|
هل أنت مع قيادة المرأه الإماراتية للسيارة ؟ أكيد الكل مستغرب .!! والغرابة تكمن في امور كثيرة ... منها 1 - انا وش دخلني بقيادة المرأه السيارة في الإمارات وإلا قيادتها طيارة !!:surprised: 2 - خلصت كل مشاكلنا في السعوديه علشان ندور مشاكل الدول المجاورة !!:razz: 3 - غريبة على السعودي بالذات والسعوديه التحدث بأمور الغير !! يعني انا الحين مسوي ( سابقة ) من نوعها :naughty: 4 - مافائدة مثل هالمواضيع واللى دايم تتكرر !! خصوصاً ان ولاة الأمر قد أدلو بدلوهم وانتهى الموضوع .. الحريم هناك ساقن سيارات والسفن الحربية بالطر يق إن شاء الله ونتمنى للجميع كل التوفيق والخير === أتوقع موضوعي هذا سيستمر خصوصا انه فيه مواضيع مشابهة إستمرت ولم يكن إقفال الموضوع لمخالفة أنظمة المنتدى وسياسة الشبكة .... بل كان سبب إغلاقة بأن الموضوع مستهلك ومكرر وقد تم نقاشه !! هنا في هالموضوع إختلاف خصوصا اننا مانتكلم عن قيادة السعودية .. فقيادة السعوديه اصبح شغل العالم الشاغل وهمهم الكبير .. وتكرر كثير اً... بس انا الحين اتكلم عن أخذ راي أحبتي الأعضاء عن قيادة المرأه الإماراتية !! واتوقع مااحد قبلي تكلم عن رأئيه في قيادت النساء هناك !! :yes: === لنتحدث قليلاً عن مشكلة الحجاب في قطر وهل انت مع او ضد كشف المراءه القطرية وجهها عند الخروج ؟؟! === وماهو رأيك بمطالبة المواطنات الكويتيات بتجنيس أزواجهم الأجانب ! هل انت مع او ضد ؟ === في عمان .. الدولة العزيزه وشعبها الطيب نعرف بأن سلطانها قابوس بن سعيد الله يطول بعمره !! عمركم فكرتوا منهو ولي عهده !! هل انت مع او ضد معرفة من هو ولي عهد السلطان قابوس ! ========= طبعا ليس المطلوب من جملة هالتساؤلات أي إجابة .. يعني إستريحووا :d بس لاحظ إني ماجبت طاري السعوديه ابد ؟!! رغم اني سعودي !!:naughty: معقولة أخبار الغير أهم من أخبار ديرتي !! أو مشاكل ديرتي انتهت !! اتمنى :yes: تذكرت المصري اللى يعلق على الخليجيين يقول ( ياعم دول متخلفين .. دول بياكلو الجاتوه بصوابعهم الخمسة ) يانصبة .:d. وكل ماتذكرت هالكلمة اظحك :bigeek: مدري هو يتبلانا ولا فعلا سامع هالكلام !! وعلى طاري الجاتوه ( الكيكيه يعني ) هل انت مع او ضد اكل الكيكيه باليد ؟!:razz: اخوكم الصغير ابو طلال |
أخي ابو طلال أنا مع قيادة المرأة للسيارة في جميع دول العالم (ما قلت السعودية :naughty:) أنا كذلك مع نقل موضوعك لأي منتدى خليجي (برضه ما قلت السعودية :d). لك تحياتي ,, |
ابا طلال يارعاك الله اولا / يبدو لي ان (خبرك عتيق) فقد تم تعيين ولي عهد لسلطنة عمان وهو الفاتح بأمر الله عماد الحوسني ثانيا / المصري صادق ورب العباد... عندي مقطع في هاتفي المتحرك يحتوي مشهدا تشيب له رؤوس الولدان... خمسة شباب غلاظ شداد قد اجتمعوا على مفطح جاتوه والمصيبة انه من عيّنة (سعد الدين) وضواحيها... وفجأة في لحظة لم تغب فيها الشياطين انقض الجميع على الجاتوه المغلوب على امره وبدأوا بتطبيق ثقافة (اضرب بخمس ولا تبالي....) تحيتي + محبتي + عليك السكينة |
إقتباس:
أنا معك يا أبو طلال قلباً وقالباً وأعمى لو تريد :d المهم أن لا تحرمنا من قفشات مواضيعك :d :smilie47: s34s |
يا عزيزي لو ساقت المرأة عموماً هل ستأثر على زياده عجله الحياه أو التقليل منها ؟؟؟ |
هذا الشخص طالب حرش:d فعلاً قلت القضايا عشان يدخلون فينا أحنا الأكثر دولة ملتزمة بالشرع الله لايغير علينا بأعلق على بعض النقاط وقد أعود لأخرى بصراحة أنا مع تجنيس أزواج الخليجيات الأجانب خصوصا إذا كانوا عايشين بنفس البلد وأرى أنه أهم من تجنيس الزوجات الأجانب لأن الأبن يتبع أبوة فحرام ينحرم من حقوق المواطنه في بلده فكثير من الأبناء عايشين مع أمهاتهم وما يعرفون ديرة أبوهم فوش ذنبهمs60s بالنسبة لقضية تغطية الوجه هذي مذاهب وأدلة مذهبنا هي الأقوى وهذا لايعني أن نسيء لأصحاب المذاهب الأخرى ولا يعني تقليد بناتنا لهم لأن مذهبهم يوافق هواهم فأدلة تغطية الوجة أقوى وأنا أرى المرأة في تركيا إيران مصر أو غيرها إذا معتقده أن مذهبها صح أحسن من بناتنا اللي يفتشون وهم عارفين الحكم فاللي مذهبها إظهار الوجة نشوفها ما حطت مكياج ومستترة مومثل بناتنا اللي لاعبين بعلبة المكياج ومطلعين ثلاثة أرباع وجههم يمكن لو فتشت شافوا أنها شينه وما غازلوها لكن هي خذت البرقع أو اللثمة ستر عيوب وإضهار محاسن سوري أخوي الصغير طلعت عن الموضوع بس من باب الميانه قد أعود لاحقا بالحب والإشراق |
آخوي ابو طلآل ادري انكـ بترد على موضوع اخونآ الامآرتي حمد الاحبآبي عن قيآه المراه السعوديه < يعني خلصت مشآكلهم بس استغرب من هالزمن الصح يقولون ليه انت صح والغلط يسكتون عنه ؟؟ |
جاتوه يؤكل بالخمسة :bigeek: وماذا لو أكلتها بالعشرة .. كيكتي وانا حر فيها :naughty: :d الحبيب ابو طلال :smilie47: اتذكر قبل عدة شهور انك كتبت موضوع يتناول باسلوبك المميز مقارنه بين بعض المفاهيم الاقتصادية التي كانت في مصر واصبحت من المفاهيم الاقتصادية لدى المجتمع السعودي مؤخرا مثل شقة التمليك .... الخ هي اجمالا كذلك يا غالي .. المفاهيم الثقافية والاجتماعية والاقتصادية لشعوب المنطقة يؤثر كل منهما في الآخر بطريقة او بأخرى .. وما كنت تستهجنه في قطر عربي ولا تجده في محيطك الأجتماعي تجده فجأة ماثلا امام عينيك وتجد نفسك هكذا :bigeek: :d وذلك ليس غريب ونحن قد تأثرنا بدول تبعد عنا بالآف الكيلومترات لا تمت الينا بصله .. لا دين ولا ارض ولا جنس ولا لغة ومع ذلك اصبحت الثقافة الامريكية على سبيل المثال جزء من سلوكيات شريحة واسعه في مجتمعاتنا ،،، انا ضد قيادة المرأة في الأمارات ومع قيادتها في السعودية ( خالف تعرف ) :d نسأل الله لجميع دولنا الخير والسلامه والصلاح في مجتمعاتها ،،، تحياتي للأحبه طلال وفارس يحفظهما الله والله يعطيك العافية |
كما يحق للأمم المتحدة لأن تتدخل في كل صغيرة و كبيرة , فأبوطلال من باب أولى :D |
ارحب ارحب ابو طـــــــــلال ياخي دولتهم وهم حر شدخلنا فيهم :naughty: يسوقن مايسوقن احنا بالسعوديه مو بالامارات :d لحظه .. لحظه .. لحظه تراي ماقريت موضوعك ماقريت الا العنوان :razz: ابوطــلال .. انت عيار وبس :stoned::d تحياتي القلبيه لك يابو احلى ولدين بالعالم فروسي وطلولي :smilie47::razz: |
كما يحق للأمم المتحدة لأن تتدخل في كل صغيرة و كبيرة , فأبوطلال من باب أولى اعجبتني يالموسيقار ابو طلال عساك ع القوه |
يــــــــــــــــــا حبيلــك يـــابو طـــلال :smilie47: .. طلعت اللي بــخاطري .. :d انــا اســغرب فــعلاً من بعــض الــخلــيجــين قــبل العــرب .. و كــأن شــغلــهم الــشاغل مشاكل الــسعوديــه .. فــلما تجــي وتفتــح على سبــيل المثال موقع YouTube تحــس انــك في ارض المعركـــة وكــأن الحرب قائــمه بين دول الخــليــج .. وتجي للسبب وتــلـقـاه للأسف ما يــسوا .. :stoned: ولمــا تجي لموقع قنــاة العــربيــة تلقــى اخوانــنا الــشوام شــابيــن علــينا بطــريقه جــداً غريــبه وكان محــد عنده مــاشكل الا الــسعوديــه و كــأن ربي مسخرهم لنا يحلون مشاكلنـــا .. :bigeek: عمومــا اخي ابو طــلال لا تــحرمنــا جديــدك .. اخوك مــحمـد .. |
ايييه وش تبي يعني ؟؟ عطنا العلم :d أسعد الله مساااك ابو طلوو :smilie47: إلا على طاري سوااقة المرأة اليوم قريت خبر بجريدة الرياض أقل مايقال عنه إنه صاروووخ عيار 500 :stoned: مفااد الخبر كالتالي .. إقتباس:
لاعااد كله كووم ويوم هالحرمة صلحت السيارة كووم ثاني :stoned: المهم ترى ماقريت الموضوع كاااامل بس حبيت اسلم واطلع وإن كنت أشك إن المغزى مجرد حرش لكن حرشك غيييير يابوطلو :naughty: دمت :smilie47: |
إقتباس:
هههههههههههههههه والله قلت الي بقوله الا الشوام وشيبون منا شايشين بشكل خورافي :razz: مشكور ابو طلال عساك على القوه |
والله جبتها يابو طلال انا مادري ليه التركيز على قضايا المجتمع السعودي ووضع اتفه المشكلات تحت المجهر ..:surprised: بين فترة وفترة اطل على موقع العربيه والاحظ اغلب اخبارهم عن السعودية !! معقولة مافي بلد عربي غيرنا:nono: والمشكله ليتها صحيحة !! اغلبها كذب×كذب مادري وش المقصد منه:surprised: ابو طلوو يعطيك الف عافية كفيت ووفيتs60s |
| الوقت المعتمد في المنتدى بتوقيت جرينتش +3.
الوقت الان » 03:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd