#1  
قديم 30/05/2002, 06:38 PM
موقوف
تاريخ التسجيل: 23/07/2001
المكان: $..الهوى..&&..ثنياني..$
مشاركات: 791
Thumbs up $$..المكيفات..!!! كل شي عنها بالتفصيل..(ac)

الصيف جاء..والحر بياكلنا والله يعين الي في شمال ووسط المملكة

ولا اهل الشرقية وجدة ماعليهم خوف

طبعا انا لاحظت موضوع لاحد الاخوة يسال عن المكيفات ومن واقع خبرتي فيها لازم افيدكم خصوصا ان التجار طالع واكل نازل واكل والاسعار تزيد في الصيف

وبما اني واحد من الوكلاء الرسميين لبعض هالشركات (وكيل رسمي مو مدير مبيعات فهمتوا لاحد يتصيد)وفي الاجهزة الكهربائية والالكترونية عموما والمكيفات وحده منها

خذ هالتصنيف مني واعتمده


كولاين (19000 وحده)

3 سرعات..
قوة دفع عاليه..
الكمبروسور امريكي ..
اقوى دفع هواء بالمكيفات كلها
فيه فلتر مضاد للبكتيريا..
يكفي غرفة اقصى شي 4*5
ويمشي حاله في 4*6


كولاين (24000 وحده)

نفس مميزات اللي فوق..لكن وحدات التبريد اكثر وسعره مضاعف مرتين تقريبا..يغطي الغرف الكبيرة


كولاين (18500 وحده)


امكانياته عاديةالي متوسطة يعني يمشي الحال غرفة صغيرة4*4

كولاين سبليت (18500 وحده)


وهذا غالي لانه مركزي وحلو ماعليه خلاف;)

كولاين سبليت (24000 وحده)


وهذا سعره دبل اللي فوقه لكنه يستاهل العناء للي يكره الحر كره اعمى

هـــــاس (18500 وحده)

ثلاث سرعات..
تجميع سعودي (الجفالي) ..
غرف متوسطة الحجم
فلتر عادي
صوت متوسط


دلفين (18500 وحده)

ثلاث سرعات..
تجميع سعودي (الجفالي) ..
غرف متوسطة الحجم
فلتر عادي
صوت متوسط


كرفت (18500 وحده)

ثلاث سرعات..
تجميع سعودي (الجفالي) ..
غرف متوسطة الحجم
فلتر عادي
صوت متوسط


هالثلاثة نفس الشي كمبروسور ودفع وكل شي وحتى نفس خط الانتاج في المصنع
لكن موجودة لرغبة بيع عدد كبير
يعني اللي مايحب هاس يمكن يشتري دلفين والعكس
والطريقة بالفعل نجحت

غالبا ترتيب الاسعار كرفت / هاس / دلفين

يعني ان خذيت كرفت ولا دلفين عادي ترا لايخمك السعر

=====

جـبـسـون (18500 وحده)
نفس الشي غالبا الناس تشتريه علشان لون الواجهة بني يعني للي ديكور غرفهم غامق ينفع يعتبر اقوى من هاس ودلفين وكرفت

واجهته بني ..
ثلاث سرعات..
دفع عادي..
فلتر عادي..
صوته مرتفع شوي..
ويصرف كهرباء


جـبـسـون (24000 وحده)

دايما يذكرني بالدعاية القديمة اللي فيها المتسعود يقول جبسون ..ويش تاني !!!!

نفس مواصفات اللي فوقه لكن بوحدات تبريد اكثر

واجهته بني ..
ثلاث سرعات..
دفع عادي..
فلتر عادي..
صوته مرتفع شوي..
ويصرف كهرباء


======

مكيف ال جي (18500 وحده)


انا اكره هالشركة انها كورية بس ميزتها اسعار رخيصة مرة وبغت تخرب سوق المكيف الامريكي

كوري..
الواجهة ابيض
ثلاث سرعات
فلتر عادي
صوت متوسط



=====

مكيف ناشيونال (الياباني الاصلي مو التجميع)

مكيف رائع وغالي سعره لكنه محترم اذا وجد من النوع الاصلي ولا اظن احد بيلاقي لان الشركة وقفته وفتحت باب التجميع لذلك مافي داعي نعدد مواصفاته الرائعه

فيه منه (18500 وحده) و(24000 وحده)

موجود منه حاليا تجميع ومواصفاته اكثر من متوسط


====

مكيف كارير (18500 وحده)

ماخذ سمعة على الفاضي دائم الاعطال وصوته قوووي مايخليك تنام

ديكور دائري
واجهة لون رصاصي
ثلاث سرعات
دفع هواء قوي(مروحةبس)



مكيف فالكون (18500 وحده) الموديل القديم

ثلاث سرعات..
دفع متوسط..
صوته عالي..
لونه ابيض و
مفاتيحه سوداء بلاستيك



مشهور كثير وسعرة رخيص ومكشوف ماحد يقدر يتلاعب فيه بس اعطاله كثير

مكيف فالكون الجديد (18500 وحده)

لونه حليبي تقريبا وفيه ابيض نفس مواصفات اخوه اللي فوق يختلف بتصميم الواجهة فقط ديكور يعني

مكيف ميتسوبيشي (18500 وحده) (الامريكي الاصلي)

هذا قوي جدا
وتبريده عالي..
ثلاث سرعات..
واجهة بنية اللون ..



لايوجد منه الان ولا قطعة بالمملكة

مكيف ميتسوبيشي (تجميع سعودي)(18500 وحده)
مواصفاته عادية جدا وسعره مرتفع على الفاضي لونه (ابيض/ بني)

مكيف ويست بوينت القديم (18500 وحده)

موديل قديم
وتبريده عادي جدا
وينفع لغرفة صغيرة
مجرد تغيير الواجهة نفس مواصفات اللي سبقه



مكيف ويست بوينت ديلوكس الجديد (18500 وحده)

ديكور حلو جدا
بدأ قوي وخط انتاجه كان رائع
صوته هادي جدا
ولكن خدمات الصيانة لديهم ضعيفة

ولا مكيف حلو ماعليه كلام ..الشي الوحيد الي يعاب عليه (تجميع بحريني)

مكيف جنرال (ياباني)(18500 وحده)

موزع هواء خارجي ومتحرك
مكيف قوي جدا
وسعره غالي جدا
ثلاث سرعات وماعليه كلام لكن مشكلته انه توقف انتاجه


مكيف جنرال (ياباني تجميع تايلندي)(18500 وحده)
تجميع للمكيف المذكور اعلاه وباقي بنفس الديكور والعطاء وسعره غالي بعد

مكيف جنرال (ياباني تجميع سعودي) (18500 وحده)

احس انه خبل وفيه ضحك على الذقون لانه نفس شركة الكارير بس الاسم سارقينه ومغيرين بعض الحروف :p

مكيف شوقن ياباني (18500 وحده)
مافي منه بالسعودية ولا حبة من اقوى المكيفات ومن اروعها واكثرها تحمل
مكيف منقرض(ديناصور)

مكيف سامسونج (كوري) (18500 وحده)
مثل مكيف ال جي مافي فرق وغالي على الفاضي ومكيف كوري اغسل يدك
كوري..
الواجهة ابيض
ثلاث سرعات
فلتر عادي
صوت متوسط



مكيف الزامل (سعودي)(18500 وحده)

ثلاث سرعات..
دفع مروحة قوي
تبريد جيد..




مكيف ادميرال (امريكي سعودي)(18500 وحده)


كان فيه منه امريكي اصلي لكن توقف بسبب التجميع
مواصفاته الان عادية

المكيفات الصحراوية (اللي تتعبى مويه)

مكيف الجزيرة (امريكي) غالي بالمقارنة الا البقية لكنه مضمون

يوجد منه عدة انواع حسب قوة دفع المحرك وتقاس بقوة الحصان

حصان كامل
ثلاث ارباع حصان
نصف حصان
ربع حصان
سدس حصان
سدس حصان متحرك

دفع قوي يعتمد تبريده على برودة الماء المستخدم

مكيف الواحة (سعودي) نفس الطريقة

مكيف الراجحي (سعودي) نفس الطريقة


المكيفات المتحركة (داخليه)

تعتمد على طريقة الماء ايضا وتبرد المنطقة المجاورة فقط
فيه انواع كثيرة اشهرها

مكيف هاس (امريكي هندي)
مكيف رويال (هندي امريكي)

يوجد احجام متنوعه والوان مختلفة وديكور ايضا مختلف


قشطة الموضوع قصدي الزبدة

حسب الجودة وقوة التبريد وليس الدفع الهوائي

الدرجةالاولى /كولاين / جنرال / ناشيونال
الدرجةالثانية / ويست بوينت ديلوكس/ جبسون / ال جي / سامسونج
الدرجةالثالثه / هاس / دلفين / كرفت / ويست بوينت قديم
الدرجةالرابعه / ميتسوبيشي/ فالكون جديد وقديم / كارير

مكيف كارير صوته مزعج للغاية ويعتمد على دفع الهواء وليس التبريد
مكيف كولاين يعد الابرز حاليا
مكيف فالكون وكارير اعطال كثيرة ليست فنية لانهما من المكيفات الرائعه ولكن بسبب سوء عمالة الشركة الوكيل وسوء التجميل والحفظ
مكيف جنرال وميتسوبيشي الياباني المنقرض كانا من افضل الانواع
نصيحة / في التبريد عموما الصناعة الامريكية هي السائده بسبب الخبرة القوية

المكيفات الصحراوية غالبا تستخدم في الاماكن المفتوحه مثل بيوت الشعر والاحواش والجلسات الخارجية
مكيفات داخليه لاتفي بالغرض ولكن وجدت لتبريد منطقة صغيرة جدا لاتتجاوز مساحة الجلوس لاربعه اشخاص اي وجودها شي مساعد

الموضوع متعوب عليه واللي ينضحك عليه ياويله

نقد فني واي شي جديد بيوصلكم مستقبلا

اي استفسار لاي جهاز واي ماركة في جميع الاجهزة اللاكترونية او الكهربائية والمنزلية انا تحت امركم

الاسعار كلها عندي بس ماني معلم احد ههههههه

والله يعينكم على الصيييييييف وحره

يقول المثل .. هذا الشغل ولا بلاش


<<== متعدد المواهب على قولة المثل

إقتباس
الله يستر علي من عيون الفرق المتناحرة

وسي يو

على فكرة ترا فيه كثير انواع وموديلات لذلك صعب اني اكتبهم كلهم

[c] .. مجودي...&&...يحبكم .. [/c]

اخر تعديل كان بواسطة » عاشق الثنيان 15 في يوم » 30/05/2002 عند الساعة » 08:06 PM
اضافة رد مع اقتباس
  #2  
قديم 30/05/2002, 07:21 PM
زعيــم مميــز
تاريخ التسجيل: 24/03/2002
المكان: بلاد الله الواسعة
مشاركات: 1,677
مشكوووور اخوي
شغل متعوب عليه




اضافة رد مع اقتباس
  #3  
قديم 30/05/2002, 08:08 PM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
إقتباس
انا اكره هالشركة انها كورية بس ميزتها اسعار رخيصة مرة وبغت تخرب سوق المكيف الامريكي

@@ والله اني حبيت هالشركة الكوريه اللي بغت تحطم الامريكيه ,,

@@ والله ياخوي انا ما كرهه شئ في هالدنيا اكثر من هالامريكان وصنعتهم خذلهم الله .

@@ تصدق اخوي مجودي عندي صديق يعرفه البارق زين;) ;) ;) اسمه (( راكان )) وندلعه ريكي !!!!! صرت اكره امه لآن الجيران ينادونها ام.. ريكي !!!






سبحان الله والحمد لله ولا اله الا الله والله اكبر
سبحان الله وبحمده سبحان الله العظيم
لا حول ولا قوة الا بالله
اضافة رد مع اقتباس
  #4  
قديم 30/05/2002, 08:39 PM
موقوف
تاريخ التسجيل: 23/07/2001
المكان: $..الهوى..&&..ثنياني..$
مشاركات: 791
هلا عذاب العاشقين شكرا على تفاعلك
والموضوع كتبته لخدمة لكل المتابعين لان الصيف يكثر الطلب على المكيفات والناس تنخدع كثير ومبالغ ماهي بسيطة

حبي تيماوي

هلا بالغالي انا ماقصدت دفاعا عن الامريكي لكن ان المكيف اللي محركه امريكي هو الافضل ولا امريكا كلها تخسى باللي بها


يسلموااا على موضوعي المتعوب فيه
اضافة رد مع اقتباس
  #5  
قديم 30/05/2002, 09:40 PM
زعيــم مميــز
تاريخ التسجيل: 12/11/2000
المكان: السعودية _ حــائــل
مشاركات: 1,665
يعطيك العافية أخوي " عاشق الثنيان " ..

وموضوع حلو ورائع .. ومتكتك ومتعوب علية

وجاي بوقته مع أرتفاع درجة الحرارة وسخونة الأجواء ..


آلف شكر لك يا مدير المبعات ... أسف قصدي الوكيل الرسمي .




[ALIGN=CENTER][/ALIGN]
اضافة رد مع اقتباس
  #6  
قديم 30/05/2002, 10:12 PM
مشرف سابق في اللجنة الإعلامية
تاريخ التسجيل: 30/01/2001
مشاركات: 3,437
حيالله مجوود .. .

أسمع أنا ما أعرف ذالمكيفات خير شر .. .

<<=== تعرف ..... اللي عايشين في لندن (أيه هين)


بس أقووووووووول ....

لالالالالالايفوتك ... شف شففف شففففف توقيع حبي تيماوي

الــــحق قبل لا يغيره ;);)


اخر تعديل كان بواسطة » القلب الأزرق في يوم » 30/05/2002 عند الساعة » 10:15 PM
اضافة رد مع اقتباس
  #7  
قديم 30/05/2002, 10:45 PM
موقوف
تاريخ التسجيل: 07/04/2002
المكان: الظهران
مشاركات: 986
ما شاء الله عليك الاخ ميكانيكي ( ذبه مالها داعي)

و بعدين تقول اهل الشرقية و جدة يهونو جمب اهل الوسطى
ترى احنا اذا جت الرطوبة و الله لو تشيل ثيابك كلها ما تقدر
تقاوم .

بس بصراحة شغل متعوب عليه شكرا يا الميكانيكي (مصر على ذباتة الي مالها داعي)
اضافة رد مع اقتباس
  #8  
قديم 31/05/2002, 12:08 AM
زعيــم متألــق
تاريخ التسجيل: 20/04/2002
المكان: في أرض الزعماء
مشاركات: 1,154
Thumbs up أول مرة تكتب موضوع سنع

مشكور وما قصرت يالوكيل الرسمي

ولا تعبت يا مجودي البريء جداً
(امحق براءة)

المهم

والله خوووووش نصايح من الوكيل

ربي يعطيك العافية وما تقصر

سلاااااااام





..خآرج منـطقة التغـطيـة.
اضافة رد مع اقتباس
  #9  
قديم 31/05/2002, 12:35 AM
زعيــم فعــال
تاريخ التسجيل: 03/05/2002
مشاركات: 407
هي الله سديق ئاشق تنيان <<< وش رايك بــ هي الله

أيس فيه مشكل هازا مكيف

هازا سعر قالي كتير سديق لازم سوي ديسكاونت

علشان هازا حبيب أنتا تنيان ;)

شكراً سديق كومار قصدي يالوكيل الرسمي

أخـــــــــــــــوك
Nano <<<<< وموتوا قهر ياللي في بالي ;)






.. مـــرحــــوم يــارأس بالــثــرى مــدفــون ..
اضافة رد مع اقتباس
  #10  
قديم 31/05/2002, 02:44 AM
الصورة الرمزية الخاصة بـ السلطاني
عضو ادارة الموقع الرسمي لنادي الهلال
تاريخ التسجيل: 20/03/2001
مشاركات: 21,221
اخوي الغالي

واضح انك تمدح بضاعتك بحكم انك وكيل رسمي

ولكن خذ الحكي من شايب جرب اكثرانواع المكيفات

من واقع خبرتي

احسن شئ
1- جنرال القديم ........ولكن يحتاج الى كهرباء قويه علشان يبرد زين

2- ميتسوبيشى (خصوصا ميتسوبيشي دايا ) تبريد كأنك في الايسكيمو

3- الباقي كله زي بعضه

ملاحظه : تراك ظلمت الميتسوبيشي ظلم واضح

هو احسن مكيف في الوقت الحالي خصوصا بعد انقطاع الجنرال الأصلي

ميتسوبيشي دايا .......وبس
جربوه وقولوا السلطاني ماقال

لايغركم الرجال (عاشق الثنيان ) شكله وكيل كول لاين ويبي يصرف بضاعته






أول من نشر خبر القرن قبل صدوره رسمياً بساعات::اضغط هنا::

رحم الله سعود الزهراني ومن كان معه...رحم الله معزي السويلم..رحم الله أبو رغد....رحم الله NKD 753 .. رحم الله عبدالله السويري(أبويزيد)....لاتبخلوا عليهم بالدعاء

توضيح : لا أقبل إضافات نسائية في تويتر أوفيسبوك أوغيرها
نسأل الله لنا ولكم الستر فوق الأرض وتحت الأرض ويوم العرض
اضافة رد مع اقتباس
  #11  
قديم 31/05/2002, 03:38 AM
زعيــم فعــال
تاريخ التسجيل: 26/05/2002
المكان: رحال
مشاركات: 415
مشكور اخوي مجودي أفندي، والله هالصيف يبي له مكيف صدق 0




شكراً نواف
اضافة رد مع اقتباس
  #12  
قديم 31/05/2002, 08:01 AM
زعيــم متألــق
تاريخ التسجيل: 02/04/2001
مشاركات: 1,206
ونعم والله بمجووودي موضوعك ثالج جداااااااا وبثلاث سرعات

انا اقترح على ادارة الموقع فتح منتدى جديد تحت مسمى (منتدى الحر وضيقة الصدر ) ويخلونك المشرف عليه


الا على فكرة ماجبت طاري المراوح القعادية ؟؟

لا بصراحة موضوعك متعوب عليه وتشكر عليه

تحياتي يادختور الحر;)




اضافة رد مع اقتباس
  #13  
قديم 31/05/2002, 08:14 AM
موقوف
تاريخ التسجيل: 23/07/2001
المكان: $..الهوى..&&..ثنياني..$
مشاركات: 791
السلطاني

إقتباس
ميتسوبيشي دايا

مات انتهى ياحبيبي القديم انا اقول لك ممتاز 100%

لكن الجديد والله ماينفع بقرش وسعره اغلى من غيره

إقتباس
- جنرال القديم

هذا ايه ممتاز الحين وبعدين ويحتاج كهرباء صح

وعلى فكرة كل مكيفات 24000 وحده تحتاج لكهرباء كاملة لو ينقص شوي ماتبرد لذلك اللي عنده 24000 وحده ومايبرد زين يتوطا في بطن شركة الكهرباء


جمجوم صبحك الله بالخير

إقتباس
المراوح القعادية



الله يرجك هذي ماهي شغلنا لا وقافيه ولا قعادية ولا منسدحه


نواف

بسم الله عليك كنت عاقل نانو

وردة الهلال
موج الخليج الازرق
زعيم القرن
حبي سامي
القلب الازرق

اللي فوق كلهم انواع مكيفات اختاروا اي واحد

انا بختار وردة واحطها مكيف في الحوش
اضافة رد مع اقتباس
  #14  
قديم 01/06/2002, 12:10 AM
زعيــم مميــز
تاريخ التسجيل: 17/04/2002
مشاركات: 1,559
بالعكس .. ليه نشتري مكيفات ... انا بالنسبه لي ماشغل المكيف ابد ... ولا مره شغلت مكيف في البيت ...

أجي البيت القاها شغاله ... بس في الاساس انا شاريها ديكور بس

ترا سامع نشره باخطار المكيفات على الصحه ...

يقولون .. والي قال مدري منهو .. انو التعرض لهواء بارد بشكل مستمر في فتره الصيف يسبب مشاكل في العظام ...

مع السلامه ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:03 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2014, Jelsoft Enterprises Ltd

Google Plus   Facebook  twitter  youtube