[[ صـــديـــق الـــســــفــــيــــر ]] - نادي الهلال السعودي - شبكة الزعيم

صدى الامس · #1 23/12/2008, 03:26 AM

السلام عليكم

يقول المثل عط الخباز خبزه لو اكل نصه ..!
لكن هالمثل مسحوب عليه هالايام بقوووه

.. صرنا نشوف اكثر من خباز

!! والمشكلة ما يأكل نص الخبز لا يأكله كله بعد

..!

بتقولون وشلون كثروا هالخبازين

؟؟؟!!

واضحه ما يبي لها شي .. الحين شف لك اي مجلة مثلاً .. تلقاها دينية سياسية اجتماعية اقتصادية فنية ثقافية طبية رياضية تفسير احلام طبخ حتى تلقى فيها حراج

!!
يعني من جد مدري وش يبون هالمجلات في كل مجال يتكلمون حتى في علم الذرة يفتووون فيها

!
بالمختصر بتااااع كلوووه

!!
يعني انا مدري وش يبدون عليه اذا صارت المجلة ضافه كل مجال وتتكلم فيه ؟؟!

وفوق هذا القنوااات يوووووووووووووووووووه عاد هالقنوات وش تقول عنها وش تخلي ؟؟!!
قبل فترة جالس اقلب بالقنوات واطيح بقناة خاصة بالاغاني و تحت فيه احلى الطبخات

تفسير احلام

اخبار رياضية

اخبار عامة

نعنبوا ابليسهم وش خلوا لغيرهم

؟!!
يعني من جد مدري يبون ووش يحسووون فيه ؟؟!! ودي اقابل راعي احد هالقنوات واشوف وش اللي برأسه

؟!!

ولا تنسون بعد بعض الشباب جزاهم الله خير .. تلقاه في كل شي يفتي ويتكلم وهو ما يدري وش السالفة ؟!!
مثلاً جالسين في مجلس وفيه اكثر من سالفة تنقال وبعض الشباب عنده احساس انه اذا ما حتسى في كل السوالف اللي تنقال فبتجيه حمووضه تالي الليل

؟؟! تلقاه يخطم في كل سالفة ويحتسي فيها وهو ما يدري عنها !! مثلاً بعض الشباب تلقاه يخطم ويحلل في مباراة وهو بنفسه معترف انه ما شافها

؟!!
انا ابي اعرف على وش يحلل ويناقش وهو ما يدري وش صار بالمباراة

؟!!
بس عنده احساس انه لازم يشارك في كل هجمه

قصدي في كل سالفة

وتلقى خوينا هذا اذا خلصت سالفة المباراة طبوا في سالفة الاسهم ينقز مثل البس ويفتي ويحلل ويقول سبب الانخفاض وهو ما يدري عن اي سوق يحتسون عنه الناس سوق الأسهم والا سوق الخضرة

؟!!
بس عنده احساس انه لازم يحتسي ولازم يشارك ..!!
اكره ما اشوف هالعينات يعني على وش تتكلم وانت ما تدري وش السالفة ولا تدري عن خفايا الموضوع ..!
اقسم بالله شي يرفع الضغط الله لا يكثرهم << وراه تحمس ابو الشباب

يعني لا تستغرب تشوف برنامج ثقافي وباتسر برنامج رياضي وبعده اجتماعي وبعده سياسي وبعده فني وبعده اقتصادي وبعده ديني والضيف واحد

؟!!!

فاصل اعلاني

لو كرات الدم ترّث غلا والا اشتياق .. كان أبتنافس على حبك انا وولدي

منو تحاتسي اخوها دودي وتقوله لا تنسى اليوم حفلة عيد ميلاد بنت خالو نونو

!!
يرد عليها دودي وهو يزين نفسه قبل لا يطلع للسوق عشان يشتري هدية لنونو

شووور يا منو وكيف انسى عيد ميلاد نونو ؟!!
يروح السوق ويشتري هذيك الهدية بهاك المبلغ ويسير على ربعه في الكوفي شووب ويجلس معهم ويقولون له وش عندك اليوم ترى بنروح للسوق الفلاني نتمشى ؟؟! يقول والله سوري قايز انا بروح لبيت خالو عشان حفلة عيد ميلاد نونو !!
يروح الحفلة وهي شاملة لكل عائلة نونو من عمانها وخوالها وعيالهم

وكلن جايب الهدية !! للمعلومية نونو عمرها 22 ودودي 24 ومنو 22 و عيال خوالها وعمانها تتراوح اعمارهم من 9 سنين الى 25 سنة

يعني فريق شباب

وكل واحد يسلم على نونو ويقولها هابي بيرث دي يا نونو وسنة حلوه ويعطيها بوستين مع الخد

عادي وش فيكم هم مثل اخوانها

؟!!

فاصل اعلاني

أنا أفكر كيف أزيـل المنحـدر مـن الأسـاس .. والاغبياء لاهيـن فـي لـذة صعـود المنحـدر

الخبل هذا لقبه المحبب توه قايم المغرب من النوم ويشب له هذيك الزقارة وهو حتى ما غسل ويلبس ثيابه ويطلع بعد ما مر من قدام امه وابوه وساحب عليهم ولا قال السلام عليكم ولا شي .. ويطلع يشغل السيارة ويدز للبوفيه وياخذ له شي يأكله ويدز للاستراحة ويقابل شلة الزقرت هناك ويقررون يطلعون يهجولون بالسيارة وانواع الدوران بالشوارع والتحرش بخلق الله !! يجيهم اتصال من واحد من الزقرت يقول للخبل ترى فيه سيارة متوفره الليلة ونبيك تطربنا يالسنايدي الليلة نبي هجولة وتفحيط واستهبال .. الخبل يقول اهم شي التعزيز .. ويرد عليه يقول لا تخااااف يقول قدااام والشباب اللي معه يصارخون ويقولون حبتين يالسناااايدي

.. و تبدأ سهرتهم بتفحيط واستهبال بسيارة مسروقة واخرتها يحلتونها بأي حارة ويرجعون للاستراحة ولا كأن شي صار ..!!

عادي وش فيكم شباب طايش وباتسر يعقل

؟؟!!

فاصل اعلاني

ليت مالك في حياتك خـوي و لا طليـب .. كان باخشك وسط خافقي و أقـول ضـاع

عبدالله يرد على امه بصوت عالي منب رايح لعزيمة الزنديق اخوتس .. امه تحاول فيه يا وليدي وراك تسذا

؟؟ هذا خالك وانت مقاطعه من زمان ما سلمت عليه ولا شفته حتى كل خوالك يسألون عنك يقولون وينه مبطي ما شفناه ؟!!

عبدالله انا مسلم ومنب رايح لشلة من الفاسقين اللي ما يخافون الله

؟!! امه ياوليدي خاف ربك وش هالكلام اللي تقوله ؟؟ تراهم خوالك مسلمين مثلهم مثلك ؟؟! ويصلون ومهنا فرض ما يتركونه وانا منب ازكي على الله احد .. بس هذا الصدز !؟!! اي يخافون الله وهم كلن حاط دش ببيته وكل عيالهم يحلقون لحاهم ويسمعون اغاني ؟؟!! وين خوفهم من الله دام هذي سواياهم .؟؟! يا وليدي مهما كان لهم اخطاء لكن هالشي ما يعني انك تقطع صلة الرحم اللي بينكم خصوصاً ان لك اكثر من سنتين وانت ما شفتهم ولا سلمت عليهم ولا شي ..!! عبدالله يرد بصوت عالي انا رجال(ن) اخاف الله ومابي ربي يعاقبني بهالخوال اللي ما يخافون الله ولا شي ..!!

عادي وش فيكم عبدالله رجال يخاف الله ؟!!

فاصل اعلاني

ما هو فخر في سنة تعرف لك مية صديق .. الفخر تتعرف بصديق لمية سنة

الفواصل الإعلانية برعاية سعد علوش

بس خل عنكم والله يالعنوان يدل على الموضوع هههههههههههههههههههههههههههه !!

برايفت

قدم الغشيم والحقه احسن وصف لك

ههههههههههههه .. تبيها ثلاثه والا ستة كل وااااحد

!!