هلا marsal ..
| إقتباس | | | | | | | | |
الحقيقه التي لا تقبل جدال ابد مهما كان ومهما صار هو ان اسهل مهنه موجوده هي التدريس
لا احد يتشدق بمهنة التدريس والتدريس والطلاب وصعوبتهم لان اي وظيفه فيها متاعب جمه ولا تحصى لكن الواحد ما يشعر الا بنفسه
هل يعقل انك تقارن مدرس يدرس طلاب مع جندي يحمي البلد ويطارد المجرمين ويركض خلف استتاب الامن...
او مع طبيب يعمل الجراحه و ينظف الجرحى ويغسل الدماء عن اقدام المصابين | | | | | |
ما اتوقع انه في يوم من الايام بقول ان وظيفة المدرس هي اصعب وظيفة !!
شي طبيعي تختلف درجة الاهمية من موقع ومهام الوظيفة نفسها في كل مجال !!
لكن اللي مهوب طبيعي اننا نشوف استهتار بوظيفة المدرس !! طبعاً الاستهتار من مبدأ انها اسهل وظيفة في هالوطن !!
اتفق معك ان كل وظيفة فيها من الصعوبة ما الله به عليم ..
لكن انك تقول اسهل مهنة موجوده هي التدريس بهذي صدقني اختلف معك وبقوووه ( يمكن من الحماس يجيك سوفلكس خلفي
) !!
سهله من اي ناحية ؟؟! اذا انت خضت مجال التعليم والتدريس بيختلف كلامك صدقني !!
اقول هالكلام لاني مجرب ومعايش معمة التدريس !!
انت تشوف ان تدريس الطلاب امر سهل واسهل من كل الوظايف الموجودة في هالبلد ..!
لكن هل جربت هالشي ؟؟ قالوها اللي شاف غير اللي سمع !!
واذا بتقارن بين الوظايف .. شف الوظايف الحكومية والدلع اللي فيها ؟؟ ما يبدأ دوام حظراتهم الا الساعة 9 ومن 11 ونص وهو يتجهز للصلاة ومتى يرجع من الصلاة وغيره !!
انا ما اقول ان اصعب وظيفة هي التدريس .. لكن ضد كل من يشوف التدريس امر سهل ومايستاهل الصجه اللي مسوينها ( على كلامهم ) !!
| إقتباس | | | | | | | | |
لكن هل كل المدرسين يستحقون ان يكونوا مدرسي اجيال!!
هل المدرسين يحملون دورات تربيه او تخصصات نفسيه حتى يطالبوا بشي يستحقونه...
انا من وجهة نظري اعتبر مهنة التدريس لدى الكثيرين مثل مهنة الصحافه مهنة من لا مهنه لديه... | | | | | |
هل كل الوزراء يستاهلون انهم يكونون وزراء ؟؟
هل كل الاطباء يستاهلون انهم يكونون اطباء ؟؟
هل كل الدكاترة الجامعيين يستاهلون انهم يكونون دكاترة ؟؟!
هل كل الجنود يستاهلون انهم يكونون جنود ؟؟
هل كل المهندسين يستاهلون انهم يكونون مهندسين ؟؟
( الا واحد من الشباب من هالمنبر اسلم عليه واقوله مسائك عسل وصباحك قشطة يا بييييه )
هل كل المسؤولين يستاهلون مناصبهم ؟؟
هل كل الوكلاء يستاهلون انهم يكونون وكلاء ؟؟
وقس على هالشي كل الوظايف وقتها تبي تقول مثل ما قلت في المدرسين !!
صحيح اتفق معك ان فيه مدرسين ما يستاهلون وظايفهم ؟؟ لكن هل نعمم هالشي على كل المدرسين ؟!؟
اذا بتقول ايه بقولك بعمم على كل الوظايف نفسها ؟؟!
مثل ما فيه مطنشين من المدرسين فيه من هو حريص ويتعب ويشتغل صح وبذمه وضمير !!
ومثل ما فيه مطنشين من مختلف الوظايف فيه من هو حريص ويتعب ويشتغل صح وبذمه وضمير !!
اجل ليش التعميم بس يجي على المدرسين فقط !!؟؟
| إقتباس | | | | | | | | |
والله ماودي ازعلك لكن بقولها ....
مدرس سوداني بالف ريال يدرس جميع المواد وكل الطلاب الي ياخذوا عنده دروس خصوصيه ينجحون....تدري ليه؟؟
لانه فهم طريقة التعليم والمدرسين لدينا...
ولان للمدرسين نهج واحد لا يتغير قص والصق فقط | | | | | |
ما تزعلني ولا شي ..
هالمدرس يأخذ الالف لانه حفظ منهجنا اللي جاي من الوزارة نفسها ماله علاقه هنا المدرس !!
واكيد اذا كنت تبي تشتغل اوفر تايم وعلى طلبك وحاجتك تبي تتعب فيه لانك انت اللي محتاج !!
هالمدرس يشتغل لحسابه الخاص وما عنده مانع يدرسك لو بغيت فسحة
بس اهم شي انك تسلمه الدراهم ومستعد باللي تبيه لانه هو راعي الحاجة ..!!
عشر قلوب وما يكفن ومزرعة ورد كلهن لك يا marsal .. < متعيجز يحط وضع متقدم