تحياتي القلبيه للجميع
سوف ابدى وجهه نظري الخاصه واحترم من يتفق او يتفق معي
المهم لااحد يزعل
الاعب ويلهامسون
كلاعب بمبلغ ضخم جدا
لم اشاهد فيه الاعب الذى يصنع الفرق او يقدر يشيل الفريق
لاعب لايفرق كثيرا عن اى لاعب سعودى
هل هو افضل من ياسر؟
التايب؟
الفريدي؟
لاعب يركض كثيرا يتجنب الاحتاك حتى لو فقد الكوره
كم مره ينفرد باخر لاعب فى الدفاع وبسهوله تتخلص منه (تذكروا مباراه الاتحاد)
لايجيد تنفيذ الظربات الحره اوحتى الركنيات
لاضربات رأس
حتى صناعه اللعب لايجيدها مثل التايب.. كم وضع من تمريره انت وضميرك؟ (حقت النصر عكسيه عاديه لولا ثواره الصقور ماوصلت لياسر)
اقول هذا الكلام لان المبلغ المدفوع فيه عالي جدا ولا ارى انه مايقوم به يعادل هذا المبلغ
اخيرا اقول اننا نتمنى الافضل للزعيم وان نرى لاعبين يصنعون الفرق
تظل وجهه نظر شخصيه بحته
ولكم تحياتي

يعني بتصير اذكى من كوزمن .؟


.........................

اخوي احترم وجهة نظرك ..

لكن الرد على كلامك هو تصريح كوزمين في مؤتمره الصحفي ..
منه تستطيع معرفة دور ويلي في الملعب ..

احترم وجه نضرك بس وشفيك معصب ياخوي اصبرله

والله منت اذكى من كوزمين

الله يطول عمرك
هل اعطي عقاي لغيري؟
مع احترامي الشديد للسيد كوزمين
انا اعبر عن رأيي من خلال المشاهده على الواقع ومقارنه اداء جميع الاعبين فى الهلال وغيره
هل الاعب ولي .. افضل لاعب فى التشكيله الحاليه؟
هل يتاثر الفريق بشكل كبير عند عدم مشاركته او استبداله؟

يعطيك العاااااااااافيه......................

الاعب مب شرط يكون عنده اللمسات الفنيه والمهارات العاليه لاعب يمتلك ذهن تكتيكي ويكفي هو من صنع هدف لياسر امام النصر وهو الي صنع الهدف الاول اما الحزم والرائد وابها .....

للمعلوميه الانديه الاخرى يطالبون لاعب مثل ويلي.....................

اخوي احترم وجهه نظرك لكن الى الان مانستطيع نحكم على اللاعب لاننا ببساطه وسط الموسم

واذا على قولك الاحتكاك مع اللاعبين اللاعب نفسه بنيه ماهي قويه للاحتكاك والشي هذا موعيب

ان اللاعب مايحتك مع المدافعين عندك ليونيل ميسي يعتبر من افضل اللاعبين في العالم ونادر

مايحتك مع المدافع بسبب البنيه الجسمانيه له ,,ومو شرط يكون اللاعب يشوت عشان يكون ناجح

والامثله كثيره ولا ابغى اطيل عليك لكن اتمنى ماتحكم على اي لاعب في وسط الموسم ..

ياليت مايطلع منك الفاظ غير لائقه لاننا ببساطه في منتدى الزعيم منتدى الرقى والاحترام للجميع .

اخوي اسالك بالله تعرف بالكوره شي

الاعب اخوي مو بس يعدي بالكوره ةكعوب وكوبري وووووو لا هذا لعب حواري وانتهى

الحين الكوره فن ولعب وعقل

اخوي الاعب ويلي من افضل الاعبين الذين يتحركون بدون كره وهذا مفيد للفريق بشكل كبير

ويلي لاعب عالمي عالمي لعب بروما ووووووووو

لاتقول بعد روما ماتعرف بالكوره شي

اتمنى مراجعت حساباتك

إقتباس الرسالة الأصلية كتبت بواسطة زعيم اكبر القارات يعطيك العاااااااااافيه...................... الاعب مب شرط يكون عنده اللمسات الفنيه والمهارات العاليه لاعب يمتلك ذهن تكتيكي ويكفي هو من صنع هدف لياسر امام النصر وهو الي صنع الهدف الاول اما الحزم والرائد وابها ..... للمعلوميه الانديه الاخرى يطالبون لاعب مثل ويلي.....................

اخي الغالي
النصر والحزم والرائد فرق الوسط التى شبه مضمونه نقاطها
يوم احتجناه اما الاتحاد لم نجده
تحياتي

واللـه هالاآعـب معـجـبـني ..~
/
/
/
واصبرلـه يآخووي
يمكـن ربك يوفقـه ..~ اكثر
لآن اللعيبه الاجانب هناك في دوريهم يلعبون وتلقاه هد11ف
بس لجا هونآآ سلملي عليـه <- اغلبهم كذ11
..
وويلهامسون انا اشوف مستواه لحد الحيـن مع الهلال ..اممممم
جيد ..

..

عوآآفي

إقتباس الرسالة الأصلية كتبت بواسطة (اسير& المحبة ) اخوي احترم وجهه نظرك لكن الى الان مانستطيع نحكم على اللاعب لاننا ببساطه وسط الموسم واذا على قولك الاحتكاك مع اللاعبين اللاعب نفسه بنيه ماهي قويه للاحتكاك والشي هذا موعيب ان اللاعب مايحتك مع المدافعين عندك ليونيل ميسي يعتبر من افضل اللاعبين في العالم ونادر مايحتك مع المدافع بسبب البنيه الجسمانيه له ,,ومو شرط يكون اللاعب يشوت عشان يكون ناجح والامثله كثيره ولا ابغى اطيل عليك لكن اتمنى ماتحكم على اي لاعب في وسط الموسم .. ياليت مايطلع منك الفاظ غير لائقه لاننا ببساطه في منتدى الزعيم منتدى الرقى والاحترام للجميع .

الاخ الغالي
شكرا لمرورك
اتقبل وجهه نظرك بكل احترام
وحاشا الله ان استخدم كلمات غير لائقه لان هذا بعيد عن اخلاقياتي
وان كنت تعتبر كلمه (فاشل) غير لائقه فانا اقدم اعتذاري
وانا اسخدمتها للاثاره ولفت الانتباه فقط

وش الفايدة من النقاش في مستوى لاعب المدرب يبيه ومو راضي بغيره

,,

اعتقد انه موضوع للشوشرة فقط

من جا للهلال واكثر صناعة الاهداف من ويلي ..
وفي كل مباراة يثبت ان قد المبلغ الي دفع له ..
بعدين لا تنسى انه اي من إصابه ..
طبيعي اي لاعب يجي من إصابه تكون اول مباراة له عاديه ..
تبينا نرجع ورا شوي ..
في اول مباراة لويلي مع الهلال في دوري المحترفين [ الهلال , النصر ]
من الي صنع الهدف الي جا برأسة ياسر ؟
ويلي من الجهه اليمنى بعد رفعه حلوه منه , ما تنسى هاذي ..
الثانيه مباراة الهلال , الرائد من صنع هدف المرشدي ؟
ويلي بكره ثابته ..
بمياراة الرائد ما اعجبني الا ويلي إذا عندك مباراة الهلال والرائد شف شلون ويلي ماسك الوسط مع الفريدي ..
واخرها في مباراة نجران ما ظنتي احد ينكر الي عمله ويلي من صناعة اهداف ..
في النهايه ويلي لاعب تكتيكي مو مهارات ..

واذكركم يا جمهور الزعيم ان ما غطى ويلي على طارق وبدا الجمهور يهتف بأسم ويلي , ويلي لاعب اروبي بحت ..

[ ورده ]

وهل انا اكره هالشي
انا اتمنى يكون افضل لاعب فى العالم اذا هو مع الزعيم
ولكن الي اشوفه حتى الان غييييير