حقوق المعلمين هدر مال

هدر الاموال كلمة بحثت عنها كثيرا في من اطلقها وصرح بها قلت لعلها خرجت من شخص عرف عنه الزهد او كراهية البذخ واشير له بالمصداقية وكذلك اخلاصه في العمل

ولكن لا ادري ماذا كان يقصد بهدر الاموال اعتقد أن له مقاصد آخرى ابعد من حصرها في حقوق المعلمين الذين سهروا الليالي من اجل الحصول على المؤهل الذي يجعلهم قادرين على القيام بأعباء التعليم على اكمل وجه
وكذلك تم تعينهم على حسب كفاءتهم ولم تدخل الواسطة ولا المحسوبية لتوظيفهم

وبعد قطع تلك الصعوبات التي استطاع اجتيازها يتفاجأ أن زميله الذي اللتحق بالعسكرية راتبه اعلى منه بل حتى عمله اكثر مرونة وراحة من عمله

بل حتى نظرة المجتمع للمعلم صارت دون المستوى وذلك بفضل قرارات الوزراء السابقين التي تعاملت مع المعلم على أنه آلة عليه القيام بكل واجباته بدون أي اعذار او تقصير
24حصة مع اشراف وحضور الطابور ومتابعة انصراف الطلاب وغيرها من اعمال ادارية حملتها الوزارة إلى المعلم ومع ذلك لم تقف فالاجازات التي يتمتع بها المعلمين ستبقى صداع للوزارة حتى تتمكن من تقليصها

وبعد كل الاعمال التي يقوم بها اغلب المعلمين بأستثناء شرذمة قليلة وجدت من يعينها على الاهمال من قبل ادارات التعليم فالواسطة في اغلب ادارات التعليم فوق كل لائحة او نظام
يقال أن اعطاء المعلمين حقوقهم هدر للاموال

فأنا اريد أن اعرف من قال هذا الكلام اسئلة اريد لها جواب

فالسؤال الاول يقول لماذا مدير التربية والتعليم في اغلب المناظق وكبار الموظفين بأدارات التعليم يتواجد لديهم اكثر من ثلاثة او اربعة او خمسة موظفين بمسمى سكرتير
فهل بالفعل يحتاج مدير التربية والتعليم إلى خمسة موظفين
فأن تمعنت في هؤلاء الخمسة وما يفعلون لوجدت واحد نائم بالبيت ولا من شاف ولا من دري
واثنان يقرؤن جرائد وآخر يصب القهوة لمدير التعليم والاخير يصرف المراجعين
اليس هذا من هدر الاموال
لو دققت الوزارة على ادارات التعليم لوجدت موظفين لا داعي لوجودهم

والسؤال الثاني الوظائف التي اعتقد أنها من افكار البشوات(كبار الموظفين)لكي يوظفون ابنائهم او قرائبهم
وهي وظيفة كاتب بالمدرسة
فأنت ستضحك كثيرا أن سألت ما دور هؤلاء او ما هو طبيعة عملهم
او ايضا لو سألت كيف تم قبولهم وتوظيفهم فأنا اجزم لو فتح التسجيل عليها سيتهافت عليها الجامعيين الذين فقدوا أي امل في الحصول على وظيفة

والسؤال الثالث الترميم واقصد ترميم المدارس حيث لم تبخل حكومتنا الرشيدة في الانفاق على اصلاح وترميم المدارس ودفعت اموال طالة وكل ذلك من اجل النهوض بالحركة التعليمية
ثم يبدأ الترميم في مدرسة ما وتكلف مبالغ هائلة وبعد الانتهاء من ترميمها ومن خلال دوام الطلاب لشهر واحد تجد انهم استخدموا اردى الانواع في الترميم فلم تتحمل بل خلال فترة وجيزة يتمنى العاملين بتلك المدرسة انه لم يتم ترميم مدرستهم فالادوات وأن كانت قديمة إلا أنها اصلية
اما ما تم استخدامه من اداوت وان كانت جديدة إلا أنها تقليد ولا تستخدم إلا لفترة محدودة
فسؤالي هنا من المسؤل عن سوء الترميم مع ضخامة المبلغ التي احتاجه الترميم

اجبني ياصاحب هدر الاموال فأنا اختصرت المقال وإلا هناك الكثير مما يقال
هل اصبحت حقوق المعلمين هدر للاموال

اجبني ياصاحب هدر الاموال فأنا اختصرت المقال وإلا هناك الكثير مما يقال
هل اصبحت حقوق المعلمين هدر للاموال


لاتعلييق

ياااارجال عساك سالم بس

خلهم يهدرون لين تقضي الفلوس >>>ههههه

ياخووووي تبي الجد....

المعلمين اشغلونا وصجوا روسنا ليل نهار بلا قيمه وفائده....

كل ماناقشنا معلم قال 24 حصه

تدري ايش معنى 24 حصه باسبوع...

المعلم زعلان انه يعمل 24 حصه بالاسوع

الحصه 45دقيقه×24=18 ساعه فقط خلال اسبوع

بالله كم يستحق الراتب 18 ساعه اسبوعيا......

و دوام تحت مكيف وعلى كرسي وجنبها اللابتوب يدخل ماسنجر مع ام العيال

انا ارى ان العدل ان ياخذ 3 الاف ريال ودون زياده

لاجل تستهضم كلامي

قارن راتب المعلم مع راتب الجندي...الذي يقف على الرصيف وبحر الظهيره

وراتب المعلم مع راتب الطبيب......الذي يتحمل الالم واوجع المرضى صغارا وكبار

وراتب المعلم مع راتب المهندس الحكومي....



سوف تجد ان المعلمين هم من اخذ الحقوق دون غيرهم....

وسوف تجد ان المعلم هو اكثر راحه بالعمل دون غيره


لكن لان المعلمين كثر و اخذو حقهم بالصوت العالي فقط...

وجهة نظر خاصه فقط

إقتباس المعلمين اشغلونا وصجوا روسنا ليل نهار بلا قيمه وفائده.... كل ماناقشنا معلم قال 24 حصه تدري ايش معنى 24 حصه باسبوع... المعلم زعلان انه يعمل 24 حصه بالاسوع الحصه 45دقيقه×24=18 ساعه فقط خلال اسبوع بالله كم يستحق الراتب 18 ساعه اسبوعيا...... و دوام تحت مكيف وعلى كرسي وجنبها اللابتوب يدخل ماسنجر مع ام العيال انا ارى ان العدل ان ياخذ 3 الاف ريال ودون زياده

كل المطلوب منك انك تمسك اخوانك الصغار .. وكل واحد لحاله وتدرسه نص ساعه بس !!
بعدها تعال وقلي المدرس ما يستاهل الا 3000 !!

كثير من الناس يتساهل بوظيفة المعلم ..!
لكن مجرد ما يدرس عياله والا خوانه الصغار ليوم واحد ينهبل .. فما بالك بتدريس الطلاب كلهم في 45 دقيقة بس !!
وامامك منهج كامل ملزم انك توصله للطلاب كلهم !!
الكلام سهل ( مهوب مشرفنا ) لكن التطبيق صعب وصعب جداً وجدنات بعد !!
انا ما ابي الا اللي يتساهل بـ 24 حصه ابيه يمسك بس 12 حصه !!

المدرس كمهنة يشوفها الواحد سهله وانواع سعة الصدر .. لكن مجرد ما يخوض بمعمة التعليم والتربية يبي يعرف ليش نطالب بحقوقنا !!
وبعدين المدرسين ما طالبوا الا بحقوقهم .. النظام عندنا يقولك تستاهل المرتبة الخامسة لكن يعين على المرتبة الثانية !!
ما طالبنا بزيادات ولا ظالبنا ببدلات ولا شي كل المطلوب حقنا وبس !!

وبعدين عطني ما يجي للجندي من رخص من قايده وللمعلومية ما تخصم من رصيد اجازاته .!
وبعدها قلي تقارن نفسك بالجندي اللي يوقف بالشمس بعز الظهرية ؟!
ما اقول ان دوامه سهل .. صعب لكن كم يوم يمسك ؟؟! شف كم يستلم من ساعه وشف كم يسلم من ساعه وبعدها قارنها بالمدرسين !!

إقتباس وراتب المعلم مع راتب الطبيب......الذي يتحمل الالم واوجع المرضى صغارا وكبار وراتب المعلم مع راتب المهندس الحكومي....

وليش ما تقول قارن راتب المدرس اللي يتعب في تربية وتعليم عيالنا ..!
ليش ما تقول قارن راتب المدرس اللي كثير من الاهل ملقين عليه مسؤولية عيالهم سواء من الناحية العلمية والا التربوية !
ليش ما تقول قارن راتب المدرس اللي يتعب في تنشئة عيالنا التنشئة الصحيحة !!

لو ادري اني فيه مدرسون بالمنتدى ماكان رديت

الجد الجد ان كلامي صح 100 %

الحقيقه التي لا تقبل جدال ابد مهما كان ومهما صار هو ان اسهل مهنه موجوده هي التدريس

لا احد يتشدق بمهنة التدريس والتدريس والطلاب وصعوبتهم لان اي وظيفه فيها متاعب جمه ولا تحصى لكن الواحد ما يشعر الا بنفسه

هل يعقل انك تقارن مدرس يدرس طلاب مع جندي يحمي البلد ويطارد المجرمين ويركض خلف استتاب الامن...

او مع طبيب يعمل الجراحه و ينظف الجرحى ويغسل الدماء عن اقدام المصابين

انا لا اختلف معك ان المدرسين يستحقون المرتبه الخامسه؟؟

لكن هل كل المدرسين يستحقون ان يكونوا مدرسي اجيال!!

هل المدرسين يحملون دورات تربيه او تخصصات نفسيه حتى يطالبوا بشي يستحقونه...

انا من وجهة نظري اعتبر مهنة التدريس لدى الكثيرين مثل مهنة الصحافه مهنة من لا مهنه لديه...

إقتباس انا ما ابي الا اللي يتساهل بـ 24 حصه ابيه يمسك بس 12 حصه !!

والله ماودي ازعلك لكن بقولها ....

مدرس سوداني بالف ريال يدرس جميع المواد وكل الطلاب الي ياخذوا عنده دروس خصوصيه ينجحون....تدري ليه؟؟
لانه فهم طريقة التعليم والمدرسين لدينا...
ولان للمدرسين نهج واحد لا يتغير قص والصق فقط


وجهة نظر خاصه وهذه لك

من الرائع ان ترى نقاشات ملتزمة بحدود الحوار

وجهات النظر وان اختلفت إلا نبقى بالحب في وفاق

اشكر كل من تواجد هنا

الرازق في السماء
والحاسد في الارض


ليش كل هذا الحسد على المعلمين
هم اخذوا شئ من جيوبهم

هلا marsal ..

إقتباس الحقيقه التي لا تقبل جدال ابد مهما كان ومهما صار هو ان اسهل مهنه موجوده هي التدريس لا احد يتشدق بمهنة التدريس والتدريس والطلاب وصعوبتهم لان اي وظيفه فيها متاعب جمه ولا تحصى لكن الواحد ما يشعر الا بنفسه هل يعقل انك تقارن مدرس يدرس طلاب مع جندي يحمي البلد ويطارد المجرمين ويركض خلف استتاب الامن... او مع طبيب يعمل الجراحه و ينظف الجرحى ويغسل الدماء عن اقدام المصابين

ما اتوقع انه في يوم من الايام بقول ان وظيفة المدرس هي اصعب وظيفة !!
شي طبيعي تختلف درجة الاهمية من موقع ومهام الوظيفة نفسها في كل مجال !!
لكن اللي مهوب طبيعي اننا نشوف استهتار بوظيفة المدرس !! طبعاً الاستهتار من مبدأ انها اسهل وظيفة في هالوطن !!

اتفق معك ان كل وظيفة فيها من الصعوبة ما الله به عليم ..
لكن انك تقول اسهل مهنة موجوده هي التدريس بهذي صدقني اختلف معك وبقوووه ( يمكن من الحماس يجيك سوفلكس خلفي ) !!
سهله من اي ناحية ؟؟! اذا انت خضت مجال التعليم والتدريس بيختلف كلامك صدقني !!
اقول هالكلام لاني مجرب ومعايش معمة التدريس !!
انت تشوف ان تدريس الطلاب امر سهل واسهل من كل الوظايف الموجودة في هالبلد ..!
لكن هل جربت هالشي ؟؟ قالوها اللي شاف غير اللي سمع !!

واذا بتقارن بين الوظايف .. شف الوظايف الحكومية والدلع اللي فيها ؟؟ ما يبدأ دوام حظراتهم الا الساعة 9 ومن 11 ونص وهو يتجهز للصلاة ومتى يرجع من الصلاة وغيره !!

انا ما اقول ان اصعب وظيفة هي التدريس .. لكن ضد كل من يشوف التدريس امر سهل ومايستاهل الصجه اللي مسوينها ( على كلامهم ) !!

إقتباس لكن هل كل المدرسين يستحقون ان يكونوا مدرسي اجيال!! هل المدرسين يحملون دورات تربيه او تخصصات نفسيه حتى يطالبوا بشي يستحقونه... انا من وجهة نظري اعتبر مهنة التدريس لدى الكثيرين مثل مهنة الصحافه مهنة من لا مهنه لديه...

هل كل الوزراء يستاهلون انهم يكونون وزراء ؟؟
هل كل الاطباء يستاهلون انهم يكونون اطباء ؟؟
هل كل الدكاترة الجامعيين يستاهلون انهم يكونون دكاترة ؟؟!
هل كل الجنود يستاهلون انهم يكونون جنود ؟؟
هل كل المهندسين يستاهلون انهم يكونون مهندسين ؟؟ ( الا واحد من الشباب من هالمنبر اسلم عليه واقوله مسائك عسل وصباحك قشطة يا بييييه )
هل كل المسؤولين يستاهلون مناصبهم ؟؟
هل كل الوكلاء يستاهلون انهم يكونون وكلاء ؟؟
وقس على هالشي كل الوظايف وقتها تبي تقول مثل ما قلت في المدرسين !!

صحيح اتفق معك ان فيه مدرسين ما يستاهلون وظايفهم ؟؟ لكن هل نعمم هالشي على كل المدرسين ؟!؟
اذا بتقول ايه بقولك بعمم على كل الوظايف نفسها ؟؟!

مثل ما فيه مطنشين من المدرسين فيه من هو حريص ويتعب ويشتغل صح وبذمه وضمير !!
ومثل ما فيه مطنشين من مختلف الوظايف فيه من هو حريص ويتعب ويشتغل صح وبذمه وضمير !!
اجل ليش التعميم بس يجي على المدرسين فقط !!؟؟

إقتباس والله ماودي ازعلك لكن بقولها .... مدرس سوداني بالف ريال يدرس جميع المواد وكل الطلاب الي ياخذوا عنده دروس خصوصيه ينجحون....تدري ليه؟؟ لانه فهم طريقة التعليم والمدرسين لدينا... ولان للمدرسين نهج واحد لا يتغير قص والصق فقط

ما تزعلني ولا شي ..
هالمدرس يأخذ الالف لانه حفظ منهجنا اللي جاي من الوزارة نفسها ماله علاقه هنا المدرس !!
واكيد اذا كنت تبي تشتغل اوفر تايم وعلى طلبك وحاجتك تبي تتعب فيه لانك انت اللي محتاج !!
هالمدرس يشتغل لحسابه الخاص وما عنده مانع يدرسك لو بغيت فسحة بس اهم شي انك تسلمه الدراهم ومستعد باللي تبيه لانه هو راعي الحاجة ..!!



عشر قلوب وما يكفن ومزرعة ورد كلهن لك يا marsal .. < متعيجز يحط وضع متقدم

شكرا سند

والشكر الاخص والاكبر للطرح الراقي من قلم اخوي صدى الامس اشكرك لهذا التوضيح ولتواجدك

إقتباس الرسالة الأصلية كتبت بواسطة marsal ياخووووي تبي الجد.... المعلمين اشغلونا وصجوا روسنا ليل نهار بلا قيمه وفائده.... كل ماناقشنا معلم قال 24 حصه تدري ايش معنى 24 حصه باسبوع... المعلم زعلان انه يعمل 24 حصه بالاسوع الحصه 45دقيقه×24=18 ساعه فقط خلال اسبوع بالله كم يستحق الراتب 18 ساعه اسبوعيا...... و دوام تحت مكيف وعلى كرسي وجنبها اللابتوب يدخل ماسنجر مع ام العيال انا ارى ان العدل ان ياخذ 3 الاف ريال ودون زياده لاجل تستهضم كلامي قارن راتب المعلم مع راتب الجندي...الذي يقف على الرصيف وبحر الظهيره وراتب المعلم مع راتب الطبيب......الذي يتحمل الالم واوجع المرضى صغارا وكبار وراتب المعلم مع راتب المهندس الحكومي.... سوف تجد ان المعلمين هم من اخذ الحقوق دون غيرهم.... وسوف تجد ان المعلم هو اكثر راحه بالعمل دون غيره لكن لان المعلمين كثر و اخذو حقهم بالصوت العالي فقط... وجهة نظر خاصه فقط

من الظلم جدا ان يكون هنالك بينهم مقارنه
كيف اقارن بين معلم مربي اجيال تعب ودرس و سهر الليالي حتى استحق اعلى شهاده
بمن هو اقل منه علميا و ثقافيا و اجتماعيا
كيف تقارن مربي الاجيال بجندي مشلحط قيمته ما تتعدى البذله لانه لو فصخها ماحد معطيه وجه
خلك منطقي

إقتباس الرسالة الأصلية كتبت بواسطة hilali-arsenali من الظلم جدا ان يكون هنالك بينهم مقارنه كيف اقارن بين معلم مربي اجيال تعب ودرس و سهر الليالي حتى استحق اعلى شهاده بمن هو اقل منه علميا و ثقافيا و اجتماعيا كيف تقارن مربي الاجيال بجندي مشلحط قيمته ما تتعدى البذله لانه لو فصخها ماحد معطيه وجه خلك منطقي

للاسف كلامك فيه تعالي وكبر

الجندي الي موعاجبك هو الي بعد الله تارك تنام امن بيتك....

تدري ان مهنة الجندي مقدمه على مهنة المعلم لان لو الله ثم الجندي ما كان احد امن على عياله يرسلهم للمدارس...


ثانيا ... باخرج من المثاليه وادخل للواقع واكون منطقي...

الواقع يقول ان الجندي رجل مكرم بالدوله بعكس الوظائف الاخرى و مقارنة مع المعلم الي 24 ساعه كرمته مهانه بالارض...

الوزير يهين
المدير يهين
الجرائد ليل نهار تهين

واخرتها الطلاب الي ما تعدو 10 سنوات يهنون

بخلاف الجندي..

قائدهم الامير نايف بين كل يوم وليله برقية شكر للجنود

أأمة المساجد على مدار الاسبوع يدعون لهم...

اخرها انه يقدر يوقفك الشخص مع عائلته ويفتشهم واحد واحد دون ان احد يقوله عينك برسك

اخر عقوبه تم تجديده هي عقوبة محاولة التعرض لرجل الامن حيث وصلت من 6 شهور الى سنتين

بالله بعد هالكلام ايهم اشرف وايهم اكثر مهانه بالمجتمع؟؟؟


ملاحظه::
التقدير للجميع والاحترام والشكر لكل من يخدم لكن الكلام خاص لمن قارن

المعلمين اخذوا حقهم وزياده اما الجندي للاسف مظلوم

بالله اربعه الاف وش تسوي للجندي ما اقول الله يعين

اتمنى اللتزام في استخدام الكلمات

واشكر لكم تواجدكم