|
أمتداد للمهازل التي حصلت للجمهور الهلالي في المباريات السابقه شاهدوا ماذا فعلوا رجال الامن وفي حادثه غير مسبوقه في مباراة نجران السلام عليكم ورحمة الله وبركاته مبـــروك الفوز ومبروك السبعه ومبروك السوبر هاتريك لياسر القحطاني اخواني الزعماء لأادري من أين أبداء ففي كل يوم يخرج علينا رجال وادراة الامن بنظام جديد وغريب في نفس الوقت ففي مباراة الحزم وابها تعرض الجمهور الهلالي لمهزلـــة لأادري مالهدف من ورائها ؟ وكتبت موضوع عن تلك المبارتين في موضوع سابق وهذا نصه إقتباس:
موجوده وأصحاب الشالات بعضهم يبيع والبعض الأخر منعوا من البيع لكن الملفت في النظر والشئ الغريب الذي حدث انهم منعوا من دخول قطعة الفلين التي تباع ب 3 ريــال لكي يجلس عليها وهذا شئ غريب وقرار جدا غريب وانا تفأجات عندما اشتريتها واقتربت من حاجز التفتيش أن رجال الامن منعوها وعندما وصلت أليه قلت له ياخي بعرف شئ واحد ليه ممنوع ؟ يعني لو أحذف فيها واحد مثلا بيموت !! ياناس والله قطعة فلين وجاني رجل امن ثاني وقلت ياخي مادام أنها ممنوع ليه تسمحون ببيعها قال من قالك تشتريها !! قلت له ياخوي من عرفت الدنيا وان اشتريها وش معنى اليوم منعتوها ؟ سكت وقال والله الضابط منعها مو انا وقال لو جيت امس كان دخلت فيها لان امس مو ممنوع ( يعني يبغاك تجي مباراة النصر ) ( أقسم بالله ان هذا اللي صار وهذه تعتبر مهزله وأستهداف لاأدري مالهدف من ورائها لكن يبدو أنهم يريدون تطفيش الجمهور الهلالي ) وعندما دخلت الملعب جلست يسار المشاهد امام الهجوم الهلالي ومع بداية الشوط الثاني انتقلت للجهه الاخرى يمين المشاهد امام هجوم الهلال لان مثل ماأنتم تعرفون المباراة على باب واحد حتى ان الدعيع قام يتكي على العارضه ويشرب شاهي ... هئ هئ المهم بعد مارحت للجهه الثانيه تفاجات بوجود قطع الفلين ولااعلم هل دخلوها بالخفاء أم ان قرار المنع جاء متأخرا" يعني على كيف كيفهم يمنعون باي وقت والاغرب ان قطع الفلين موجوده وبكثره عند رجال الامن ربما يبسطون فيها في المباراة الجايه ويبعونها ... مع احترامي لرجال الامن في الملعب لكن مايحدث للجمهور الهلالي خاصه تعتبر مهزلـــــــة لكن اقولهم والله لو تمنعون اللي تبون نحن خلف الزعيم حتى لو تحطون المبارة الفجر ودرجة البروده 50 تحت الصفر وهطول ثلوج على مدينة الرياض وتشدد امني غير مسبوق سوف نقف مع الزعيم مهما صار ومهما حصـــــــل ... وتقبلوا خالص تحياتي منتدى الزعيـــــم لسنا الوحيدون ولكننا الأفضــــل لانبحث عن الأثارة بل نبحث عن المصداقيــة بجاد بن بجاد ال بجاد |
يابعد روحي يابجاد هلالي صميم يالله يقول المثل :تسثحك يا.... على قرونك ماحد يقدر يوقفنا |
هلا وغلا اخوي والله دايم رجال الامن معقدين جمهور الزعيم اتمنى ان القى اجابه وافيه للسوال لاكن سيبقى جمهور الزعيم جمهور وافي مهما حصل من مهازل وسيبقى الزعيم زعيم تقبل تحياتي |
ياخي انا معك اتسأل لماذا المضايقات دائمة لجمهور الهلال فقط وخاصة في الرياض ؟؟؟ ولكن انصحك وانصح كل واحد يجد مضايقة ان يرسل للبريد الالكتروني الذي اقرهـ ابو فيصل وصدقني لن يسكت ... واليك الايميل : [email protected] |
يا رجال لا تدقــق اعــداء النجــاح واجــد ويــبــقــى الــزعــيـم عــمــهــم وحــارق دمــهــم |
رجال الامن ناس نفتخر فيهم مايقصرون لكن لو تجي لمؤهلاتهم ماحولك احد يعني العاطفة عندهم أحيانا توديهم يمين وشمال اللي بيحضر المباراة يصبر على (( بعض )) رجال الأمن المتخلفين |
توك تدري ياخي يبغون يطفشون الجمهور الهلالي نسيت الحادثه الي حصلتلي مبارات الحزم اكيد تذكرها بس لو يئسون الي يسؤؤن حاضرين حاضرين انشاءلله |
والله اني حاس بحرقتك .. تلقى الظابط نصراوي او اتحادي وحاقد على الجماهير .. ويصدر قرارات من راسه .. بصراحه نحن شعب دائما مظلوم .. اي شخص يقدر ياخذ حقنا ولا نقدر نسوي شي .. مساكين !! |
لكن احدئ الاعضاء وعدني انه يوصل معانات الجمهور الهلالي للامير عبدالرحمن بن مساعد |
هلا والله اخوي بجاد والله امس رجعت للسيارة 3 مرات مره خويي كان لابس جكيت جيشي قالوا له ارجع قلنا هذي ميخالف والثانيه كان معي قلم رازهـ في مخباتي اللي قدام قال القلم ما يدخل قلنا ميخالف الثالثه قال السبحه ما تدخل ...معد بقا معي شي ما بقى الا يقول قطع ازارير ثوبك ممنوع الازارير قسم بالله تخلف الى ابعد درجة وعلى هالحال ما راح نتطور والله يعينا عليهم |
في الدول المتقدمة آآآآآآآآآآآي مافيه شيء اسمه ممنوع لانهم يتوقعون الأفضل من الجماهير ولأن الحملات الاعلامية متواصلة مع الجماهير والجمهور يستوعب في غالبه هذه الحملات وينفذها اما هنا فالجمهور محروم من أي تثقيف ولا يعرف ماهو الممنوع بالضبط وماهو المسموح ففي مباراة تتفاجأ بشيء ما مسموح وفي الأخرى ممنوع ثم تأتي بعدها بمباراة او اثنتين لتجد نفسك أما قائمة سوداء مخيفة من الممنوعات يجب أن لاتحملها ثم يأتي يوم آخر لتجد أن هذه الممنوعات قد فرج الله أمرها وسمح لها بالنفاذ إلى داخل الملعب يارئاسة الشباب ياسمو الرياضه ويانائبه ننشادكم بتثقيف الجمهور عما هو مسموح به وما هو ممنوع ونناشدكم بوضع حل لمشكلة رجال الأمن وتعاملهم أحياناً مع الجماهير وايضاً تثقيفهم وافهامهم ماهو مطلوب منهم وماهي الادوات الممنوعة وماهو المسموح به والتقيد به وعدم تجاوزه لأي سبب كان |
ههههههههههههههه شر البلية ما يضحك وربي اخي بجاد احيي فيك حبك للزعيم وهذا والله المفروض يكون عليه الجميع في كل مدن المملكة فعن حب وتشجيع الزعيم لن يمنعنا احد مهما كان اما المنع فصدقني ان الافراد ليس لهم الا ان ينفذو امر الضباط البلا كله من اهل النجوم كل واحد يسوي اوامر على كيفه لكن ان شاء الله اميرنا المحبوب يوقفهم عند حدهم |
الله المستعآن ..!! والشكوى لله :) |
بدأ الحرب على الزعيم................. |
صدقت يا بجاد ولله مشكله .. امس شريت ثلاث قطع فلين ووالمح الزباله السودا اللي عد التفتيش ( تكرمون ) قلت هونت ما ابي فلييين وعطني قروشي مهب مدخلينها :d واخذ قروشي ورحت للتفتيش قسم بالله ما خلوا شي فيني الا فتشوه حتى الجزمه الله يكرمكم قال افسخها :d تراي مهب شبهه والله شكلي عادي :razz: .. انا ابي اعرف ليش هالتعامل مع جمهور الهلال ... الي يبي يشوف الفرق يحضر اي مباراه للنصر ويشوف التعامل :yes: <<<< حاضر مباراه النصر :d انا ودي ادري ليش ما يفتحون الدور الثاني :upset: كان العسكر بينظفون الملعب :d المشكله ما فيه شي ينظفونه لا اكل ولا مويه ولا شاهي . بس فصفص والهوا يتكفل بتنظيفها .. المشكله ان المباراه مع نجران لو مع فريق مثل الاتحاد النصر الاهلي يمكن :d لاهنت وعذرني هالاطاله لان شي فالصدر ويدي اظهره من القهر :upset: سلام :smilie47: |
| الوقت المعتمد في المنتدى بتوقيت جرينتش +3.
الوقت الان » 04:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd