|
أعتقد انه إلى ألان ناجح بنسبة 100% إذا ما حسبنا الأثر الكبير لهبوط اليوفي للدرجة الثانية وابتعاد ألاعبين الكبار عنه وعدم التفكير بالانضمام لليوفي وقت الصعود فكان صعب انه يتعاقد مع لاعب نجوم بالأحوال المادية الصعبة وقتها فنلاحظ موسمين ورا بعض اليوفي ما صرف صرف كبير بالميركاتو ومع كذا كون تقريبا فريقين جاهزين وإعطاء فرصة للاعبين شباب عندهم مستقبل كبير بس أنا أشوف انه الحكم على سيكو بيكون بالصيف الجاي ونوعية تعاقدات الفريق وهل راح يكونون نجوم أو راح تستمر نوعية ألاعبين ألي تم التعاقد معهم أخر سنتين مع ألاعبين الكبار تبين نوعية المفاوض وهذا ألي كان يميز موجي أما ألاعبين المتوسطين فأعتقد سهل لأي نادي كبير يتعاقد معهم مشكور اخوي ع الموضوع بس استغربت انك ما ذكرت أفضل صفقات سيكو :smilie47:سيسوكو:smilie47: |
السلام عليكم شكلك يوفاوي متعصـــــــــــــــــــــــــــــــــــــــــــــــــــــــــب لو اقولك من البواب حق النادي بتعرف اسمه (ما شاء الله عليك) ادعولي بالتوفيق |
هلا ناصر ياجعلك تسلم موضوع جميل ومحترم سيكو كمخة هذي مافيها كلام لايعرف يتعاقد ولايجيد التعاقدات ويكفي من تعاقداته رانييري ألميرون اندرادي ماعديتهم في القائمة السوداء سيسوكو لو مانشبنا لليفر ونشب رانييري ماجبناه غير مبلغه العالي والعالي جداً وللمعلومية سيسوكو آخر لاعب محور قدوما نوتشيرينو + ماركيزيو + تياغو + ألميرون وبعدهم سيسوكو أمحق من نجاح من خمسة لاعبين مانجح إلا لاعب والدليل إن الأساسيين زانتي + سيسوكو اولف ميلبيرغ مايحلم باللعب في ايطاليا مجاني ولاهو بذاك الزود أعتبره صفقة فاشلة مجاني لكنه ماأثمر كزينفيتش عاهة بمعنى الكلمة و200 ألف يورو وإعارة ولالعب بالله هذا لاعب ستانديرادو المعار العام أفضل من الاثنين ولازيو مستغنين عنه ويتركه لمثل هالعاهات هجوميا أماوري وبصراحة فنان لكن غالي ونوتشيرينو من ضمن صفقته وبطلب رانييري الوسط الهجومي ((صناعة اللعب)) خالي من أي تعاقد ولا لاعب استقدمناه جيوفينكو مهاجم بالادينيو موجود ومهاجم إنهاء عقد ديشامب فاشل جدا هالانسان الباك اليمين واليسار جرجيرا((المجاني)) + مولينارو مافيه بديل وإلا كان من ضمن قائمة الفشل والفشل الذريع لايستحق يعطيك العافية ناصر مرة ثانية |
نقاش رائع جداً ترتيب الكلام و الأفكار خيال .. ناصر أنت هايل :d:smilie47: سيكو .. كنت أعرف عنه القليل و أنت زودتني بالكثير عن هذا الاداري :) الشخص هذا من يوم ما استلم الإدارة من بعد موجي أو من بعد خراب مالطة و هو يشتغل صح !! أنت لو تشوف معي يوم ان اليوفي في السيريا بي كان موضوع التأهل شبه مستحيل لكن تأهلوا و كانت أحد الأهداف الأساسية و نجحت :yes: من بعد التأهل للسيريا A و الفريق إمكانياته المالية سيئة و مع ذلك تم قدوم 7 لاعبين أفادوا الفريق و شفناهم هدافين و معوضين غيابات ! الموسم الأول لهم انتهى و كان موسم ممتاز بعد انه لم يخسر امام