ايش تستفيد الart و ابوظبي الرياضيه من محاربتها لنادي الهلال؟؟؟
 

السلام عليكم



بنسبه لعنوان هو سؤال طرحته على نفسي ولا لقيت اي فايده لأبوضبي الرياضيه من انضمام نور للمنتخب


ولاكن كتبت هذا الموضوع بعد ما شفت الكثير من المواضيع تتكلم عن محاربه الart و ابوضبي الرياضيه

لنادي الهلال:bigeek:



خلونا نرتقى بتفكيرنا ونترك الاتهام الي ماله اساس من الصحه وبعيد عن المنطق


صراحه وبكل شفافيه انا اشوف ان اغلب الأعضاء يتكلمون لمجرد الكلام ويكتبون لمجرد الكتابه



وبنسبه لart

انا اعتزال الكابتن سامي ماشفته مباشر على القناة الا بعد فتره لاني كنت بلملعب ولسى محتفظ بتذاكر:yes:

بس كان سيئ ,واتوقع بدون قصد ولاكن بسبب سوء العاملين في ال art

بس عندي ملاحظتين على الart

الاولى وهي بخصوص الحكم محمد فودة بصراحه فيه تحامل على الهلال وخاصه اذا لعب قدام الاتحاد

واتمنى يجيبون حكم عربي افضل من يجيبون حكم سعودي تاريخه بتحكيم الدولي يكاد لا يذكر

والملاحظه الثانيه على الart

بصراحه مافيه احترافيه عندهم لا بتصوير ولا بلاخراج ولا بلاعداد ولا بتقديم وهذا سبب سوء نقل مباراة اعتزال الكابتن سامي

وبلاصح ان العاملين على القناة هم يتعلمون من خلال العمل الميداني الي حنا نشوفه متواضع جدا

واقصد بلاحترافيه يعني التخصص والأبداع

واتمنى يكون نقل الدوري عندى مثل الدوري القطري وهم مش احسن مننا والفرق بيننا وبينهم انهم عطوا الخبز لخبازه وخاصه بتصوير ولاخراج والاعداد




وبنسبه لابوظبي الرياضيه ماشفت اي اسائه منهم على نادينا:nono:

واذا تقصدون الكتاب الموجودين بخط السته خلهم يقولون الي يبونه لانه من حقهم ولا فيه احد مهما كان يحق له يسكر افواه الغير

ومن حق المسئولين عندنا بنادي يردون واذا ما سمحوا اننا نرد في ذيك الساعه راح نقاطع


وكلنا شفنا الوليد بن بدر كل ما احد جاب طاري نادي النصر تلقاه متداخل ويقول وجهه نظر النادي الرسميه


وبتوفيق لزعيم s13s والسلام ختام

على العموم للك جزيل الشكر والامتنان اخي وانا ارى ان العارتي هي السيئه
تقبل مروري
دمت بود

إقتباس:

وكلنا شفنا الوليد بن بدر كل ما احد جاب طاري نادي النصر تلقاه متداخل ويقول وجهه نظر النادي الرسميه

يالغاالي حنا مو فاضين نراقب كل البرامج في جميع القنوات لكي نرد وندافع ووو الخ

هم ماضيعهم الا اهتمامهم بالتصاريح والمداخلات ووووو الخ تاركين ناديهم

حنا اهم ما علينا نادينا ومدام ان سمو الامير الشاعر عبدالرحمن بن مساعد

قرر او انا اعتبره امر من سموه بالمقاطعه نقول له سمعآ وطااعه

وهذا احسن حل لا نسيء لهم ولا يسيؤ الينا

مودتي ,..

اولا كل عام والجميع بخير بالرأس السنة الجديدة

وان شاء الله عام خير للجميع ان شاء الله


وثانيا يا اخوي العزيز

الهلال فريق كبير

والمفروض لو تهجم عليكم اي وسيلة اعلامية

تكون واثق من فريقك

لانه كبير رياضيا واعلاميا

وصارلها مدة سالفة ابوظبي الرياضية

وإلين ألحين مازالت في نفوس بعض الجماهير

والمفروض انها تكون واثقة من كل الثقة


وياليت محد ياخذ بخاطره من كلامي

انا اتفق معك انها سيئه بس مش على الهلال او على الدوري السعودي بس حتى دوري ابطال العرب البطول العربيه سيئه بتصويرها واخراجها واعدادها:upset:


تحياتي لك

بنسبه لكلامك بلعكس مفروض المركز الاعلامي يكون فيه ناس فاضين لمتابعه اي شي يصدر عن النادي


بس جد انا بحثت حتى بليوتيوب عن اسائه قناة ابو ضبي على الهلال ولا حصلت شي

ياليت احد يوضح ايش الاساءة الي صارت

ياخي انا احترم وجهه نضرك لاكن

حدث العاقل بما يعقل



كل السعوديه طالبت بضم نور والدعيع والشمراني والسبب ان المنتخب ادائه سيئ

حتى في مباراة الامارات كنا سيئين جدا جدا والي خلانا نفوز ان الامارات كانو اسوأ مننا عشان كذا فزنا


تحياتي لكم

والله لو اتحدت جميع قنوات العالم ضد الهلال فلن يستطيعوا هز شعرة من حبنا لهذا الكيان ويااخى فلنرد عليهم ب ( الكلاب تنبح والقافلة تسييييييييييييييييييييييييييييير )

الــهــلال طــريـــق الشــهــرهـ
:smilie47: كبير يا هلال :smilie47:

فيه مثل قديم يقول

((لكل بارز اعداء))

ولازم نتقبل سنة الحياة

على نياتك اجل ماشفت اي اسائه

طيب لما يقول نجيب الهلال مجامل من الاتحاد السعودي ولما يطلع الدويش وجستنيه ويقولون الهلال اكثر نادي استفاد من الاخطاء
والاتحاد السعودي اغلبه هلاليين بالله هذي مو اسائه

والله انا حقدت عليهم بعد ماقال سعيد الهلال انتم مقاطعين ابو ظبي وقال رئيس النصر لا ماقاطعناها قال بعدها نجيب هذي هي الاداره الواعيه الي تتقبل النقد زي النصر << يعني افهم ياهلال انك ماتتقبل النقد <يانجيب بتنتقد نتقبل بس ماتجرحون وتسئون بنقدكم

برنامج خط الدجه هو سبب المقاطعه

اولا- طالما هم من حقهم انهم يقولون الي يبونه حتى لو كان هذا الكلام فيه اساءه وتجني وتزييف للحقائق واكاذيب ضد نادينا فمن حقنا ان نقاطهم ايضا والمفترض ان نقاطهم وهذا (اضعف الايمان) .
ثانيا - ارجوا انك تعرف وجهه نظر الامير عبدالرحمن في مقاطعه البرنامج اولا قبل ابداء رائيك حيث قال لهم (انكم اخترتوا ان تكون سياسه البرنامج هي استضافه متعصبين للنصر -الدويش- وللاتحاد جستنيه فهذا رائيكم وانتم احرار ولكن يجب من مبدا العدل ان تستضيفون متعصب للهلال حتى يستطيع الرد على اكاذيبهم وتفنيدها ولم يرغبوا القناة بهذا لذا قال الامير اذن انا ادعوا الجماهير الهلاليه بمقاطعه القناه وهذا ابسط حقوق النادي .
ثالثا- ليس من المنطق ان يصدر المركز الاعلامي بعد كل حلقه بيان من عده صفحات للرد على كامل ما ياتي بالحلقه لانه كله اكاذيب وافترائات .

أخيرا اتحدى قناه ابوظبي ومحمد نجيب ان يستظيفون الكاتب الكبير صالح السليمان باستمرار معه جستنيه والدويش اكرمكم الله ووقتها لن نقاطع بل هم من سيقاطع لانه سيكشف اكاذيبهم وبالادله والبراهين

اخوي انا بتكلم عن محمد فؤده فقط !

انا لو اني في برنامج تحكيم وقدامي مايقارب ال10.000.000 نسمه
ومتعصب اكبر التعصب للهلال

وكان فيه سوء تحيكم ضد الفرق للهلال بقوله .. بس ياخي الواحد يخطيء
وانا اشوف الحكم لو كانوا يشجعون فريق ومتعصبين ماراح يدافعون معه
بس الواحد لازم يخطي

عشرة على عشرة!

ما بقى قناة أو جريدة ما تمت الدعوة لمقاطعتها!

وحتى الجماهير اللي تدعو للمقاطعة مادري وش تستفيد، يعني أنا اللي فهمته من كلام الأمير هو أن النادي نفسه مقاطع القناة بعدم إعطاء أي مقابلات، وهذا فعلاً يضر نوعاً ما بالقناة (أنا أتابع المباريات على قناتهم، والمقابلات على الـ ART)، لكن شلون تضرر القناة من مقاطعة الجماهير لها وهي لا هي قناة مشفرة ولا هي موجهة أصلاً للجمهور الهلالي ناهيك عن عدم كونها موجهة أساساً للجمهور السعودي؟

المثير للسخرية أن كثار من هاللي يدعون المقاطعة تحصله مرابط قدام القناة، وفي أوقات الفراغ يجي للمنتدى عشان يسبها !

عشان كذا أقول اللي يبي يتابع يتابع، واللي يبي يقاطع بسلامته، بس لا يزعجنا كل يوم بموضوع عن القناة وتقرير لآخر المسبات اللي طالت النادي، لأن لا نادي الهلال ولا غيره من الأندية السعودية بهالهشاشة اللي ممكن معها يتضرر من أي كلمة تنقال في قناة أو تنكتب في جريدة.