موضوع مطروح للتشاور والتحاور والنقاش واللي بيختلف معي عليه بالتطنيش والانتعاش
وإيّـاكم ثم إيّـاكم أن يقوم احدكم بالانبراش
المشهـــد
مكينة الصراف الآلي..
وقد اصطف اماها خمسة رجال غلاظ شداد..
وجميعهم قد امسكوا بالـ(سرا) من تلابيبه بانتظار الحبيب اللي جوّا يطلع..
وفجأة.. بعد ماطلع وبدون سابق انذار
تجيك ذيك الغرنوق مجلعدة <-- (صافطه الطبلون)
وتدخل للكبينه بدون احم ولا دستور.. وين الاحساس والشعور ؟؟؟
وتسحب فلوس.. ثم تسدد الجوال.. وتقعد شوي تفصفص الايصال
هل نصنّف هذا الموقف بأنه من حقوق المرأة ؟؟
المشهـــد
ماسك خطّك ومتعلّق بالطاره
لا لك ولا عليك
وقاعد تهوجس بالغداء... وتفكّر بينك وبين نفسك (اجيب لبن او مايحتاج)
وفجأة
ماتشوف الا وانت مشمّع بمقفّى السيارة اللي قدامك
وتكتشف انك جزء من اربع اجزاء شمّعوا في بعض
وأثاريه اللي قدام جاب العيد
كبح ام الفرامل بعد ما قطعت الشارع نفس الغرنوق اللي فوق
واربع سيارات راحن هدر بسبب تهوّر هالغرنوق
هل نصنّف هذا الموقف بأنه من حقوق المرأة ؟؟
المشهـــد
عبّيت العربيه مقاضي واغراض في الهايبر
ورحت تحاسب ولقيت نفسك العاشر في طابور الكاشير
وفجأة
نفس الغرنوق تتخطّى رقاب المتسوّقين وفي يدها سلّة صغيرة
وتنصى الكاشير وتخطم على الرجال الاول هو وعربيته
وتحرج الكاشير والرجال وتحاسب وتمشي
هل نصنّف هذا الموقف بأنّه من حقوق المرأة ؟؟
المشهـــد
تذهب الى احد الدوائر الحكومية
تقدّم ملفّك مشفوعا بكل وسائل الاستجداء الحميدة من معاريض وتوصيات
فــ(يكرشك) الموظف صاحب الوجه العبوس بلا هوادة
لتخرج فتكتشف انك (المكروش) العاشر في ساحة الانتظار
وفجأة
تخترق الصفوف تلك الغرنوق
وتدخل بكل شموخ وانسياب
وفي أقل من ثلاث دقائق تخرج وهي تلوّح بعلامة النصر
رغم قلّة الاوراق في ملفها... لكنها خلّصت... بقوّة الجاذبية
هل نصنّف هذا الموقف بأنّه من حقوق المرأة ؟؟
المشهـــد
صار لك تسع شهور مقدّم على الـ(dsl)
وكل يوم والثاني تتصل عليهم وتتهاوش معهم
وجارك صار له عشر شهور
واخوك صار له ثمان شهور
وكل واحد له تصريفه شكل...
لكن الغرنوق... ثلاث ايام بس وهي تطقطق على النت
هل نصنّف هذا الموقف بأنّه من حقوق المرأة ؟؟
سبحانك اللهم وبحمدك ... اشهد ان لا اله الا انت ... استغفرك واتوب اليك
الوضع المتطور
