أن التشكيلة من أفضل الاعبين وش بقى غير الروح |
ههههههههههههههههههههههههه ياخي وش ذا التجنيس اللي يخليكم تنركون بالاربعة والخمسة ياخي انرك بالاربعة والخمسة وانا ماني مجنس ابرك من اني اكون مجنس وبعدين مابقى احد اللي جنستوه اصبر يجيك سواق معطينه الجنسية القطرية < عيييييييييب والله عيييييييييييب هذا وطن مو من كل هب ودب يصير قطري:@ |
إقتباس:
الحمدلله يا قطر وشي انجازاتكم تكفى يرحم والديك؟ من انجازات قطر التأهل لبطولة امم اسيا وتجنيس اللاعبين وبعدين دام مستوانا سيء كان فزتو هذا دليل ان فريقكم المجمع تجيه ام الركب لما يدرون ان فيه المنتخب السعودي جاي الحين بدون مستوى تعادلنا كيف لو لعبنا بمستوى؟ نسيت كيف كانت تصفيات كاس العالم 98 من اللي فاز عليكم باخر مباراة وفي ارضكم؟ وقبلها فاز عليكم في الدور الاول؟ شوف انجازاتكم http://www.fifa.com/associations/ass...r=m/index.html وقل لي متى تجاوزتو مرحلة المجموعات في كاس اسيا؟ |
صراحه مدربنا كان سئ امس بشهاده محللين القناه السعوديه الرياضية صراحه كلاهم وملاحظاتهم مقنعه جدا وتحدث فرق |
الفراج والعارتي دايم يلعبون على الشعب السعودي بالنسبة للمنتخب كان يلعب بدون تكتيك كلها اجتهادات لاعبين واتفق معك على ان كريري وعبده ماكانو في الفورمة |
[QUOTE=shlhop-10;10573606]والله الجوهر مدرب يلعب بخطه واحده مايغيرها[/QUOT معك حق ياخوي موضوعك روعه:smilie47: |
| الوقت المعتمد في المنتدى بتوقيت جرينتش +3.
الوقت الان » 10:54 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd