|
صب لك بيالة شاهي .. واسحب لك كرسي .. واقعد دردش معانا ( نلتقي .. لنرتقي ) صبحكم الله بالخير وشلونكم مع البرد الي يدغدغ العظام ( قال يدغدغ قال :d ) ابدخل بالموضوع وقبل اي شي افيد الجميع ان هذا الموضوع ليس موضوع تحليلي او مناقشه في امور الكوره بالخصوص وانما هو عباره عن رسائل يوجهها الكاتب المسكين الى مجموعه من الاصدقاء ان اعجب بها الزوار فيشرفني تواجد ردودهم ومعرفة اراءهم وان لم يكن كذلك فالاكيد اننا خسرناهم وليعلم الجميع اني اعي كل مافيها الرساله الاولى الى اخوي ( R D H ) ابراهيم حيث اني اشكره على تشريفه لي باستشهاده لكلمات لي في موضوعه وعذرا منه على عدم مشاركتي بموضوعه قبل ان يتم اغلاقه ( ياكثرهن اليومين :bigeek: ) فاحيانا تدخل بيتك وطيران للغرفه حقتك من غير ماتسير على الصاله و الا المجلس واقصد بالغرفه الرابطه الا ان كنت جوعان وتبي ايقاف فتحارش المشرفين شوي بالمطبخ ههههههه احم احم :naughty: الرساله الثانيه لاخوي الغالي skroo تعقيبا على استطرادك في ردك بموضوع ابراهيم فاني ابين هنا واقول شخصيا لم اتحدث عن برشلونه بشي بقدر ماتكلمت او تحدثت عن قوة صمود الريال وتحمله الاوضاع السيئه المتلاحقه عليه واني مجدت ذلك ورايته كبيرا في عيني ان يصمد الفريق الى قرابة الثمانين دقيقه يبحثون عن تعادل او يرزقون بهجف مباغت يقتل كل من شاهد المباراه فرحا او غضبا اشدد على الروح والاصرار والمتعه من ناحية او من مبداء " الجود من الموجود" وهذا كل موضوعي وهذا ماعقب علي ابراهيم وازاد عليه بعض التواريخ وان كانت السعيده لنا فلشخص اخر الحق بذكر التواريخ السعيده له لم اقلل من فوز البارشا فالعاقل يعرف ان الفوز بالكلاسيكو ينتظره انصار الفريقين وهذا لاشك فيه كما هو الحال بكثير من الديربيات الكبيره الرساله الثالثه الى المشرفين عامه و" اسير الزعيم" خاصه احترم ايقاف موضوعي ولن اناقش فيه رغم تعجبي من عدم ذكر السبب والذي كنت اتوقع انه لما ذكره بعض الاعضاء من سوء ردود والفاظ نابيه فهنا يقال ان السفينه اذا غرقت غرق كل راكبيها لكن ان يقال ان هناك استديو تحليلي فاسمح لي بقول التالي 1- ان موضوعي لم يكن تحليلا للمباراه او حدث خاص بها 2- حتى وان انعرجت الردود لتحليل بعض الامور فلايمنع ذلك من متابعه هذه الردود وقرائتها من قبل الزوار ولسنا هنا ملزمين بدخول موضوع معين لابداء ارائنا نومن بالتنظيم والتنسيق لكن قليلا من العفويه وعدم التقييد سيخرج لك كثيرا من الكتاب والمواضيع الجميله وسينعكس هذا على المنتدى وعلى مرتاديه و و و و و ولا اظني افهم منك او منكم بهذه 3- حين توجد بعض الردود البذيئة اللفظ ويغلق الموضوع فماهي حقوق صاحب الموضوع ... اتوقع انها لاشي وعليه فاني بامكاني اغلاق موضوع يكتبه اي احد بوضع همز ولمز به وضرب من تحت الحزام كذلك الحال مع موضوع ابراهيم اريد فقط منه ان يجيب على اسئلتي كم من الوقت استغرق في كتابته كم من الجهد كم من التعديلات قام بها كله راح بح وكل سنه وهو طيب ولا اتحدث هنا عن اعضاء مدريدين بل اتحدث عن اعضاء منتدى حتى لو كان عضو برشلوني كاتب الموضوع نفس الكلام ينطبق عليه الرساله الرابعه الى المشرفين بالاضافه الى الاعضاء ( 2 في 1 ):naughty: يعلم الجميع ان متعة الكره نصفها في مايلي مبارياتها من تعليقات وطناز وعيار لايتعدى الخطوط الحمراء فمثلا تسحيب روبينهو ببويول و اصطدام كنفارو و و و و يحوره الاعضاء ويجعلونه مضحك وهذا لاباس به وشخصيا اطالب به ومن حق الطرف الاخر الرد على تصوراتهم سواء بعرض رد او تبيان او حالة مشابه ( كاصطدام ايتو بالعمود .. الله لايعمينا :d ) او باستلام لقطات اخرى كاحتفال اسرى غزه عفوا اقصد ايتو بهدفه ونكبره ونجعل منه ماده دسمه تقدم مع الافطار سوالي هنا ماهي الخطوط الحمراء ؟؟؟؟ شخصيا اعلمها من وجهة نظري لكني لا اعلم ماهي عندك وهل انا وانت نعلم ماعند غيرنا اقول ان الاساءات الشخصيه التي تمس الاعضاء هي الخطوط الحمراء وماعداه بخصوص الاعبون فلاباس به هذا من وجهة نظري البسيطه والله اني اضحك احيانا حين ادخل رابطة البارشا على تعليقاتهم ليس انها سخيفه لا والله ولكن توجد تعليقات مره مضحكه حول لقطه معينه تضحكك حتى وان كنت مدريدي واموت كثيرا حينما اقراء تعليقات المدريدين على لاعبي البارشا باعتبار انها اقرب للقلب ( اقصد الريال والبارسا ) الرسالة الخامسه للتاريخ .. هل سبق ان قام مشجعو فريق بالتغني بالهزيمة ان كان لا .. فما السبب ؟ الرساله السادسه الى مشجعي الريال فقط دقيقه صمت خاصه بغياب روبين عن الكلاسيكو :d ص : لروبين وغسيل الملابس الي سواه امس هذا كل مالدي والذي اقصد به التطوير والتبيان والتوضيح معا لي ولغيري اجتهدت وكتبت ولا اعلم ان كان لي الحظ بان ارد ام لا الا ان حرصي هو مادعاني احتسي قهوتي هذا الصباح مع هذه الكلمات اثرت ادراج القصد بطيب نفس ومزح في تارات لاضفاء قليل من الصفاء للموضوع امل ان لاتغيب عن بالكم لب القصيد للجميع الحق في التعليق والاضافه والرد سواء اقتنعت بما قلت ام لم تقتنع فيهمنا ان نعرف هل نقتنع نحن بما لديك ام لا اخوكم فهد الداب الثعبان الازرق |
الاخ فهد يشهد الله اني احبك في الله واكثر واحد يعجبني مواضيعه مع اني برشلوني:d شغله تقفيل المواضيع المشرفين ما شاء الله متشددين هنا وحتى لو صاحب الموضوع تعب وماله ذنب في ردود الاعضاء لكن يالله تعيش وتاكل غيرها :d تقبل مروري |
بالله لو سمحت انا ابغى نسكافيه :d :smilie47: يا الغالي هو مرور سريع ... انا ما ادري وش اللي دار خلف هالمواضيع :yes: لكن من وجهة نظري مثل هالمواضيع تسبب حزازيه ومشاكل واخرها ايقافات :yes: لان بصراحه فيه اعضاء هنا تحس انهم راضعين مع لاعبين الفريق من ام وحده :d من جد فيه ناس ما تهتم لموضوع انها مجرد كورة وحتى عشق نمشيها ... فيه ناس يهاوش اخوه هنا عشان فريق والله ما درو عنه ... الاعبين بعد الخسارة يفلونها عصير تفاح ونوادي ثقافه عامة ليلي وهو يهاوش خويه ويسبه :d وهذا الكلام من واقع تجربه وشفته هنا كثير ... ايقافات من ورى مثل هالمواضيع :yes: وصدقني انت تقول ان الموضوع متعوب عليه ... الذنب مو ذنب مشرف ولا صاحب الموضوع ... الذنب يحسب على الاعضاء اللي يردون باساليب استفزازيه ويحولون مسار الموضوع ويضيعون تعب كاتبه :yes: حقيقة الشي اللي ممكن اتكلم عن المشرفين فيه هو انهم ليش يخلون الموضوع لين يوصل عدد ردود لا باس فيه بعدين يقفلونه بحجة وجود استوديو :surprised: يعني اللي اقصده المفروض عشان هالعذر يتقفل من اولها :yes: لكن يحسب لهم حقيقة ان اي موضوع يتقفل يوجد بالاخير رد من المشرف اللي قفله يذكر فيه السبب :yes: يعني فيه مواضيع لي حذفت من ثلاث اقسام هنا بدون ذكر اسماء ... حذفت بدون ما اعرف من حذفها وايش السبب :stoned: لكن هي كلمة لك اخوي ولكل من مر على كلماتي :yes: والله والله والله ان مشرفين العالميه ان لم يكونو الافضل ورقم واحد فهم بلا شك اسمائهم في صدارة الافضلية وبدون نقاش :smilie47: تعاون ... وروح حلوه ... شخصية متواضعه ... تساهل في كثير من الاحيان ... متابعه لكل شي اول باول ... مع كثرة البطولات والمسابقات وكل دوري لحاله قصه مع ذلك قادرين ينسقون هالاشياء والاحلى من هالشي محبة الاعضاء لهم :smilie47: وعلى فكره الاقسام الثانيه يحسدونا والله على مشرفينا :yes: وعشان اختصر لك اسال مجرب على قولتهم :yes: والله مشرفين العالميه ما رح تعرف قيمتهم وقدرهم وحلاوتهم الا اذا جربت التعامل مع غيرهم في اقسام اخرى .. وما اقصد قسم معين لاني جربت بصراحه عدة اقسام صار فيها مناقشات مع مشرفينها و والله اني اقول الحمد لله اني بالعالميه بس :stoned: :smilie47: شكرا للجميع بدون استثناء s60s وان كان عبدالله اسير الزعيم ... واحمد هلالي مووت هم الاقرب لي تقريبا :yes: لكن والله اني اعلم تماما ان الجميع هنا عارفين شغلهم ومتساهلين كثير بس لسبب واحد ... هو كسب حب ورضا الشباب عشان يصير الجو اخوي وفيه تعاون كبير s60s ما ودي اطول :smilie47: لكن باختصار الباب اللي يجيك منه ريح الله يقلع اللي ركبه :d :smilie47: يعني اللي اقصده اذا ودك تعرف قيمة انك انت عضو بالعالميه تحت مشرفين مثل اللي موجودين حاليا رح لقسم ثاني وشف هل كلامي اللي كتب هنا صحيح او مبالغ فيه وبعدين تعال عطني وجهة نظرك :stoned: :smilie47: شكرا للجميع :smilie47: وشكرا لي انا شخصيا اللي تعبت وانا اكتب هالكلام :d :smilie47: |
السلام عليكم ورحمة الله وبركاته الله يعطيك العافية على كلامك :smilie47: وبخصوص رسالتك فوصلت لي وخلاص انت فهمت قصدي في ردي وانا فهمت قصدك في ردك <== تنفع قصيدة ابتكلم بخصوص المشرفين فبحكم عشرتي معهم لاكثر من سنة في اللجنة فهم من خيرة الناس ويتعبون تعب غير طبيعي في اللجنة مع بقية الاعضاء واشياء تصير ما تدرون عنها , لكن الله يوفقهم ويسدد خطاهم ومن ناحية تقفيل المواضيع فهذي معضلة ومستحيل تنحل في اي منتدى لان الاراء ووجهات النظر تختلف وهنا في الزعيم ان شاء الله اننا دائما متفقين , وانا اشوف ان تقفيل موضوع بسبب الردود غلط وسبق وابديت وجهت نظري هذي للمشرفين واقول راعي الموضوع حرام يتعب ويتقفل بسبب الردود , راعي الردود المخالفة هو اللي يتحاسب تسلم يالغالي :smilie47: الهلالي 11 :smilie47: اتفق معك يا ابوداحم ان بعض الناس الله يهديه حساس بالتعصب بشكل غريب :D يعني اذكر واحد يشجع نادي معين حطيت صورة رئيس ناديهم وذبيت عليه , راح وحط صورة رئيس اليوفنتويس وقام يذب عليه خير ؟ هههههههههههههههههههههههههههههههههههههههههههه يحسبني ابزعل والله لو انه ابوي والا اخوي :D فبعض الناس ودك تفرمت راسه قسم بالله والله لا يهينكم جميعا واعذروني على الاطالة ورده |
السلام عليكم ورحمة الله تسمح لي أشرب قهوة معاك كضيف جديد ومفعم بالحماس :d:smilie47: بكل صراحة أود التعليق على ( الرسالة الخامسة ) أنا معاك تماما أن الردود والكلام بعد المبارة له متعة طبعا دون أن يتعدى الحدود ولكن وجهة نظر المشرفين أتوقع هي خوف من إنجارف بعض الأعضاء في الردود وعدم تمالك أنفسهم لذلك هم توحو الحذر لكي لا يخسرون أعضاء هذا المنتدى الغالي والأعضاء هم أغلى مايملكون ولولاهم لما قام هذا الصرح الكبير وأنا من الذين يستمتعون للردود بعد المبارة والتعليقات الجميلة ولكن أراء المشرفين على رأسي وهم لهم الخبرة الكافية تحياتي لك وتقبل رائي المتواضع .... ــــــــــــــــــــــــــــــــــــــــــــــــــــــــــــــــــــــــ وفي هذه المناسبة أود أنا أشكر العضو المميز ... أبو حمد_ mi لأنه هو الذي نصحني بأن أنخرط في هذا المنتدى الأكثر من رائع :smilie47: |
هلا فهد .. كيف حالك .. بشر عن الصحه .. بالنسبه للقضية بشكل عام فـ بصراحة حنا يالمشرفين والله نحاول قد مانقدر نرضي جميع الأذواق لكن زي مايقولون رضى الناس غايه لاتدرك .. وبصراحة اكثر عرفت هالقاعده اكثر من خلال هالقضية .. يعني من سنين وحنا نعدل ونبدل ونشيل ونحط ومع ذلك تحصل مشكله هنا وهناك .. لكن الحمد لله حاليا والموسم هذا بالتحديد خفت الامور هذي بشكل ملحوظ وهالشي نشكر عليه المشرفين والاستشاريين وطبعا باقي الاعضاء الي بدونهم صعب انك تحرز أي تقدم .. المشكله زي ماقلت لك يافهد هي بعض العقليات أو التفكيرات .. بعضهم مايبيك تحرف باسم لاعب من لاعبين فريقه او تحرف باسم فريقه .. وبعضهم مايبيك تتكلم عن لاعبين فريقه حتى لو كانت وجهة نظرك وحتى لو كانت صحيحه .. بينما في الطرف الآخر بعضهم لو تسفل بفريقه تسفيل ماعنده أي مشكله .. لكن بصراحة بعضهم يفله بزود .. تلقاه يتكلم عن مشجعي الفريق الآخر واذا نبهته قالك انا اقصد المشجعين الغرب .. طيب ليش ماذكرت انهم الغرب .. لحاجة في نفس يعقوب .. القضيه متشعبه يافهد بشكل كبير .. القضية قضية مفاهيم واعتقادات وعقليات .. فـ الي حاصل شد ورخي .. ومن هالمنبر أتمنى من الشباب يتعاونون معنا سواء بالإبتعاد عن الأمور الي تسبب حساسيه أو الي تسبب مشاكل .. يعني صحيح انك جالس تتكلم وتسب في لاعب كافر وكذا .. لكن برضو انت عارف ان الشيء هذا بيسبب مشاكل او استفزازات للطرف الآخر .. ابتعد عنه .. لكن المصيبه ان الي حاصل من القليل من الاعضاء هو البحث عن الاستفزازات .. لأغراض مختلفه .. سواء انا قوي شوفوني اذب او ترا فلان ماعندك احد او او .. وبالاول والأخير لانتب مستفيد شي وبالعكس ممكن تحصل على انذار او تبعاته .. شاكرلك فهد وتقبل مروري قفله المشرفين ماهم إلا بشر ورده |
الـ ؛ ؛ ؛ ــلامـ عليــــكمـ ! ! ! بخير وللهـ الحمد ! ! ! انتـ اخباركـ واللهـ منـ زمانـ ما سيرتـ على الغرفهـ الليـ قصدتها فيـ السابقـ . يعلمـ اللهـ انيـ احبكـ فيـ اللهـ معـ انيـ لمـ تعاملـ معاكـ . ! ! ! منـ ناحيتـ البرد هو بسـ يدغدغـ الا يفطسـ ! ! ! إقتباس:
واللهـ انكـ صدقتـ فيـ هذيـ الناحيهـ هيـ بسـ شوارعـ الا طلعـ مخططـ ومهندسـ طرقـ سريعهـ . ! ! ! على العمومـ هذا الليـ كانـ عنديـ ويسلموا على هذهـ الرسائلـ وانـ شاء اللهـ تحلـ مشكلة المواضيعـ المغلقهـ والليـ كثرتـ فيـ الاونهـ الاخيرهـ . ! ! ! اسفـ على الاطالهـ والخربشهـ ! ! ! . كانـ معكمـ منـ ارضـ العالميهـ . @ الزعــ totti ـــيمـ @ |
إقتباس:
خسارة الريال من البارسا كانت حلم ولذلك لاتستغرب الاحتفال الكبير والفرح الأكبر به وعودة روبين خبر سعيد ولكن ستكتمل السعادة لو اصبح لدى الملكي روبين جديد في الطرف الآخر بينما سعادتي الشخصية ترتبط في عدم قراءة اسم المدريدي رقم 35 (مايبي يقول اسمه) الا في فترة الانتقالاات القادمة ربي يعطيك العافية أخوي الثعبان ويحميك من الايقافات في كل مكان :D |
لا تنسون خســـــارة فالنســــيآ آآآآآآآآآآخ بس |
(اسير& المحبة ) شرف لي يابعدي وموضوع راح بخيره وشره الا قل مواضيع وايقافات سابقه ترى خويك راعي سوابق وكاس العالم مهوب بعيد :stoned: إقتباس:
ولو ماهيب نظرتنا لهم نظرة اعجاب ماناقشناهم كذا الا قل وش مقعدنا بالمنتدى الا مشرفيه الصح ( احتمال مايلغى لي اي موضوع من اليوم :d ) اتمنى ان مايفهم الموضوع بهذه الصوره شاكر لك مرورك ولاتنسى تدفع الحساب :naughty: S U L A I M A N هلا بسلووووم ( يمون على ولد عمه:smilie47: ) منور بطلتك علينا اتفق مع ماذكرت جمله وتفصيل الا ان موضوع وضع الحل لذلك مطلوووووب مثلا تجد موضوع يرد عليه احد المشرفين كمشارك او اثنين بعدها يغلق الموضوع من مشرف اخر لسبب معين يوحي لك الامر انه اجتهادي الاغلاق ليس تقليلا من المشرف المغلق للموضوع فقد تكون غايبه عن سابقيه لكن ليست مره او اثنتين تحدث وضع استراجيه بينكم مطلب مهم شخصيا لست اكثر منكم خبره في هذا المجال لكني اسالك وش رايك بمواضيع العالميه الان هي والا قبل سنه او سنتين من اول المواضيع الي ردودها كثيرهومثيره كثيره ومولعه الان اغلبها اخبار ( موجوده بالروابط ) وقلة منها مواضيع المنتديات تقوم على المواضيع وعلى نشاط الاعضاء وعلى منح كامل الصلاحيه للكاتب بالتعبير عن رايه بالطريقه والشكل الذي يريد ومن يرغبه القراء سيردون عليه والعكس صحيح بالعربي الميدان ياحميدان والي مايعرف يسبح بيغوص بالبحر ولاحد داري عنه ما اتحدث عن ابجديات اللغه بقدر ما اذكر المفاهيم والمبادي والفلسفه الشخصيه وهي الاهم لا املك لغة ارقام لكن ان كنتم تريدون ذلك خذ لك شهر من اشهر السنه القبل ماضيه واحسب المواضيع ونسب الردود وقارنها هذه السنه اغيب كثير وارجع القى مواضيع موجوده للعلم هي اخباريه اكثر مما هي موضوعيه بالصفحه الاولى للمنتدى علامة تعجب اين المواضيع الجديده صحيح ان الروابط اخذت جل الاهتمام لكنه سيكون بالاخير عباره عن منتديات وسط منتدى وصدقني على هالوضع بنجد انفسنا مانعرف اعضاء الليفر واعضاء مانشستر مايعرفون اعضاء البارشا وقد اعذر نفس الان ان حصلت لي اني اغيب فترات عن المنتدى وقد لا اتمكن من معرفتهم اعلم تمام العلم ان المشرفين بشر ولو ماهم كذلك لما كنا ايضا اعضاء بمنتدى يشرفون عليه وحبنا وحرصنا واهتمامنا واحساسنا بالمسولية المشتركه هي مادعتنا الى كتابة هذا الموضوع واتمنى ان لاياخذ المشرفون هذا الموضوع بانه مساس بهم ولكن القصد من ذلك هو توضيح الاستراتيجيه والمنهجيه المتبعه علشان نلعب على مود واحد فموضوعين بظرف اسبوع لسبب واحد بعد ان تشبع ردود ويكون بينهم مشرفون.. تعتبر بوجهة نظري غريبه والله من وراء القصد |
@ الزعـ totti ـيم @ وش يدريك اني كاتب هالرساله لاحسس جمهور الريال بمدى حسافة غياب روبين :upset::upset: هلالي ثنياني هلا وغلا منور الحته ياراجل وشلون الولد ماسجل بالمنتدى :d اتوقع يكون عضو ايقافااااااات الله يصلحه يارب ذكري للمطبخ لانه ملي بالالات الحادت سكاكين وسواطير وماشابه وهو ماقصدت به بالهواش او المحارش صعبه اقول تحارش المشرفين بالبلكونه :d:d:d يالله اقول اتغزل بهم ههههههههههه معنى مجازي اتمنى ماتاخذه وتفهمه غلط يابعدي شاكر تواجدك |
|
هلا أخوي .. ورده ما أعتقد فيه شي أزيده على كلام الإخوان اللي فوقي ..!! وأعتقد اللي قارب للكلام اللي كنت بـ قوله وأوفى عني .. الدحمي :smilie47: المشرفين ما ينلامون والله .. وصراحة انا جربت وكتبت موضوع بـ قسم معين وتقفل بـ يومه والله ما إشكتيت .. تدري ليش ؟ لأنه خارج القسم اللي أنا متعود عليه وما أضمن ردة الفعل من مشرف القسم يعني والله إحنا محسودين على مشرفينا اللي هنا :smilie47: نقطة ثانية حبيت أعرج عليها ..!! بالنسبة للقفشات اللي تأيدها .. والصور والضحك والمزح بين الأعضاء ..! أنا مؤيد لهالشيء لكنك ماتضمن ينبرش عليك عضو غير اللي تخاطبه :d مثال : كنت حاط صورة كانفارو وهو يشيل العارضه :naughty: وقاعد أمزح مع الغالين شباب مدريد .. لابد مايجيك واحد ويعتبر الأمر جدي ..! ويحاول يستفزك أو يعتبر اللقطة اللي جبتها إستفزاز له .. :) عشان كذا ما راح تنجح ونتاجها أحداث وخيمة على القسم بشكل عام ..!! أضف إلى ذلك إن عقليات الأعضاء تختلف من عضو لـ عضو بعضهم تجده حساس من هالناحية ومايحب يشوف لقطات مثل كذا ..! وبعضهم مرح وروحة عالية ويحب المزح وبعضهم ما عنده إلا سب وشتم وهؤلاء قليل إن شاء الله :) وبعضهم يمشيها لك لكن يبقى بباله يوزرك .. الخ ... !! العقليات مختلفة وصعب إنك تطبق اللي تبيه على كل الأذواق :smilie47: قبل كل شي أحييك على قيادة دفة النقاش الحلو .. لاهنت يا غالي :stoned::smilie47: برايفت للمشرفين بس :d ماقصرتوا معنا ولا راح تقصرون إن شاء الله .. ورده |
المشكلة الكبرى هي بوجود أعضاء يدخلون منتدى العالمية وقت الديربيات والمباريات القوية وتكون ردودهم استفزازية وقوية ولايعلمون عن القوانين اما من يعرف منتدى العالمية يعرف الردود الغير مرغوبة ’’ والله يعين الاعضاء والله يعين المشرفين .. |
هلآ فهد :smilie47: كلآم الإخوآن اللي ردوا قبلي صحيح , فيـه نوعيآت أو بـ معنى أصح عقليآت متخلفـه , أدنى كلمـه تنقآل بـ نآديـه يقوم الدنيآ ويقعدهآ , على بآلـه عشق :d ْ و مثل مآ قآل عمر كآرليتوس :smilie47: العقليات مختلفة وصعب إنك تطبق اللي تبيه على كل الأذواق :) بعضهم أي كلمـة ممكن يعتبرهآ تحرش أو إنتقآص من نآديـه , و لـ الأسف بعض هالعقليآت والنوعيآت مآ عرفت الكورهـ إلآ أمس :) ويبي يفهم غيره إنه يعشق النآدي الفلآني ! وممكن يكون هالكلآم سبب هالمعآنآة :) بـ النسبة لـ المشرفين مثل مآقآل دحمس واللـه , مشرفينآ محسودين عليهم واللـه ؛ يحآولون بـ شتى الطرق يرضون جميع الأذوآق و أصحآب الميول المختلف , لكن بعض الأعضآء يحآول إنه يظهرهم بـ صورة قبيحـة أمآم الغير , مآ ودي أذكر أسمآء بس لـ الأسف أعرف كم وآحد يفكرون بهالطريقه , لكن لـ الأسف هذآ اللي حآصل :( ! بـ خآطري كثير حكي بس أكتفي بهالرد البسيط , دآب :smilie47: اللـه لآيهينك يالغآلي ؛ مآقصرت ! . . ~ |
| الوقت المعتمد في المنتدى بتوقيت جرينتش +3.
الوقت الان » 01:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd