كوكاكولا الله لايوفقكم ابد .. - نادي الهلال السعودي - شبكة الزعيم

karem999 · #1 01/06/2002, 06:03 PM

[c]

كوكاكولا

كوكاكولا مشروب معروف في العالم ولكن عندهم دعايه تجي مع مباريات كاس العالم على قنوات الارتي ..

الدعاية رقم 1 :

شباب جالسين على طاوله وبعضهم لابس الزي السعودي طبعا اشكالهم مضحكه لانه ياشين السرج على البقر

المهم فيه طاوله ثانيه عليها حرمه كبيره ومعها بنتها اللي لابسين عبايات ومتحجبات والوجه مكشوف
المهم العيال هذولا اشقياء مره

كلهم يبون يرقمون البنت اللي فاقع قلبي معهم واحد دب والله شكله
بثاني متوسط

المهم كلهم يحاولون ينقلونها الرقم وهي مسكينه تحاول انها تلقط الارقام بس عجزت

شوي يطلعون ورق مكتوب فيه ارقام وعجزو لانه امها التفت عليهم والله عله هالام

المهم شوي الجرسون
مر من جنبهم ومعه قارورتين كوكاكولا بيوديها الى الام والبنت واحد من الطرمبات العيال جته فكره ويمسك
الجرسون ويكتب على قارورة الكوكاكولا طبعا القارورة مرطبه بسبب برودتها ويكتب رقم جواله والبنت مسكينه
قاعد تشوف ويروح الجرسون بالطلب لها وتاخذ البنت القارورة وتنقل الرقم والولد يفرح وسط زملائه كنه
انقبل في الجامعه

وشوي نسمع رنة جواله نعم البنت دقة عليه وفي الاخير انتصر الترقيم والانحلال والسفور
على الحشمه والادب والخوف من الله وكله بفضل كوكاكولا ...

السخافة رقم 2 :

نفس الشباب الطرمبات اللي بالدعايه الاولى واقفين عند مصعد في سوق تجاري ولا فيه بنتين لابسين عبايات
ومتحجبات والوجه مكشوف وبرضو العيال فيهم شقاوة

يبون يرقمون البنات ويقوم نفس الذكي اللي بالسخافه
رقم 1 قصدي الدعايه ويضغط على زر المصعد عشان يتوقف في الدور الثاني ويطلعون على الدرج توهم واصلين
المصعد سكر بابه قامو فتحو قارورة كوكاكولا يوم البنت ماقدرت تقاوم راحت فتحت لهم ..
الله يعيش مشروب كوكاكولا مدوخ البنات

طبعا هالسخافتين اللي فوق تذاع بشكل يومي من خلال قنوات الارتي اللي مملوكه لشخص سعودي ويسمونه

ابي افهم شي بسيط هلا نقعد نتفرج على تشويه سمعتنا وسمعة فتياتنا وشبابنا ..

لو عرضت قناة اجنبيه شي يسي للعرب او المسلمين على طول تبداء الجرائد عندنا بالرد والتعليق ولايهمونكم
حاقدين هذولا حاسدين .. طيب وهذا اللي قاعد يصير في تلفزيون الارتي وش اسميه او نقدر نقول يمون الرجال

انا سمعت انه في تعميم صادر من وزارة الاعلام الى جميع الصحف بعدم التعرض الى أي شي عن قنوات الارتي وخاصه
سالفة التشفير يعني عدم تعرض

ومانقول غير جعله في ذمتك ياصاحب الارتي والله لايحللك ولايبحك على ماتفعله فينا ..
لاحد يجي ويقول انه القناة تبي دعايات ليش يعني بدون هالدعايه بيموت جوع على الاقل افرض عليهم شكل الدعايه ..

وعقاب الله ليس ببعيد ...

حقوق الشوف محفوظة - karem999

[/c]

GAME · #2 02/06/2002, 12:14 AM

karem999
مشكور

هـــلالي الى الأ بد · #3 02/06/2002, 12:40 AM

الأخ المحترم
karem999
والله انا شفت الدعاية واستغرب وكنت في حاله ذهول هل يعقل ان الدعاية هذي تنقل في قنوات artوحنا نشوفها
والادهى والامر انه بناتنا واخواتنا يشوفونها ويتفرجون عليها حتى البنت اللي مالها في الامور هذي اذا شافت الدعاية راح تعرف انه فية شي اسمة الترقيم اذا ما حبت تجرب بعد
وكله بذمت ضفدع كامل
واطلب من الجميع انهم يرسلون ايميلات الى هذة القنوات لمحاوله صدهم عن نشر الاعلان هذا في المرات القادمة

عزيز · #4 02/06/2002, 07:22 AM

الله يلعن المفسدين والمنافقين الذين يسمحون بتمرير مثل هذه الأعمال.
وجزاك الله خير على طرح الموضوع
والمفروض منا على الأقل مقاطعة كوكاكولا وجميع منتجات اليهود بالإضافة إلى قنوات الفساد خصوصاً art

قرقاص · #5 02/06/2002, 12:02 PM

وش يبي ذا الضفدع كامل!!خلانا ندخل الديجتال لبيوتنا وخلانا غصب نشترك في قنواته الماجنه رغم اننا نبغى كاس العالم وبس!!
حسبي الله عليه!!

زعيم القرن · #6 02/06/2002, 01:28 PM

شكراً لك

وحسبنا الله ونعم الوكيل

بنت الاسلام · #7 02/06/2002, 04:28 PM

يالطيف..

الحكم · #8 02/06/2002, 05:29 PM

هلا بنت الاسلام امري وش تبين خخخخخخ

لا لا تبون الصراحه سخااافه بقووووة

ترقيم ومدري ايش وعلى علب كوكاكولا واللة فكرة محرزة خخخخخخخخخ

اقول ياقدمه صالح كامل الناس الحين يكتبون الرقم بالكمبيوتر ويكبرونه ويلزقونه على الدريشة وانتها الموضوع هههههههههه

لا لا امزح لايرتفع ضغطكم

بس وسعو صدوركم ملعون الخير ضفدع كامل يومه قريب

واحب اقول لضفدع كامل

تفوووووووووو عليك وعلى ابو ابو اشكالك يالتافه وعلى كوكا كولا اللي واللة ماتطب كبدي لين امووووووت..

RAID2001 · #9 02/06/2002, 06:01 PM

ليه ما شفت السخافه الثالثه ؟؟؟؟؟؟؟؟

لما يطلون( السخيفين ) من فتحه في الجدار (كانهم يطالعون بنت ) و يجي الشايب و ينحشهم بعدين يطل زيهم !!!!!!!!!!!!!!!!!!!!!!

حسبي الله عليهم

karem999 · #10 03/06/2002, 01:31 AM

[c]

GAME
العفو اخي ..

هـــلالي الى الأ بد
هلا بك اخوي ..
مانقول غير الله لايحلله ولايبيحه ..
لازم نستغل الانترنت ونحارب هالشرذمه الدخيله ..

عزيز
هلا بك اخي ..
تسلم والله فوقهم بحسابه ..
والله مالهم غير المقاطعه وهم يعرفون خطرها عليهم

قرقاص
يبي يدمر بيوتنا ويسلب جيوبنا باي شي ..

زعيم القرن
العفو اخي ..

بنت الاسلام
جعلك ماتشوفينها

الحكم
نشوف فيه يوم

RAID2001

هلا اخي
شفتها وبعد فيه سخافه رابعه بس ماشفتها

اشكركم جميعا وساهمو معنا في شن حمله من خلال الانترنت على الارتي والكوكاكولا

[/c]