السلام عليكم ورحمة الله وبركاته

اشحالكم يالاعضاء ..؟؟ شو الاخبار ...؟؟ عساكم بصحة وسلامة يا رب العالمين
ورده

تراني من زمان ما نزلت موضوع في هالقسم ... بس اليوم حبيت اغير ...
قلت خلينيه انزل موضوع بالقسم هذا ... واشوف انطباعاتكم عن المنتخبات الخليجية ...

::

ترى ما بقى لكاس الخليج الا كم يوم ... وتراهم ينعدون ع الاصابع ...
وكل المنتخبات يالسه تتجهز بالبروفات الاخيرة ... والمباريات الودية الاخيرة ...
وآخر مباريات كانت
السعودية × سوريا
الامارات × والعراق

والمباراتين انتهت بالتعادل ... الايجابي ...
طبعااا هذا مب مقياس عشان نقيس جاهزية المنتخبات الخليجيه ...
لكن عشان بعدين ما نحط ايدنا ع قلوبنا ... وانقول يا حسرة ع الايام اللي راحت ...

بالتوفيق لكل المنتخبات المشاركة ...

عسى الله يكون افتتاح ناجح ويليق بسمعة كاس الخليج ...
ويليق بالمستوى الفني للخليج ...



::

بغيت اطلب منكم طلب بسيط ...بغيت اعرف :
شو انطباع وتوقعات كل واحد منكم ... في المنتخبات الخليجيه ...؟؟
وهل بيقدرون يسوون شي وله لااا في البطولة ...؟؟
ومنو تتوقعون يوصل للنهائي ...؟؟

نبدى :

المنتخب السعودي : بالنسبة لي اقول انه المنتخب السعودي مب مستقر هذاك الاستقرار اللي بيخليه ياخذ البطولة
صح انه بيتأهل لكن مب انه بياخذ البطولة ... هذا راي طبعااا ...

المنتخب الاماراتي : حتى المنتخب الاماراتي مب لين هناك ... ميتسو رحل ويا بداله دومنييك ..
والله حاطين ايدنا على قلوبنا ... تشكيلة المنتخب ... اغلبها لاعيبة منتخب الشباب اللي يابو كاس آسيا ..
وان شاء الله يسوون شي ... وبيكون الرقم الصعب في المجموعه الاولى ...

المنتخب العماني : ما يحتاي اتكلم عنه ... صاحب الارض والجمهور ... فأكيد بيكون صعب وللغايـــــــــــــــه

المنتخب القطري : بيفوز اول مباراتين ... وبعدين كله تعادل ... يعني بوجهة تنظرية ما بيتأهلون

المنتخب البحريني : ما اعرف عنه شي ... فما اقدر اقيمهم

المنتخبين العراقي واليمني : بيحاولون يوصلون للنهائي لكن ما اعتقد انهم بيسوون لين هناك
صح انه المنتخب العراقي كبير ... لكن ما ظنتيه يسوي شي


اتوقع في النهائي .. عمان × السعودية

::

وهاي وجهة نظريه وان شاء الله الاختلاف في الراي لا يفسد للود قضية
اتريا آرائكم للمنتخبات


اختكم

اهليـــــن دلع .. من زمــــآن جد عن مواضيع ــك

بقولتس وش رآيي <<اخلصي هع

المنتخب القطري : بيفوز اول مباراتين ... وبعدين كله تعادل ... يعني بوجهة تنظرية ما بيتأهلون

يع ــني بيفوز ع ــلينآ يبطون وقسسسم ان شاء الله حنـآ فايزين


المنتخب السع ــودي :اتوقع انه احسن منتخب بع ـد عمــآن ..
المنتخب الاماراتي : اتوقع مثل الدوره الماضيه بيخسر اول مباراه وبيتـأهل
المنتخب القطري : مـآتوقع بيسوي شي بالبطوله
المنتخب اليمني : ماعرفه كثير
المنتخب العمـآني : اتوقع هو اللي راح يفوز بالبطوله استعداده كن مرآ كوويس .. غير كذا ان البطوله بأرضه وبين جماهيره
المنتخب البحريني : ماتوقع راح يسوي شي بالبطوله ابدن
المنتخب الع ــرآقي : المنتخب هذا كبير ويكفي اخذ كاس اسيـآ بس ماتوقع انه يقدر شي شي بالبطوله
المنتخب الكويتي: الكل عارف وضعهم !@@

اتوقع من مجموعتنـآ السعوديه & الامارات
والمجموعه الثانيه :عمـآن & ؟؟؟


مجرد وجهه نظر ..
ثانكس لك دلع

المنتخب السعودي : باللاعبين والاسماء الموجوده مافيه منتخب عربي ينافسه مع احترامي لهم بس بوجود المدرب الداهيه مااتوقع يسوي شيء
-------
المنتخب الاماراتي : انا شفت مباراة امس .. قدم مستوى بصراحه اول مره اشوف المنتخب الاماراتي كذا بدون اسماعيل . . ,
-------
المنتخب العماني : ماشفت له ولا مباراة .. السنه هذي بس اتوقع هو البطل
-------
المنتخب القطري : لاعبين بدون روح .. اقصد بالبطوله الخليجيه
-------
المنتخب البحريني : بيحاول بس اتوقع اللي بمجموعته اقوى .
-------
المنتخب العراقي : بيحاول بس مااتوقع يتأهل
-------
المنتخب الكويتي : هو المتأهل الثاني بمجموعته مع عمان
-------
المنتخب اليمني : بتكون احسن مشاركات له في خليجي

السعوديه : انا اقول انها بتقلب توقعات الجمهور ..طبعاً كالعاده.. اتوقع انهم بيظهرون بشكل مخيف للمنتخبات المنافسه... وكل المنتخبات الخليجيه بتلعب مع السعوديه كل مباراه كأنها نهائي ...



الامارات : احس ان المدرب بينكبهم بهالتشكيله ... وتوقعاتي ماراح يوصلون للربع نهائي يمكن يكونون ثالث المجموعه ..



قطر :مأدري وش ورى راس ميتسو ... احس انه بعد البطوله بيكمل جولته بين الدول الخليجيه ...



العراق : ماهم بمستواهم في امم اسيا ... اتوقع انهم ماراح يقدمون مسوى جيد ...يمكن بس يوصلون لنصف النهائي ...


الكويت : احس انهم بعكسون كل التوقعات ... وبيظهرون بمستوى مفاجئ ..طبعاً انا اقصد بالنسبه للفتره الحاليه ...واتوقع انهم يوصلون للنصف النهائي او النهائي ..



البحرين : قياساً على مستواهم في مباراتهم مع السعوديه ..اعتقد انهم ماراح يعدون الدور الاول ...



اليمن : نو كومنت



عمان : غالباً في مبارياتهم الي على ارضهم ينهزمون او يتعادل .. واذا لعبو خارج ارضهم يبدعون ...عشان كيذا اتوقع ان تعبهم بيروح فشوش ...



توقعاتي للنهائي : السعوديه x الكويت ... هذا والله اعلم ..



.................................

يعطيك العافيه اختي عالموضوع ...ورده ورده ...

... بالتوفيق للاخضر ...

البحرين:اتوقع ممكن ينافس خصوصا معا تطور المستوى عن قبل وقلة الخساير.
السعودية:اتوقع يوصل لنهائي وبعزيمة من لاعبيه بس المستوى هاي الفترة ماهو ذاك الزوود
بس اتوقع يتغير خصوصا اذا دخل جو البطولة والمنافسة.
الامارات: ماتوقع يسوووي شي وبيطلع من الدور الاول.
قطر: مستواه ضعيف هاااي الفترة.
اليمن:اتوقع بادي شي بسيط جدا لا يذكر.
الكويت:تواجده ضعيف والمنتخب ما بيترك اثر في البطولة.
عمان:صاحب الارض والجمهور وبيكون قوووي.
العراق:منتخب قووي واتوقع بحقق شي.
يعطيج العافية

ياااااااااااااارب كأس الخليج سعوديه او كويتيه

السلام عليكم بقول رايي عن منتخب السعوديه : المنتخب كان يقدر يسوي أكثر من اللي راح يسويه لو لا وجود المدرب القدير وأصحاب الخطط المدروسهـ

واتوقع النهائي بين العراق وعمان

تحياتي

اولا منتخب السعودي بيطلع من الدور الاول لعدم وجود مدرب


كل لاعب بيلعب براسه بدون وجود تكتيك حتى يجد انضباط

ومدرب مفهيي ما يعرف يقرا المباراه


بين قوسين سعوديه برا برا برا


منتخب القطري قوي جدا بدعم قوي من الحكومه ولاعبين جيدين

منتخب عمان وجدت لديه الخبره بيكون منتخب قوي

منتخب امارات ضعف وصار منتخب مهزوز قوه امارات بجمهوره فقط

منتخب عراق لاعبين مغرورين وغرورهم وثقل حركتهم نقطه ضعفهم

يمن ثلاث نقاط بالراحه اهم شي ما يسجلون فيهم نتيجه عالميه

كويتي مجهووووووول الهويه ان لعبو بروح يمكن يسسوون مفاجاه

بحرين منتخب انتهى كرته بكبر لاعبينه وعدم وجود لاعين شباب غير سلمان

النهائي بين قطر وعمان


واتمنى من ابو الخطط مدروسه يسوي خطه مدروسه بوجود مدرب حقيقي مو مدرب حراس

اتوقع الكأس لمنتخب اليمن الشقيق

إقتباس الرسالة الأصلية كتبت بواسطة نزف المحاني اولا منتخب السعودي بيطلع من الدور الاول لعدم وجود مدرب كل لاعب بيلعب براسه بدون وجود تكتيك حتى يجد انضباط ومدرب مفهيي ما يعرف يقرا المباراه بين قوسين سعوديه برا برا برا منتخب القطري قوي جدا بدعم قوي من الحكومه ولاعبين جيدين منتخب عمان وجدت لديه الخبره بيكون منتخب قوي منتخب امارات ضعف وصار منتخب مهزوز قوه امارات بجمهوره فقط منتخب عراق لاعبين مغرورين وغرورهم وثقل حركتهم نقطه ضعفهم يمن ثلاث نقاط بالراحه اهم شي ما يسجلون فيهم نتيجه عالميه كويتي مجهووووووول الهويه ان لعبو بروح يمكن يسسوون مفاجاه بحرين منتخب انتهى كرته بكبر لاعبينه وعدم وجود لاعين شباب غير سلمان النهائي بين قطر وعمان واتمنى من ابو الخطط مدروسه يسوي خطه مدروسه بوجود مدرب حقيقي مو مدرب حراس

الله يهديك اخوية ...

عيل منوووو الزين فيهم ...

أنا ما أتوقع شي لأن أحنا شفنا البطولات الخليجية كثيييييييير وكل ما نقول شي يطلع العكس

بس بالنسبة لي أنا أتوقعها

البطولة >>>>>>>>>> سعودية إنشاء الله

المنتخب السعودي:ممكن نقول انه اقل المنتخبات استقرارا وما هو مركزللأسباب التالية اولا المستوى الي قدمه في مباراتي البحرين وسوريا مستوى مو مطمئن
ثانيا طريقة لعب ناصر الجوهر دائما مختلفة وهاذا اكبر سبب لعدم الاستقرار
ثالثا الاعلام يعاتب ويهاجم المدرب واللعيبة وهاذا يسبب انخفاض في المعنويات
ولكن انا متفائل ان المنتخب السعودي ان شاء الله يقدم مستوى ويحقق البطولة

المنتخب العماني:اكثر المنتخبات استقرارا واوفرها حظا بالبطولة اذا بدأ المنتخب العماني بقوة صدقني سيكووون ندا صعبا جدا

المنتخب العراقي :منتخب محير صراحة مو المنتخب الي مقدم مستوى ولا هو المنتخب الي ينخاف منه


المنتخب الاماراتي:اتوقع انه يقدم مستوى بس ما راح يوص للنهائي ممكن يوصل للنصف نهائي وحتى اذا وصل النهائي ما اتوقع ياخذ البطولة



المنتخب الكويتي:الكل يعرف ظرووف المنتخب الكويتي


المنتخب اليمني:ماراح يسوي شي


المنتخب القطري:منتخب متطور وما اتوقع يتعدا دور المجموعات حتى اذا تعدى راح يتعدى بصعوووبة



المنتخب البحريني:منتخب ايضا متطور وممكن يتأهل من المجموعة الاولى




في النهاية اتمنى التوفيق لكل المنتخبات وخاصة المنتخب السعوودي