|
قصة امي الله يحفظها ويخليها لنا بسم الله الرحمن الرحيم ندخل في الموضوع علي طول في نهايه الاسبوع من فتره مو قريبه ولا بعيده المهم يوم الخميس تعرفون قبله الاربعا وكل العالم سهر وساعت صدر المهم يجي الخميس تنام لين تدوخ المهم هذي امي جا الخميس الساعه خمس ونص قامت بتصلي وطبعا امي كبيره في السن نوعاً ما راحت بتتوضا عشان الصلاه طبعا في هذا الوقت انا في الغرفه اللي برا (الملحق) اخوي في البر الاهل نايمين المهم انا نمت لما جت الساعه تقريبا 8 او 8 ونص دخلت اختي تصحيني وهي مره مرتبكه واصحي بقمه الهدوء طبعا في المواقف الحاره انا اكون بااارد جدا عشان يكون تصرفي اكثر دقه قالت امي ومدري ايش انا ما فهمت اي شي طبعا نصيت غرفه امي واحصله في دوره المياه الله يكرمكم طبعا امي فيها سكر وضعط ومسويه عمليه في احد فقراته مركبه فقره المهم يوم شفت الموقف تلعثمت واخذ جوالي قلت مالي إلا رجال الموااقف الاسعاف وانا اللي ادق ورد علي واحد فيه النوم والله اني اكلمك جاد واقوله الموضوع كذا وكذا قال حدد موقعك واوصفله ما شالله في سرعه البرق طبعا دقيت عليهم الساعه تسع إلا ثلث ولا وصلوا إلا 11 وفيها الظهر ما شالله سريعين المشكله مو عن كذا المشكله انهم جايبين سياره هذي الصغيره (كامري) عشان تشوف الظغط والسكر وكان فيه كسور الحمد لله طلعت سليمه شوي قال الحين ندق نطلب سياره اسعاف:d ومثل العاده في سرعه البرق الساعه وحده جت سياره الاسعاف اللي اكثر من كذا يسألني يقول انا جديد وين اقرب مستشفي من هنا :ag: قلت الشميسي ويركب معهم ولد اخوي واركب انا في سيارتي واسبقهم لشميسي عاد اللي يسوق يسأل ولد اخوي وين اقرب طريق لمستشفي الشميسي يااارباااه المهم وصلوا للمستشفي بعد عنا بس الحمد لله علي كل حال سؤالي: لين متي واسعافنا كذا ؟ يموت الميت ويحيا الحي وهم ما يجون بالله لين مته ياناس ياليت تكون عليهم رقابه او يحطون ناس يتحملون المسؤاليه شكرا |
اخوي يقول قصة لي والله تضيق الصدر كان اخوي ماشي ويشوف ولد بسيكله ماشي المهم اخوي رجع بعد خمس دقايق ولقا الولد مصدوم وفي حالة حرجة حرجة جدا المهم اخوي مشى ورجع بعد ربع ساعة والاسعاف ماجت :( ومات الولد وغطوه الناس بفراش عقبه جا الاسعاف :( الله يرحمه بالنسبه لقصتك الله يعافي امك امين يارب العالمين والاسعاف لاتعليق |
الحمد لله على سلآمة وآلدتك ومآتشوف شر . آمآ عن آسعآفنآ فآلله يهديهم , اللحين حقين الاسعآف مآيدلون الشميسي آو المستشفيآت الاخرى .!!:razz: يعني تخيل لو الي رآكب مع المريض طفل ولآ يعرف وين الشميسي او وين المستشفى الفلآني ..!!:confusedw: آلوآجب يكون عندهم كروكي آو مآ شآبه للمستشفيآت القريبه منهم ..!! عالعموم تقبل تعقيبـي :sleep: |
الحمدلله على سلامه امك ((الله يخليها لك)). وبالنسبه للاسعاااف ((لا تعليق))......... |
اهلا وسهلا .. بداية الحمدلله على سلامتها ، وما تشوف شر ان شاء الله . بالنسبة للإسعاف .. متعوييييييدة دايييييييمااااان .. وان اشتكيت ، طلعوا لك بالف عذر غبي ، وغالباً يكون تكذيب وكذب .. والله المستعان !! |
من المفترض يكون فيه دورات تدريبيه للمسعفين ولازم يشوفون وش الأسباب الي تخلي الأسعاف يوصل متأخر |
إقتباس:
الله يوفق الجميع |
هلا وغلا اخوي اولا الحمد لله على سلامت الوالده والله يخليها لكم يارب العالمين اخوي موظف في الاسعاف ممرض يسعف الناس ايقولي والله دايم اذا جانا اتصال السواق بكيفه متى ماراح راح لان لاعندهم مدير ولاشي |
إقتباس:
|