اي نادي كبير و انهى الموسم في المركز الثالث و هذا أكثر من ممتاز بوجهة نظري الحين حنّا في 2008 - 2009 و صدقني كل النجاحات ذي لليوفي كان سببها إدارة ناجحة و صفقات ممتازة يعني أن سيكو كان الشخص المناسب في المكان المناسب في الميركاتو الصيفي ما صرف النادي كثير .. و الآن بعد تحسن الحال الفريق فكر ببناء ملعب خاص فيه و ذي لحالها تأكد التخطيط الممتاز للإدارة :stoned: كل الكلام ذا كان الزبدة منه هو أن سيكو ناجح لكنه مظلوم نوعاً ما و إذا تم التجديد له بعد انتهاء عقده في 2009 فذي تكون خطوة جيدة لأنه من أبناء النادي :) آسف على الإطالة و هذا رأي متواضع من مشجع إنتراوي متابع لأحوال اليوفي :d لكمـ ورده |
بااك :smilie47::stoned: ناصر يا خلفهم :smilie47: إقتباس:
أنا أقصد انه إذا بغت الادارة ترجع لاعب فانه مب صعب على سيكو ترجيعته .!! يعني دور سيكو هو المفاوضات و جية اللاعب بالسعر المناسب ومحاولة اقناع اللاعب والنادي المقابل بعرض اليوفي هذي اصعب مافي المفاوضات وهي معدومة في صفقة الاعادة من الاعارة :stoned: اتمنى تكون وصلت :smilie47: إقتباس:
انا قلتها من البداية .. نوعية اللاعبين اللي تعاقد معهم يبون اليوفي باللي هو به .. وخصوصا انه عدى السيريا ب بمركز اول ولاحولة منافس وداخل بقوة للسيريا ا :stoned: يعني لو هو مفاوض لاعبين توب مافيه مشكلة وتنحسب له على طول .. لكن لاعب اصلا يلعب لاندية مغمورة ويلعب بنادي موب لاعب اصلا بالشامب ثمن يجي اليوفي اللي كلن رشح عودته القوية للمنافسة من ثاني سنة سيريا اي اكيد بيخق اي لاعب من هالنوعية :yes: إقتباس:
كون ان الشغلة كلها بيد رانييري ينحصر دور سيكو بالتفاوض فقط .. بخلاف دور مدراء التعاقدات بايطاليا اللي هو اختيار اللاعب + التفاوض .. وعموما تبقى وجهة نظر ورده .. ويبقى موضوعك روعة :d:smilie47: |
مشكووور اخووي نااصر والله جهد تشكر عليه ياباشا ولاهو شي غريب عليك هالابدااع والله اللي انا اشوووفه ان سيكو سوى بعض اللي عليه يعني له سلبيات وايجابياااااات بالعربي ما يمدح باللي سوواااه لانه هذا الوواجب عليه بفريق مثل اليووفي العرريق واحس انه لايجيد لغة التعاقداات كثيراا |
السلام عليكم ورحمة الله وبركاته V I E R I هلا فيك ابومحمد ونور المنتدى مابغيت تشارك يالانتراوي :d حياك الله وكلامك كله درر وحكم اعذروني بس لاني اعرف الرجال واعتبره اسطورة من اساطير متابعي الكالشيو بالسعودية باندرو شكرا لك على الرد ولاهنت ورده سنآيدي هلا وسهلا فيك بخصوص سيسوكو انا تعمدت اتجاهله لانه وقع مع اليوفي بيناير ولاهو بالصيف انا تكلمت عن صفقات الصيف :) وشكرا على الرد hilalemooot لالا سياسة اليوفي مختلفة عن الارسنال الارسنال يصنع النجوم ويبيعهم وبلشانين بديون ملعب الامارات اليوفي يخلط الشباب مع الكبار ولاهم بلشانين بالملعب ولاحملو هم ديونه لان 75 مليون من قيمته الفعلية بتدفعها شركة سبورت5 ( القيمة الفعلية 105 مليون يورو ) Carlitos 32 هلا فيك اخوي ردك اكثر من رائع وتشرف موضوعي فيه ياليت ما تحرمني من ردودك في اي موضوع <== خق لاهنت يالغالي WENER هلا بالعضو القديم الجديد :d بخصوص سيسوكو انا ماذكرته لانه وقع في يناير واانا اتكلم عن الصيف شكرا لك على الرد ونورت الموضوع ورده يوفااااوي10 هلا بالغالي تشكر على الاضافة وبارك الله فيك العسيماوي + jose + ابوحمد-10 ابجيكم بعدين ان شاء الله :) |
سكروو ,, انت رفعت سيكو هذا للسماء حتى اني صرت اتمنى الهلال يتعاقدون معه :d ( يسمع ان التعاقدات الشتويه قربت ) ,, لاكن ياناصر انت حطيت الشغل كله لسيكو وكأن باقي الاداره مالها دخل و انت تقول ان المدرب اصبح هو الامر والناهي في التعاقدات .. يعني له الفضل الاكبر .. والشي اللي يحسب لـ سيكو انه مايرز وجهه في الاعلام رغم ان وجهه والله ينرز به .. |
الله يعطيك العافيه على الموضوع.... |
ايه مظلوووووم يكفي انه جاب اماوري |
إقتباس:
ناصر وش فيك علي :d |
السلام عليكم ورحمة الله وبركاته العسيماوي عزيز خل امخمخ على ردك شوي انا تكلمت عن سيكو اخر صيف وقلت ان الهدف من الموضوع ايضاح ان سيكو تطور عن اول اندرادي والميرون صفقات فاشلة وكل المدراء لهم صفقات فاشلة واولهم موجي ومحمد سيسوكو سعره منطقي 12 مليون اعتقد , وبعدين رانييري طلبه وسيكو نفذ طلبه وهذي ميزة انه يلبى طلب المدرب نوتشيرينو سيكو باعه وصحح غلطته , وكويس ان الرجال يتعلم من اخطائه وبعدين وشلون مانجح الا لاعب واحد من خمس لاعبين ؟ ماركيزيو ما اعجبك للحين ميلبرج اثمر ولعب كذا مباراة اساسي من ضمنها ريال مدريد في البرنابيو واي سي ميلان والرجال ماقصر فيها والدليل النتائج كنزفتش انا متفق معك انه ماظهر الى الان وطاح باصابة بس ستاندياردو انتقل من لازيو لليتشي هذا وش يدل عليه ؟ لاعب انتقل من نادي فوق المتوسط الى نادي سياحي !! انهاء عقد ديشامب كان بالتراضي بعدين وراك كشت فيني انا اتكلم عن صفقات اخر صيف :d J o S e احمد يالبى قلبك كلامك مختصر كل شي أبوحمد _ Mi هلا عبدالملك كلامك سليم , ونفس الموال بنعيده انا واياك اللاعب المعار ملك للنادي الاصلي ويتصرفون فيه زي ما يبغون بس انا اقولك فيه مليون واحد معار ليه ما رجع الا هالثلاثه ابقربها لك : حارس سامبدوريا اسمه ميرانتي ومعار من اليوفي , ليه سيكو مارجعه ؟ ليه جاب ماننجر بداله ؟؟ معناته الرجال يفكر صح وهالكلام ينطبق على طابور المعارين بخصوص كلامك عن اللعيبة اللي في الاندية العادية ويتطلعون لدوري الابطال , فهو صحيح بس اليوفي ماعنده ذيك السيولة مثل الانتر وريال مدريد وقاعد يمشي حبه حبه وشف كيف السيولة تزيد كل سنة من بعد الهبوط بس انا زي ما قلت لك ترا اول النادي عافوه بعض اللاعبين ومن ضمنهم فرنجز بس الان بعد اول موسم بدوري الابطال بيكون النادي وضعه بالسليم حاله حال اي نادي ومن ناحية موضوع الونسو فماعرفنالكم والله الحين لو المدير يفرض لاعب على مدرب تقولون المدرب زلابة ولو المدير ينتظر اوامر المدرب ويجيب له اللاعب اللي يبغاه تقولون المدير زلابة وش الحل بالله :d يوفااااوي10 تشكر يالغالي على الرد ومنورنا تمياط 2000 هلا فيصل بالعكس لو تخش معنا بنقاشات الرابطة بتشوف كيف اننا متفقين على دور كل واحد من خماسي الادارة ( رانييري + جون الكان + الثلاثي المذكور في هالموضوع ) ونورتني يا عسل :smilie47: ونورتو يا شباب ورده |
ياشين لما تفوز على ميلان :razz: هذا الموضوع إمتداد لمحدث معك مناقشته بعد مباراة ميلان بس عودة اليوفي ماهي مستغربه ...!! اللي تشوفه حاليا ياناصر تعود الى روح اليوفي العريقه وبقاء نجوم مثل دل بيرو وتريزيجيه ونيدفيد وكامو وبوفون ومن ناحية المواهب الشابه فهي موجوده منذ عهد موجي ...!! والا هالكمخه ماحولك ديره ...!! يمكن الحسنه الوحيده له جلب سيسوكو وإلا اماوري جاء بعد معاناه وبمبلغ باهظ وباعارات وليس بالساهل ...!! يعني تقدر تقول طموح وكان بالدكه بس لقى بعد الكالشيوبولي نفسه بمنصب إداري ..!! |
السلام عليكم ورحمة الله وبركاته اللي تشوفه حاليا ياناصر تعود الى روح اليوفي العريقه وبقاء نجوم مثل دل بيرو وتريزيجيه ونيدفيد وكامو وبوفون فواز انت ماتتابع اليوفي مثلنا بالتمام : بوفون اصابة من ثالث جولة اعتقد وماننجر لعب 5 مباريات بدوري الابطال من اصل 6 !! تريزقيه اصابة من مباراة زينيت بسيبتمتبر يعني ماطقها الا في مباراة وحده بس بدوري الابطال , والدوري فمالعب الا زي بوفون يمكن 4 مباريات بس كامورانيزي مالعب الا 4 مباريات اظن واصلا اقل واحد شفناه هو المواظبين دل بييرو وندفد فقط !! وبخصوص المواهب الشابة فعطني موهبة شابة تبناها موجي من شباب النادي دل بييرو اللي تبناه بونبرتي , موجي سياسته تجارة باللاعبين ويجيب الجاهزين اخر واحد اتوقع ماريسكا اللي مالقى فرصته واعاره موجي لكذا فريق وبالاخير باعه واماوري سعره معقول , ونص القيمة كانت العاهه نوتشيرينو واعارة لانزافمي اللي عمره 21 سنة , حتى لانزافمي مالقى محل بباليرمو وراح لباري ! شكرا لك ورده |
عاد تصدق إني قبل كم يوم كنت أتكلم مع أخوي(يوفاوي) عن نفس هالموضوع :D هو صراحة بدت صفقاته تتحسن .. لأن اللاعبين اللي جابهم توهم يتكيفون مع أجواء الكالتشيو.. بعدين انت ما عندك حل وسط :D.. يا تسفل فيه يا ترفعه فوق,, يعني فيه صفقات إنت حاطها المفروض ما تحسب له.. مثل اللاعبين اللي كانوا معارين أو موجودين في البريميفيرا ثم تم إعارتهم.. لأنهم موجودين قبل ما يجي وهو ما تعاقد معهم ,, وأيضا أفضل صفقاته ما تكلمت عنها .. الخال سيسوكو :D مقدم هالموسم مستوى جااامد مع إنه الموسم الماضي كان فاشل( وجه يناظر كواريزما ؟ ) بس سالفة كيمني جيدة.. أجل ولد الذينا مضبط وضعه :D عموما ما نتمنى له التوفيق وبرانكا أحسن منه :D :D |
| الوقت المعتمد في المنتدى بتوقيت جرينتش +3.
الوقت الان » 01:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd