|
><><رحلتي للحج><>< السلام عليكم اما بعد... الحمدلله وفقني ربي هالسنة لاداء فريضة الحج فأبدأ بحمد ربي وشكره على توفيقه وتيسيره..وعسى الله ان يتقبل منا ومنكم صالح الأعمال... حبيت اسجل بعض التعليقات والمشاهدات قبل ان تضيع في لفائف الذاكرة وتنطمس.. المنتديات مكان جيد لتسجيل الذكريات والعودة لها بعد سنة وثنتين..لتتأمل ما كتبت وتعيد الذكريات :stoned: المغادرة الرحلة قبل فجر الجمعة من الرياض..حول 3 مشت في وقتها بدون تأخير يذكر الطيارة ايرباص تركية ....مستأجرة بكاملها للحملة كن معنا الشيخ العصيمي الله يحفظه s60s في الطيارة اخذ ميكرفون المضيف وعطانا كلمة قصيرة حسيت انها حركة ..محاضرة على ميكرفون الطائرة وحنا في الجو :clap: الوصول قبل الشروق بقليل صلاة الفجر في المطار ثم ع الباصات الطريق سالكه باستثناء الوقوف على تفتيش الجوازات اللي يشيكون ع التصريحات التصريح مكون من جزأين تفصلهم عن بعض..واحد يبقى معك وواحد ياخذوه مشرف الباص يبي يسهلها جمع جزء الجوازات يوم ركبنا على اساس يعطيهم اياه دفعة وحدة بس راعي الجوازات الا يشوف الجزأين:stoned: تعطلنا شوي بس تيسرت :yes: المخيم حملتنا فيها فوق 800 حاج المخيم مرتب وممتاز خيمتنا فيها 16 سرير (كنب يقلب سرير)..وفيها كرسي مسااج :clap: مساج اصلي يفتت ظهرك تفتتيت..تظهر فايدته بعد ما ترجع من الزحمات:naughty: الاستقبال فيه اكويريم (حوض سمك)..ما يمديك ع الروقان :d تواجد معنا في الحملة اللاعب السابق فيصل ابو اثنين:)..بس ما كان في خيمتنا الاكل المشروبات الباردة والايسكريمات والشاهي موجودة 24 وساعة الوجبات بوفيه مفتوووح فول ونواشف وبيض وكورن فليكس ع الفطووور رز ولحم ع الغدا البيك او الطازج او بيتزا هت ع العشا (يختلف حسب الايااام) طواف القدوم رحنا نطوف ونسعى يوم الوصول بس مع الزحمة والتعب طفنا بدون سعي ورجعنا للمخيم يوم عرفة الذهاب لعرفة كان من قبل منتصف الليل! شوي زحمة ..يمكن وصلنا خلال ساعة ونص عندهم مثل الاستراحة والخيام منظمة على تنظيم منى..فكل واحد عارف مكانه بعد الوصول نوم للفجر وبعد الصلاة شوي زيادة نوم:d كنت ابي اطلع لمسجد نمرة بس موقعنا بعيد شوي وقالوا زحمة ما راح تستفيد شي قضينا نهارنا في "الاستراحة" واستمعنا لخطبة آل الشيخ من موقعنا كان نهار هادي وجميل استغله الغالبية في الدعاء وقراءة القرآن النفرة ركبنا باصاتنا قبل الغروب بساعة وما تحركنا اللي بعد الغروب بساعة الباص بعد ما تحرك شوي تعطل:stoned: السواق (شامي) نزل وطقطق وحاس وبعد عشر دقايق كملنا المسيرة.. بس احس كنا ماشيين ع البركة,,,الباص كان يرقل..:stoned: مزدلفة مزدلفة منطقة صغيرة ما فيها مخيمات ولا استراحات صلينا المغرب والعشا وجمعنا حصى وافترشنا الارض الحملة عشونا ما قصروا..ووفروا منطقة مستورة للنساء محاطة بسواتر حول نص الليل رجعنا ع الباصات وتوكلنا باعتبار ان معنا مستضعفين من نساء وأطفال بعد مشوار في الزحام وصلنا منى بس الباص ممنوع يدخل للمخيم..فوقفونا بعيد شوي ومشيناها كعابي.. المشي حلو بس لانه بعد نص الليل وبعد يوم طويل وحافل الناس تسحب رجولها تسحيب :d التحلل وصلنا المخيم وريحنا شوي وبعدين على جمرة العقبة رميناعا حول الساعة 3 الزحمة كانت خفيفة جدا رجعنا المخيم وطابور ع الحلاق.. الحلاق طلع يوزع ارقام..الدور واصل 15 ورقمي في ال 90:upset: المهممم حلقت بعد الفجر وشلنا الاحرامات..كانت نقلة مهمة:d يوم العيد بما اننا حلقنا ورمينا قبل الفجر..فما كان في شي ايام التشريق رمينا ال 3 ايام كلها قبل المغرب في الدور الارضي الزحمة معقولة نوعا ما الفكرة انك ما ترمي في بداية الجمرة امش للنصف الخلفي وتكون الامور ايسر وأسهل طواف الافاضة والسعي احنا جمعنا الافاضة مع طواف الوداع..ومعه السعي رحنا 10 بالليل الحرم زحمة طبعا طفنا بالصحن مع اني اتوقع لو فوق كان بيكون اسرع مع انه اطول!! بعض الحملات من حجاج الخارج يمشون مثل القاطرات طوابير ماسكين بعض..وما عليهم من احد.. ويجونك ناس الا يركعون قدام مقام ابراهيم!!!!! البشرية تطوف كتلة كبيرة وذول يركعون وسطهم..خصوصا الايرانيين!! السعي كان فوق وكان اسهل واخف بعدها عدنا للمخيم للم العفش والاستعداد للسفر المغادرة الظاهر احنا اخر من طلع من منى المنظر غريب امس في كل شبر آدمي واليوم فضاء الا من بعض عمال البلدية ..الله يعينهم .. بما انه كان يوم 14..البلدية قطعت الموية :stoned: اضطر راعي الحملة جزاه الله خير يجيب وايت المهم صلينا الظهر وطلعنا باصاتنا ع المطار في الباص وزعوا بيك ع الركاب :razz: مطار جدة :upset: وصلنا يمكن ثنتين ونص بعد صلاة الجمعة استغربت ان بوابتين جنب بعض وحدة رحلات دولية والثانية داخلية الظاهر جمعوهم في مبنى واحد علشان تجديد المبنى الثاني صالة صغيرة وزحمة موت الناس افترشوا الاراضي لا يوجد شاشات لعرض الرحلات ومعرفة بوابة الرحلة والتأخيرات انتظر لين تسمع رحلتك بالميكرفون او تشوف الموظف يحرج عليها:surprised: عدد الرحلات فوق طاقة المطار الاستيعابية بمراااحل رحلتنا 7 المساء بس ما طلعت الا 11 ونص!! قريت قي موقع اخباري انه في نفس يوم رحلتنا في طيارة بعد ما اقلعت طفا محركها واضطرت ترجع:surprised::stoned:..وهالشي من اسباب التأخيرات واللخبطة.. المهم.. بعد تعليقه ثانية داخل الطيارة اقلعنا ووصلنا الرياض يمكن 2 بعد نص الليل انفلونزا اخر الايام هناك بدا احتقان الحلق ويوم رجعنا صداع وجسم مكسر الخ انا قلت للدكتور قبل لا اروح عطني تطعيم انفلونزا قال لا انت شباب ..خله يجيك علشان تكون مقاومة طبيعية :upset: الحمدلله على كل حااال:yes: التوصيات هدم مطار جدة واعادة بناءه من الصفر :stoned: فك الاحتكار المقنع لخطوط الطيران..ناس وسما ليسوا الا مجرد توزيع للكيكة...:stoned: مع كل هالزحمة في مطار جدة وخلال اكثر من 8 ساعات ما شفت الا رحلة وحدة لناس!!! اهمية الالتزام بتصريح الحج..لا حج بدون تصريح :clap: احرصوا على تطعيم الانفلونزا:yes: وختاما.. شهادة حق للمشروعات الضخمة في الجمرات صار الرمي اسهل مما الواحد يتوقع وكان يسمع زمان وايضا الحمدلله اننا توفقنا بحملة ممتازة ما قصروا معنا طبعا لازم التعب والمشقة والتأخير..لكن في امور تكون خارج سيطرة الحملة..والواحد يتذكر ان الحج جهاد لا شوكة فيه :yes: اتمنى تجدوا في مشاركتي ما ينفع.. ومعليش ع الجفاف..مافي صور ولا شي.. الحياة كلمة :d فتكم بخييييييييييييييييييييييرs13s |
تقبل الله .. وعسى اجرك الجنه يارب.. بخصوص الرمي:: يقال ان السنه ان تاتي من طرف مكه وعاده تكون اخف .. فسوالي هل طبقت هذه السنه؟؟ وهل تعرف اين جهة مكه بالنسبه للجمرات؟؟ التوصيات:: مطار جده يعتبر لاهل مكه وجده والطائف و ثول وعسفان وبقية القرى القريبه منه فهو مزدحم بدون الحجاج الافضل بناء مطار خاص للحجاج في مدينة ثول وهي تبعد عن جده حوالي 80 كيلوا وتكون خاصه بموسم الحج فقط |
موضوع رائع بل أكثر من رائع طرح مميز سلمت يمينك إلا على فكره<<<قلب وش اسم الحمله اللي أنت فيها وتقبل مروري أحب الليفر |
هلا ابو راس يووووهـ شوقتني اكثر من ماكنت مشتاقه :( مافيه شي تمنيت انه ينعاد في حياتي مثل الحج بجد اتمنى احج مره ثانيه :cry: إقتباس:
دمعة الحاج هناك مافيه اصدق منها :( هذا اليوم الله لايحرمكم من الوقوف فيه إقتباس:
إقتباس:
لاعادي يكفي انه عن الحج :smilie47::smilie47: ابو راس جزاك الله خير على هالتقريرورده والله يتقبل منك ومن الجميع صالح الاعمال |
يؤيؤيؤ انت معي بنفس الحمله؟!:bigeek::bigeek: والله الحج تمام ومافيه اي تعب الجمرات يوم11 الظهر على الساعه12:30 كان زحمه بسبب الشيعه مدري وش عندهم :upset: بس التعب بس بطواف الافاضه لانه زحمه مره والناس بالدوري ثاني ماغير متبطحين بالارض:nono: وما غير تدعيس بخلق الله:d |
هـــلا أبــو راس :d:d تقبل الله منا ومنكم ان شاء الله .. الله ييسر لنا الحج ان شاء الله .. الا ع طاري الاحمله ماتلاحظ انهم ناشبين بالبيك :stoned: |
عزيز بقومه الله يتقبل منا ومنك بالنسبة للرمي..فانت تجي من الجهة اللي فيها مخيمك اعتقد صعب تحديد اتجاهات معينة خصوصا ان الطرق تصير باتجاه واحد حتى لا يتداخل الحجيج وتصير مشاكل في الحركة بالنسبة لنا كان المخيم اما الجمرة الوسطى.. فمجرد نتصيد الوقت الجيد ونخرج من المخيم ويقودك الطريق الى الجمرة الصغرى ثم الوسطى ثم العقبة..ويخرج بنا الطريق الى نقطة البداية حيث يوجد المخيم بشكل عام اكيد من الجيد تقليد السنة عند الامكان لكن مع الزحام والضرورات قد تصير صعبة بل قد يكون فيها ضرر للنفس وممكن كذا يصير الافضل تجنبها وليس فعلها والله أعلم مطار جدة من دون حج معروف ومزري ومن سنين العالم تتكلم..ما تصدق انه مطار ثاني مدينة في السعودية.. عسى المشروع الحالي يفيد وتظهر نتايجه في اقرب فرصة... اما انشاء مطار جديد فلا اتوقع قبل عام 2030 :stoned: أشكرك ع المرووووووووووور الكريم s13s ======= أحب الليفر هلا وسهلا بيك حملتنا اسمها الاتقان ومكتبهم على طريق الملك فهد جنوب الفيصيلية اسعارهم شوي زايدة بس جزاهم الله خير ما قصروا في خدمة الحجاج.. يسلموووووو ع التواجدs13s ======== فجر الرياض اهلا وسهلا.... الحج رحلة العمر..وما ان توصل الى مدينتك تشتاق للمشاعر وللمناسك وتأسف على انقضاء هذه الأيام كلمح البصر :stoned: ولازم نشيد بالمشاريع الضخمة لانها تبهر وتلفت الانتباه لاي متواجد هناك..خصوصا اذا كان اول مرة مثل حالاتي:d بس ياليت يكون مع المشاريع التزام وانتظام اكثر من الحجاج .. فكثرة العدد وضيق المكان يحتم الالتزام التام..والا من السهل انه فوضى صغيرة تكبر كالموجة وتعمل شلل..:) اشكرك على مروووركs13s |
الاخ الحبيب ابو راس حج مبرور وسعي مشكور. تقبل الله منا ومنكم صالح الاعمال. ذكريات الحج لا تنسى وبالرغم من أن حجتي كانت قبل فترة طويلة الا اني لازلت اذكر تفاصيلها ومن رافقني من الاخوة متعهم الله بالصحة والعافية ورحم الله من توفي منهم. لك تحياتي ,, |
حجا مبرورا وسعيا مشكورا تصدق وانا اقرا كلامك حسيت اني في مكة:smilie47: عالعموم وش حصل للشيعه قالوا انهم سوو مشاكل ومدري وش:nono: فمان الله ورده |
حجاً مبروراً وسعياً مشكورا تقبل الله منا ومنكم صالح الاعمال ووفقنا لما يحبه ويرضاه ,, بلاشك لحظات الحج يعشيها المسلم المؤدي لفريضته بـ الاطمئنان والراحه ويحمدالله وأولي الامر لـتيسيرهم الحج :) وبالتاكيد لحظات رائعة وعسى الله يكتب لنا ولكم الاجر , في امان الله s13s |
حج مبرور وسعي مشكور والله يتقبل منك .. ، لو انك كاتب الموضوع هذا قبل الحج كان حجيت انا .. :d المشروعات اللي تصير بمكة مشروعات جبارة وتشكر الدولة وكل اللي قائمين عليها تقبل مروري ورده:smilie47: |
@واحد مهجول@ من جد كنا سوا :clap:؟؟ كم رقم خيمتك :d ما ادري عن ظهر يوم 11 لاني ارمي قبل المغرب بنص ساعة :surprised: الحرم زحمة..واللي يفترشون الصحن والمسعى يأذون الحجاج الثانيين بس وش السواة البعض يكابر والا يسوي اللي براااسه الله يتقبل منا ومنكم s13s ============ الدريبي الهلالي هلا وسهلا ..والله يتقبل من الجميع :smilie47: البيك فاتحين فرع في منى ..فاكيد الحملات اسهل لهم يجيبون من المحلات القريبة وبعدين ما راح يسمعون كلمة "وش هالاكل ما احبه" واجد:d مشكووور ع التواااجدs13s =========== بيرت بلس يا الف هلا وسهلا والله يكتب لك زيارة ثانية بصحة وسلامة رفقة الحج من الامور اللي تبقى في الذاكرة والحمدلله خيمتنا كان فيها ناس طيبين ..وكنا مزيج من 4 دول مختلفة :razz: اشكررررك ع المروووووووووووورs13s |
شبوط هلا وسهلا..والله يبارك فيك s60s وان ما حجيت عقبال ما تروح قريب:yes: بالنسبة للروافض مدري صراحة اذا كان لهم مشكلة بمكة، بس انا سمعت انهم عملوا مشاكل بالمدينة في البقيع..منشان الخزعبلات حقتهم.. والله يهدي الجميييييييييييع اشكررررك على تشريف الموضووووعs13s ========== السمسار الهلالــي يا مراااااااااااااااااحب :clap: اكيد هي ايام لها عظمتها الزمانية والمكانية:smilie47: والحمدلله ان وفق اولي الامر لما فيه التيسير ع المسلمين:yes: (اعتقد اسلم من الطريقة اللي كتبتها) اشكررررررررك ع التواجد الجميل s13s =========== fff يا هلا وسهلا بيك...:clapping: والله يتقبل منا ومنك... قبل الحج كنت انا اللي ادور مواضيع مثل كذا :d اشكررررك ع المروووور والتواجدs13s |
تقبل الله ... يا حج كانك حلقت موس فأكيد طلع الرويس صـــح يا أبو راس :d بموضوعك فتحت شهيتي اقصد نفسي لقصة حجي هذا العام ( المؤلمة ) :) فرضي أديته ( متمتع )عام 1413 هـ يوم كنت كبير !! وبما أن هذه السنة انتدبت للحج توسلت للمسئول أن يسمح لي بالحج نطقاً وكتابةً :d فتيسر الأمر ونويت الحج ( مفرد ) وبدأت العروض , احدهم يدعونا لمرافقة ضيوف مسئول والأخر لمرافقة صاحب السمو :) بالأخير فضلنا أن نحج على الأقدام ( مشي ) بصراحة استمتعنا بالحج على الأقدام وشاهدناه عن قرب حيث بدأت الرحلة ظهر يوم عرفه ( لبسنا احرامنا من السكن ) وكنا قريبين من بداية عرفات وطريق الهدا ( طبعاً بدون تصاريح ) نقزنا بالجيب :d ووينك يا خط السيل . من محطة على الطريق سلكنا طرقاً وعره ومررنا على بيوت حول الجبال :d حتى وصلنا نهاية عرفات بمعنى أن الجيب سفط جنب وادي عرنه ونقزنا الجسر . كنا نريد مسجد نمره ولكن شفنا ضابط بالدفاع المدني نعرفه فأضافنا ( مكيفات سبيلت وأسره وبطانيات وغداً كبسة وبرتقال وقهوه ) :d بعد المغرب طلعنا مع طريق رقم 6 ولقينا ناس تبيع شاهي تقهوينا وصورنا ومشينا مع الطريق وتركنا طريق المشاة لأنه مزدحم ولكن ميزته مستقيم أما طريقنا فكم مره كدت أن ألقى حتفي بسبب باص حاذف أو دباب عاكس الطريق ! وصلنا لمسجد المشعر الحرام بمزدلفه بعد 4 ساعات مشي :bigeek: كمان لقينا صديق بالاتصالات ولحقنا على عشاهم وبرتقالهم :d بعد الفجر بقليل مشينا لمنى مع الحجاج ووصلنا لجمرة العقبة بعد 4 ساعات وعلى طول اقرب مكينة جيليت أم ريال . واحد من الشباب قصر شعره وحلق للثاني والثاني حلق لي :d ودوش ونوم . استقضنا بالليل متفلتين للمشي :d وأرجلنا متورمة دهناها بفكس ودبل شرابات ورحنا للحرم على الساعة 1 طفنا الإفاضة ولم يكن هناك إلا القليل ( لان غالبية الحجاج يرمون بعد مزدلفه وحتى مساء يوم العيد ومن بعد العشاء وحتى اليوم الثاني عشر الصبح تكون الأعداد قليلة ) يبدأ الزحام بعد ذلك نظراً لخروج المستعجلين من منى . المهم بعد الإفاضة صلينا الفجر وعدنا للسكن مع كيس فول بسمن بلدي ( مخدر ) الجمرات نخرج لها مشي من حي العزيزية بالذهاب ساعة والعودة ساعة :yes: اليوم الأول والثاني ونختار وقت العصر ونرمي على الحوض ونصور ونتمشى بالجمرات ونحلل ونناقش يا ترى بيحطون رخام وألا بيدهنون بويه :d طواف الوداع طفت يوم 18 العصر وكان زحمه أكثر من طواف الإفاضة ( لان اغلب الحجاج ينهون مناسك الحج ثم يأخذون عمره وعمرتين هذا غير المتطوعين بالطواف تلقى معه سبحه طويلة جداً ولازم يطوف لين يخلص عدها ) :) مساكين يحتاجون توعيه من بلادهم قبل وصولهم ! قبل طواف الوادع المتأخر أخذت عمره لوالدتي يوم 16 بعد العاشرة والنصف مساءً حيث ذهبت لميقات التنعيم ( ميقات أهل مكة ) وانتهيت بحدود الساعتين . هنا وهناك لا تزال القدمين متورمة ! << على اجر يا حق :yes: تنويه / جزى الله علماءنا الكبار كل خير لتحملهم لنا ولكثرة اسئلتنا اما اخواننا اللي طحنا على رقمهم المجاني 8002541000 أو 800245100 ففتواهم تختلف من اتصال لاخر ومع ذلك جزاهم الله كل خير :d طبعاً حج هذه السنة من انجح مواسم الحج لاني كنت موجود ومتابع كل صغيرة وكبيرة :naughty: |
حج مبرور وذنب مغفور وسعي مشكور إن شاء الله أحسنت القرار في "تدوين" مثل هذه الذكريات!! لاشك أنها أيام لا تنسى .. ولحظات إيمانية رائعة جدا!! أسأل الله أن يكتب لي ولكم حج بيته العتيق مرات عديدة!! |
| الوقت المعتمد في المنتدى بتوقيت جرينتش +3.
الوقت الان » 06:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd