ابشتري سيارة عائلية - نادي الهلال السعودي - شبكة الزعيم

برنسينو · #1 23/12/2008, 04:06 PM

السلام عليكم

ابشتري سيارة جديدة
الى لان مقرر تاهو2007 وشرايكم فيه تجي معه مشاكل ووش احسن مكان اشتريه ويليت الي يعرف اخر سعر يقولي<<<<<<<<مثقل عليكم

الدريبي الهلالي · #2 23/12/2008, 05:59 PM

وعليكم السلام..

هلا أخوي التاهو ماعليه كلام..

بس خذ لك 2008..

والسعر من 117 الى 156..

$ السهم القاتل $ · #3 24/12/2008, 12:27 AM

اخوي

معليش مب قصدي احرمك بس ودي انصحك

وبكيفك لان هذا الشي بفيدك وبفيد كل المواطنين

اكثر من 25 شركه امريكيه طفرت يعني خلصت فلوسهم

وكل دول العالم خفضو سعر السيارات اكثر من 40% وجاينك ذا التجار

مجتمعين وناوين يرفعون سعر السيارات

ومعليك ان شاء الله بيخسرون ويعرفون قيمت الطمع

واصبرلك شهر او شهرين وتشوف اذا قاطعوهم السعودين

بخفضون سعر السيارات ويعرفون قيمت الطمع

شف كانك مصر تشتري تراي مالي اي دخل بس انا كنت حاب انصحك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شف والله اذا تبغى سياره عائليه وزينه من ناحيت نضري مو تاهو يوكن 2008 او يوكن XL عشان الشنطه كبيره او سبر بان بس شكل تاهو مو عاجبني من قدام

بس انصحك اضا صدت الاسعار

ولا تبغى جمس فله خذلك يوكن دنلي ولون اسود بس عن المواصفات ترك شغلها من زمان عن شغل الشريطيه

كان هنا · #4 25/12/2008, 01:55 AM

وعليكم السلام ورحمة الله وبركاته ..
بدايةُ الله يسهل أمـورك ويدل لك لما فيه الخير والبركة ..
التاهو سيارة ممتازة "جداً" .. ومتعددة الاستخدام .. (عائلية ، شبابية ، رحلات .. )
لكن نصيحة اذا تقدر تصبر عن الشراء اصبر .. السيارات بينزل سعرها ان شاء الله ..

برنسينو · #5 25/12/2008, 05:45 PM

مشكوورين كلكم

وانا بأنتضر لين ترخص وانشالله تاهو2008