|
لاعب شاب يرغب بالتسجيل .. فما هي الطريقة ؟ السلام عليكم ورحمة الله وبركاته حبيت أستفسر .. عن كيفية تسجيل أو تجربة لاعب في نادي الهلال .. اللاعب عمره 16 سنة يلعب بالقدم اليسرى ومتميز في خانة الظهير الأيسر والوسط الأيسر .. وبنيته الجسمانية أكثر من ممتازة .. فحاب اعرف الطريقة علشان يتدرب بالنادي ويكون تحت التجربة لأنة بصراحة ( فنان بالدرجة الأولى ) مقارنة بعمره .. انتظر منكم الرد يا شباب الزعيم ولكم مني أطيب وأجمل التحايا ,,, |
إقتباس:
واذا الله كاتب له توفيق وفرض نفسه سيسجل عوافي |
خله يتعرّف على المفرج وما عليك .. تبي تضبط أموره !! هو الشيء المهم اللي ما ينتبه له اللاعبين الصغار !! إن حياة الاندية تختلف جذريا عن (مباريات الحواري والمدارس) !! لاعب النادي ( شيء طبيعي انه يكون مهاري وصاحب لياقة عالية ) !! لكن الاهم إنه يعرف المفتاح السحري اللي يبقيه في حالة نفسية متزنة !! لأن الجمهور تبي تشذبك !! والاعلام يبي يقصفك !! واذا صرت ثور ولا تعرف تتجنب الاصابات تبي تبلش نفسك وتبلش ناديك !! واذا صرت مطفوق ولا عندك فلترة داخلية وتحكم بذاتك .. راحت تكثر نرفزتك وتجيب العيد !! و اذا سّلم عليك اثنين أو ثلاثة بالشارع وحسيت انك مشهور قمت تميلح وتنحاش عن المعجبين وأنت الى الحين معك هوندا ما بعد قضت اقساطها !! فتأكد وأنت منحاش انك مدرعم نحو الهاوية !! لذلك المهارات ميب كل شي !! التحكم بالذات !! والاستفادة من تجارب العمالقة !! و استشعار أن اللاعب الناجح معرّض للسب والشتم والنيل والتجريح ومحاولة القفز على هالحواجز ذي كلها !! وإلا لا تتّعب نفسك وتوذيه وتوذي أهله !! تحياتي لك ولحرصك على دعم فريقك !! |
وعليكم السلام ورحمة الله وبركاته روح النادي حاول تجد المسؤول عن اكتشاف المواهب |
و الله من جد فيه خامات حلوة المفروض يصير لهم مسؤول معروف . |
روح النادي حاول تجد المسؤول عن اكتشاف المواهب |
شاكر لكم ومقدر .. والحقيقة انا توصلت للشخص اللي راح يوصلني للمسئول وان شاء الله يكون احد نجوم الهلال القادمين |
| الوقت المعتمد في المنتدى بتوقيت جرينتش +3.
الوقت الان » 11:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd