قصتي مع ابليس..... - نادي الهلال السعودي - شبكة الزعيم

امي ولدتني هلالي · #1 23/01/2009, 06:02 AM

صباحـ الخير للحلوينـ

يعني الشيون برا
امزح ههههه

صباح الخير للشيون بعد

<< لاحظوا ورده رحده بس

..........قصتي مع ابليس الملعون..........

الاسم : ابوفهد وما يهمه احد

كنت في صف اول ثانوي .......
وجاني ابليس قبل النوم وقالي : ابوفهد ابي اعطيك نصيحه اخويه علشاني اكبر منك

انا : والله يا ليت ابي نصايح من الكبار <<< مراهق
ابليس : جرب كل شي في حياتك
انا : كيف يعني ؟؟
ابليس : يعني جميع المؤكولات الغريبه مثل الاكل الياباني والصيني والباكستاني الخ...<< الملعون يدري اني وقتها بيني وبين الاكل علاقة عشق

انا : والله انك صادق
ومن بكره ادق على خوي الدبشه
انا : عبدالإله شلح فلوس من شايبكم وتعال ابيك ضروري
عبدالإله : قدام <<< ما يدري وش السالفه بس كل شيء عنده قدام
جاني ومعه 100
وانا معي 130
عبدالإله : وش السالفه ؟؟
انا : نبي نروح مطعم ايطالي في التحليه
عبدالإله : وش الطاري ؟؟
انا : في شايب

نصحني وقالي جرب كل شيء في حياتك
عبدالإله : والله كلامه صحيح <<< ابليس حفر بمخه بسرعه
ورحنا الريف وكانت اشكالنا صغيره

<< عبدالإله في ثالث متوسط
حتى الجرسون ما رضى يعطينا الأكل حتى ندفع اول !!!!

على العموم
مرت 4 سنوات وانا ما خليت مطعم في الرياض الا طبيته
وجاني ابليس مره ثانيه
ابليس : ابو فهد كيف الفكره ؟؟
انا : مره حلوه جربت كل شي
ابليس : بس فيه اشياء كثيره مره ما جربتها

انا : مثل ايش؟؟
ابليس : مثل التزلج

السباحه في هاواي

القفز من جبل

مصارعة قرش

واللعب لنادي الهلال

والتدخين ووووو......
انا : وشو!!! التدخين ؟؟!!!
ابليس : لالالالا انا ما اقولك دخن

يا اخي انت غبي
جرب فقط للتجربه
انا : سمعا وطاعه

واروح اقرب ميد
واشتري مالبورو ابيض وولاعه
واجرب اول سيجاره
طبعا اول سيجاره طعمها يجيب المرض << كذا قالي ابليس
وسيجاره ورا سيجاره
وجاني ابليس : انت من جدك طحت في التدخين !!!
مهبول !!!<< مسوي مصلح الله يلعنه
ابي اعطيك حل لمشكلتك لأنك اصبحت الأن مدمن واخاف اهلك يدرون
<<< عرف يلعبها علي
<<< اي مدمن توني ما خلصت بكت واحد بس اسلوبه خبيث
انا : وش الحل ؟؟
ابليس : الحل طح في الشيشه
انا : وشلون؟؟؟
ابليس : الشيشه يا غبي حلوه يمديك تشيش ولا احد يدري عنك احد من اهلك في اي مقهى
وانا اقوم اشغل الموتر وعلى طول على مقهى للشيشه في الرياض
وادخل المقهى
واطلب شيشه
وعى الحاله ليت وصلت مرحلة الادمان الفعلي
وكنت جدا جدا مدمن
حتى صار صدري ما ينباع ولا بريال
وبعد فتره طويله قررت ابطل
وكل ما انقطعت عنها صرت اكح بشكل جنوني
ورحت للدكتور صدريه
وقالي يا اخي ارحم نفسك وبطل هالي تسويه
قلتله ما اقدر كل ما حاولت اكح بشكل جنوني
قالي كلمه ما راح انساها
" ده الشيطان يا عمي "
واروح عند ابليس واطاق انا وياه
وقالي تراني ابي اجيك بعدين لا تحسبيني منب جاي
والحمد لله تركتها بعد محاولات كبيره

الي ابي آصله في الاخير
انتبهوا يا ناس
ابليس ما يجيك بسرعه
يجيك حبه حبه
وباله طويل على الاخير
.
.
.
اخوكم
امي ولدتني هلالي

مدمي الشباكـ · #2 23/01/2009, 08:04 AM

والله انك صادق الشيطان ملعون مايجيكــ على طووول يجيكـ حبه حبه

• м é é s н o • · #3 23/01/2009, 11:43 AM

الله بعين من هالبليس

FINAL10 · #4 23/01/2009, 12:43 PM

,,

آولآ آلحمد لله على سلآمتك ومآ تشوف شر

آمآ هالشيطآن فهو يخليك تمشي 70 خطوه صحيحه والـ 71 يطيحك في الي هو يبيـه

< آلحمله هذه سمعتهآ من شيخ مره قآلهآ في مسجدنآ

آلمهم الله يهدي الشباب والشآبآت ويحميهـم من كل مكروهـ

شوق الكويت · #5 23/01/2009, 01:40 PM

اعوذ بالله من الشيطان الرجيم

جزاك الله خير بس اذا كنت صاحب ذكر الشيطان بيتعب يقرب صوبك ومايقدر لان الملائكه تحرسك

الله يبعدنا عن الشيطان يارب ويهدي شباب وبنات المسلمين

sowaid · #6 23/01/2009, 02:07 PM

ايه والله ان الشيطان مايطيحك الا بالاخير
الله يجزاك خير اخوي ع النصايح
والحمد لله على سلاامتك

لاعدمناكـ

دقيق فاخر · #7 23/01/2009, 06:40 PM

الحمدلله على سلامتك من هالخبيث ,,,

الله يثبتك على الخير ...

تقبل مروري ..

Alhilal-alzaeem2010 · #8 23/01/2009, 09:20 PM

هههههههههههههههههههههههههه

والله ضحـكت من قـلب بالقـصة

والله ابـليس مشـكلة مهـتوي للـواحد

ويقـولون المهـتوي يقـطع رغـبت الواحـد ويخلـيه عبد عنـده

<<<<<<<<< تحـريف انما إيـه

Mr:Aiman · #9 23/01/2009, 11:13 PM

قال تعالى
(( ولاتتبعوا خطوات الشيطان ))
مثل ماقلت هذا الشيطان مايجيك على طول يجيب لك الف خطوة وبعدين يطرحك بالشي اللي يبية

واذا ماقدر عليك يجيب لك اضعف الايمان يعني يقول صل الصلوات بوقتها بس لاتصلي السنن الرواتب

قناص شمر · #10 23/01/2009, 11:16 PM

الله يكفينا شر ابليس

تقبل مروووووووووووووووووري