يازعماء لماذا تتكلمو عن مستويات الاعبين ما أن انتهينا من قضية الشلهوب
وتأتون الان تتكلمو عن مستوى العنبر .....؟؟؟؟

إذا كان هناك من نقد فياليت تكتمونها لانكم ماتستفيدووون شي ...

وربي مايزيد كلامكم الا سوء في أداء الاعبين ...

لاتكبرونها ...

كل لاعب لابد يمر بحالة ضعف ثم يرجع لمستواه الطبيعي ...

لو بيده كان صار أحسن لاعب في العالم ...

بس هذا أمر لابد منه ...

المفروض تسدحون كلام يشجعه للأحسن برأيكم ما يدري عن مستواه
بيحس هو بدون انقاداتكم ...
خلاص يازعماء كفـــــــــــــــــــــــايه ...

أخوكم..

محلاك ياهلالـ ..

إذا انتقدنا احد من اللاعبين مثل العنبر .. تجيك رد جاهز ويقولون " هل انت تفهم أكثر من كوزمين !! "


انا ما يقهرني .. إلا اللي يرد بالكلام هذا

ايه ياخوي نفهم أكثر من كوزمين

كوزمين جلس اكثر من سنتين يلعب المفرج والعنقري على سبيل المثال .. ولا طلعوهم إلا بسبب نقدنا المتواصل لهم ... وطلع كلامنا الصح وكلام كوزمين الغلط .. وتحسن حال الدفاع أكثر وأكثر

ونفس الكلام الحين نقوله عن العنبر والسعود ... نعم .. حنا نفهم أكثر من كوزمين .. كوزمين يلعبهم وحنا نقول فاشلين .. شف إذا نسقهم الهلال كيف رايح يتحسن هجوم الهلال زي ما تحسن دفاع الهلال لما سمع كلامنا

ودنا يصير المدرب يفهم أكثر مننا .. كان يوفر علينا بحة أصواتنا .. بس الواضح ان كوزمين له سوابق كثيرة بتلعيب ناس فاشلة أمثال : المفرج ، العنقري ، البرقان ، الموري ، الخراشي ، الخ الخ الخ

وعلى فكرة ..

هجوم الهلال ضعيف حتى بوجود ياسر

لا تغركم المباريات الضعيفة اللي نسجل فيها سبعة ولا خمسة أهداف

الهلال في المباريات القوية مثل الاتحاد .. يلعب هجمات مرتدة بسبب ضعف الهجوم حتى بوجود ياسر

فما بالك لو كان الهجوم العنبر ولا السعود

الاتحاد قبل السماح باللاعب الاجنبي كان ملطشة ... وما رفع الاتحاد .. إلا لما صار السبع سنين الأخيرة ناسي شي اسمه سعودي هجوم .. من كالون ، لكيتا ، لماقنو الفيس والحين عماد متعب ..
ريح راسك وجيب اجنبي زي هذولا .. ولا تدخل بمتاهات اللي عندنا مرة ننتظر نفسياتهم تزين ، ومرة ننتظر اعطائهم الفرصة .. الين يشيب اللاعب وهو ما تحسن مستواه .. زي ما صار مع الخراشي .. جلس عشر سنين وحنا نقلب فيه يمين يسار نبيه يزبط ما زبط

الفرق الكبيرة مثل الهلال .. ما فيه شي اسمه اجيب لاعب واجلس اقلب فيه الين يصير مستواه كويس ... الفرق الكبيرة اللاعب المبدع يتفضل يلعب ... واللاعب الفاشل يطلع ويجيبون المبدع بداله .. ما لقو بداله مبدع .. على طول جيب اجنبي جاهز ..
العنبر والسعود زي الخراشي عموماً .. بتجلسون سنين وانتم تعطونهم فرصة وبالأخير تنسيق ... ليه طيب من الحين ما اجيب اجانب بدالهم !!!