شوهوها + دويتو القناة الرياضيه ! - نادي الهلال السعودي - شبكة الزعيم

زعيـم أسيـآ · #1 04/01/2009, 09:41 PM

السلام عليكم و رحمة الله ..

اولا مبروك فوز المنتخب البحريني المستحق على ابناء الرافدين ..

لكن مااساء لنا هو الاشتباك اللي حدث بعد المباراة , صحيح انه كان اشتباك بسيط ..

يعني من اول مباراة اشتباك , و في النهائي اجل وش بيسوون

ثانيا من استمتع الى معلقي القناة الرياضيه [ نبيل الدبيس + الربيع ] و الله انهم رائعين

دويتو رائع تقدمه القناة السعودية لنا , و الله تركت كل المعلقين القنوات و صرت استمع لهم , و ان شاء الله يراح يصيرون مثل عبدالله الحربي و فهد العتيبي و الحربين

&هلالي حايلي& · #2 04/01/2009, 09:45 PM

صـدقت أخـوي ..

وبالتوفيق لمنتخبنا غـدا أمام قـطر ..

Moath434 · #3 04/01/2009, 09:46 PM

وعليكم السلام
اخوي لي الشرف انا اكون اول من يرد على موضوعك

انا اشهد على الكلام اللي تقوله

Yasser Aldaajani · #4 04/01/2009, 09:53 PM

انا صراحه ما استمعت لهم ,, لكن بسمعهم وبعطيك رأيي ,, حمستني اني اسمع لهم ,, لكن ما يعيب على القناه الرياضيه البث يكون بصوره ردييئه جداً ,, لو يبثون مثل الجزيره الرياضيه او على الأقل قناة الدوري والكأس كان تابعناها ,, لكن لجل عين تكرم مدينه

محمد الحربي · #5 04/01/2009, 09:53 PM

أشوا انهم نقلوها بآخر لحضة

!!

صراحة أفضل معلقي القناة ..

!!

الخوف كان جابوا الجابر بكرا

!!

لك احترااامي ورده } ..

14هلال القمه 20 · #6 04/01/2009, 09:54 PM

ماعندهم ماعند جدتي .. كلهم سخييفين .. اهـ يفارس عوض .. اهـ يا الحربين .. اهـ يارؤوف ..

المختفي20 · #7 04/01/2009, 09:54 PM

أنا معك في كل ما قلته

وإلى الامام يا القناة الرياضيه

يعطيك العافيه

بس الهلاااااال · #8 04/01/2009, 09:56 PM

إقتباس


	دويتو رائع تقدمه القناة السعودية لنا , و الله تركت كل المعلقين القنوات و صرت استمع لهم , و ان شاء الله يراح يصيرون مثل عبدالله الحربي و فهد العتيبي و الحربين

هذي معك فيها حق معلقين الجزيره والكاس نايمين تركت محطاتهم وشفت المباراه على الرياضيه

عاشق15الزعيم · #9 04/01/2009, 10:17 PM

شفت مباراة البحرين والعراق

بصراحة ابدعوا بدون مجاملة

على الأقل اطلق من الجابر الكوره برا الـ18 ويقول هجمه خطيره

الله يعطيك العافية على الموضوع

هلاليه تشلساويه · #10 04/01/2009, 10:19 PM

الحمد الله انهم جابو ها الناس الي تعرف تتكلم

والله كنت خايفه من انهم يجيبون (( الجابر)) ولسى خايفه يسوون فيها وطنيه ويجيبونه بكره ........ الله يستر بس