الحمدلله على سلامة والدتك . والتقصير في كل مكان . أنا أحسست بالقهر من قصة صديقتي . عندها ولد ماشاء الله جميل ومؤدب وأخلاق وأوقعهم حظهم العسر في السكن في حي (مش ولابد) وفي مرة أرسلت أبنها لشأن ما وفجأة يأتي مسرع ويقول لها : أمي فيه شلة تلاحقني وشكلهم عرابجة وواحد معه سكين ويقولون أمش معنا !!!!!! تقول صديقتي أطل عليهم وأنا أخاصم وأقول وش تبون ماعندكم أخلاق ؟؟؟وكأني أطلقت نكته . ويرد أحدهم طلعي الولد .... ترد الأم حسبي الله ونعم الوكيل. الوالد في عمله ماذا عساها أن تعمل وأتصلت على الشرطة وهي منزعجة وتريد الحماية والمساعدة وتخبرهم بما حصل يرد عليها أحدهم ويقول تعالي وقدمي بلاغ !!!!! ترد عليه كيف أقدم بلاغ وأنا خائفة على نفسي وعلى ولدي وليس عندي أحد ولا سيارة ولا أستطيع الخروج. يقول لها الطرف الأخر في الشرطة خذي لموزين !!!! ردت حسبي الله عليكم لأجل ذلك وبسببكم أخذ هؤلاء الأوباش راحتهم . المهم صبرت حتى مل الشباب وذهبوا . وعندما حضر زوجها ذهب وقدم شكوى ,وأنتم تعرفون السناريو........ أسلم طريقة النقل من هذا الحي السييء .والحمدلله على كل حال. |
هلا أخوي:) الحمد لله على سلامة والدتك، وعسى الله يتمم عليها بالصحة والعافية.. أما عن الموقف اللي حصل لكم، أتوقع أنه يتكرر في اليوم أكثر من 20 مره، بمعنى أنه ليس تصرف فردي أو خطأ نادر و ناتج عن قلة خبرة ودراية في الموظف، مشاكل أجهزة الطوارئ والإسعاف ظاهرة ومثبته، إمكانيات متواضعة فيما يخص التجهيزات المفترضة لسيارات الإسعاف، فلا نسمع مثلاً عن وجود أجهزة ملاحة حديثة ومتطورة من شأنها تحديد المواقع وتسهيل الوصل إليها بالسرعة اللازمة، وهناك نقص في المعدات الطبية الأساسية داخل سيارات الإسعاف ولعل أحد الشواهد على ذلك هو ما حدث لأحد اللاعبين في إحدى المباريات في ملعب الملز حين احتاج لسيارة إسعاف وتفاجأ الجميع بخلوها من بعض المعدات الطبية الأساسية! ، أيضاً ضعف في الكوادر المشغلة لها سواءً السائقين أو المسعفين وحاجتهم للتأهيل والتدريب المناسب.. الأهم من هذا هو أن تعترف الجهات المعنية بالطوارئ والإسعافات الأولية بوجود الخلل وأن تسعى لمعالجته بكل حرص واهتمام، خصوصاً وأنها معنية بأرواح الناس وسلامتهم.. أيضاً وبالنسبة لنا، لابد وأن ندرك أهمية التثقف في جانب الإسعافات الأولية، فبعض الحالات قد تكون بسيطة ومن الممكن معالجتها أو تفادي تفاقمها من خلال اتباع إرشادات مسعفة معينة .. شكراً لك:) |
لو يعينوون رئيس بيتزا هت ع وزارة الصحه يووصلون بسررعه |
الله يعينا بصراحه تعبنا الدوريات ما تجي الابعد ساعهاو ساعتين |
الحمدلله على سلامة الوالدة:rose: طهور إن شاء الله :rose: الله يخليها لكم ويطيها الصحة والعافية:rose: بالنسبة للأسعاف والشرطة والمطافي لا أدري الى متى الإهمال في حارتنا أنفجر الغاز على بيت ناس المهم أن الأسعاف والمطافي ماوصلت الا بعد ثلاث ساعات وجلست بحدود االساعة على بال ماطفت الحريق:bigeek: طبعا البيت الله يخلفة ويرحم اللي فيه الأسباب الرقابة والزحمة والإهمال اليوم وأنا عند المستشفى السيارات واقفة في طريق سيارة الإسعاف يدورون موقف طيب واللي في السيارة يعيني يموت والشرطي يفك الزحمة ويصارخ على الناس إسعاف والعالم ماردت عليه جلس يمكن عشر دقائق على مافك الزحمة طبعا أنا تفرجت على الموقف لأن فيه سيارة سادة علينا ومظطرين نستنا حظرته لين يخلص شغلة ويتكرم يجي:wallbash: الدول الثانية تدفع لك تعويض على مثل هالمواقف :d بس ما نقول الا الله يعين على هالناس اللي مايراقبون رب العالمين في عملهم بالرغم من ووجود شريحة جيدة لكن أضرار المهملين فادحة بالحب والإشراق |
الحمد الله على سلامة الوالدة.. الاسعاف لا اعلم متى يصحى من غفوة التاخير |
| الوقت المعتمد في المنتدى بتوقيت جرينتش +3.
الوقت الان » 10:57 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd